POSSESSIVE 6: Dark Montero

EPILOGUE

I dedicate this story to Anniza Gonzales. Alam mo na kung sino ka. Sana magustuhan mo ang nakayanan ng utak ko :) So, yeah. Sana kapag nabasa mo 'to ay magustuhan mo. Hehe. Salamat at hinayaan mo akong gamitin ang pangalan mo :)

EPILOGUE

IT Was traumatizing! Akala ni Dark ay madali lang magpalaki ng anak. Noon, palaging nagrereklamo ang mommy niya na malikot siyang bata at hindi nakikinig. He would just shrug it off. But now? He couldn't just shrug it off. Masyadong matitigas ang ulo ng tatlo niyang anak na lalaki.

"Light! Take those eyeglasses off of you!" Sigaw niya sa panganay niyang anak na suot ang eyeglasses niya habang paikot-ikot at tumatawa. "Light, take that off!"

Tumigil sa pagikot ang anak niya saka tumingin sa kanya. "Daddy, I'm dizzy."

Nasapo niya ang ulo at mabilis na lumapit dito saka kinuha ang salamin sa mga mata nito. "Hindi pa ito puwede sayo. Damn it! You're just ten years old!"

Sumimangot ito. "Pero sabi ni tito Evren that will make me look smart."

"Light, matalino ka na. You don't need eyeglasses." Ginulo niya ang buhok nito at nginitian. "Imagine, at the age of ten, e, grade seven ka na. You're a genius."

Light shrugged. "Okay. No glasses."

Nakahinga siya ng maluwang. Si Light ang panganay nilang anak ni Anniza. Hindi nila alam kung saan ito nagmana sa katalinuhan.

Kakausapin pa sana niya si Light ng biglang may humiyaw. Nilingon niya ang pinanggalingan niyon.

"Fuck!" He cursed when he saw his second son sliding on the stairs railing.

Light tsked. "Bad, daddy. Isusumbong kita kay mommy. Bawal ang bad words diba?"

Malakas siyang napabuntong-hinga at kumuha ng fifty pesos sa bulsa at ibinigay iyon kay Light. "Here. Put this in the cursing jar."

Nakangiting kinuha ni Light ang pera saka inilagay iyon sa cursing jar. Naging batas na iyon ng bahay nila. Kapag mga bata naman ang nagba-bad words, bawas 'yon sa allowance ng mga ito. That was one of Anniza's rules. At kailangan iyong sundin. Iba pa naman magalit ang asawa niya kasi silent treatment talaga ang punishment sa kanila.

Lumapit si Dark sa ikalawa niyang anak na lalaki na nag-slide sa staircase railing.

"Gray, I told you to stop doing that. didn't I?" Pinandilatan niya ito.

Napasimangot ang anak niya. "But it's fun."

"Your only seven years old, baka mabalian ka ng buto."

Umiling kaagad si Gray. "But daddy, I know what I'm doing naman, e. Saka sanay na akong mag slide."

Bumuga siya ng hangin. "No, Gray, isusumbong kita kay mommy."

Napasimangot ang anak niya. "Daddy naman, e. Kapag nalaman 'to ni mommy pakakainin na naman niya ako ng gulay."

Napangisi siya. "That's your punishment."

Naglalambing na yumakap ito sa kanya. "Pero daddy, ayoko ng veges."

"O, tapos?" Sinapo niya ang mukha nito. "Kaya nga diba stop sliding down the staircase railing and mommy will not punish you with veges."

Gray's face contorted in disgust. "I hate veges."

"I know." Binuhat niya si Gray at dinala sa sala kung nasaan si Light na abala sa paglalaro ng Four Pics One Word at ang bunso niya namang anak na lalaki ay abala sa paglalaro ng Shadow Ninja sa tablet niya.