Oops! This image does not follow our content guidelines. To continue publishing, please remove it or upload a different image.
"WALANG susunod sa amin ni Milan," bilin ni Sir Theo noong mapansin niyang sumusunod ang mga players ng Orient Crown sa amin. "Russel, ikaw na muna ang bahala sa mga bata. Aasikasuhin ko lang 'tong kagaguhan ni Callie."
Diretsong naglakad si Sir Theo, kahit ako ay ramdam ang inis niya habang humahabol sa mga hakbang niya. "Ano bang naisip nitong si Callie at nakipagsuntukan? Sa seaside pa! Ang dami-daming tao sa lugar na iyon, nakalimutan niya bang public figure siya?" Mahabang litana ni Sir Theo.
May ilang nagtangka na magpa-picture sa akin pero dire-diretso lang kami ni Sir theo. Hindi ko ugaling hindi mamansin ng mga fans pero iba ang tensyon ngayon. Nagpapatong-patong ang problema na kinakaharap namin.
Noong makarating kami sa seaside ay sumalubong sa amin si Aisha. She actually look worried. "Are you okay?" I asked and cupped her face.
"Sorry. Sinubukan kong pigilan si Callie. I really tried my best na huwag niya na kakong patulan pero masama kasi ang timpla niya dahil sa pag-aaway ni Larkin." Sumunod sa amin si Aisha. "Sorry. Sorry."
Pagkarating namin sa Starbucks ay ang daming tao na nakapalibot at mag ilang kumukuha ng video. "Nasaan si Callie?" Diretso at seryosong tanong ni Sir Theo sa isa sa mga barista.
"Nasa loob po. May nabasag po siyang mga baso dahil sa awa–"
Hindi niya na natapos ang sasabihin niya noong inabot ni Sir Theo ang business card niya. "May number diyan. Contact me and send me the exact damage and we will pay for it."
Nakasunod lang ako kay Sir Theo.
Big kuya sa amin si Sir Theo at ngayon ko lang siya nakita na ganito kagalit. Tipid lang ang binibitawan niyang mga salita ngunit ramdam mo 'yong inis niya.
Pagkapasok namin ay nakita namin si Callie na nakaupo sa isa sa mga couch, may sugat ang kaniyang pisngi at kita ang pamumula ng kaniyang mukha at braso dahil sa mga suntok na natamo.
"Anong pumasok sa kokote mo Calliber at nakipagbasagan ka ng mukha? Alam mong nasa gitna tayo ng tournament! Puro ka yabang na iuuwi mo ang kampionato? Kapag nakarating 'to sa committee ay baka masuspinde ka hanggang finals? Hindi ka ba nag-iisip?!" Mahabang sermon ni Sir Theo.
Hindi sumagot si Callie bagkus ay hinawakan niya lang ang sugat niya sa kaniyang pisngi, napapikit siya ng mata sa hapdi. "Hindi ka talaga magsasalita?" Tumingin si Sir Theo kay Aisha. Ramdam ko ang pagiging kabado ni Aisha dahil bigla siyang ayos ng tindig. "Mind to explain? Nawala ang yabang nito, eh."
"May nakasagutan siya dahil nabastos ako." Tiningnan ni Aisha ang kabilang banda na dalawang tao na kinakausap ng mga barista dahil sa mga damage sa coffee shop. "Sila naman talaga ang nanguna–"
"Aisha, huwag na. Okay na." Sabat ni Callie.
Napakunot ang noo ko, familiar silang dalawa sa akin– si Jayzam at Luigi. Dalawang member ng Laxus Familia.
