ليالي مارس بوجودك مذهلة

بارت ١١

قصر ال سلمان -
جناح نوره ونايف
قام نايف بفزع من الحلم اللي جاه تعوذ من الشيطان وشاف الساعه تشير ٤:١٠ باقي على اذان الفجر دقايق معدوده قام يتوجه للحمام يتوضي وطلع يتوجه من جناحه وقف وشاف جناح ديم انوار شغاله وفاتح الباب خاف نايف عليها خصوصا بعد الحلم اللي شافه واللي فزعه من النوم
توجه بهدوء يدخل الغرفه وشاف الغرفه فاضيه وكوب القهوه المنكسر بالغرفه خاف اكثر توجه يتفقد عياله كلهم وكانو الكل نايم الا منيف وسلطان اللي ماهم موجودين
نزل يتوجه للصاله وشاف ابتهال جالسه تدور بخوف وتبكي بصمت جاها اتصال وكان من سلطان رفعت الجوال تحت انظار نايف وهي ماحست فيه نهائي
ردت ابتهال :سلطان قول انكم لقيتوها تكفيي سلطانن!
سلطان بصوت مبحوح :لقينها بس
ابتهال :بس وش بس وش سلطان تكلم
نايف قرب لها بصوت هادي :ابتهال وش صاير ديم وين !
التفت عليه ابتهال بخوف بلحظه سلطان بلغها بحادث ديم طاحت ابتهال على رجولها قرب بخوف منها نايف واخذ الجوال وقال :وش فيها ديم سلطان وش فيها
سلطان :نايف استهدي بالله ولا توتر كثير خل احد من العيال يجيبك لنا وديم طيبه بس صار لها حادث بسيط
جلس نايف يبكي بخوف علي بنته ودلوعته واخر بناته انهارر يبكي بصوت يسمعه كل البيت نزل سلمان من سمع صياح ابوه علي اذان الفجر نزل بسرعه وشاف ابتهال تبكي ونايف طايح يبكي جنبها وقف عند ابوه :وش صاير يبه فيك شي !!
نايف ببكاء :اختكك اختك صار عليها حادث ديم ياسلمان ديممم
جمد وجه سلمان وقال :وينها يبه بخير هي يبه تكفي
نايف :معها سلطان بالمستشفي
سلمان :امش يبه امش نروح لهم
قوم ابوه سلمان وهو داخله منهار بس يحاول يتمساك عشان ابوه التفت علي ابتهال وصرخ عليها :قومي ناصررر بسرعههه ابتهالللل قومي
ركضت ابهال فوق دخلت علي ناصر تقومه
ابتهال بدموع :ناصررر قوم بسرعههه قومم
ناصر بنزعاج :وش تبين ابتهال وخري عني بنام؟؟!!
ابتهال بدموع اكثر :قوم يناصر قوم ديم ياناصررر
قام ناصر :وش فيها ديم !!!
ابتهال بكت اكثير :صار عليها حادثث وسلمان وونايف رحو المستشفي تكفيي قوم نروح قوم
قام ناصر بسرعههه لبسه ثوبه واخذ مفتايحه وجوال ولبست عباية ابتهال ونزلت تركض مع ناصرر للمستشفى

-بالمستشفي عند سلطان ومنيف -
منيف متلثم بالشماغ ووصاد بوجهه على الجدار وهو شعله من الغضب ومنهار وهو يشوف اخته وبنته اللي داخل مايعرفون عنها شي اما سلطان اللي كان جالس علي الاوض بلبس الدوام منهاررر ويناظر يدينه بفراغ كبيررر
دخلو سلمان ونايف وشافو حال العيال قرب لمنيف نايف
نايف بعيون حمرا :اختك وينها يامنيف
منيف مارد عليه يكتفي انه يهز راسه لتجاه الباب وانها موجوده داخل
سلمان شاف سلطان وقرب من عنده:وش صاير ياسلطان وش صايرر ليه ديم صار عليها الحادث وليه طلعت من البيت اصلا بالوقت تكلم
سلطان رفع راسها يناظر بسلمان ونايف وقال :طلعت من البيت مسرعه كنت احاول اوقفها بس مالحقت الا وهي صادمه قدامي قدامي
منيف تكلم بصوت غاضب ومهزوز :واللي خلق هالارض اني مااخليه على اللي سواه في ديمم
نايف التفت عليه :من اللي سوا كذا فيها تكلم يامنيف ؟؟
منيف ناظر في ابوه :ولد عمي اللي قلت هو اللي بيصون اختي وبيحفظها ولا ممككن انه يضرها بشي وخابت كل ظنوني وهو اللي سبب ان ديم هنااا !!!!!
نايف بعد فهم :انت وش تقول عمر وش دخله
وقف سلطان :عمر يانايف متزوج من شهر متزوجججج بنت خالته ومسافر وناوي يفضح ديم يانايف بس والله مااخليه لاجيبه لو انه باخر الدنيا
دخلو ابتهال وناصر توجهو لهم :وش صار وينها ديم
ابتهال قربت لسلطان :تكفي قول انها بخيرر تكفيييي
سلطان:مانعرف دخلوها داخل وراكان معها
ناصر :راكان وش دخله
منيف :راكان هو اللي قال لنا عن عمر وزواجه وهو اللي اخذ ديم بالاسعاف مع سلطان
ناصر :دقيقه دقيقه انت وش تقول عمرر متزوج !!!!
نايف بحزن على بنته :كنت حاس بس قلت ولد اخوي مايسويها مايسويها في بنتي وانا اللي اعتبرته ولدي وجلسته في بيتي اخر شي يسوي في بنتي كذا
التفت على سلطان ومنيف :ديم كيف عرفت ؟
ابتهال:ديم كانت تطول الليل تبكي وحاس بشي بيصير وقامت تشتغل شوي وجاتها رساله بركت العايله حق عمر واضح انه متزوج ساره بنت خالته !!!
ناصر مسك راسه :انتي وش تقولون عمر مايسوها اعرفه يحب ديم من هو صغيررر
سلطان بعصبيه :واضح يحبها انا سامعه باذني وهو يكلمها بكل حب سامعههه قال ايش يحب ديم لو يحبها ماسوا فيها كذا
سلمان التفت عليهم :بدال الهواش فكرو في ديم اللي بين الحيا والموت وفكرو وش تقولون لي امي والبنات وجدي !!!