Haylee's Point of View
"Mommy, you leaving?" tumigil ako sa pag-aayos ng buhok ko nang tanungin ako ng anak ko.
"May pupuntahan lang ako saglit, Nathan. Hintayin mo si mommy, okay? Pagbalik ko, kakain tayo ng ice cream." pinisil ko ang ilong niya at bumalik sa pag-aayos.
"Can I come?" nginitian ko siya at umiling, "but why?"
"Saglit lang naman ako. Mga twenty minutes, kikitain ko lang si tita Jam sa bahay at kukuha lang ng unting gamit. Hintay mo na lang ako." napanguso siya pero tumango din.
"Mommy, why are you fighting with daddy?" natigilan ako du'n. "You're not talking to each other, you don't even wanna see him. Are you okay po?" napilitan akong ngumiti.
"O-Okay naman kami ni daddy mo, we are not fighting."
Isang linggo na pala, ganu'n na katagal. Hindi ko alam kung kaya ko na siyang makita pagkatapos kong malaman ang totoo. Sa totoo lang, hindi naman ako galit sa kaniya, ang aksidenteng nangyari lang ay patuloy na binabangungot ako.
Imagine, doing that sexual thing with someone you don't know while being unconscious. Tapos iyun din ang umpisa ng pinakamasaklap na parte ng buhay ko.
"Dad was always waiting in front of the door every night when I will go to pee. He's also preparing food for you mommy, always." he innocently said. Napatitig ako sa kaniya habang nakapalumbaba siya sa teddy bear na yakap niya. "Why are you ignoring him, mommy?" lumipat ang inosente niyang mga mata sa akin.
Natuliro kaagad ako. Paano nga ba ako hahanap ng isasagot? Hindi ko naman pwedeng sabihin ang tungkol sa nakaraan dahil hindi dapat.
"H-Hindi ko naman siya iniiwasan. Promise, k-kakausapin ko siya mamaya." iyun na lang ang tanging nasabi ko. Muntik ko nang matampal ang sarili nang ma realize iyun. Tsk, may kailangan pa akong panindigan.
"Okay mommy." nagngitian kaming dalawa bago pa siya bumaba sa kama. "I will play na po with tita-ate." tinanguan ko siya't pinanood na lumabas.
Napabuntong hininga ako pagkatapos. Tinignan ko ang sarili ko sa salamin. Kaya ko na ba? Iniintindi ako ni Dwayne kahit naman may karapatan siyang kamuhian ako. Ang akala ko, mababago na tuluyan ang tingin niya sa akin pero ang mga salita ng anak ko ang nagbura ng akalang iyon.
Napaka-unfair ko naman na ata. Tama, siguro kailangan ko na siyang harapin dahil papaano ko malalaman kung hindi ko susubukan. Mga araw na lagi ko siyang iniiwasan, kahit anino niya ay ayaw kong maabutan, alam ko namang kapag alam niyang nasa labas ako ng kwarto, laging siya ang nag-a-adjust, kahit hindi niya sabihin, siya na mismo ang umiiwas kapag alam niyang nasa labas ako.
Mamaya ko na siya haharapin, nasa bahay si Maica at hinihintay ako. May ibibigay daw siya sa akin. Nakakapagtakang hindi na lang niya ibigay sa akin mismo dito sa mansion.
Binasa ko ulit ang text niya.
[May ibibigay ako sa'yo, sa bahay.]
Pinihit ko unti-unti ang pinto at kumuha ulit ng buntong hininga.. bahala na.
Nag-taxi ako papunta doon, ayoko namang abalahin ang driver ni Dwayne. Tinawagan ko ng paulit-ulit ang number pero hindi iyun sinasagot ni Maica.
Nakarating ako sa tapat ng bahay na napapaligiran ng mga sasakyan, may mga tao ding nasa loob. Nangunot ang noo ko at dahan-dahang pumasok, siguro ay mga kakilala sila ni Maica kaya sila nandito.
Papasok pa lang ay nanlaki na agad ang mata ko dahil malalaking tao ang sumalubong sa akin. Ngumisi ang mga ito nang may humawak sa braso kong dalawang lalaki.
