ليالي مارس بوجودك مذهلة

بارت ٢

(صباح جديد علي الابطال )

صحى جسار من النوم وهو يسمع ردينه تلعب مع مشعل وتضحك مبسوطه ان امها وابوها جاايين ومابقي شي يوصلون لي المزرعه كانت مجهزه كل شي عشان يمشون
جسار : وش هالحماس !
ردينه : صح النوم جهزت كل شي عشان بس نمشي يلا
جسار وهو مبسوط من فرحتها في اهلها : تمام يلا بس البس !
قامت ردينه تتجهز وتلبس العبايه ومبسوطه وتجهز مشعل وتلبس مشعل ونزلت تركب السياره جسار يدخل الاعراض بالسياره تتوجهو لبيته ابوه عشان يمشون مع بعض وصل وهو يشوف راكان وعلي يلعبون كوره بشارع
نزل جسار وهو معصب علي العيال : انت وياه وش تسسون يلا تاخرنا ؟
علي : جسارو خلنا نلعب بعدين امي والبنات ماطلعو
طلع الجد محمد وهو يشوف العيال ويضحك وطلعو وركبو السيارات وقف راكان بسيارته عن كوفي
وهو يطلب قهوه وينتظر القهوه

————————————
عند ديم تجهزت ولبست واخذت ابيادها ونزلت لعند الجد وابوها وهم يشلون الاغراض
منيف : اهلا ديوم يلا تعالي سويت لك مكان بعيد عن الشمس
ديم : يالبيه هذا الاخو الكفو
ناصر : ديم وش رايك تجين معي بمر اخذ قهوه !
ديم وهي تناظر في منيف : تسمح لي اروح معه ؟
منيف وديم شخصياتهم تختلف عن بعض بس ديم تحترم منيف تقدره : روحي بس انتبهي من الشمس
رحت ديم وهي تنزل اغراضها من سياره منيف وتحطهم في سياره ناصر ونزل نايف وهو يشوف
ديم تضحك مع الجد وتحارشه علي الراديو حقه
نايف
: يبه احنا جهزنا نمشي ؟
قام الجد وهو يمسك يد ديم : يلا يابوك مشينا
ركبو السيارات وحركو للمحطه عشان ياخذون اكل
ميلاف وهي تشوف ديم نازل من سياره ناصر
فتحت ديم الباب وقالت مين يبي قهوه بسرعه
ميلاف : جيبي لي زي دايم
نجود: انا ابي فلايت وايت
ديم راحت وتطلب القهوه مع ناصر اخذتهم وركبت السياره وبدو يسولفون ويشغلون اغاني ومبسوطين حيلل انهم راحيين حايل لمزرعتهم بعد مروره ٥ساعات راحت مابين سواليف واغاني ونوم البعض من تعب الطريق وصلو واخيرا للمزرعه نزلو الاغراض وبدو بترتيب الاغراض وبعد الترتيب تجمعو بالحديقه برا وكان الجو جلسوا يسولفون مع بعض
ديم : وين الخيل حقي ياجدي
الجد عبد العزيز : بالاسطبل الحين
قامت ديم بتروح للخيول شافها نايف بتروح :لاتروحين الحين ياديم بليل مايمديك خليه الصباح
ديم : بابا انا ماصدقت اوصل واشوف هتان ماراح اركب بس بجلس عنده ؟
منيف : ديم لاتركبين بكره اركبي
نايف : روحي بس انتبهي!
راحت ديم وه يتمشي وشالها علي راسها وصلت للسطبل وهي تشوف هتان واقف قربت وهي مشتاقه للخيل هتان وفقت وجلست تتامل هتان اللي كان يركض ويمشي بالمضمار والقمر فوقها والهواء اللي جالسه يلعب بشعرها

————————————
مكان اخر بعيد عن ابطالنا

عمر : يبه انا ماابيها انا ابي ساره
فهد وهو معصب علي ولده : وش اللي ماتبيها هي لك من ايام وانتو صغار
عمر : يبه ايام زمان كنتو تبون اي وحده لي انا قلت اللي عندي معاد ابي ديم ابي ساره واللي يصير يصير
فهد بحده وهو معصب :بتاخذها ولاوالله ياعمر هالبيت يتعذرك ولا انت ولدي ولا واعرف
عمر طلع من البيت وهو معصب ركب السيارته وحرك بسرعه يطلع من حارتهم وهو ماهو عارفه وين ييروح طاح مابين نارين نار يرضي فيه ابوه ونار حبه لساره وهو ماينكر كان يحب ديم بس من دخلت حياته ساره وهى متغييررر وحبيها وهي حبته
فهد وهو يسمع سياره عمر : ولدك هذا بيجيب اجلي
مشاعل : يافهد كل شي بالهدوايه ماينفع كذا وبعدين ساره وعمر ماسسوا شي غلط انهم حبو بعض
"ملاحظه ساره بنت اخت مشاعل وحبها علي لما شافها في بيتهم "
فهد وهو معصب من رد مشاعل : انتي ليكون بعد مع ولدك تبين بنت اختك له
مشاعل وهي مصدومه من تفكير فهد وهي ماكان بببالها اصلا : لاتعصب لو ابي ساره لعمر بقولك من زمان قبل تخطب من اخوك بس انا اقولك ان مالهم ذنب بس !!
فهد :ولدك وبنت اختك لو تنطبق السماء علي الارض ماخليتهم يتزوجون عمر بيتزوج ديم مااابي اطيح وجهي قدام اخوي
مشاعل وبدت تعصب من فهد : انت شلون تفكر كذا يمكن نصيبهم لبعض وبعدين ليه الحلف هذا يافهد ولدي ماغلط يوم حب بنت اختي وبعدين وش اللي بيتطيح وجهك قدام اخوك النصيب يافهد ماله علاقه بيطحه وجهك قدام اخوك !
فهد طلع من البيت وهو معصب من ولده ومن زوجته راح لي اخوه نايف بالمزرعه وهو ماهو ناوي خير
بعد فتره وصل المزرعه نزل يسلم علي ابوه واخوه وعيالهم جلس وصب له ناصر قهوه بعد مااخذو اخبار بعض وسولفو مشي الوقت وقبل يقوم فهد يرجع لبيته قال: يانايف انا جاي احدد ملكه العيال قبل اسافر ابيها تكون بعد شهر
نايف ناظر في اخوه وهو اصلا شاك فيه من وجهه المعصب وهو يعرف اخو زين : تمام علي خير ان شاء الله
قام ودعه ودخل داخل للبينات وهو يشوف منيف وديم وهيا وسلمان يلعبون اونو ويضحكون
ميلاف ونوره جالسين ويضحكون معهم
نايف : نوره تعالي ابيك !
قامت نوره وهي تلحق نايف لغرفتهم دخلت وسكرت الباب : عسي ماشر يانايف
نايف : فهد اخوي جاء وحدد ملكه ديم وعمر بعد شهر ؟
نوره وهي مستغربه من ردت فعل نايف : طيب وش فيها يانايف ليه مستغرب مو اخوك قال عشان بيسافر يجدد الملكه بدري ؟
نايف ووهو ينتهد : اي قال لي يوم كنا بالرياض انه نمكلك قبل يسافر بس الحين يانوره يبيها ملكه وزواج بنفس الوقت !
نوره وهي مستغربه من حاله نايف : طيب يانايف عادي يمكن بيطول بالسفر عشان كذا يبيها ملكه زواج عادي !
نايف :ادري انه عادي يانوره بس انا ماني متطمن من استعجال اخوي واصلا لما جانا واضح معصب من شي !
نوره وهي تحاول تهدي نايف اللي باله مشغول من السالفه : معليك مافي شي وخر الوساويس ذي عنك وبعدين اشوفك شكلك ماراح تخلي ديم تتزوج تبيها تجلس عندك !
ضحك نايف : لو علي يانوره ماخليت البنات يتزوجون خليتهم عندي طول العمر بس هاذي سنه الحياه يانوره
نوره ضحكت وهي تطمن نايف وطلعت للعيال تشوفهم وتقولهم ينامون بدري
رفع راسه نايف وهو يتذكر موقف مع اخوه قبل يمشي من عندهم
قام فهد بيمشي لحقه نايف وهو شاك فيه اصلا
ووقفه نايف وهو يناديه قبل يركب السياره والتفت فهد علي نايف : فهد وش بك ياخوك من عاجبني صاير شي بالشغل ؟
فهد وهو بتنهد ماييبي يقول لي اخوه شي عن ولده عمر : مافي شي ياخوك لاتشغل بالك بس انا ابيك اقولك شي
استغرب نايف وهو اصلا شاك بفهد من وصل عندهم وهو معصب : امر وش تبي تقول !
فهد : نايف انا ابي ملكه العيال وزواجهم بوقت واحد!
انصدم نايف وهو ماتوقع فهد يطلب الشي هذا : فهد فيك شي ليه تطلب الطلب هذا الحين ؟
فهد وهو عرف ان نايف شك فيه : لا ياخوك مافي شي بس انا هالمره سفري مطول يمكن مااجي الا بعد ٩شهور شغلي مطول المره هاذي فاا ابي اشوف ولدي معرس علي بنتك قبل اسافر
تنهد نايف وهو مو مرتاح بس سكت : علي خير ياخوك اشوف وارد لك خبر
رجع لواقعه مابعد مادخلت نوره وهي تشوف نايف مسرحه بتفكريه نوره : يانايف قم صلي الوتر وريح بالك مافي شي
ابتسم نايف وقام بالعفل يصلي وينام
———————————-
البنات كانو بالغرفه دخلت نوره وهي تبلغ ديم
نوره : ديم ترا ملكتك وزواجك بعد شهر تجهزي
مديم انصدمت : ماما شلون وانا ماجهزت الا حق الملكه بس
نوره : عمك يبي كذا قبل يسافر معك من بكره تنزلين السوق وانشاء الله تخلصين
ديم سكتت وهي ماهي متطمنه للي طلب عمها بتقدم الملكه والزواج
ميلاف : ديم شفيك ترا عادي مافيها شي يمكن عمي مطول وماتدرين وين الخيره لك
نجود :ديم عادي بعدين يمدي نخلص نشتري فستان ونرتب الاغراض معليك
حست ديم ان خواتها ريحوها وش بعد كلامهم
بدت تكتب اغراضها عشان تنزل بكره السوق وتخلص امورها كلها

***