Votes, comments, and sharing the story is highly appreciated.
Oops! This image does not follow our content guidelines. To continue publishing, please remove it or upload a different image.
SA BUONG journey ko sa Hunter Online ay never kong in-expect na makakasama ko ang mga bigating tao sa mundo ng Esports. Hindi lang makakasama, makaka-team ko pa! Parang last year lang, I am just a girl who accidentally watched a Hunter Online live dahil lang tinatamad gumawa ng Plant holder ang groupmates ko.
Pagkamulat ko nang aking mata ay una kong pinagmasdan ay ang buong paligid. Nasa gitna kami ng kagubatan na may mga poste o sira-sirang kabahayan na parang roman empire ang dating. Mabilis akong nagtago sa likod ng isang malaking puno upang maiwasan na ma-target agad ng kalaban.
I checked the map nasa bandang upper right ako ng mapa. Ilang metro lang ang layo sa akin ng isang maliit na village. It will be risky kung papasok ako doon dahil prone sa clash ang ganoong klaseng area.
[Yugto Pilipinas] Skullex (Choji): Inform me your location. Makipagkita muna kayo sa member na malapit sa inyo para maiwasan na ma-gank kayo.
[Yugto Pilipinas] Shinobi (Milan): Upper right, sa likod ng makapal na puno malapit sa maliit na village.
Isa-isa namin sinabi ang location namin at ang pinakamalapit sa area ko ay si Knightmare (Noah).
Pasulyap-sulyap lang akong tumitingin sa paligid dahil baka makita ako ng assassin o core ng kalaban. Sa pagdungaw kong muli ay nakita ko si Knightmare na masayang tumatakbo tungo sa direksyon ko.
"Captain!" Pagtawag niya. I tried to signal him to lower his voice down pero walang pakialam ang mokong. Kumakaway pa itong tumatakbo sa direksyon ko. "Tayo na naman ang magkasama."'he bubbly said.
"Sige, Knightmare, sumigaw ka pa. Kulang na lang ay i-chat mo sa kalaban kung nasaan tayong dalawa." Suway ko sa kaniya.
"Luh, Captain, kapag sinabi ko sa kanila ang location natin e'di natalo tayo." Depensa niya.
Napatitig ako ng ilang segundo kay Knightmare at napailing. "Halika na, kailangan na natin makita agad sina Skullex bago pa tayo may makalaban sa kabilang team." Nauna akong tumakbo at sumunod sa akin si Knightmare.
"Naku, Captain, kailangan manalo tayo dahil may pustahan kaming dalawa ni Oli." Tumatakbo kami sa timog na bahagi ng mapa. Iyon kasi ang napiling lugar ni Skullex na magkita-kita dahil sulok ito at malayo sa maaaring mangyaring clash.
"Huwag mo na akong kina-captain, si Choji ang incharge sa command ngayon." I informed him. Baka kasi mamaya ay kaka-Captain ni Noah ay ma-appoint nga akong Captain ng Yugto Pilipinas. Oh God, huwag naman sana. Iniisip ko pa lang ay nade-drain na ako mentally and physically.
"Ha? Bakit sabi ni Kuya Larkin kapag nagtanong daw kung sino Captain, sabi niya willing ka raw." May nagagawa talaga ang pagiging madaldal ni Noah, nalaman ko ang plano ni Larkin.
