Unicode
"But we were born to be alone
Yeah, we were born to be alone
Yeah, we were born to be alone
But why we still looking for love?" 🎶
ကြယ် နဲ့ပက်သက်ပြီးနောက်ပိုင်း သဘောကျမိသွားတဲ့ အရာတွေထဲမှာ BLACKPINK ကလည်း မပါမဖြစ်ပေါ့။ အရင်ကတည်းက ကြားဖူးနေပေမယ့် K POP နဲ့ပက်သက်ရင် ဘာဆိုဘာမှ စိတ်မဝင်စားတာကြောင့် လှည့်မကြည့်မိခဲ့တဲ့ ကျွန်တော်က အခုကြ BLACKPINK သီချင်းတွေနဲ့ ပျော်မြူးနေပြန်တယ်။
ကောင်ဆိုးလေးက ကျွန်တော် မမြင်နိုင်ခဲ့တဲ့အရာတွေကို မြင်အောင်လုပ်ပြီး ကျွန်တော့်ကို ပြောင်းလဲစေနိုင်တဲ့ တစ်ဦးတည်းသောသူပဲ။
Messenger noti မြည်ပြီး မပြောဖြစ်တာကြာပြီ ဖြစ်တဲ့ chat head လေးက အပေါ်ကိုတက်လာသည်။
နွေဦး ; "အဆင်ပြေရဲ့လား"
ကြည့်လက်စ BLACKPINK House ကို pause လုပ်ပြီး messenger ထဲဝင်လိုက်သည်။
"အင်း ပြေတယ်"
"နေကော ကောင်းတယ်မလား"
"ဘာလို့ စကားတွေလာပြောနေတာလဲ"
"ငါနင့်ကိုသတိရလို့"
"အော်"
"နင်တကယ်ပဲ ပြတ်သားသွားပြီလား"
"ဘာလို့လာမေးနေတာလဲ"
"ငါနင်နဲ့ပက်သက်ပြီး မျှော်လင့်မိနေသေးလို့.."
"ပြတ်သားတယ်ဆိုတာထက် နွံထဲကနေ ရုန်းနိုင်သွားသလို လွတ်လပ်သွားတာကြောင့် မမျှော်လင့်ပါနဲ့တော့"
ကျွန်တော်ကြားဖူးတဲ့ စကားတစ်ခွန်းရှိတယ်။
"ဘဝကြီးက ခက်ခဲနေပြီးသားပါ၊
ဘာလို့ ခက်ခဲမယ့် relationship ကို ထပ်ရွေးနေဦးမှာလဲ" တဲ့။
အမှန်တိုင်းဝန်ခံရရင် ကျွန်တော်
သူမနဲ့ဟိုးအရင်က အကြိမ်ကြိမ် လမ်းခွဲခဲ့ဖူးသည်။ လမ်းခွဲပြီးတိုင်း သူမ ပြန်လာခေါ်တဲ့အခါ ဘေးနားမှာရှိတဲ့ဆက်ဆံရေးတွေအကုန်လုံးကို ပစ်ချပြီး ကျွန်တော် ပြန်ပါသွားတာအကြိမ်ကြိမ်။
အခုတခေါက်မှာတော့ သူမ ကိုတောင်တကယ်လက်လွှတ်ပြီး မဖြစ်နိုင်တဲ့ဆက်ဆံရေးကို ပဲ ဆက်ရွေးချယ်မိခဲ့တာကြောင့် ကောင်ဆိုးလေးအပေါ်ထားတဲ့ မေတ္တာဟာ စစ်မှန်ကြောင်း ကိုယ့်ကိုယ်ကို ပိုသိလာရတယ်။
