يوم الجمعه اجتمع نايف بعياله وبناته بعد صلاه الجمعه عشان يجتمعون عنه الجد عبدالعزيز
نايف : وين اخواتك ليكون نايمه لين الحين ؟
ديم : لا بابا صاحين
نايف: زين يابوك ترا ابو عمر كلمني يبي يجي يملك لولده قبل يسافر انتي مواقفه؟
ديم استحت ماكانت تبي ابوها يفتح الموضوع عند اخوانها عشان ماتنحرج قدامهم :اللي تشوفه بابا اللي تمشي عليه انت واخواني انا مواقفه
طبعا عمر ولد عم ديم ومن الطفوله وهم يحبون بعض وقرر عمر يكلم ابوه وامه ويخطب ديم حب طفولته وابوه انبسط عشانه واقف وكلم اخوه نايف واقفو
ديم طلعت فوق وهي مبسوطه ومستانسه انها بتاخذ حب طفولتها دخلت علي ميلاف وونجود وقامت تضحك وترقص من فرحتها ميلاف وهي تضحك عليها ومصدومه :شفيك انتي مجنونه ؟
نجود وهي تضحك عليها : اكيد بابا جاب طاري عمر ولا ماتفرح كذا
ديم وهي مبسوطه : تخيلووو عمي فهد كلم بابا نحدد الملكه عشان بيسافر
نجود ووميلاف انبسطو ان بتصير عندهم مناسبه واختهم ببتزوج
نجود : واخيرا بفصل الفستاني اللي مصممته للملكه !
ميلاف : اقول نجود غيره التصميم مو حلو
نجود : اقول بس انا عاجبني وبفصله التفت علي ديم وش ناويه تلبسين ديم لاتقولين بتاخذين فستان ملكتك ازرق ؟
ديم تموت بالازرق وكل ملابسه تقريبا بلون الازرق : طبعا باخذ ازرق
عند راكان
صحي من النوم متاخر ماصلي الجمعه واخذه لك دوش وطلع ينشف شعره انفتح الباب ردخل علي
علي :ياويلك ياركون من ابوي معصب علييك عشان ماصيلت الجمعه
راكان وهو يلبس ثوبه : اول مره اتاخر تفوتني الصلاه شسوي ماجيب بدري من الدوام
طبعا راكان دكتوره دوامه فترات وشفتات
نزلو راكان وعلي ودخلو مجلس الرجال
مشعل : ركون ليه ماصليت معنا ليه النوم عن صلاه الجمعه
راكان وهو يسلم علي جده محمد :والله يابوي جيت امس من المستشفي متاخر علي الاذان الفجر وتعبت ونمت وباذن الله معاد انام عن الصلاه
الجد محمد :لا بابوك الا صلاه الجمعه حافظو عليها ولا تتركونها .
جسار وعلي واحمد يناظرون راكان ويضحكون علي اللي جاه من ابوه وجده
راكان : ابشر ياجد مابقي على تعيني استشاري قريب لا اوصيكم بالعشاء والحركات
مشعل : ابشر ياوليدي بالعشاء والحفل اللي يشرف مدام انك بترفع روسنا
ضحك راكان ودخل من الباب مشعل ولد محمد وهو لابس ثوب وقام علي اخذه من ميري وهو يضحك عليه
علي :شعول الثوب كبرك وشاله فوق
جسار: علي كم مره اقولك لاتقوله شعول مو بنت هو !
مشغل : علي جيب السمي خليني اشوفه
علي قام واعطي مشعل ابوه وقام يصب له ولي راكان قهوه
علي : ركون متى حفل التعين
راكان الجمعه الجاي يعني بعد شهر
علي : زين
—————————————-
ديم سوت شعرها ولبست فستان نزلت وهي متوجهه لركن القهوه تسوي لها قهوه
ناصر :ديمو سوي لي معك فلايت وايت
ديم : ابشششر بس مافي حليب تروح تجيب !
ناصر : لا مابروح بالشمس وضحكت ديم وهي تعرف ناصر مايحب الشمس ودرجه حراره الرياض ٤٥
الجد عبد العزيز : انت وياها ليه وش مقصره معكم قهوتنا هاا !؟
ديم وهي تجلس جنب جدها :يبه تعرفني احب قهوتي وبعدين مالي غنا عن قهوتنا
سلمان وهو يحارش ديم : هاذي حياتها كلها القهوه ماعندها حياه غيرها !
ديم : الله واكبر انت ياحياتك اللي كلها بلاستشين !
سلمان وهو يرمي عليها علبه مويا : مالك دخل !
الجد عبدالعزيز : اقول انت وياهه اسكتو بس خلوني اسمه خطبه الجمعه
نايف وهو توه يدخل من كان جاي من برا ومعه فواكله واغراض من البقاله :يالله تنجبنا منن نار جنهم حرر
ديم وهي جت تساعد ابوها : تعبت بابا اجلس اجيب لك مويا
جلس نايف وجابت ديم المويا شربه
وجت ميلاف تناديهم للغداء
—————————-
جسار دخل لبيته وهو يشوف ردينه جالسه وتكلم امها
ردينه تكلم امها : ماما متى توصلون بالسلامه ؟
امها شيخه : باقي لنا ١٠٠ كيلو ونوصل انشاء الله
ردينه : توصلون بالسلامه وقفلت
جسار : متى بيوصلون لمكه ؟
ردينه : باقي لهم ١٠٠ كيلو !
جسار وهو يوقف عن مشعل اللي نايم ويعطيه بوسه
جسار ؛ قلبي ردينه انا بطلع انام
ردينه : تمام بس محمد لاتنسي احتاج اروح السوق
جسار وهو يبوس راسها : ماني ناسي يابعدهم
ردينه بنت خالته جسار وتزوجو قبل سنه واخذو بعص عن حب وحبهم لبعض تحدو كل الناس واجتمعوا
ابتسمت ردينه وهي تشوف جسار دخل ينام ومشعل نايم وراحت تسوي كيكه عشان ومبسوطه ان امها بتجيها بس بتروح لمكه قبل تجي لحايل
أنت تقرأ
ليالي مارس بوجودك مذهلة
قصص عامةمعاكم الكاتبه خلود روايتنا تتكلم عن كثير امور وتجمع بين كثير اشياء باذن الله تنال على اعجابكم واكون عن حسن الظن باذن الله واول روايه لي 🤎
