Uni
.
.
.
.
အိမ်ရှေ့ကြမ်းပြင်မှာ ချွေးသံတရွှဲရွှဲနဲ့ ဒိုက်ထိုးနေတဲ့ ကိုကို့ကိုကြည့်ပြီး ကိုးချစ်ရယ်နေရသည်။ ဒိုက်ထိုးနေရတဲ့ အကြောင်းက ဒီလိုရှိ၏။
.
.
တစ်နေ့က.....
" ကိုကိုရေ ဒီနေ့ client တစ်ယောက်တွေ့ဖို့ရှိတယ်။ ရုံးဆင်းမှတွေ့ရမှာဆိုတော့ မိုးချုပ်မှာ။ အဲဒါ ကိုကို ဆေးခန်းချိန်းတဲ့အချိန်လေးကို လိုက်ပို့ပါဦး။ ကိုးချစ် ရုံးအဆင်းကို အိမ်ကစောင့်မယ်''
ဆောက်လုပ်ရေးထဲ ဝင်လာတော့ အသိမိတ်ဆွေလေးတွေပေါများလာသည်။ UK ထိသွားပြီး ဘွဲ့ယူထားတာရော ကိုးချစ်က တော်တာရောမို့ အပြင်အလုပ်လေးတွေရနေပြီဖြစ်သည်။
" ရတယ်လေ။ သမီးကို ဘယ်လို လုပ်မလဲ။ မေမေတို့နဲ့ပဲ သိပ်မှာလား ''
" အင်း...အခြေအနေအရပေါ့ ကိုကိုရယ် ''
" အေး အေး ''
.
.
ရုံးကနေ အိမ်ပြန်ရောက်တော့ ကိုးချစ် ရေမိုးချိုးကာ ကိုကို့ကို လာကြိုဖို့ ဖုန်းဆက်ထားလိုက်သည်။
" လှလိုက်တာကွာ... မွ..''
" မနမ်းနဲ့ သူများအလှပြင်ထားတာ။ ကိုကို့ဆီက ပိုးသတ်ဆေးနံ့နံတယ်''
" ငြိုငြင်တာလား ကလေးလေးက''
ခါးကို ဖက်ပြီး ကိုးချစ် ပုခုံးပေါ် မေးတင်ထားရင်း ချွဲပြန်သည်။
" စတာပါ... သွားရအောင်။ နောက်ကျလို့မကောင်းဘူး ''
" ဖက်ထားချင်သေးတာ ''
" လူအိုကြီးကတော့လေ......''
ကိုးချစ်ပုခုံးပေါ် ခေါင်းတင်ထားတာမို့ ကိုကို့အရပ်ကြီးနဲ့ ခါးကိုင်းထားရသည်။
.... သူမို့လို့ မညောင်းတယ်.....
ကိုးချစ် တွေးရုံပဲ တွေးရဲသည်။ မဟုတ်ရင် သူဖက်တာကို ငြိုငြင်ပါတယ်ဆိုပြီး လူအိုကြီးက ဒရာမာခင်းလိမ့်မည်။
" ကဲ... ကိုကိုရေ ကိုးချစ်နောက်ကျတော့မယ်''
" မွမွ သွားမယ် ''
ဆေးရုံမှာ လူနာတွေကို ' သမီး ' ' သား ' ခေါ်ပြီး ဆေးစာရေး ခွဲစိတ်ခန်းဝင်နေတဲ့လူကြီးက ကိုးချစ်ရှေ့မှာတော့ ကလေးကြီးပင်။
YOU ARE READING
နှစ်ထောင့်နှစ်ဆယ့်ရှစ် ( ၁၅၀၀ + ၅၂၈ ) ( Complete )
Romanceရွယ်တူ သူငယ်ချင်းနှစ်ယောက်က မွေးပေမယ့် အသက် ၁၂ နှစ်ကွာတဲ့ ကိုကိုနဲ့အူကြူးလေးတို့အကြောင်း
