ليالي مارس بوجودك مذهلة

بارت ٣

"عند بطلنا راكان "

وصل لمزرعته وهو يشوف اخوه جسار  واقف يسلم علي خالته واللي جت من مكه مع زوجها خالد
مشعل : حياكم الله واسفرت وانورت حايل فيكم ياخوك
خالد : الله يبقيكم يابو محمد
الجد محمد وهو يسلم عليهم وجلسو بالحديقه الخارجيه والاجواء تجنن والغيم كاسي سماء حايل وبدايه الشتاء والسواليف اللي تملي المكان وريحه القهوه والعيال يسولفون مع الياس ولد خالتهم
راكان :  الياس كيفك وينك مختفي يالقاطع ؟
الياس وهو يضحك : والله ولد الخاله الاشغال منعنتي انزل الرياض ؟
جسار: والله عاد مالك حق ماتجي لنا تمر علينا بس
الياس : خلوكم مني انتو وش مسوين وش الاخبار ؟
علي : والله ياطويل العمر  راكان حفل تكريمه وتعينه  بععد شهر  وانا داخل اول سنه جامعه  واحمد مشعول بالعسكريه مانشوفه اما الابو جسار
ماعنده شغل غير شعولي
جسار  رفس علي برجه : اقول بس اسمه الشيخ مشعل
ضحك الياس : عاد حدك ياعلوشي علي الشيخ مشعل
ضحكو العيال علي تعابير وجه علي : اااي بخليك هالساعتين عشانك ضيف بس بعدين اوريك شغلك
احمد :والله محد عرف لي علي غير الياس خلاص اسمك من يوم رايح  علوشي
علي وهو يسب الياس : الله ياخذ بليسك يالياس انت وين جيت حايل ارجع تبوك !
*
*
(عند الحريم )
منيره وهي مبسوطه في اختها شيخه اللي لها فتره ماشافتها : حيالله وخيتي شيخه
شيخه : الله يبقيك وانا اختك وين البنات ؟
جت ليال وهي تسلم عل خالتها : يقولون يالخاله من طول جاب الغنايم وش غنيمتنا ؟
ضحكت شيخه : الغنايم وانا خالتك كثيره جبت لم زمزن من مكه !
ضحكت ليال وهي تموت في خالتها شيخه وتحبها
جت حلا وهي جايبه الحلا والقهوه وجلست
شيخه : حلا وجايب حلا وش نبي اكثر من كذا ؟
ضحكت حلا وهي تقدم لي خالتها وامها جلست
ردينه : ماما شدعوه بس زمزم جبتني مالنا شي منا ولا مناك
ليال : والله خالتي تقول غنايمها كثيره بس مانشوف غير زمزم ؟
منيره : ليال وجع خالتك جيتها اكبر غنيمه !
شيخه : خليها يامنيره قومي ياجوانا جيبي الكيس اللي بسياره
قامت جوانا وركضت تجيب الكيس وجت عطت الكيس خالتها فتحت شيخه الكيس :هاذي هديتكم يابنات ؟
ضحكوا البنات وهم يشوفون كاميره الحمراء القديمه فوز : يوهههي هاذييي ياقدميييي صدق الحين احس انك جايه من مكه ! 
حلا : الله ياخاله شيخه  فعلا ياقدمي لحد الان موجوده
جلسو البنات وخاله شيخه ومنيره والسواليف ومواقفه كثيره صارت بينهم  واخيرا الخاله شيخه ومنيره نامو وكمان خالد ومشعل والجد محمد نامو
عند الجلسه قدام اسطبل الخيل وقمرا متوسط سماء حايل والجو البارد وشبت النار واقف راكان بعدين عن الجلسه يكلم ماجد صديق عمره ومن الابتدائي مع بعض : ياماجد افهمني انا ماراح اسوي شي انا ماني مقتنع فيه ؟
ماجد : راكان لاتصير كريه خلاص انا قلت لك علي مسؤولتي وبعدين انت ليه رافض الفكره اصلا ؟
راكان: ماجد انت صاحي ولا فيك شي مستوعب تبيني اجي اخطب  لك وامك وابوك موجودين ؟؟
ماجد: ياخي انا ماجيت قلت لك صير ابوي انا قلت لك بس اخطبها لي  علي اساس انك ولد عمي وابوي موصيك تخطبها لي وبعدين توكل
راكان وبدا يعصب من ماجد وتفكيره ان يخطب بدون اهله : ماجد افهمني انا ماني جاي وخاطب لك وبعدين تعال انت ليه ماتبي تقول لي اهلك شي عن البنت ؟
سكتت ماجد لثواني وحس لو طول شوي راكان بيكشفه : خلاص راكان  لاتشهد ولا تخطب لي ولأ تسوي شي!!
سكره ماجد وشكك فيه راكان وقررت انه يكتشف الشي بنفسه مشي عند العيال وهو يجلس
الياس : راكان وش رايك تعزف لنا بيانو  لنا ؟
راكان: والله ودي ياولد الخاله بس تتاركه لي شهر ولات لي نيه ارجع !
انصدمو العيال وهم يعرفون مدي تعلق في البيانو  وكيف دايم يعزف  جسار  : الله واكبر من متى تاركه ياراكان وش الطاري وانت ماتفارق العود
سرح راكان بتفكيره وقال : كل شي يتغير ياجسار
حتى الاشياء اللي نحبها تتغير وماتدوم لنا !
ضحك احمد وقال : الا الصارم مايتغير ابدد عندك
علي : هذا ياتركنا ولا يترك الصارم
ضحكوا العيال وقامو يسولوفون وجسار شك براكان ان فيه شي وهو مو من عوايد راكام يترك شي بسهوله الا لما يكون فيه سبب قوي جدا