Meet My Boyfriend: Ana's Ace (ON HOLD)

Chapter 23

CHAPTER TWENTY THREE

                       "The art of love...is largely the art of persistence."

                                                                               - Albert Ellis

"Hija, anak, is there something wrong?" worried na tanong ng Mommy ni Honey dito. Naupo ito sa gilid ng kama ni Honey. Masuyo nitong hinaplos ang mukha ng anak at sinalat ang noo. "Your temperature is fine," puna nito. Inayos na lang nito ang kumot ng anak.

"I'm okay My. Meron lang ako ngayon kaya masama pakiramdam ko," dahilan ni Honey.

"Buti na lang at wala kayong pasok bukas. You could stay at home and rest," ani Mommy nito. "But magpacheck-up ka pa rin para makasigurado tayo. Hindi na normal yang sakit-sakit mong yang tuwing meron ka."

"I will Mommy. I'll visit Dr. Martinez one of these days."

Hinalikan ng Mommy nito si Honey sa noo saka nagpaalam na sa anak. "Sleep hija. Mamaya magpapaakyat ako kay Manang ng sopas."

"Thanks My," saka pinikit na ni Honey ang mga mata.

Naglast minute shopping si Ana para pampasalubong sa parents nito at nakababatang kapatid, pati na rin pasalubong sa mga kasambahay nila sa bahay.

Sa palengke ng Baguio ito namili dahil mas mura at mas maraming mapagpipilian. Yung ube jam ay nauna ng nabili ni Ana sa isang kilalang pagawaan nun sa Baguio. Marami itong biniling peanut brittles, lengua de gato at strawberry jam.

Dala ang mga bitbit ay naghintay ng taxing masasakyan si Ana. Rush hour kaya halos lahat ng dumaan ay may sakay na. Kahit mga jeepneys ay punuan din.

Halos thirty minutes ng nakatayo si Ana at nangangalay na ito. Mabigat din ang mga bitbit niya kaya nahihirapan na rin talaga siya.

Nagulat na lang si Ana ng makarinig ng busina mula sa isang kotse.

Hinintay ng dalagang maibaba ng driver nun ang tinted nitong salamin. Unang napansin ni Ana ang brown na buhok ng nagmamaneho nung kotse. At later on nga ay tuluyan ng niluwa nun si Ken.

"Ken!" nakangiting sambit ni Ana sa pangalan nito.

"Pauwi ka na ba?" he asked Ana. His eyes darted down to the stuffs being held by Ana."Mukhang mabigat mga iyan ah."

Inismiran ni Ana si Ken. "Mabigat nga kaya sana pakitulungan na po ako."

Inayos muna ni Ken ang pagkakapark ng sasakyan para hindi makaistorbo sa mga padaan ring ibang sasakyan. Pagkatapos ay mabilis itong lumabas ng driver's seat at tinulungan ang dalagang maipasok sa loob ng kotse ang mga bitbit.

Ilang sandali pa ay kampante ng nakaupo si Ana sa loob ng kotse ni Ken.

"Buti na lang dumating ka," Ana said while wiping away the sweats on her face. "Akala ko hindi na ako makakauwi."

Saglit na sumulyap si Ken kay Ana saka muling tinuon ang atensyon sa daan. "Bababa ka talaga ngayon?" di makapaniwalang tanong nito.

"Oo, mamayang gabi."

"Then hindi mo talaga mapapanood laban namin bukas. Championship na iyon at school niyo pa kalaban namin."

"Ivideo niyo na lang para mapanood ko. At wala namang pinagkaiba kung andun ako o wala," Ana reasoned out.