ပင်ပန်းရတဲ့ကြားထဲ မင်းကတမျိုး...တဲ့လား။ ရင်ဝကိုစောင့်ကန်ခံလိုက်ရသလိုပဲ။ ဖုန်းတဂွမ်ဂွမ်ဆက်နေတာမှန်တယ်။ ဒါပေမယ့် သူကကိုင်လို့လား။ အခုမှကိုင်ပြီး ကိုင်ကိုင်ချင်းပြောလိုက်တဲ့စကားက တကယ်ကိုအညှာအတာမဲ့တယ်။
သူ့အမေနေမကောင်းလို့ ရွာကိုပြန်တယ်။ ကျွန်တော်လိုက်ချင်တယ်။ ဒါပေမယ့် သူကမခေါ်ဘူး။ ငါမပါရင်မသွားရဘူးဘာညာဆိုပြီး လုပ်လို့ရပေမယ့် သူ့ကို အရမ်းနိုင်စားသလို ဖြစ်နေမှာစိုးလို့ ကျွန်တော်ဒီတိုင်းပဲနေခဲ့တယ်။ ထူးအောင်က ကျွန်တော်အရမ်းချစ်ရတဲ့လူ။ ပြီးတော့ သူကကြောက်တတ်တယ်။ တစ်ယောက်တည်း ကားစီးရတာ အဆင်ပြေရဲ့လား။ အိမ်ကိုချောချောမွေ့မွေ့နဲ့ ရောက်ရဲ့လား။ စိုးလည်းစိုးရိမ်သလို စိတ်လည်းမချတာကြောင့် ကျွန်တော်သိချင်တယ်။ အမှန်ဆို သူရောက်တာနဲ့ ကျွန်တော့်ဆီ ဖုန်းဆက်သင့်တာမလား။ မောင်ထူးရေ ငါတော့ရောက်ပြီဆိုပြီး။ ဒါပေမယ့် လုံးဝမဆက်ဘူး။ အဲ့တော့ ကျွန်တော်ဘယ်လိုမှ မနေနိုင်တော့ဘူး။ ဖုန်းဆက်တော့လည်းမကိုင်တော့ ပိုဆိုးတာပေါ့။ အဆင်မှပြေရဲ့လားဆိုပြီး စိတ်တွေတအားပူလာရော။ သူ့ဘက်ကတော့ ကျွန်တော့်ကို နည်းနည်းမှကိုယ်ချင်းမစာဘူး။
အချစ်ဆိုတာ လုပ်ယူဖန်တီးလို့ရတယ်လို့ ကျွန်တော်ထင်ထားခဲ့တာ။ တကယ်က မှန်ချင်မှ မှန်မှာ။ ထူးအောင် ကျွန်တော်နဲ့အတူနေနေတာ နှစ်နှစ်ရှိပြီ။ အဲ့နှစ်နှစ်အတွင်း ကျွန်တော်သူ့အပေါ်ကို အစွမ်းကုန်ကောင်းပေးခဲ့တယ်။ သူပျော်ပါစေဆိုတဲ့စိတ်နဲ့ အရာရာအလိုလိုက်ပေးခဲ့တယ်။ တစ်နေ့နေ့ တစ်ချိန်ချိန်မှာတော့ ကျွန်တော့်ကို ပြန်ချစ်လာမယ်လို့လည်း မျှော်လင့်ထားခဲ့တယ်။ အခုတော့ အဲ့မျှော်လင့်ချက်က မသေချာတော့ဘူး။
သူ စိတ်အနှောက်အယှက်ဖြစ်မှာစိုးလို့ ကျွန်တော်ထပ်ပြီး ဖုန်းမဆက်ဖြစ်ဘူး။ သူ့ဆီကလာမယ့် အချိန်ကိုပဲ စောင့်နေခဲ့တာ။ တစ်ရက်,တစ်ရက်နဲ့ အချိန်တွေသာကုန်သွားတယ် ထူးအောင်ဆီက ဘာအဆက်သွယ်မှမရခဲ့ဘူး။ ကြာတော့ ကျွန်တော် မနေနိုင်တော့။ သူ့ဆီ ဖုန်းအရမ်းဆက်ချင်နေတယ်။ ဒါပေမယ့် အပြောခံရမှာလည်း ကြောက်သေးတာကြောင့် မဆက်ဖြစ်ဘူး။ သူ မအားလို့နေမှာပါဆိုပြီး ဖြည့်တွေးကြည့်တယ်။ တစ်ရက်ရက်တော့ ကျွန်တော့်ကို ဆက်သွယ်မှာပါပေါ့။ ဒါပေမယ့်
ထူးအောင်က အရမ်းကိုနေနိုင်လွန်းတယ်။ လုံးဝကို ဆက်မလာခဲ့ဘူး။ ကျွန်တော် ညဘက်တွေ ကောင်းကောင်းအိပ်မပျော်တော့ဘူး။ တစ်ရေးနိုးတိုင်း ထူးအောင်များ ဖုန်းဆက်ထားမလားဆိုတဲ့စိတ်နဲ့ ဖုန်းကိုဖွင့်ဖွင့်ကြည့်နေမိတယ်။
---***---
ကျွန်တော်လေ အရမ်းလွမ်းတာပဲ။ သတိရတိုင်း သူရေးထားတဲ့ ဗရုတ်သုတ်ခစာတွေ ထုတ်ဖတ်တာက အလွမ်းမပြေဘူး။ သူ့ဓာတ်ပုံတွေကြည့်တော့လည်း ပိုလွမ်းလာတယ်။ ကျွန်တော် သူ့ကို မြင်နေရရုံနဲ့ ကျေနပ်တယ်ဆိုတာက ဓာတ်ပုံကိုမှမဟုတ်ဘဲလေ။ သူနေလို့ကောင်းရဲ့လား။ ကျွန်တော်မရှိတော့ ပျော်များပျော်နေမလား။ ကျွန်တော့်ကို နည်းနည်းလေးတောင် သတိမရဘူးလား။ အဲ့စိတ်တွေနဲ့ ထမင်းတွေလည်း စားလို့မဝင်ခဲ့ဘူး။
ကိုဇော်ဇော်ကတော့ ပြောပါတယ်။ ထူးအောင်က အဲ့လောက်စိတ်ထားဆိုးတဲ့သူ မဟုတ်ပါဘူးတဲ့။ မင်းနဲ့နေလာတာ နှစ်နှစ်တောင်ရှိနေပြီမို့ သူမင်းကိုမချစ်ရင်တောင် သံယောစဉ်တော့ရှိပါတယ်။ အခုဟာကလည်း သူတကယ်မအားလို့နေမှာပါတဲ့။ အဲ့တာကြောင့် ကိုယ့်ကိုယ်ကိုယ် ဒုက္ခမပေးပါနဲ့။ စားစရာရှိတာစားပြီး အိပ်ပျော်အောင်အိပ်ပါ။ အချိန်တန်တော့လည်း ထူးအောင်ကပြန်လာမှာပေါ့တဲ့။ ကျွန်တော်လည်း အဲ့လိုမျိုးတွေးပါတယ်။ ဒါပေမယ့် မရဘူး။ ကျွန်တော့်ကွယ်ရာမှာ ဘယ်လိုမှစိတ်မချနိုင်ဘူး။
ထူးအောင်က နကိုယ်ကတည်းကမှ ရူးကြောင်ကြောင်ရယ်။ ကျွန်တော့်လိုလူမျိုး နောက်တစ်ယောက်မရှိနိုင်ဘူးလို့ ဘယ်လိုလုပ်ပြောနိုင်မှာလဲ။ လှည့်ကွက်တွေသုံးပြီး သိမ်းပိုက်သွားရင် ဘယ်လိုလုပ်မလဲ။
ထူးအောင်ရွာပြန်သွားတဲ့နေ့ကစပြီး ကျွန်တော် ကားမမောင်းရတော့ဘူး။ စိတ်မချဘူးဆိုပြီး ကိုဇော်ဇော်ကပဲ နေ့တိုင်းအကြို၊ အပို့လုပ်ပေးခဲ့တယ်။ ထူးအောင်နဲ့အတူတူ အကြာကြီးနေချင်သေးတာမို့ ကိုယ့်ကိုယ်ကိုယ် ထိခိုက်အောင် ဘာမှမလုပ်ပါဘူး၊ စိတ်ချပါလို့ပြောလည်းမရဘူး။ မင်းကိုမယုံဘူးတဲ့။ တကယ်ပါပဲ။ ကိုဇော်ဇော်ရှိတော့လည်း တစ်မျိုးကောင်းပါတယ်။ ကျွန်တော်ရင်ဖွင့်လို့ ရတာပေါ့။ ထူးအောင်နဲ့ကျွန်တော့်အကြောင်းကို သိတဲ့သူစိမ်းဆိုလို့ ကိုဇော်ဇော်တစ်ယောက်ပဲရှိတယ်လေ။ ပြီးတော့ သူကကျွန်တော့်အကိုလိုပဲ။ ကျွန်တော့်အပေါ်ကို အရမ်းကောင်းပေးတယ်။ ကျွန်တော့်ကိုလည်း အရမ်းနားလည်တယ်။
ရက်ပေါင်း (32)ရက် ကြာပြီးတဲ့နောက်မှာတော့ မနက်အစောကြီး ကျွန်တော့်ဆီကို ဖုန်းဝင်လာတယ် "မောင်ထူး ငါ့ကိုလာကြို"တဲ့။ ပျော်လိုက်တာဆိုတာလေ ပြောမနေပါနဲ့တော့။ နောက်ဆုံးတော့ ထူးအောင်ပြန်လာခဲ့ပြီ။
"မင်းမရှိလို့လားမသိဘူး တအားနေလို့ကောင်းတာပဲ"တဲ့။
ကျွန်တော်လေ... ဘာပြန်ပြောရမှန်းမသိဘူး။ ကျွန်တော့်လုပ်ရပ်တွေက တစ်ကိုယ်ကောင်းများဆန်နေလား။ အင်း...ဆန်နေတာပေါ့။ ကျွန်တော် ပျော်ရွှင်ဖို့အတွက် တစ်ခုတည်းနဲ့တင် ထူးအောင်ကို လိမ်လည်လှည့်စားပြီး အရယူခဲ့တာ။ သူ့ဘက်ကို နည်းနည်းမှထည့်မတွက်ခဲ့ဘူး။ အစက ထင်နေတာ ကျွန်တော်သူ့ကို အစွမ်းကုန်အလိုလိုက်ပြီး လိုလေသေးမရှိအောင် ဖြည့်ဆည်းပေးရင် ကျွန်တော့်ကြောင့် ထူးအောင်းပျော်ရွှင်ရမယ်ပေါ့။ တကယ်တော့ ကျွန်တော်စိတ်ကူးတွေ ယဉ်နေမိတာပဲ။ ယောက်ျားတစ်ယောက်က တခြားယောက်ျားတစ်ယောက်နဲ့ လက်ထပ်ရတာကို ဘယ်လိုလုပ်ပျော်နေမလဲလေ။ ပြီးတော့ အဲ့ယောက်ျားကလည်း သူမချစ်တဲ့လူတစ်ယောက်ဆိုတော့ ပိုဆိုးပြီပေါ့။
ကျွန်တော် ထူးအောင်ကို လွတ်လပ်ခွင့်ပေးလိုက်ရင် ကောင်းမလား။ ဒါပေမယ့် ထူးအောင်မရှိရင် ကျွန်တော်မနေနိုင်လောက်ဘူး။ ထူးအောင် စိတ်ဆင်းရဲနေတာကိုလည်း မကြည့်ရက်ပြန်ဘူး။ ကျွန်တော်သေသွားရင် အဆင်ပြေသွားမလားဆိုပြီး တွေးမိသေးတယ်။ အဲ့လိုတွေးရပါမလားဆိုပြီး ကိုဇော်ဇော်က ကျွန်တော့်ကိုဆူတယ်။ ကိုယ်ချစ်တဲ့သူကို ပိုင်ဆိုင်ချင်တာက သဘာဝပဲမို့ ကိုယ့်ကိုယ်ကိုယ် အပြစ်တင်မနေပါနဲ့တဲ့။ သူ ထူးအောင်နဲ့တွေ့ပြီး စကားပြောကြည့်မယ်တဲ့။ ထူးအောင်က မင်းအပေါ်ကို အဲ့လောက်ကြီး အမြင်မဆိုးပါဘူးတဲ့။ ကျွန်တော်တကယ်မတွေးတတ်တော့ဘူး။
-----------------------------------------------------
ဒီနေ့က ကျွန်တော့်မွေးနေ့။ အဲ့တာကြောင့် အိမ်မှာ မိသားစုပါတီလုပ်မယ်တဲ့။ ကျွန်တော်စိတ်မဝင်စားပေမယ့် ထူးအောင်ကလုပ်ချင်တယ်ဆိုလို့ မတားတော့ဘူး။ ဒီရက်တွေမှာ ကျွန်တော်နေလို့ထိုင်လို့မကောင်းဘူး။ ကျွန်တော်နဲ့နေရတာကို ထူးအောင်တစ်ယောက် စိတ်ပျက်နေမလား။ ပျော်ရောပျော်နေရဲ့လားဆိုတာကို စိတ်ပူလို့ သူနဲ့ခပ်ခွာခွာနေပေးခဲ့တယ်။
ဒီနေ့တော့ ထူးထူးဆန်းဆန်း ထူးအောင်က ကျွန်တော့်အခန်းထဲလိုက်လာပြီး ကျွန်တော့်ဘေးမှာဝင်ထိုင်နေတယ်။ အတန်းမတက်ဘူးလားလို့မေးတော့ ခေါင်းယမ်းပြတယ်။ ပြီးတော့ စာအုပ်ထုတ်ပြီးဖတ်နေတယ်။ ဘာစိတ်ကူးပေါက်ပြီး လိုက်လာတယ်မသိပေမယ့် ဘေးမှာထူးအောင်ရှိနေတဲ့ခံစားချက်ကို ကျွန်တော်သဘောကျတယ်။
ကျွန်တော့်အနားကို မိုးချိုရောက်လာတယ်။ မိုးချိုက အတော်လေးလှတဲ့ မိန်းကလေးတွေထဲမှာပါတယ်။ အမြဲတမ်း တက်ကြွဖျတ်လတ်နေတာ။ သူမကိုစိတ်ဝင်စားတဲ့ ယောက်ျားလေးတွေများပေမယ့် သူမကတော့ ပြန်ပြီးစိတ်မဝင်စားခဲ့ဘူး။ အဲ့တာကလည်း ကျွန်တော့်ကြောင့်။ ကျွန်တော်သိပါတယ် မိုးချိုက ကျွန်တော့်ကို စိတ်ဝင်စားနေတာ။ အခု အခွင့်သာတုန်း ထူးအောင်နဲ့မိတ်ဆက်ပေးလိုက်ရင် ကောင်းမလား။ မဖြစ်သေးပါဘူး ထူးအောင်က ကျွန်တော်တို့အကြောင်းကို တခြားလူတွေသိမှာ မကြိုက်ဘူး။
ဇော်နိုင်နဲ့မိုးချိုက ငယ်ငယ်ကတည်းက သူငယ်ချင်းတွေ။ ငယ်ပေါင်းတွေဆိုတော့ မိုးချိုကျွန်တော့်ကို စိတ်ဝင်စားနေမှန်းသိတာပေါ့။ အဲ့တာကြောင့် ဇော်နိုင်က မိုးချိုနဲ့ကျွန်တော့်ကိုမြင်တိုင်း လှော်တယ်။ စတယ်။နောက်တယ်။ ကျွန်တော်တို့ကို ပေးစားတယ်။ ဇော်နိုင်မှမဟုတ်ပါဘူး။ အတန်းထဲက လူအတော်များများက ကျွန်တော်နဲ့မိုးချိုကို တစ်မျိုးထင်နေကြတာ။ ထင်လည်းထင်စရာ မိုးချိုက အမြဲ ကျွန်တော့်အနားမှာပဲကိုး။ ထူးအောင်နဲ့က ကျောင်းမှာသိပ်မတွေ့ဖြစ်ဘူး။ ထူးအောင်က သူဗိုက်ဆာရင် sms လှမ်းပို့တယ်။ သူဗိုက်ဆာတယ်ဆိုတိုင်းလည်း ကျွန်တော်ဝယ်ပြီး သူ့အခန်းထဲသွားပို့ပေးလိုက်တယ်။ ဆိုင်အတူတူထိုင်ဖြစ်တာက နေ့လည်စာစားတဲ့တစ်ချိန်လောက်ပဲ။ ထူးအောင်က ကျွန်တော် သူ့အခန်းထဲလာရင်လည်း မကြိုက်ဘူး။ မုန့်သွားပို့ရင်တောင် ခဏပဲ။ ကြာရင်သူကနှင်ထုတ်တာ။ အိမ်မှာလည်း တွေ့နေရတာပဲလေဆိုပြီး ကျွန်တော်လည်းဒီအတိုင်းပဲ နေလိုက်တယ်။ အဲ့တာကြောင့် ထူးအောင်က မိုးချိုတို့နဲ့မဆုံဖူးဘူး။ အခုပထမဆုံး ဆုံဖူးတာပဲ။
တစ်ခုခုသွားစားရအောင်တဲ့ ကျွန်တော့်ကို မရမကခေါ်နေတယ်။ လိုက်သွားရင် ထူးအောင်တစ်ယောက်တည်း ဖြစ်နေမှာမို့ ကျွန်တော်မလိုက်ဘူး။ ဒါပေမယ့် သူတို့က ဇွတ်တွေခေါ်နေတယ်။ တအားငြင်းရင်လည်း ရိုင်းရာကျဦးမယ်။ လိုက်တာကတော့ လိုက်လို့မဖြစ်ဘူး။ ထူးအောင်က ရှားရှားပါးပါး ကျွန်တော့်အခန်းထဲ လိုက်လာတာကို။ အဲ့အချိန်မှာပဲ ထူးအောင်ဆီကနေ အသံထွက်လာတယ်။ ဗိုက်ဆာတယ်တဲ့။ ကျွန်တော်လည်း မိုးချိုတို့ကိုရှောင်ထွက်ချင်နေတာနဲ့ တကယ်ကို အချိန်ကိုက်ပဲ။ အဲ့မှာ သူတို့ကိုနှုတ်ဆက်ပြီး ထူးအောင်အတွက် တစ်ခုခုဝယ်ဖို့ ထွက်လာခဲ့လိုက်တယ်။
ကျွန်တော်ထွက်လာပြီးမှ သတိရတယ်။ ထူးအောင်က မိုးချိုတို့နဲ့ကျန်ခဲ့တာပဲ။ ဇော်နိုင်က ထူးအောင်ကိုလျှောက်မေးနေမှဖြင့် ထူးအောင်တစ်ယောက်တည်း ကြောင်တောင်တောင်ဖြစ်နေတော့မှာပဲ။ အဲ့တာကြောင့် တွေ့တဲ့မုန့်ဝယ်ပြီး အမြန်ပြန်လာခဲ့ရတယ်။
ကျွန်တော်ပြန်လာတဲ့အချိန်ထိ ဟိုနှစ်ယောက်ကရှိနေကြတုန်း။ ထူးအောင်ကိုကြည့်ပြီး တီးတိုးတီးတိုးနဲ့ ဘာတွေပြောနေကြလဲမသိဘူး။ ထူးအောင်ကတော့ အေးဆေးပဲ စာအုပ်ဖတ်နေတယ်။ တော်ပါသေးတယ် ကျွန်တော်ထင်သလို မနေတတ်မထိုင်တတ်ဖြစ်မနေလို့။ ပြောလို့သာပြောရတာပါ ထူးအောင်က ပတ်ဝန်းကျင်ကို ဂရုစိုက်တဲ့လူမဟုတ်ဘူး။ သူလုပ်ချင်တာ လုပ်နေမှာပဲ။
ကျွန်တော် ဝယ်လာတဲ့စပျစ်သီးထုပ် ပေးပြီးမှ သတိရတယ်။ လောလောနဲ့ပြန်လာခဲ့တာမို့ အခွံထည့်ဖို့ အိတ်မဝယ်ခဲ့လိုက်ရဘူး။ မထူးပါဘူးလေဆိုပြီး လက်ဖဝါးပဲခံပေးလိုက်တယ် အခွံတွေထွေးထုတ်ဖို့အတွက်။
ကျွန်တော့် အပြုမူတွေကြောင်းလားတော့မသိဘူး။ ဇော်နိုင်ကမေးတယ်။ အဲ့တာဘယ်သူလဲ.... မင်းညီလေးလားတဲ့။ မိုးချိုကလည်း သိချင်နေတဲ့ ပုံစံနဲ့ ကျွန်တော့်ကိုကြည့်နေတယ်။ ကျွန်တော်ဖြေလိုက်ချင်တယ်။ သူက ကျွန်တော်အရမ်းချစ်မြတ်နိုးရတဲ့ လူသားလေးပါလို့။ ဒါပေမယ့် အဲ့လိုပြောလိုက်ရင် ထူးအောင်က ကြိုက်ပါ့မလား။ သူက ကျွန်တော်နဲ့သူ့ရဲ့ ပတ်သပ်မှုကို ဘယ်သူ့ကိုမှ သိစေချင်တာမဟုတ်ဘူး။ အဲ့တော့ ကျွန်တော်ဘယ်လိုပြန်ဖြေရမလဲမသိဘူး။ ထူးအောင်ကိုကြည့်တော့ သူလည်း ကျွန်တော့်ကိုပြန်ကြည့်နေတာနဲ့ ဆုံတယ်။ ပြီးတော့ သူ့ဆီက အသံထွက်လာတယ်။ "သူ့ကောင်လေးပါ"တဲ့။ ကျွန်တော်အပါအဝင် ဟိုနှစ်ယောက်ရော ပါးစပ်အဟောင်းသား ဖြစ်သွားကြတယ်။ တကယ်မထင်ထားခဲ့ဘူး သူအဲ့လိုဖြေလိမ့်မယ်လို့။ ကျွန်တော်ပျော်လွန်းလို့ ဆွဲဖက်ပြီးနမ်းပြစ်လိုက်တယ်။ အတန်းထဲမှာ လူတွေရှိနေပေမယ့် ထူးအောင်ကမရုန်းတဲ့အပြင် ပြုံးနေသေးတယ်။ ရူးတော့မှာပဲ...