ليالي مارس بوجودك مذهلة

بارت ٨

قصر ال سلمان 

نايف :نوره وش رايك تتصلين علي حرم مشعل تتعرفين عليها وبنفس الوقت تعزمينهم لي زواج ديم
نوره :خلاص عطني رقمهم اعزمهم بكره او اليوم اذ فاضيين
نايف :بتصل علي مشعل اكلمه يعطيني الرقم ؟
نوره :تمام انتظرك
اتصل عليه واخذ الرقم منه وسجلت نوره وقالت انها بتتصل عليهم الظهر بكره

الصباح عند ديم

عند ديم بالمكتب
طلعت من الاجتماع مع احد شريكات المحاماه دخلت مكتبها وكان في بوكيه ورد علي الطاوله اسغربت وتوقعت انها من عمر وتوجهت اتجاه الورد واخذت الكرت اللي عليه وكان مكتوب فيه (انتبهي من اللي جالسه تسويننه بالنهاية محد راح يتعب غيرك وانتبهي من اللي جاءء يبي يخرب حياتك؟؟ من S
جلست ديم بصدمه واستغراب وهي ماهي فاهمه شي من اللي جالسه تشوفه ولا هي فاهمه الكلام اصلا طلعت من المكتب تتوجه لي السكرتيره حقتها
ديم :رانيا من جاب الورد اللي موجود علي المكتب ؟
رانيا :جابته شركة توصيل باسمك وحطيتها عللى المكتب في ششي استاذه ديم ؟
ديم تحسست جبينها والتفت عليها وهي بدت توتر من الموضوع ماكان ناقصه الا هذا الشخص يطلع لها :شوفي لي من اي شريكه توصيل ومن اي محل ورد بسرعه وجيبي لي علي مكتبي بسرعه رانياا
رجعت لمكتبها وبدت تدور فيه وتفكر وش السالفه ومين اصلا يرسل لها هذا الكلام وايش يصير عشان يحذرها من اللي جاء يخرب حياتها كانت علامات الاستفام كثير عند ديم ولا هي قادر تحددد ايش بيصير بعد مرور ساعتين مرت وديم تحاول تلهي نفسها وتحاول تشتغل عشان ماتفكر وهو التفكير اكلها التفت علي صوت دق الباب وكانت رانيا :طال عمرك قدرنا نعرف من مين البوكيت ورد ومن اي محل
ديم : عطيني اسم المحل بسرعه ؟
رانيا :محل ......في شارع ..
اخذت العنوان ديم وطلعت بسرعه : الاوراق والملفات هاذي ارسلوها لي البيت
ركبت المصعد وتوجهت ليسيارتها تربط حزام الامان وتتوجه لي المحل بعد مده وصلت ديم
ودخل المحل وسالت الموظف عن البوكيه ومن ارسلها اذ يقدرون يعرفون
ديم :بسالك لو سمحت قبل شوي جاني ورد من محلكم اقدر اعرف من مين ومين اللي ارسله
صاحب المحل :مااقدر افيدك في هذا الشي هذا يعتبر من خصوصيه العميل !
ديم:اعرف بس انا محاميه واحتاج اعرفه عشان قضيه عندي مهمه ؟
صاحب المحل ؛اعتذر منك استاذه بس مااقدر افيدك في هذا الموضوع واصلا انا كثير عملاء مااتوقع بعرف لك مين يعني
ديم :طيب بوريك صوره شخص وقولي لي اذ جاك او لا بس ؟
هز صاحب المحل راسه .وطلعت ديم صوره عمر من جوالها وقت ايام العيد مع اخوانها ورتته الصوره :هذا الشخص جاك اليوم او شفته حتى ؟
صاحب المحل :لا ماشفت اي شخص بهذا  الشكل جاني اليوم؟
تشكرت ديم صاحب المحل وطلعت تتوجه لي سيارتها وركبت وهمست :ياررب وش الحل ياررب
توجهت لبيتهم وكانت الساعه بدري تشير اللى ١٠:٣٠ الصباح دخلت من بوابه البيت ونزلت وقابلت بطريقه نجود وسلمان رايحين لي جامعتهم
سلمان :اوه ديم جايهه اليوم بدري غريبه العاده دايم اخر من يجي انتي ؟
ديم تنهدت وابتسمت :ماعندي شغلل كثير ورجعت بدري الا انتو وين رايحين الجامعه ؟
نجود وهي  جايه ومعها قهوه لها ولي سلمان:اوه اختي العزيز جايه بدري قبلي وش صاير !
ابتسمت ديم :اليوم كذا حابه اجي بدري وش وراكم انتو ويلا علي الدوام بالتوفيق
سلمان بحلطمه :اييي ناس تدوام وناس تنام تحت الكيف لنا الله
ديم بضحكه :ايي يازين المكيفف بارددد والبطانيه بارددده !!!
سلماننن :ديمممممووووهههه !!!
ضحكت ديم وتركتهم تتوجه لي غرفتها وتدخلها وترمي العبايه وتتوجه تاخذ ملابسها وتدخل تاخذ شاور تجدد شعورها شوي بعد  مده طلعت من الحمام وهي فيها طاقه عاليه بعد الشاوره توجهت لي غرفه الملابسه تاخذ توب لونه بيبي بنك وبنطالون واسع ابيض وتكتفي بخاتم صغير علي اصبعها وسلال وحلق لونه بيبي بنك وتعطرت وشغلت البخور يفوح بالغرفه وتركت شعرها بس تكتفي انها تجففه بالهواء يس وترفع نصه
طلعت من غرفه الملابس وهي تشوف الشمس دخلت الغرفه من الشباك الكبير حقها اللي يطلل علي الشارع والحوش وتوجهت تصلي الضحى ووتدعي ربيها بكل اللي بخاطرها وهي ترتاح لما تصلي الضحى  وتحس بالراحه لما تتكلم مع ربنا بكل تفاصيل يومها المتعبه خلصت من الصلاه ووطلعت نزلت تحت تسوي قهوه دخلت المطبخ تسوي القهوه وهي تحس براحه عظيمه بعد الصلاه بعد ماكانت تعيش خوف بعد الرساله الي وصلتها