CHAPTER SEVENTEEN – PART TWO
“It is an interesting assumption, but in this case it is not correct.”
- Anonymous
“Ethan?”
“Surprise!” natutuwang wika nito sabay yakap sa kanya.
Nawawala sa sariling gumanti ng yakap si Ana.
“Gulat ka ano?” natatawang tanong nito sa kanya.
“Kala ko pupunta kang Vietnam ngayon?” takang tanong niya dito.
Nagtext kasi ito kahapon na pupunta itong Vietnam ngayon at tinatanong siya nito kung gusto niyang sumama. Of course she replied yes. Sino namang ayaw mamasyal di ba? Libre pa. Yun nga lang, kahit gustong-gusto niya, hindi puwede dahil naka-pangako na siya kay Ace na sasamahan ito sa party ng Mama ni Honey. Isama na ang dahilan na ongoing pa lang ang mga klase niya at sa isang buwan pa ang sembreak sa SBU.
Kaya ngayong nakatayo sa harap niya si Ethan, para siyang nakakita ng multo kaninang pinagbuksan niya ito ng pintuan.
Hindi sinagot ni Ethan ang tanong niya at sa halip ay ginulo nito ang buhok niya tulad ng nakagawian nito noon. Hindi pa rin ito nagbabago.
“Ay, wag ang buhok ko. Wag ngayon,” protesta niya.
Tila ba wala itong narinig at lalo pa nitong ginulo ang buhok niya.
“Ethan, wag ngayon!” iniwas niya ang ulo mula sa mga kamay nito.
Tumawa lang ito. Pagkatapos ay bigla itong natigilan at minasdan siya mulo ulo hanggang paa.
“Whoa! May date si pangit! Himala!”
Napasimangot siya ng marinig ang endearment kuno nito sa kanya. Kung pangit siya, eh di pangit din ito ano.
“Hoy MAS pangit, kung may date man ako ngayon, hindi iyon isang himala. Maraming gustong makipagdate sa akin kala mo ha. AKO lang ang may ayaw. Di kasi ako tulad mo na kung sinu-sino lang ang dinedate. Walang patawad. Maawa ka naman sa mga kabaro ko.”
“Ang dami mo namang sinabi. Defensive ka masyado. Anyways, hindi mo man lang ba ako papasukin?”
Pinapasok ni Ana si Ethan. “Oh sige pasok.”
“Napipilitan ka lang yatang papasukin ako eh,”komento nito habang papasok sa loob ng apartment.
“Kahit naman di kita papasukin, alam kong papasok ka rin lang,” kambiyo naman ni Ana. Napakunot-noo siya ng makitang may bitbit pala itong maleta.
“Bakit may dala kang maleta?” takang tanong niya habang pinapasok nito ang maleta sa loob ng apartment. Masama ang kutob niya.
Nilagay muna nito sa isang sulok ang maleta sabay at home na at home na umupo.
“Oist, sabi ko bakit may dala kang maleta?”
“Obvious ba? Dito muna ako sa iyo ng ilang araw,” sagot nito habang kampanteng inayos nito pagkakaupo.
“Hindi ka natuloy sa Vietnam?” inulit ulit niya ang tanong niyang hindi nito sinagot kanina. Pinili ni Anang tumayo na lang at sumandal sa pader, paharap kay Ethan. She needs to interrogate this man right now.
“Andito ba ako ngayon kung nasa Vietnam ako?” pilosopong sagot nito.
Napasimangot si Ana. Pero tama nga ito. Mali nga pagkakatanong niya.
BINABASA MO ANG
Meet My Boyfriend: Ana's Ace (ON HOLD)
Teen Fiction[ONGOING STORY] [Cliche story coz life is cliche] Dala ng pagkakamali at pagsisinungaling, ay naituro ni Ana na boyfriend niya si Ace, ang numero unong bad boy-hearthrob-player ng Saint Bernadette University. Ayaw ni Ana ma-associate sa isang tulad...
