Training To Love (Published under MPress)

Kabanata 25

Kabanata 25

Hindi Ko Na Alam

Hindi ako makatulog. Hindi ko kayang matulog. Ang dami kong iniisip. Una sa lahat, si Troy. Totoo kaya yung sinabi niya? I have his heart. Does that mean, he's in love with me? And if he is, he's willing to share me... Pero hindi ko yun kaya. Dapat may piliin ako. Dapat nga pakawalan ko silang dalawa. I don't deserve them.

Napaiyak ako sa kama niya. It smells just like Troy.

Kung may pipiliin ako, sino? Paano si Jayden? Boyfriend ko na siya. Masyado ba akong nagmadali sa pagsagot sa kanya? At kung pipiliin ko si Troy magiging masaya ba ako kahit playboy siya? Magbabago kaya siya? Kailangan ko ba ng time para tignan kung magbabago nga ba siya? Kung hindi siya magbabago, hindi ko ba siya pipiliin? Pipiliin ko na ba si Jayden? There is no question there... Talagang si Jayden ang pinili ko kasi kami ngayon.

Kailangan ko pa ba ng time para mag isip? O pakawalan ko na lang si Jayden at magsisi kung mag loko si Troy? Kailangan ko bang maghintay na magbago siya bago ko hiwalayan si Jayden? No... I need to break up with Jayden. Kahit walang kasiguraduhan si Troy, wala akong pakealam. Kung uuwi man akong luhaan sa huli, at least I tried... Pero kailan? Hindi ko makikita si Jayden ng dalawang araw dahil busy siya sa school. Sa Lunes, siguro... DAMN! SHET!

Isang oras lang ang tulog ko. Half awake pa ako nun sa kakaisip ko sa kanilang dalawa.

Sumasakit ang dibdib ko sa tuwing naiisip kong pinaglalaruan ako ni Troy.

Kung si Jayden ang pipiliin ko, safe... magtatagal kami. I won't be unhappy with him. Gusto ko siya at gusto niya rin ako. Simple lang siguro ang buhay ko ngayon kung hindi ginugulo ni Troy ang utak ko. Pero kung ginugulo lang ni Troy ang utak ko, dapat hindi ko na maiisip na hiwalayan si Jayden. Mahal ko na ba si Troy?

Bumangon ako at inayos ang sarili sa salamin. Lumabas ako ng kwarto at nagpuntang kitchen. Agad kong nakita si Troy. Nakasandal siya sa upuan. Half naked parin. Tamad siyang nakaupo at tulala doon. Sa harap niya ay isang cup ng kape.

Nahagip ako ng mga mata niya.

Hindi ako makatingin sa kanya. He's all that sh1t! So drop dead hot and sexy kahit na mukhang nasasaktan.

"Good morning." Matabang niyang sinabi.

"Good morning, din." Hindi ako makatingin sa kanya.

"Parating na ang breakfast..."

"Okay. Tapos uuwi na ako, Troy."

"Ihahatid na kita."

Lumakas naman ang tibok ng puso ko.

Alam kong kino-consider ko na na hiwalayan si Jayden para kay Troy. Pero ayokong malaman niya yun. Sa oras na malaman ni Troy na iniisip ko yun, tingin ko mas lalong masasaktan si Jayden. Para bang pinagkaisahan namin siya ni Troy. Na alam namin ni Troy na may gusto kami sa isa't-isa, si Jayden na lang ang bulag. Gusto kong akin na lang ang katotohanang yun hanggang sa maging okay ang lahat... Malalaman din yan ni Troy... Not that he doesn't know anything about my feelings. He knew... He's the Master of Seduction, after all. Sa mga halik ko pa lang sa kanya, ramdam niya na yun. Yung pulso ko na lang ang hinintay niyang confirmation. And yes, he's right about that.