ليالي مارس بوجودك مذهلة

بارت ١٢

-بيت فهد ابو عمر -
جن جنونه من عرف في كل اللي سواه عمر وكل خططه واللي سواه كان انتقام من ابوه على الضغط اللي يعيشه عمر سبب ابوه انوار كانت واقف بصف ابوها عكس امها اللي كانت تبين انها راضيه بزواج ولدها بنت اختها بس ماهي راضيه باللي سواه عمر في ديم وابوه
فهد بعصبيه :ترجععع ياعمر الان تستهبل على انت تارك كل شي ومتزوج وحده ولك شهررر بعد وين اودي وجهي من الفضيحه قدام اخوي
عمر ببرود عكس ابوه :يبه انا مايهمني شي اللي يهمني الحين هو اني اعيش بهدوء واعيش زواج هادي بعيد عن المشاكل وديم الله يوفقها بحياتهاا انا مالي شغل بشي
فهد صرخ :انت فاهم وش اللي تقول عمر معك نص ساعه ارجع فيها وخل الليله تعدي علي خير
عمر :يبه انا بجده وبعدها طالع برا ولا ابي احد يتدخل فيني انا كبير وعاقل وافهم اللي اسويه انت وعمي حلو مشاكلهم بعد عني !!!!
قفل الجوال عمر وفهد عصب اكثر وجن جنونه التفت على مشاعل وناظر فيها بحده :اشوف اللي يسويه ولدك عاجبك !!!!
مشاعل :من عرفت بالسالفه وانت شاغلني بالكلام انا صح رضيت انه يتزوج ساره بس مارضيت ولا برضي باللي سواه ولدك فيك !!
انوار :يبه اهدا شوي ماهو زين لك العصبيه يبه
فهد مسك راسه :ويين اودي وجهي من ابوي واخوي  ولا من بنت اخو اللي تنتظره الحين وين اودي وجهيي وين علمني وين ؟؟؟
انوار بحزن على ابوها :يبه اهدا انت اشرح لهم واكيد بلتمسون العذر لك يبه !!
مشاعل :فهد هونها وتهون اذ انت خايف على ابوك انه يزعل ولا اخوك نايف فهمهم الموضوع واكيد هم راح يتفهمون وضعك وبخصوص ديم عادي مايهم امرها بسيط
فهد التفت عليها :بسيط اجل بسيط عندك انتي هي لا هم من هم صغار لبعض يجي الحين بتزوج وبكل برود وبدون مااعرف انا ليه غبي شهر كامل يطلع ومايرجع كنت اشك فيه بس اقول ولدي مايسويها مايسويها بس اكتشفت اني غبيي جداا !!!!!
انوار :محشوم يبه محشوم
التفتو علي صوت جرس الباب وقف فهد وراح يفتح الباب واللي كان واقف منيف بعصبيه وبخيبه امل كبيره بعمه
ابتسم فهد بربكه :تفضل ولدي تفضل حياك الله توني كنت بجي عندكم
ابتسم منيف بسخريه تامه :بتجي تقول لنا سواد وجه  ولدك يا عمي
فهد :انت فاهم غلط يامنيف ادخل اعلمك بالسالفه؟؟
منيف :ماني داخل ولدك بجيبه لو هو في اخر الدنيا والله لا اخليه يندم على اللي سواه في ديم ياعمي
فهد بحزن :لاتحسب اني راضي عنه انا ماني راضي عنه ابدد بس انا ...
قطع كلامه منيف :واضح ياعمي منتي راضي باللي صار لو وانت صدق مانت راضي كان وقفته عند حده ولا سوا بديم كذا بس ياعمي انا احلف لك اني ماني تاركه ولا مخليه والله لااضيق عليه الكره الارضيه كامله !!!
فهد :صدقني منيف ياولدي احنا  مالنا ذنب باللي صار واحنا تونا عرفنا  زيك !!
صرخ منيف :وبعد ماكنتو تعرفون في حادث ديم اللي الحين بين الحياه والموت والتهديد بعد ماكنتو تعرفون فيه عمي كافيه كذببب كافيه كذاذب !!!
فهد بعدم استيعاب:ديم صار عليها حادثث !!!!!!!
منيف وعيونه شرار من القهر:اي ياعمي ولدك سوا سواته وترك اختي بين الحياه والموت بس والله مااعديها له !!
طلع منيف تارك وراه عمه اللي طاح علي رجوله من الصدمه  ديم يعتبرها بنته طاح يبكي من صدمته في ولده وصدمته في حادث ديم طلعت انوار تركض لي ابوها وهي سمعت كل الحوار ضمت ابوها بقوه وهي تبكي معه على ديم وعلى حال ابوها اللي يبكي ويقول بصوت مهزوز (كسرت ظهري ياعمر كسرت ظهري ) بكت انوار وقومت ابوها معها ودخلو داخل البيت مشاعل اللي كانت مصدومه بالتهديدت اللي وصلت لي ديم وهي تدعي من كل قلبها انه مايكون عمر اللي سواها