Silent Waltz

Chapter 57- Past Story 2 years Incident

Makalipas ang isang mahaba at nakakabagot na pakikinig sa klase, biglang tumunog ang bell at nagsitayuan ang mga Estudyante sa kanilang upuan.

Ito'y hudyat na tapos na ang klase ng mga Estudyante sa buong maghapon at habang nagsisialisan ang ilan sa mga ito, abala naman sa pagliligpit ng kanyang mga notebook si Emily nang lumapit si Ivy sa kanyang upuan.

Ivy: "Emily, puwede ba akong makisabay sa inyo sa pag-uwi?"

Agad nagtaka si Emily matapos niyang marinig ang pakiusap ni Ivy na sumabay sa kanya sa pag-uwi. Pinaunlakan naman  din agad ni Emily ang kaniyang tanong.

Emily (puzzled): "Ha? Uhmm...Oo. Puwede naman kung wala kang kasama. Tsaka hindi mo ba kasama sina Ruby at Samantha? Lagi naman ata kayong magkakasama sa pag-uwi hindi ba?"

Ivy: "Sa katunayan nga, Emily. Pumunta sila sa Canteen para bumili ng meryienda. Pero gaya ng napag-usapan, sasabay kaming maglalakad sa inyo ni Kit pauwi, after natin mag-usap na lima sa Roof deck."

Emily (Puzzled): "Ivy? Anong ibig mong sabihin na sasabayan niyo kami ni Kit pauwi? At ano ang pag-uusapan natin sa Roof Deck?"

Nagtaka si Emily sa nasabi ni Ivy. Ngunit napabuntong-hininga naman si Ivy nang maisip nito ang pinapasabi ni Kit sa kanya na tawagin sila Emily, Samantha at Ruby sa Roof deck pagkatapos ng kanilang klase.

Kaya ipinaliwanag na lang din ni Ivy kay Emily ang iminumungkahi sa kanila ni Kit.

Ngunit napasimangot naman si Emily matapos marinig mula kay Ivy ang tungkol sa kanilang pag-uusap ni Kit sa loob ng ipinagmamay-aring Coffee Shop kaninang umaga at tila pakiramdam ni Emily ay hindi man lang siya inimbitahan ni Kit na magkape sa Coffee shop ni Ivy sa pamamagitan ng text o chat man lang.

Emily (Unamused): "Pambihira naman itong si Kit. Kaya pala bigla na lang siyang nawala kanina habang naglalakad kami sa daan. Dahil lang sa nakita niya ang inyong Coffee Shop?"

Ivy (Unamused): "..Oo. At hindi ko na yun kasalanan, Emily, kung bigla ka na lang niyang iniwan sa daan. Nagulat nga din ako kanina noong siya pa mismo ang pumasok at naging una naming Customer sa araw na ito."

Emily: "So....mabalik tayo sa mungkahi ni Kit. Bakit pala niya tayo pinapatawag sa Roof Deck kasama sina Samantha at Ruby? Anong naisip niya at tayong apat lang ang gusto niyang makita?"

Agad napaisip at nanahimik si Ivy sa mga tanong ni Emily.

Ngunit may hinala si Ivy na tungkol ito sa naganap na insidente nang karambola ng mga sasakyan, dalawang taon na ang nakakaraan, ang gustong pag-usapan ni Kit sa kanilang apat.

Pero dahil walang ideya si Ivy kung tama ang kanyang hinala at mahirap din basahin ang iniisip ni Kit, minabuti na lang niyang sabihan si Emily na sundin na lamang ang mungkahi nito.

Ivy: "Emily.. Mabuti pa siguro kung sundin na lang natin yung naisip ng jowa mo."

Emily (Denial): "Ivy.. Hindi ko siya jowa ha!"

Ivy (Unamused): "Anong "Hindi ko siya jowa" ka diyan? Kahit hindi mo pa sabihin, halata naman sa inyong dalawa."

Emily (Happy sweat and nervous): "Ha-Halata ang alin?"

Ivy (Unamused): "Nagdedeny ka pa. Sabing halata nga!"

Nanahimik si Emily at may konting pamumula ang kanyang pisngi matapos marinig at mabaling ang kanilang usapan sa namamagitang relasyon nila ni Kit.

Napabuntong hininga naman si Ivy nang napagtanto niyang magjowa nga sila Kit at Emily dahil na rin sa kanyang naging reaksyon.

Ivy (Sigh): ..Haaaay.... Sige. Hindi ko ipagsasabi kahit kanino kung yan ang gusto ninyong mangyari.