Zugzwang: The Final Pact

Chapter 25 : Miracles

Zianne’s POV

“Reese tell me you didn’t do this! Reese answer me!” Sigaw ako ng sigaw habang sapilitan siyang itinutulak ng mga pulis papunta sa police car. Nakaposas na ang kanyang duguang mga kamay. Hindi siya sumasagot, sa halip ay tinitingnan niya lang ako at paminsan-minsay ngumingisi. Panay ang pag-ugoy ng kanyang ulo na para bang nakikinig ng musika.

Pilit akong hinihila nila Yohan papalayo sa kanya ngunit di ko sila pinapansin. Nakatuon lang ang atensyon ko kay Reese.

“Reese tokneneng! Anong nangyayari sayo!” Muling sigaw ko ngunit this time ang mga pulis na mismo ang humarang sa akin upang di ako makalapit sa kanya.

“Geurae wolf”

Biglang saad ni Reese ng pabulong habang nakatingin sa kawalan kayat agad na nakunot ang noo ko. What the fuck?

 

“Ipasok niyo na yan” Wika nung isang pulis at agad naman itong sinunod ng iba pang pulis. Ipinasok nila si Reese sa likurang bahagi ng police car.

“Naega wolf…Awoo!” Biglang sigaw ni Reese habang tumatawa kayat agad akong humakbang paatras. Natatakot ako sa kanya. Wala akong ibang magawa kundi maiyak na lamang.

Isinara nung mga pulis ang bintana ngunit muli akong lumapit dito. “Reese! Reese what the hell is wrong with you?! Reese what did you do?!” Sigaw ako ng sigaw habang kinakalabog ang bintana ngunit pinagtatawanan niya lang ako.

Nabasa ko ang mga salitang lumalabas sa bibig niya… “We are one, We are One Direction” pagkuway bigla siyang tumawa sabay turo sa akin. Nanlaki ang mga mata ko, hindi ko magawang makapagsalita dahil sa gulat at pagkalito. Nababaliw na siya, hindi siya yung reese na kilala ko.

Wala akong magawa kundi mapaupo na lamang sa putikang sahig habang pinagmamasdan ang paglayo ng police car na sinasakyan niya.

Akala ko mabait siya…

Akala ko gusto niya talaga ako…

Ang sakit pala matraydor, tama si Yohan hindi ako dapat nagtiwala…

Nagmahal ako ng isang baliw…

“Zianne we have to go to the hospital” Wika ni Yohan kayat napapikit na lamang ako dahil sa sakit na nararamdaman ko.

--------------

“Sigurado ba kayong wala ng iba pang tao doon sa mansion?” Narinig kong tanong ng mga pulis ngunit hinayaan ko lang na sina Clark ang sumagot sa kanya.