Meet My Boyfriend: Ana's Ace (ON HOLD)

Chapter 8

Chapter EIGHT

"Life is full of surprises. It's best to just go with the flow."

                                                          -Anonymous

“…so that’s what happen.” Pagtatapos ni Ace sa maikling kuwento nito kung paano nito nalaman kay Kelly kung saan nag-aaral si Ana. Minus the last part nga lang dahil hindi pa rin maintindihan ni Ace ang ibig sabihin ni Kelly doon.

“Hmmp! Okay given ng voluntary ngang sinabi iyon sa iyo ni Kelly. Ang pinagtatakhan ko lang, bakit kanina sa classroom, sinabi mong wala ako doon kahit nakita mo naman pala ako. Dahil base sa mga narinig ko, gumawa ka na ng paraan para malaman siguro schedule ko. Tama ba?”

Ace nodded and smirked. “Mas exciting hulihin ang daga kapag ang buong akala nito ay ligtas na ito. See, you let your guard down when you thought I left the classroom without noticing you.”

Napaisip bigla si Ana. Maybe nga she let her guard down a little lang naman. Kasi ang dahilan naman kaya siya nagmamadaling umuwi kanina ay para makaiwas na kay Ace. Maaari ngang nakampante siya ng mapag-alamang hindi siya nito nakita sa classroom. Kaya tuloy hindi siya masyadong nag-ingat o naisip man lang ang posibilidad na Ace was just trapping her!

“Natahimik bigla baby ko?” saka ito bahagyang tumawa.

Agad siyang napasimangot. Alam niyang tinatawag lang siyang ‘baby’ nitong tukmol na Ace na ito para inisin. At napagtanto niyang kung lalo niyang ipapakitang naiinis at nagagalit siya kapag tinatawag siya nitong ganoon, gagamitin lang nito iyon ng todo-todo.She knows Ace loves tormenting her!

Lord! Pinagtagpo niyo ba kami nitong si Ace para lang gawin nitong miserable buhay ko? : (

Napabuntong-hininga na lang si Ana. Di bale sabi naman ng nanay niya hindi magbibigay si Lord ng isang problema or difficulty sa buhay ng isang tao na hindi kayang iovercome ng taong yun. Kaya kayang-kaya niya siguro itong si Ace.

Tama! Hahabaan na lang niya pasensiya kay Ace!

Sumulyap ito kay Ace na nagmamaneho.

Guwapo nga ang tukmol!

Marami kasi talaga ang nagkakagusto kay Ace. Una ng dahilan sa listahan ang kaguwapuhan nito. Hindi na nakapagtataka iyon. Syempre, alangan namang magkagusto ang marami sa pangit di ba? Ayon kay Chichi, may lahing Kastila raw kasi ang mother nitong si Ace kaya maputi ang binta. Hindi iyong puting nagmumukhang bading. In his case, tama lang ang pagkaputi nito. Nagmumukha nga itong malinis at mabangong tignan dahil sa kutis nito. Perpekto din ang pagkakatangos ng ilong nito. Naghanap siya ng puwedeng maipintas sa mukha nito, pero nabigo lang siya.

Aside from the very obvious fact na guwapo nga ito, nagmula rin sa mayamang angkan ang pamilya ni Ace. Pag-aari ng pamilya nito ang pinakamalaking minahan sa Benguet. Nagkalat din ang mga businesses ng pamilya nito sa Baguio at maging sa iba’t ibang sulok ng Pilipinas. May architectural firm ang pamilyang Tolentino. Kaya din siguro architecture kinuha ni Ace na kurso.

At pinakahuling dahilan kaya maraming nagkakagusto kay Ace ay dahil di lang ito good looks and money, dahil may brains din ito at magaling sa sports. Kaya nga ito tinawag na Ace eh. Dahil ito ang ace player ng SBU sa larong basketball. Sa academics, sa buong SEA ay ito din ang laging DL number one.

Sabihin na nating guwapo ito. Mayaman. Matalino. Magaling sa sports. Ngunit bakit puro positive things lang nakikita ng lahat dito? Ang yabang kaya nito! Antipatiko! Presko! Arogante! Blackmailer! Walang modo! Walang respeto! Isa pa, kilala din ito sa pagiging playboy. Kung sinu-sino lang nagiging girlfriend nito. Marami ng umiyak na babae ng dahil dito. Kaya hindi niya lubos maisip kung bakit marami pa ring nagkakagusto dito?