Training To Love (Published under MPress)

Kabanata 45

Kabanata 45

Ikaw Lang Meron Ako!

"Trisha, I'm sorry, hindi ko naman inasahang ganun ang mangyayari." Sabi niya sakin.

Sa sobrang inis ko sa kanya, nilapitan ko na siya. Gusto kong manampal pero alam kong wala ako sa lugar ngayon. Wala na akong mapaghugutan ng lakas.

Tinulak ko na lang ang dibdib niya.

"Hindi lang yun, Troy. Marami! Gulong-gulo na ako sayo! Mahal mo ba talaga ako?" Nanliit ang mga mata ko.

Nalaglag ang panga niya sa tanong ko.

"Kasi tingin ko hindi eh. Tingin ko naghihiganti ka lang. Hobby mo lang ang saktan ako."

"No, Trisha... I'm sorry... Mahal kita... Pero-"

"Pero ano? May gusto kang matutunan?" Tumawa ako. "Oh edi pakawalan mo na ako! Matuto ka na lang ng mag isa. Wa'g mo akong gawing tanga!" Umirap ako.

"TRISHA!" Hinila niya ako.

"Ano ba talagang gusto mong mangyari dito, Troy? Ang hirap hirap mong ispellingin!" Tinalikuran ko siya.

Hinila niya ang braso ko, "Kung hinahayaan mo akong umalis pag nag ku-quit ako, sakin hindi pwede yan."

Nagpumiglas ako. Kinalmot ko na yung kamay niyang nakahawak sa braso ko.

"ARAY!" Sigaw niya at nakita kong dumugo yung isang daliri niya.

Na konsensya naman ako pero hindi parin napawi yung galit ko sa kanya.

Nagkatinginan kaming dalawa.

"Ang sakit nun, Trisha!" Sigaw niya.

"La akong pakealam! Buti nga sayo! I wish I didn't love you!" Sigaw ko habang tumutulo na ang luha ko.

Mas lalong humigpit ang hawak niya sakin.

"How could you say that to me?" Marahan niyang sinabi.

"Dahil ang hirap mong mahalin!"

Hinila niya ako papasok sa sasakyan niya. Umikot siya agad at pinaandar ito. Fast and furious lang ang peg nang nag drift siya. Natigil yung luha ko sa sobrang kaba ko. Akala ko makakasagasa kami o mabundol kami ng ibang sasakyan.

"Ano 'to, Troy You're pushing me to my limits! Pag nag quit ako, ikaw naman hahabol? Tapos pag magmakaawa ako sayo na tayo na lang sasabihin mo sakin, 'you can't!'? Ano 'to? Laru-laro lang? Joke joke?" Sabi ko.

"I can't because-"

"Ano? Mahal mo na yung si Abbie? Bakit di mo na lang ako diretsuhin? A clear rejection is always better than a fake promise! Wa'g mo akong paasahin sa wala, Troy!"