Энгийн л нэг өдөр үргэлжилсээр.. үгүй ээ түүнтэй хамт байгаа болохоор энгийн гэхэд тохирохгүй юм байна. Жаргалтай өдрүүд үргэлжилсээр...
Саяжингаа ширээгээ дэрлэн унтаж байсан Жонгүг гэнэт л год үсрээд босоход нь цочиж орхив.
"Хөөе, Жон Жонгү..."
Намайг үг хэлэхээс ч өмнө хажууд байх суудлыг минь орхичихжээ. Түүнээс илүү одоо миний хамгийн дургүй нэгэнтэй хамт зогсож байгаа нь юунаас ч илүү дургүйг минь хүргэхийг дээдээр хүргэж байлаа. Бүр хамаг биеэрээ наалдчихсаныг нь ярих ч юм биш !
"Жонгүг, чи сая түүнтэй юу ярив ?"
"Аан харин Хэми тамхиа дуусчихсан нэг тамхи өгөөч гэхээр нь л хүүхдүүдээс нууцаар өгчихөөд ирлээ"
"Их л удаан ярьсан даа ?"
"Аан бас орой бид хэд цуглаж уух гэж байгаа юм. Тэгэхэд хамт уухаар болсон. Хэми манай хэдтэй нэлээн дотно л доо"
"Байзаарай Жонгүг, чи яг ямар новшоо яриад байгаа юм бэ ? Хэми тэгээд та долоотой шөнө уугаад суух болж байна уу ? Бас чамаас тамхи зээлсэн гэнээ, охин хүүхэд байж энэ бүгд зүгээр үү?"
"Сожин энэ бүгд чинь нээх том асуудал биш шүү дээ, тэр бидний эмэгтэй найз. Тэр өөрийгөө өөрөө хариуцчихаж чадна. Тэглээ ч бид угаасаа иймэрхүү л байж ирсэн, чи хүндээр тусгаж авах шаардлагагүй !"
"Ойлголоо, сайхан зугаацаарай !"
~~~
Хичээлийн хоёрдугаар цаг дээр болсон багахан маргаанаас хойш би түүнээс зайгаа барьж явсаар гэртээ ирсэн билээ. Гэхдээ юу гээч, энэ үнэхээр хараал идсэн утгагүй зүйл. Би дөнгөж шилжиж ирэх үедээ ангийн бүх хүүхдийг нэг бүрчлэн ажигладаг байсан юм. Тэгэхдээ би тэднийг хосууд гэж боддог байсан. Учир нь тэд үргэлж хамт сууж, хичээлээ ч хийхгүй хичээлийн бүхий л цагаар утсаа ухаж бие биенээ зураг үзүүлэн тас тас хөхөрч цагийг бардаг байсан. Бас болоогүй, тэр үргэлж Жонгүүгийн өвөр дээр очиж суугаад эсвэл тэврээд авдаг байсан. Тэгтэл одоо юу гэнээ, хамт ууна бид зүгээр л найзууд гэнэ шүү. Би тэдний хооронд ямар нэг юм болсон гэдэгт эргэлзэхгүй байна !
From Bunny 🐰
Гараад ир...
Сожин-а
Алив ээ, надтай ярилц л даа
Надад чамд хэлэх зүйл байна !
Надад байхгүй юмсан ?
Чи одоо Хэмитэй цуг уух ажилтай биз дээ ?
Зүгээр явж үз залуу минь, надад чиний хэрэг огтхон ч байхгүй !
Түүн рүү ширүүн хариу биччихээд санаа амран суусан ч үнэндээ түүнээс аргадсан хариу хүлээсээр өөрийн мэдэлгүй утсаа ширтсээр л байлаа. Арван минут өнгөрсөн ч түүнээс хариу алга байгаад багахан урам хугарав.
"Сожин-а нэг хүүхэд ирчихээд чамтай уулзахаар дуудаад байх юм"
Зочны өрөөнөөс ээжийн ийн хэлэх дуу хадах бол би багагүй гайхаж орхилоо. Надтай уулзахаар ирэх хүн байх ёсгүй дээ.
"Жонгүг ?"
Үүдэнд ээжтэй мэндлэн инээд алдан зогсох Жонгүгийн хараад шүдээ зуун нэрийг нь дуудлаа. Чи энд юугаа хийж байгаа юм бэ ?
"Сожин чи чинь найзыгаа гадаа хөлдөж авахаа шахсан байна шүү дээ ! Ийм сайн хүүхдийг, сүү бариад ороод ирдэг ухаалаг хүү байна даа"
"Үгүй ээ ээжээ, тэр миний найз биш ! Алив гараад ярилцъя"
Бушуу түүнийг гаргахын түүс болж гарнаас нь зуурсаар хаалгаар түлхэн гаргах бол тэр "Хадам ээжээ, удахгүй албан ёсоор ирнээ" гэж орилсоор хаалга хаах нь тэр. Бурхан минь, энэ галзуу амьтаныг үнэхээр яах вэ ?
"Сожин-а, битгий уурла л даа. Би чамтай уулзах гээд тэд нартай уухаар яваагүй. Манай найз охин хүлээж байгаа, би та нар шиг ажилгүй амьтан биш шүү гээд гараад ирсэн. Мундаг байна уу, мм ?"
"Зүгээр үнэхээр нь хариул ! Хэми та хоёр үерхэж байсан тийм үү ? Үнсэлцэж ч байсан биз !"
"Үгүй ээ хайраа, үерхэж байгаагүй ээ, би найзаас өөрөөр огт харж байгаагүй !"
Нэг гараараа гараас минь зуурсаар нөгөө гараараа долоовор хуруугаа гозойлгон нэгийн тоо дүрсэлж үзүүлэх энэ залууг үнэхээр муу залуу гэж итгэх арга алга !
Түүнд хариу хэлэхгүй ширтэн зогссон тэр сандран "Нээрээ шүү" гэсээр намайг тэвэрч орхих нь тэр. Санаатай гэдэг нь !
"Байз даа, Жон Жонгүүг. Чамаас үнэхээр их тамхи үнэртэж байна. Би тамхины үнэрт хамгийн дургүй, цаашаа бай" Түүнээс үнэртэх тамхиний үнэрт дотор муухай оргиод эхлэв. Би үнэхээр тамхины үнэрийг хамгийн их үзэн яддаг.
"Жонгүг чамаас үргэлж тамхи үнэртвэл би лав ойртож чадахгүй юм байна! Тамхинаас гар аа.."
"Ойлголоо чамайг тэврэхийг тулд тамхинаас гаръя, хүсвэл уухаа ч болиод, мотоцикл ч унахаа больж, хичээлээ ч хийж эхэлье"
"За тэгвэл маргаашнаас мотоцикл унахгүй, тамхи татахгүй, согтууруулах ундаа хэрэглэхгүй, хичээлээ хийж эхэлнэ шүү за юу ?"
"За хайраа тэр арай хэтэрнэ шүү. Би зүгээр жаахан хэтрүүлчихжээ, энэ бүгдийг хийхээ боливол хайр нь яаж амьдрах юм ?"
Хар жийнс, хар савхи өмсөж үсээ гелдсэн том залуу ингээд зогсож байна гэдэг итгэмээргүй юм !
A/N Ийм залуу шүү дээ манай гол дүр чинь 😆❤