၄ နှစ်တာကာလလုံး သူ့ရဲ့ဇနီးသည်အဖြစ်နေခဲ့ပေမဲ့ သူ့ရုံးကို တစ်ခါမျှမလိုက်လာဖူးတာကြောင့် စစ်မင်းဟန် ၏ အမျိုးသမီးမှာ မည်သူမည်ဝါမှန်း ဘယ်သူမှမသိပါ
ရုံးရောက်တာနဲ့ ဧည့်ကြိုကောင်တာမှာ အရင်ဆုံးအခန်းကိုသွားမေးပြီး အခန်းရှိရာအထပ်ကို ဓါတ်လှေကားဖြင့်တက်လာခဲ့သည်
တက်လာသည့်လမ်းတစ်လျှောက်လုံးမှာ လူတွေက မဒီ့ ကိုဝိုင်းကြည့်ကြသည်။ မဒီ ဟာ အရပ်ခတ်မြင့်မြင့် ရှိပြီး ငယ်ငယ်ကတည်းကအားကစားလုပ်ပြီး ခန္ဓာကိုယ်ကိုထိန်းတတ်သူမလို့ ဘောဒီလည်း သွယ်လှ ကျော့ရှင်းသည် အများနှင့်မတူပဲ လမ်းလျှောက်သည့် style မှာ မြန်မာအရမ်းမဆန်ပဲ နိုင်ငံခြားဆန်ဆန် ခြေလှမ်းကြဲကြဲဖြင့်လျှောက်တတ်သောကြောင့် လူအများမျက်လုံးတွင်ထူးခြားနေသည်။
စစ်မင်းဟန် ၏အခန်းဘယ်နားရှိလဲဆိုတာ သူမသိတော့ ဘေးနားကဝန်းထမ်းတွေကိုမေးမိသည်
"တစိတ်လောက်ရှင့်...ကိုစစ်မင်းဟန်ရဲ့ရုံးခန်းဘယ်နားမှာလည်းရှင့်"
တစ်ခါမျှမမြင်ဖူးသော အမျိုးသမီးတစ်ယောက် က ဒါရိုက်တာ ကိုလာမေးတာကြောင့် ကြောင်တောင်တောင်ဖြစ်နေသော်လည်း အခန်းရှိရာကိုညွှန်ပေးလိုက်သည်
"ရှေ့ကိုသွားပြီး ညာဖက်ချိုးလိုက်ရင်တွေ့တဲ့အခန်းပါပဲရှင့်"
"ဟုတ်ကျေးဇူးပါပဲနော်"
ထိုဝန်ထမ်း ညွန်ပြသည့်အတိုင်း လျှောက်သွားလိုက်ပြီး အခန်းတံခါးကိုခေါက်လိုက်တော့
"ဝင်ခဲ့ပါ"
အခန်းထဲကနေ လှမ်းအော်လိုက်တဲ့ သူ့ရဲ့အသံကိုကြားတာနဲ့ မဒီ လည်း တံခါးကိုအသာလေးဖွင့်ပြီး ဝင်လာတော့
"သြော်...မဒီ တောင်ရောက်ပြီလား"
မဒီ့ ကိုတွေ့တွေ့ချင်း ပြုံးပြီး နှုတ်ဆက်သည်
"ဘယ်လိုနေလည်း...အဖျားကျသွားပြီလား..."
"အင်း..ကျသွားပြီ...မယုံရင်လာစမ်းကြည့်"
YOU ARE READING
အပြစ်အကြွေး (Our Fault)
Romanceမထင်မှတ်ပဲ ကြူးလွန်မိလိုက်တဲ့ အမှားတစ်ခုကြောင့် တစ်ယောက်ဘဝကိုတစ်ယောက်တာဝန်ယူလိုက်ရတဲ့အခါမှာ စစ်မင်းဟန် နဲ့ နွေမဒီ တို့နှစ်ယောက် သူတို့ရဲ့အပြစ်အကြွေးတွေကိုအပြန်အလှန်ဆပ်ရင်း သူတို့ရဲ့အိမ်ထောင်ကိုဘယ်လိုရှေ့ဆက်ကြမလဲ မထင္မွတ္ပဲ ၾကဴးလြန္မိလိုက္တဲ...
