فى غرفه ملك ومحمد فى فيلا محمود الحديدى ، كان يجلس محمد على السرير واضعا رأسه بين يديه ويضغط عليها بقوه كأنه يحاول منع الأفكار من الدخول فى خلايا عقله ، فهناك صراع فى عقله الان ، هويه نسب مجهوله ، هل هوا حقا ابن عادل ، وهل فيروز كذلك ، هل حقا هم نتاج علاقه غير شريعه ، هم ليسوا من نسل الحديدى ، ولاكن كيف يعقل هذا ، ولاكنه متأكد بنسبه مليون فى المئة انه ابن محمود الحديدى ، ولاكن التحاليل اثبتت انه ابن عادل ، أراد لو استطاع تفجير دماغه حتى تتوقف تلك الأفكار عن الصراع
برزت عروق وجهه بشده واحمرت عينياه التى تحولت للون الاسود من شده غضبه
دخلت ملك فى ذلك الوقت بعد أن اخرجت طفليها وارسلتهم الى سلمى مع بقيه الاطفال
وجدت زوجها على هذه الحاله ، أسرعت فى الاقتراب اليه وامسكت يداه وابعدتها عن وجهه
ملك / محمد اهدى......ايه الى حصل
لم تتلقى رد ولاكن واجهت نظرات محمد الغاضبه التى تدل على قرب ارتكابه لجريمه فى اى لحظه
ملك فى محاوله لتهدئه زوجها/ يامحمد .....اهدى ياحبيبى....خلينا نتكلم بهدوء
انفجر فى وجهها محمد الذى كان منتظر اشاره حتى يخرج ما فى قلبه
محمد بغضب وصوت عالى / اهددددى.....بتقوليلى اهدى....اهدى ازاى ......انا مش عارف انا ابن مين ......انا ابن حرام .....انا مش ابن خالك الى اتجوزتيه انا ابن حرام ياهانم....انا مش من العيله دى ....انا ابن واحده......محترمتشى الراجل الى متجوزاه وراحت عملت علاقه حرام مع واحده تانى وهى على ذمته ......فافكرتشى فى العواقب والكسره والذل الى هانعانيه بعد كده .....انا مش عارف هقول لفيروز ايه ...هروح اقولها ان ابوكى مش ابوكى ...ولا العيله دى علتك....ولا جوزك دا يقربلك......اقولها اننا جاين فى الحرااااام
انا اتأكدت بنفسى كل التحاليل اثبتت اننا ولاد الراجل ده
خرج محمد مسرعا من الغرفه واصتدم بمحمود
محمود بقلق واضح وهو يتفحص وجهه ابنه المرعب/ محمد مالك انت عامل كده ليه .....محمد ماله ياملك....مالك يا ابنى فى ايه
محمد وهو ينفض يده وتحدث بغضب/ بسسسس متقولشى ابنى دى انا مش ابنك انا مش ابنك ساامع مش ابنك انا ابن عادل احنا مش ولادك
محمود وهو يطالع والده باستغراب/ انت واعى للانت بتقوله ده انت شكلك سخن وبتخترف
محمد وهو يلقى له التحاليل التى أثبتت انه ابن عادل / طب بما انى ابنك فهمنى ايه ده
محمود وهو يطالع الورق بصدمه/ مستحيل....اكيد التحاليل دى مزوره
محمد وهو يضحك بوجع/ التحاليل دى سليمه ميه فى الميه وانا اتأكدت منها بنفسى
دى تحاليل بتثبت انى ابن عادل...واشار الى احدى التحاليل ، وأمسك التحليل الاخر وقال / ودى بتثبت انى مش ابنك
عاوز ايه اكتر من كده هاا
محمود / لوجبت مليون تحليل بيقولوا انك مش ابنى مش هصدق انت ابنى غصب عن الكل
انت محمد محمود الحديدى
ودا امر مافيهوش شك
نظر له محمد بنظرات تملئها الحيره ، ثم خرج من البيت واخذ سيارته واتجه إلى نوح
◇◇◇◇◇◇◇◇◇
على الجهه الاخرى فى فيلا خالد
كانت تجلس فيروز على الاورجوحه فى يدها البوم صور ظلت تنظر إلى الصور حتى توقفت عند صوره زار الحزن عينيها فى تلك اللحظه ، بدأت بزرفالدموع تلقائيا بغزاره عندما نظرت لتلك الصوره ، وضعت يدها على الصوره وزادت من هطول دموعها ، وجدت من يضع يده على كتفها ينظر لها بحزن وعينيه تخبرها رساله ، الم يكفى الحزن والدموع على الماضى ، وجدته يضمها الى صدره ويشدد من عناقها يحاول ان ينقل الاحزان من قلبها الى قلبه
خالد بحزن وهو يحاول تهدئتها/ فيروز قلبى...اهدى ياحبيبتى كفايه عياط ....دموعك دى بتكوى قلبى
فيروز ببكاء حاد / قلبى واجعنى اووى عليها واحشتنى اوووى ٣ سنين بعيده عن حضنى نفسى اضمها ليا واشم ريحتها واحشتنى اووى يا خالد
خالد وبدأت تتلألأ الدموع فى عينيه/ مش لوحدك الى قلبك واجعك انا بموت فى اليوم ميه مره كل لما افتكر انى قصرت فى حمايتها وأنها ضاعت منى من حضنى انا الى ضيعتها هى بعدت عننا بسبب اهمالى
فيروز وهى تحاوط وجه بيديها/ خالد انت مقصرتش ولا هتقصر فى حمايتنا
كل ده بسبب ناس قذره كل همها انها تحطم العيله وخلاص وانت وعدتنى انك هترجعها وانت عمرك ماخلفت بوعدك صح
هز رأسه كأنه طفل صغير
قطع تلك اللحظه دلوف الخدامه تخبرهم بوصول محمد اخو فيروز ومعه شخص آخر لا تعرفه
ظهرت علامات الاستغراب على وجه خالد وفيروز
فيروز باستغراب/ هوا خالد جايب مين وجاى
خالد بحيره/مش عارف والله يافيروز بس هيكون مين
فيروز/ ممكن يكون حد تبع الشغل ولا حاجه
خالد / لاء احنا مانعين اى حد من العملا يروحوا البيت لاى حد فينا والى حاطط القرار ده اخوكى فامستحيل يعمل كده
فيروز/ طب تعال نشوف مين
خرج خالد وفيروز وجدوا محمد يجلس على إحدى الارائك ويكور قبضه يده بغضب حتى برزت عروق يده واحمرت وعيناه
ويجلس فى مقابله هذا المدعو والدهم عادل يجلس بكل اريحيه(بيت ابوه هوا😂) ويضع على قدميه محمود ابن فيروز ويلاعبه
كاد أن يتحدث خالد حتى صرخت فيروز
فيروز بصراخ/ محمووود تعالى هنا حالا
هبط محمود من فوق أقدام عادل واتجه إلى والدتها بسرعه
فيروز بهدوء حتى لاتغضب على صغيرها/ محمود ياحبيبى انا مش قولت منكلمشى حد غريب...حصل ولا لاء
محمود بهدوء/ حصل ياماما
بس هوا قالى انه يبقى جدو يعنى يبقى ابوكى وأبو خالو محمد
حاولت فيروز التحكم فى غضبها
نزل خالد لمستوى ابنه ومسح على شعره بحنان وقال وهو يقبل خديه/ حبيبى دا مش جدو جدو يبقى جدو محمود وبس دا يبقى بابا خالو محمد وماما فيروز
دا مش جدو دا واحد شرير ويضحك عليك
ودلوقتى حبيب بابا اطلع يلا اوضتك شوف الهدايا الى انا جبتهالك
نظر له الصغير بفرحه واحتضنه وصعد الى غرفته مسرعا
نظرت فيروز لذلك الجالس على الاريكيه بكل اريحيه طالعته بنظرات غاضبه ودت لو قتلته
امسك خالد يدها محاوله لتهدئتها وجذب يدها واتجهوو للجلوس بجوار محمد
تحدث خالد بجديه وهدوء/ افندم عاوز ايه
وضع عادل قدم فوق الاخرى/ مش عيب تكلم حماك بالاسلوب ده ياخالد
فيروز بغضب/ حما مين انت مجنون انت هتكدب الكدب وتصدقها
عادل ببرود/ دى قلع ادب منك لما متحترميش ابوكى
محمد بصوت عالى/ ابو مين ياجدع انت انا عامل احترام انك راجل كبير فى بيتنا
عادل / والله لو مش مصدقين اتفضلوا التحاليل الى تثبت انكوا ولادى والى اتأكد منها محمد
مش كده ولا ايه يامحمد
خالد بمكر/ استاذ عادل رأفت انت متأكد مليون فى الميه ان دول مش ولادك
وقول لحسن خططتك مكشوفه
علشان يبقى اللعب على المكشوف
توتر عادل ولاكن حاول رسم الهدوء/ ايه الكلام الفارغ الى بتقوله ده حسن مين انا معرفشى حد بالاسم ده
محمد بخبث وهو يصافحه/ نورتنا ياعادل بيه وان شاء الله المره الجايه تكون نهايتك
نظر لهم عادل بغضب وخرج من الفيلا وقف خالد ومحمد وهم يطالعون عادل بنظرات ماكره
____________________________________
فى تركيا فى قصر راسل نيروز
فى غرفه عمر يجلس فى غرفته ويحمل صغيرته يهدهدها فقد استيقظت منذ قليل وهو لا يريد ازعاج حبيبته فهى لم تنم منذ أيام بس تلك الصغيره فهى لاتكف عن البكاء عندما يكونوا مستيقظين تكون هى نائمه بسلام وعندما يتخذوا القرار بالنوم القرار فقط تبدأ الصغيره فى الصراخ دلاله على استيقاظها وتعذيبها لوالديها
عندما تأكد عمر من خلودها للنوم وضعها بجانب زوجته وقبل رأسيهما وتسحب بهدوء خارج الغرفه
وهبط الى المطبخ حتى يأكل شيئ وجد تلك المجنونه تجلس على رخامه المطبخ وتحمل فى يدها طبق كبير من الاندمى ، فهذه الطفله نعم حقا انها طفله وهى اصبحت زوجه ولديها طفلين ومازالت طفله فى جميع تصرفاتها
لو علم عمار انها تأكل اندومى سوف يقتلها ويقتلنى معها ، فرغم تحذيرات عمار الدائمه لها بعدم اكله ، ولاكن كعادتها تضرب بكلامه عرض الحائط
عمر/ بتعملى ايه ياهطله انتى
شهد بشهقه وهى تضع يدها على صدرها/ حرام عليك ياعمر خضيتنى
عمر بتريقه/ حرام عليك ياعمر خضيتنى....انتى ايه ياشيخه مبتحرميش كل مره تنضربى وتتعلقى من عمار علشان بتاكلى الزفت ده وبردو بتاكليه
شهد وهى تهبط من على الرخامه وتضع يدها فى خصرها/ مين دى الى بتتعلق يااستاذ عمر
عمر بسخريه/ لاء ارجعى كده بالذاكره لاول امبارح
F.B
كالعاده تجلس شهد فى غرفتها على السرير وتتابع أحد الافلام الكوميديه وتضع امامها طبق كبير من الاندومى والكثير والكثير من اكياس الشيبسى والتسالي
شهد وهى تغنى/ شارع الى باعونا انا هشترى شقه بلكونه
ومصحبشى الفرافير حتى لو راكبين فراري
يالهووى ايه الفراغ ده
لاء اقوم اجيب شوكولاته بقا ، فتحت تلك التلاجه الصغيره التى تضع فيها كل ماتحب ، اخذت شهد مجموعه كبيره من الشكولاته واخذتها وبدأت فى الاكل واندمجت مع الفيلم كثيرا
شهد بتأثر/ ياحرام ليه تضربوا ليه دا مز اووى
نظرت فى الساعه وجدتها تخطت العاشره ، انتفضت شهد من مكانها وهى تصرخ برعب / احيييييه دا عمار هيعلقنى ، يالهووى اتأخرت على الاجتماع
عمار هيعمل منى كفته هيعلقنى
يالهووى ياصغيره على الموت يا شهد
ارتدت حجابها وركبت سيارتها واسرعت تجاه الشركه وهى تدعى ربها الا يقتلها عمار
وصلت إلى الشركه واخذت تجرى مهروله
شهد وهى تجرى فى اروقه الشركه/ يارب استرها معايا دا انا غلبانه وبلسم والعيبه دى متطلعشى منى
عمر من خلفها/ انتى بتدعى ولا بتدللى على نفسك
شهد بخضه/ منك لله يا عمر الكلب هوما مخلفنى علشان انت تقطعلى الخلف
عاوز ايه ياحيوان
عمر بضحك وهى ينظر اليها/ لاء ياباشا ولا حاجه بعرفك بس ان الامتحان بدأ
شهد ركضت لغرفه الاجتماعات/ وبترغى معايا يابنى ادم برأس كلبه
دفعت الباب ووقفت امام طاوله الاجتماعات
شهد وهى تحاول اخذ انفاسها/ سامو عليكو يابنى ادمين
نظر لها الحاضرون باستغراب
عمار فى سره/ منك لله ياشهد الكلب
ثم اكمل بصدمه/ نهار اسود ايه الى انتى لابساه ده
كانت شهد ترتدى منامتها البيتيه المكونه من بنطلون وجاكيت من القطيفه الاسود واسفلها قطعه بيضاء وترتدى فى قدمها لكلوك وتضع فوق رأسها طرحه بيضاء
شهد وهى تنظر لنظراتهم المندهشه/ هوما مالهم بيبوصولى كده ليه نظرت لنفسها وجدت أنها ظلت ملابسها البيتيه
شهد وهى تنظر لهم ببلاهه/ دى موضه
نظروا لها باستغراب دلاله على عدم فهمهم فتحدثت شهد بالتركيه/ انها فقط الموضه
هزوا رأسهم فى هدوء ...فتحركت شهد بسرعه وجلست جوار عمار الذى يطالعها بنظرات تهديد
جلست شهد على مقعدها ووضعت قدم فوق الاخرى واعدلت من وضع جاكيت منامتها
تحدث عمار بجديه/ الان أنتم طلبتم عقد صفقه معانا من اجل مسابقه عالميه للأزياء هذا صحيح أليس كذلك
تحدث أحد أعضاء الشركه الاخرى/ نعم سيد عمار نحن طلبنا عقد اجتماع بخصوص مسابقه الازياء
عمار / وماسبب عقد الاجتماع
تحدثت امرأه فى القد الثالث من عمرها تنظر لعمار بوقاحه لاحظاتها شهد / فى الحقيقه سيد عمار شركتكم من أكبر شركات الازياء على مستوى العالم
وايضا نحن على علم بدخول شركتكم فى مسابقه الازياء العالميه
شهد بغضب من تلك المرأه/ هى اكملى يافتاه لم نعلم ايضا سبب عقد الاجتماع
وأكملت فى سرها ابو شكلك ياشيخه
تجاهلتها الفتاه وأكملت حديثها مع عمار/نريد عقد صفقه سوف تزيد من شهره وأرباح شركتكم وسوف تزيد نسبه المبيعات
شهد بصوت عالى/ ماتنجزى ياختى وتقولى عاوزه ايه
نظرت لها الفتاه بنظرات اشمئزاز/ سيد عمار ماذا تقول
نظر لها عمار ببرود
توترت الفتاه قليلا وتحركت من مكانها تجاه عمار ووضعت يدها على كتفه(ايامك فى الدنيا بقت معدوده😂) / نريد أن نأخذ تصاميمكم ونقوم بتصنيعها فانت تعلم شركتنا براعه فى تصميم الازياء
ونشارك بها سويا فى المسابقه وتكون الأرباح الربع لكم والباقى لنا
عمار ببرود/ حقا....ولما نأخذ نحن الربع من الارباح وانتم الباقى
الفتاه بابتسامه سمجه/ سيد عمار نحن سنشارك بتصميم هذا يعنى اقمشه كثيره و......
واشياء كثيره خاصه بالتصميم وهذا يكلف كثيرا وانت تعلم ذلك
شهد بجمود/ الطلب مرفوض
نظرت لها الفتاه باستفسار/ لماذا
شهد وهى مازالت على جمودها/ نحن لسنا فى حاجه الى عرضكم السخيف هذا
الفتاه / انتم تختاجوننا فهذا سيزيد نسبه مبيعاتكم نحن مش اشهر بيوت الازياء
شهد بخبث/ نعم انتم حقا مش لشهر بيوت الازياء فى تركيا وقد اشتهرتم بسبب سرقتكم لحد عروض شركه****بعدما اخذتم تصاميمها
ولاكن اكتشفت حيلتكم وخسرتم مبالغ كبيره
لذلك عرضتوا هذا العرض من اجل مصلحتكم فقط
تحركت شهد من مكانها وامسكت يد الفتاه التى تضعها على كتف عمار / ويدك القذره ليس لها حق فى ان توضع على زوجى
ثم قامت شهد بكسرها، صرخت الفتاه بعنف
شهد ببرود/ هيا خذوها واخروجوا من هنا
اقترب عمار من شهد
شهد/ لو جاى تزعقلى غلى ست كخه دى يبقى تسكت احسن
عمار ببرود/ كلتى اندومى
شهد بدون قصد/ ايوه
بعد قليل
شهد بصراخ/ عمار نزلنى مينفعشى كده
عمار ببرود/ لا
شهد / نزلنى هنتفاهم
عمار/لا
شهد / مش اسلوب علفكره برستيجى اتبعتر
عمار/ انا قولت ايه
شهد وهى تربع يدها امام صدرها ومعلقه على الحائط/ مكلشى اندومى تانى
عمار/ كملى
شهد/ ولو كلت استحمل الى يجرالى
عمار/ كويس انك فاكره
انا رايح مشوار وجاى
شهد بصراخ/ عمااار نزلنى
B
عمر/ منك لله ياشيخه بقا كل ده علشان كلتى اندومى بتحكيلى قصه حياتك
شهد / مهو لازم احكى بالتفاصيل
عمر بخبث/ اممم تفاصيل
شهد/ ابو شكلك ياشيخ نزلنى يازفت
عمر وهو يضحك / انا بنتى صحيت هطلع اشوفها سلام ياموزه
شهد/ ياعمر الكلب منك لله ياحيوان
وصل عمار الى المنزل
شهد بسرعه/ عمار حبيبى نزلنى
عمار وهو يصعد السلالم/ جهزى نفسك احنا نازلين النهارده مصر
شهد/ عماااار
____________________________
تكررت لقاءات سلمى ومايا واصبحت علاقتهم قويه نوعا ما رغم المده القصيره التى التقوا فيها وذلك ان سلمى من النوع الذى يتعلق بالناس بالسرعه
فى الفيلا تجلس سلمى وفرح على السرير فى غرفه سلمى وامامهم اللاب توب ويتحدثوا مع شهد فيديو كول
فرح بضحك/ يخربيتك شكلك مسخره وانتى متعلقه كده
شهد بغضب/ ماخلاص ياست كخه عرفنا اننا مهزئه
سلمى بضحك/ احسن علشان تبطلى اكل اندومى مبتحرميش
شهد بتأثر/ حاولت ياجماعه كتير طب قسم بالله ياسيد الاكل كله بينزل معدتى الا الاندومى دا بينزل قلبى علطول
فرح/ مين سيد ده
شهد / دا اخو على ربيع فى فكره مليون جنيه
سلمى / ايوه ايه العلاقه بقا
شهد بصوت عالى/ يااارب على العيال المتخلفه دى
سلمى/ اهو انتى جيالى اهو يازوباله وهعلقك
فرح/ شهد انتى هتفضلى متعلقه كده
شهد / ايوه ياختى عمار قال مش هينزلنى غير على ميعاد الطياره
فرح/ احسن علشان تتربى شويه
رن هاتف سلمى
شهد بفضول كالعاده/ مين ياسلمى ها ميين
سلمى/ يخربيت ام فضولك الى هيموتك ده
شهد/ ماتقولى يازفته مين بيرن
سلمى/ مايا
شهد / اممم قولتيلى طب ماترديش
سلمى باستغراب/ ايوه مردش ليه
فرح ببرود/ متروديش وخلاص
أغلقت سلمى الهاتف وتحدثت بنرفزه/ يووه.....مالكوا انتو الاتنين فى ايه
شهد ببرود/ انتى تقطعى علاقتك بمايا خالص
سلمى باستغراب/ ليه
فرح بجديه/ تعرفى ايه عن مايا اصلا وانتى كل يوم تتكلموا وتروحوا لبعض
سلمى/ دا شغل غيره ولا ايه بقا
شهد/ غيره ايه يامتخلفه انتى ماتفهمى
فرح/ مشكلتك ياسلمى انك بتتعلقى بالناس بسرعه ودا غلط انتى اى حد تصاحبيه تروحى تحكيلوا قصه حياتك ودا غلط وخصوصا فى وضعك
سلمى / مالوا وضعى
شهد وهى تكاد تجن من تلك المجنونه/ الصبر يارب ياتخدها يااقتلها
انتى ناسيه يابت انك ظابط لاء ومش اى مكان دا انتى فى المخابرات غير المهمه الزفت الى انتوا داخلينها
كل ده بيعرض حياتك للخطر افهمى بقا
سلمى محاوله للتوضيح/ ياجماعه افهمونى مايا دى طيبه اووى وعانت كتير اووى فى حياتها واتظلمت
فرح بتأثر/ تصدقى صعبت عليا
انت هتشلينى يابت
بوصى بقا انا لو عرفت انك قابلتى الكائن الاخطبوط ده هولع فيكى وفيها وفى نوح واخلص وارتاح منكوا
شهد / وانا هقطع علاقتى بيكى
وبعدين كلها كام ساعه واكون قدامك
واغلقت الهاتف فى وجههم
نظرت لها فرح بتحذير/ سلمى اياكى وياريت تبطلى تفكيرك الساذج ده
تركتها وخرجت
ولاكن سلمى هى سلمى لم تلقى لحديثهم ادنى اهتمام وضربت بكلامهم عرض الحائط وارتدت ثيابها وارسلت لمايا رساله بأنها قادمه اليها
وصلت سلمى امام البنايه التى تسكن فيها مايا وطرقت الباب ولم تلبث الى ثانيه حتى وجدت الباب يفتح وتندفع همسه الى احضانها
همسه/ ثلمى واحثتينى
سلمى بضحكه/ وانتى اكتر يام نص لسان
همسه بضجر/ يوه ياثلمى كده مره بتثألى عليا
سلمى وهى تقبل خديها/ اعدلى لسانك الاول ياموزه
فين ماما
همسه/ ماما فى الاوضه جوه مع ...
مايا/ سلمى انتى جيتى
نظرت سلمى لمصدر الصوت وجدت مايا تخرج من غرفتها وهى ترتدى تيشرت وبنطلون وتعدل ملابسها
مايا بابتسامه متوتره/ سلمى ليه مقولتيش انك جايه
سلمى وهى تنظر لها نظرات متفحصه/ مالك يامايا متوتره ليه
وبعدين انا قايلالك انى جايه
مايا وهى تحاول تهدئه توترها/ لاء ولا حاجه
سلمى / انتى لابسه هدوم رجالى ليه
تعرفى نوح عنده نفس الطقم
حتى يمكن نفس ريحه البرفيوم
مايا مع زياده توترها/ ها....دا طقم طليقى لقيته هنا ودى ريحته
سلمى/ طب انا همشى بقا لأنك شكلك تعبانه ولما تفوقى كلمينى
وخرجت سلمى واخذت مايا انفاسها بسرعه
خرج رجل من غرفتها
الرجل/ ايه الى جابها دلوقتى
مايا / مش عارفه
الرجل/ هى شاكت فى حاجه
مايا/ لاء مافيش
الرجل/ طيب تمام انا هاخده بقا وارجعه بيته
والحاجه انهارده بليل هتكون عندك
وابتسموا بخبث على نجاح خططتهم
___________________________________
امام النيل كانت تجلس سلمى وهى تأكل الذره تفكر فى خطوتها القادمه ، رن هاتفها وكانت فرح
فرح بنرفزه/ عارفه انا لو شوفتك قدامى دلوقتى هولع فيكى
سلمى وهى تأكل/ مالك متعصبه كده ليه يافروحه
فرح بغضب/ وليكى نفس كمان تأكلى يامعدومه الدم والاحساس انتى
سلمى/ قولى بس مين الى ضايقك وانا اعلقه
فرح/ يا بت انتى جايبه البرود منين مستورداه من بره
سلمى/ شكلنا مش هنخلص فى ام الليله دى
فرح/ بتبرطمى بتقولى ايه يازفته
سلمى/ بقولك شهد جات ولا لسه
فرح بزهق/ ايوه ياختى جت ومن ساعه ماجت وهى مش مبطله احضان وبوس فى عيالها
سلمى بضحك/ معلشى بقا قلب الام
فرح بضحكه/ لاء وجايه وهى وعمار مولعين فى بعض وعماله تقوله يابتاع ليلى
سلمى بضحكه/ يالهوووى دى هتطلع الى بتقرأه فى الروايه عليه
فرح/ دى كل ماتشوفه تقوله ياخاين ياغشاش
سلمى/ مش مقتنعه ان بطل الروايه حاجه وجوزها حاجه
فرح سمعت صراخ شهد/ قتلته شهد قتلت عمار
سلمى بضحكه/ طب هاتيلى المرحومه شهد وتعالى
فرح/ بقول عمار الى مات
سلمى/ ياهبله كده كده الاتنين هيخلصوا على بعض هاتيها بس وتعالى عندنا طلعه
اغلقت سلمى الهاتف واخذت تدندن مع نفسها بعض الاغانى وبعد مرور نص ساعه وصلت فرح وشهد
فرح وهى تسحب شهد/ يلا يازفته بقا
شهد بعصبيه/ يابنتى سيبينى هخلص عليه وارجع
فرح/ يابنتى افهمى دا عمار ودا عمار واحد تانى
شهد/ لاء هوا بيخونى بتاع ليلى يصبر عليا انا خليه يعيش اليوم الفاضلين فى نكد وبعدين اخلص عليه
سلمى وهى تنادى عليهم/ ياست سوسن بدر تعاليلى ياختى عاوزاكى
شهد/ عاوزه ايه انتى كمان
ضمتها سلمى/ واحشتينى يا بت اوى
شهد وهى تبادلها والاحتضان/ وانتى اكتر....ثم دفعت سلمى بعيدا انتى مجرجرانى ليه
سلمى بصتلها بقرف/ ياشيخه ابوشكلك
فرح بغضب/ ماتقولى يازفته مجمعانا ليه
سلمى/ عندنا طلعه للحربايه الى اسمها اريج واكيد ياشهد عندك خبر عمورك مبيخبيش عليكى حاجه
شهد/ متجيبيش سيرته الخاين بتاع ليلى
سلمى وهى تضحك/ طب يلا ورايا
صعدوا الى السياره واتجهوا الى العماره التى تقطن بها اريج صعدت سلمى للطابق المنشود وخلفها البنات وهم لايعرفون شيئا
دقت سلمى باب الشقه وفتحت اريج الباب الذى ما ان وجدتهم امامها توترت بشده
سلمى بمكر/ ايه مش هتدخلينا ولا ايه
اريج بتوتر/ لاء ازاى اتفضلوا
دخلوا البنات وتحدثت فرح فهى فهمت لماذا جاءوا إلى هنا/ اومال فين ابنك
اريج بتوتر/ جوا بيلعب
فرح/ طب ماتناديه عاوزين نشوف ابن اخونا
شهد/ مالك ياحلوه واقفه متوتره ومش على بعضك ليه نادى الواد
دخلت اريج ونادت للطفل
سلمى بحب مدت ايدها / تعالى يا حبيبى
ذهب اليها الطفل فى تردد وهى ينظر لاريج يخوف لاحظت سلمى ذلك ونظرت لشهد وفرح الذين نظروا لها بخبث وهجموا على اريج وكتفوها فى الكرسى
اريج بصراخ/ ابعدوا عنى انتوا عاوزين منى ايه
انا هوديكوا فى داهيه
ربطتها شهد فى الكرسى / تؤتؤ عيب تقولى كده ازعل منك وانا زعلى وحش
اريح بصراخ/ انا هفضحكوا واوديكوا فى داهيه
شهد/ يعنى تروحى تتبلى على الراجل وتقولى انك مخلفه منه
اريج/ ايوه انا مكدبتش
شهد بخبث/ كده زعلتينى وانا زعلى وحش
اريج/ عاوزين منى ايه انا بطالب بحق ابنى
ضربتها فرح بالقلم جامد واغمى عليها من قوه القلم
شهد / ضربتيها ليه
فرح ببرود/ ايدى كانت بتاكلنى
سلمى هتعملى ايه
نظرت سلمى للطفل/ اسمك ايه ياحبيبى
الطفل بخوف/ على
سلمى بحب/ مالك خايف كده ليه
دا انا جيت اخدك علشان اوديك الملاهى
نظر لها الطفل بفرحه/ بجد
سلمى بفرحه لفرحه الطفل/ ايوه طبعا بس احكيلى بقا انت تعرف الست دى منين وقالتها وهى تشاور لاريج الفاقده للوعى
الطفل بحزن/ انا مش عارفها انا كنت عايش فى الملجأ وهى جت اخدتنى علشان انا شبه عمو سليم
وقالتلى اننا هنروحله وهوا يبقى بابا
وهى كانت بتضربنى وبتعذبنى كل يوم
سلمى بصدمه/ يابنت ******
على/ وهى بردو همسه كانت معايا بردو واخدوها وهى حبساها جوه
سلمى بصدمه/ ايه همسه جوه
هز على رأسه وشاورلها على الاوضه الى محبوس فيها همسه
دخلت سلمى ولاقيتها نايمه وفى اثار دموع على خدها شالتها ومسك على فى ايديها ونظرت لفرح وشهد/ اربطوها وهاتوها
ربطوا اريج
ونزلوا وحطوها فى شنطه العربيه
سلمى ركبت وجمبها فرح وشهد وراها ومعاها الاطفال
شهد/ ممكن تفهمينا بقا فى ايه
سلمى/ انا هحكيلكوا كل حاجه
لما اريج راحت لسليم وهددته انا عرفت فضلت مراقباها وجمعت كل المعلومات عنها من يوم مادخلت حياتنا لحد دلوقتى
اريج دى كانت شغاله سكرتيره سليم وكانت معجبه بيه بس مش حب علشان شكله ومنصبه وفلوسه فكان كل هدفها انها تاخد سليم لنفسها
فكانت فريسه سهله لجومانه انها تخليها تساعدها فى خطتها لتدميرنا واغرتها بالفلوس الكتير ووعدتها ان سليم هيكون ليها واريج ماصدقت واشتركت معاها بس اليوم الى الحقيقه اتكشفت فيه جومانه هربت واحنا منعرفشى مكانها لحد دلوقتى اريج فضلت على اتصال بعادل والى بعدها بقوا على اتصال بحسن
راحت الملجأه واتبنت على وضحكت على سليم وقالت انه ابنه
اما مايا دى بقا فهى معاهم علشان كده انا مستمريه فى علاقتى معاها وعاوزه اعرف عنها كل حاجه وهمسه دى مش بنتها بردو دى خطه حسن
فرح/ طب ودلوقتى هنعمل ايه
سلمى ببساطه/ هتاخد اريج ونرميها فى المخزن وكل يوم نتسلى عليها والعيال هيفضلوا معايا
ركبوا السياره واتجهوا الى الفيلا
نزلت سلمى بالاطفال وخلفها شهد وفرح يجرون اريج
كان عمار يجلس فى الجنينه عندما وجد البنات يجرون اريج
عمار بصدمه/شهد اشتغلت قتاله قتله
دخلت سلمى الى البيت وجدت الفتيات مجتمعين
نظرت لها فيروز باستغراب ثم نظرت لهمسه التى تحملها سلمى على يدها
تحدثت فيروز بعيون امتلأت بالدموع/ مين دى ياسلمى
سلمى بابتسامه /ايوه هى يافيروز
هزت فيروز رأسها بصدمه
سلمى/ همسه بنتك رجعت يافيروز