قعد مشعل مع فارس يسولفون اما عند نجود ماكانت تدري وش تسوي وهل تقول لصديقتها اذا جت او لا
دق باب البيت وركضت نجود تفتح الباب وهي متجاهله كلام مشعل
طلع مشعل يشوف اذا طلعت هي تفتح الباب ولا ارسلت اخوها وانفجع لما شافها هي طالعه مره ثانيه وقاعده تناظر من فتحه الباب عشان تعرف مين الي جاي
دخلت صديقتها البيت وكانت نجود تقفل الباب ولما جت تبي تدخل سحبها مشعل واخذها ف زاويه محد فيها ف البيت
مشعل بعصبيه : اتوقع اني حذرتس وقلت لتس انتس ماتطلعين انتي صح ولا لا؟
نجود بعدم اهتمام : طيب؟
مشعل : قلت لتس صح ولا لا ؟
نجود : اممم مدري والله ما اتذكر
عصب مشعل زياده بسبب استفزازها له بكلامها
وسحبها لعنده وقربها ومسكها من كتفها بقوه
مشعل بنبره حاده ورجوليه : لما تكلميني تكلميي زيين
لاتنرفزيني تفهميييين ؟؟؟
خافت نجود من صوته وعصبيته وكيف انه ماسكها بقوه ونطقت بتوتر : مشعل بعّد عني
مشعل : ماني مبّعد عنتس لين ماتعتذرين من طريقه كلامتس الخايسه ذي معي!
نجود : مشعل قلت لك بعّد عني
مشعل : قلت لك ماراح ابعد يلا حاولي ابعديني عنتس اذا قدرتي
حاولت نجود تدفه بيدها وكانت تضرب صدره بقوه لكن ولا كأنها تضربه مو مهتم وقاعد يناظرها وساكت
استسلمت نجود ووقفت ضربه
مشعل : اشوفتس استسلمتي؟
نجود : خلااص مشعل ابعد صديقتي داخل تنتظرني
مشعل : اعتذري اول
نجود : ليه اعتذر ذي طريقه كلامي
مشعل : ادري ان مو كذا كلامتس مع الكل واذا كان كذا غيريه عندي
عضت نجود يده وركضت :وقالت تخسي اغير طريقه كلامي عشانك
سحبها مشعل وحطها على الجدار وقال :
اعتذري اقول
نجود بعصبيه : طيب خلاص انقلع اسفه
مشعل : مو كذا
نجود : اجل كيف تبي ؟
مشعل : اعتذري زين
نجود بلعانه : تبيني اقولك يوو اسفه يحبيبي انت ولا تزعل ما اعيدها ؟؟
مشعل : اي كذا زين
دفته نجود ودخلت داخل وهي تقول : والله انك مو صاحي
مشعل : اي مو صاحي
ركضت نجود وقعدت وهي متوتره وتحاول تنسى الي صار
جوري : شفيتس متوتره؟
نجود : ها لا ماني متوتره
جوري : تقدرين تكذبين ع الكل الا انا
نجود : مدري بس من زمان ماشفتس يمكن عشان كذا متوتره
صدقتها جوري وسكتت
نجود : يلا نسولفف
جوري : اي صح اصبري كنت ابي اوريتس شي شوفيي وربي ذا الفستان يهبل ودي اشتريه اذا رحت المدينه
نجود : اي والله يهبل
دخلو البنات بسوالف كثير وجهزو لنفسهم اكل وانبسطو
دخل فارس الصاله وهو يغني ومو داري ان البنات موجودات ويقول :
مادريييتت وينن قلبي مادريتت
مادريتت ان قلبيي انسرققق
كان بيكمل لكن سمع صوت شخص يحاول يمسك ضحكته وفتح عيونه يناظر الا يشوف نجود وصديقتها ماسكين ضحكتهم من صوت فارس واحساسه وهو يغني
نجود وهي تغمز : اجل مادريت وين قلبك هاا؟؟
استحى فارس ونزل راسه وقال : معليش ماتوقعت في احد هنا
نجود : لا عادي كمل كمل ابغا اسمع
فارس : نجود مايضحك
لف فارس على صديقه نجود ونطق : معليش يا بنت ماكنت داري انك موجوده
جوري وهي منصدمه من جمال فارس وكيف انه يهبل ونزلت راسها يوم ناظرها وقالت : لا عادي حصل خير
طلع فارس وهو متفشل من الموقف مره
نزلت الهنوف تقعد عند نجود وجوري
جوري : اهخخ يانجودد مين ذااا الحلوو الي ف بيتكم ؟؟
نجود : مين ؟
جوري : ذا الي دخل وهو يغني قبل شوي
نجود : اهاا قصدتس فارس
جوري : اسمه فارس؟
نجود : ايه
جوري : فديته حتى اسمه يهبلل
جت ضيقه للهنوف ومادرت وش سبب ضيقتها ونطقت : احسه عادي ليش عجبتس ؟
جوري : وش الي عادي والله انه يهبل يحظ البنت الي بيحبها
استحت الهنوف وهي تدري انه يحبها وقالت : اي ماتدرين يمكن تكون موجوده ف البيت ويشوفها دايم
جوري : مافهمت
نجود : وش قصدتس ؟
الهنوف بضحكه: ولا شي امزح
دخلت جوري المطبخ عشان تاخذ لها كوب قهوه من داخل لانها تمون عليهن وتاخذ راحتها ف بيتهن
مسكت جوري كوب القهوه وكان ساخن واول مالفت شافت رجال داخل وصرخت وطاحت القهوه من يدها واحترقت
فارس : بسممم الله عليكك شفيكك خفتيي
جوري : مدري مدري خرعتني يوم دخلت
نزل فارس عند رجولها وهو يلملم الكوب الي انكسر
ركضو نجود والهنوف بعد ماسمعو صراخها وشافو الكوب الي منكسر ف الارض شافت الهنوف على فارس الي قال لجوري : تعورتي؟؟
جوري وعيونها دموع : اييي احترقتت يوجععع مره
فارس : اصبري الحين باخذك المستشفى
جرح فارس اصبعه وهو يلملم الكوب لكنه مابين ذا الشي لكن الهنوف كانت عينها عليه وشافت تعابير وجهه لما انجرح
قامت جوري تتدلع وتتصنع قدام فارس : تكفىى فارسس اخلص بسرعه يدي توجعني
وقف فارس وقرب منها يشوف الحرق
فارس : مدي يدك اشوف
مدت جوري يدها له ومسك يدها شوي عشان يناظر الجرح وتركها اول ماشاف نظره الهنوف عليه وقال :تعالي اوديك المستشفى
نجود : يويليي ياجوري تعورتيي؟؟
جوري : ايي
نجود : وش صارر؟
فارس : شافتني وانا داخل وخافت وطاح الكوب منها
نجود : ليش خفتي منه
جوري : مدريي هو دخل بدون مايسوي صوت ف يوم لفيت وشفته انخرعت
الهنوف : ترا الحرق بسيط جيبي اعالجتس انا مايحتاج يوديتس المستشفى
جوري بمبالغه : لااا يوجعنيي مره خليه يوديني
الهنوف : قلت لتس مايحتاج اقدر اعالجك كم مره انحرق انا وخواتي ونتعالج بالبيت
جوري : طيب انا ابي مستشفى
ولفت على فارس وهي تقرب وتمسك كتفه بجرأه وقالت بدلع : فارس وديني المستشفى مقدر اتحمل مره يوجعني
غارت الهنوف بعد ماشافت الي صار وناظرت فارس
ناظرها فارس وعجبه الوضع انها غارت عليه وقال يلا اوديك
الهنوف : فارسس !!
فارس : لبيه
الهنوف : قلت لك مو لازم توديها ماتفهم انت؟ خلاص اطلع انا بعالجها
فارس بلعانه : ليش ؟ يمكن خطير الحرق وتحتاج دكتور يكشف عليها
الهنوف : لا مو خطير
نجود : اسكتي انتي خليه يوديها
الهنوف ناظرت فارس وقالت بزعل : يصير خير
طلعت من المطبخ وهي معصبه وزعلانه من حركه فارس
فارس : نجود عالجيها هنا نسيت ان مافي سياره عشان اخذها اصلا
جوري : لكن اناا ....
ماامداها تكمل كلامها الا ويختفي فارس
طلع فارس يلحق الهنوف وشافها تبي تدخل غرفتها وتسكر الباب قبل لاتسكر الباب حط رجله ودخل الغرفه وسكر الباب
الهنوف : يمهه
فارس : وش
الهنوف بعصبيه : اطلع برااا
فارس : ما ابي
الهنوف بزعل : حرام عليك البنت قاعده تموت من الم الحرق لازم توديها المستشفى
فارس : لا مو لازم خلاص ما ابي اخذها
الهنوف : ليش؟
فارس : لأنك مو راضيه وغيرانه
الهنوف بضحكه: وش الي غيرانه بعد ماغرت وماهمني انقلع انت وياها .....
قرب فارس منها بحركه سريعه خلتها تتوتر وتناظره
ناظرها فارس بنظره اول مره تشوفها نظره كانت كلها حب وحنيه
الهنوف : فارس وش فيك
مارد عليها فارس ومسكها من خصرها وقربها منه اكثر وضمها
انصدمت الهنوف من الي سواه فارس وما سوت اي رده فعل بس بعدين استوعبت ولما جت تدفه سمعته يقول : احبك
صار قلب الهنوف يدق بسرعه ووجهها احمر وما تدري وش تسوي لكنها دفته عنها بقوه وقالت : صاحي انت؟
فارس : اي صاحي واحبك من زمان واجي الديره عشان اشوفك وانتي تعرفين ان بعد ثلاث ايام بنرجع المدينه ف مابغيت اطلع من هنا الا وانا قايل لك عن مشاعري
الهنوف : ادري انك تحبني
فارس : كيف ؟
الهنوف : واضح من حركاتك اصلا
لعب فارس بشعره ونزل راسه وقال : لذي الدرجه واضح ؟
خقت الهنوف عليه بذيك اللحظه وكيف كان يلعب بشعره ومستحي وقالت وهي تتلعثم : ها اي واضح.. مره....
الهنوف : فارس
فارس : عيونه
الهنوف : انت تحبني صدق ؟
فارس : مو بس احبك اعشقك واموت فيكك
الهنوف : يعني اذا كبرنا بتتزوجني ؟
فارس : اذا انتي تحبيني وتبيني مثل ما انا ابيك وبتوافقين علي اكيد بتزوجك وحتى لو مارضيتي باخذك غصب
ضحكت الهنوف من كلامه
فارس : يالبييه يالضحكه الي اروحح لها فدااا
استحت الهنوف وقالت : اسمع فارس
فارس : ها يعيوني امريني
الهنوف : تبي الصدق ؟
فارس : وشو
تكلمت الهنوف بصوت خفيف ماقدر يسمعه وقالت : انا بعد احبك
نزل فارس وجهه لين ما صار نفس طولها وقدام وجهها وقال : علي صوتك وش قاعده تقولين انتي
قالت الهنوف : قلت وانا بعد احبكك
ناظرها فارس وعيونه مليانه حب وكان قريب منها وسوا شي ماكانت متوقعته هي
قرب فارس منها زياده ومسك خصرها وحط شفايفه ف شفايفها وباسها بحركه سريعه وابتعد عنها
مسكت الهنوف فمها بصدمه وهي تناظر فارس الي كان يبتسم
فارس : وش
الهنوف .......
فارس : شفيك
الهنوف : ليش
فارس : اذا عن البوسه كيفي
وفتح الباب وطلع وخلاها مصدومه ومستحيه
الهنوف : يمه احس في شي ف بطني شكلها ذي الفراشات الي اسمع عنها والحين جربت الشعور
يالييل وش يوقف قلبي الحين وكيف بناظر فارس بعد الي صار ؟؟
_
BINABASA MO ANG
صحيح غيرها في العذارى مزايين لكن وش جاب النجوم لقمرها
General Fictionقبل ست سنوات كان عزام ولد مراهق عمره 17 سنه وريما طفله عمرها 11 سنه كان يهتم فيها ويدلعها ويحبها من بين كل الاطفال لكن بعدين غابت ريما عن الديره ل ست سنوات وماصارت تروح لكنها رجعت وسمعت ان عزام صار عسكري ولما شافته ماعرف انها ريما ومن هنا بتبدا قص...
