Training To Love (Published under MPress)

Kabanata 34

Kabanata 34

Di Pa Sapat Na Iniwan Ko 

Umiyak ako hanggang nakatulog. Hindi ko kinaya ang nangyari. Hindi ko kayang isipin pagsabay-sabay ang sitwasyon.

Sabado nang dumating sina mommy at daddy. Wala akong ganang icheck ang mga pasalubong nila sakin. Sinubukan kong maging interesado sa mga dala nila pero hindi ko magawa.

"Trisha, okay ka lang ba?" Tanong ni mommy.

"Opo." Sabi ko at ngumiti.

Bahagyang namumugto pa ang mga mata ko sa nangyari. Tulala ako most of the time. Hindi ko inakalang ang mga eksenang sa mga dramang teleserye ko lang nakikitang natutulala ang mga tao sa kakaisip ng mga bagay-bagay, pero eto na naman at nangyayari sakin.

Siguro may isang point talaga sa buhay ng tao na nangagayari ang mga bagay na iyon. Makatutuhanan din pala ang mga iyon.

Lunes at kinabahan akong pumasok sa Le Marcelle. Hindi na ako tinext ni Troy simula noong huli naming pagkikita sa CR. Okay na rin sakin iyon. Ayokong dagdagan pa ang alalahanin ko.

Nagkatinginan kami ni Jayden nang dumating siya sa Le Marcelle.

Agad naman siyang lumapit sakin at ngumiti. Pero hindi na yun tulad ng dating ngiti... malungkot na ang mga ngiti niya.

"Kumusta ang papa mo?" Tanong ko.

"Okay na siya... Mabuti-buti na ang pakiramdam niya." Aniya.

Ilang sandali pa siyang tumitig sakin.

"I miss you..."

Ilang beses ba kailangang mabasag ang puso ko? Nilunok ko na lang ang nararamdaman ko.

"Miss na din kita, Jayden. Pero di tamang ipagpatuloy natin-"

"Can we please try again, Trisha..." Pabulong niyang sinabi sakin.

Napalingon si Sunny saming dalawa.

Yumuko si Jayden at umalis na lang nang narealize na hindi na kami tatantanan ni Sunny.

"Anyare?" Tanong ni Sunny.

Umiling ako.

"N-Nag break na kayo?" Pasigaw niyang sinabi.

Hindi ako nagsalita.

"OH MY GOD! Bakit? Trisha... Bakit? Anong problema? Ang saya-saya niyo pa nga nung isang araw!"

Kinausap ko si Sunny na wa'g na munang ipagkalat ang nangyari. Masyado pang fresh ang lahat sa amin ni Jayden. Ayoko munang pag usapan ng buong mundo ang nangyari samin. Mabuti at napipigilan niya rin naman ang sarili niya.