جبت الكم تغشيشه صغيرونه من البارت القادم 🤭
،،،،،،،،،،،،،،،،،،،،،،،،،،،،،،،
وكفت كدام المرايه جبت قلم الكحل
ورسمت عيني
رشيت عطر وابتسمت
بعيدً عن الهوسه البره
باوعت لنفسي نظره اخيره وطلعت
باوع وحجه .. ها خلصتي
هزيت راسي بأي واسمع كلامهن ومطنشه
صعدت بالسياره وانطلقت بينه للمحكمه
نزلت وابتسمت ودخلت للمحكمه
شفته كدامي عيونه حمر
ابتسمت بخبث واني امشي واطكطك بالكعب
كعدت مقابيله وعدلت شالي بغرور
خزرني رفعت شفتي ما عاجبني
ضل يباوع عليه رفعت حاجبي وخزرته
وصل النه السره وكالو اول شي دخلون الباحثة الاجتماعيه وبعدها للقاضي
دخلنه بس اني وياه وكعدنه مقابيل بعض
اباوعله ومتنرفزه اريد بس الزمه واموته
سئلتنه عن سبب الانفصال ردت احجي وهو سبقني
وحجه .. مرتي واحبها واريدها طلاك ما اطلك
رديت بعصبيه .. دقيقه ما ابقى على ذمتك
وطلكني يعني طلكني
حجت الباحثة .. ما يصير هيج كل شي ينحل بالتفاهم
حجيت وياها .. ست ما بيناتنه اي تفاهم
جاوبتني بهدوء .. زين ليش تردين تتطلكين منه وهو يكول احبها ورايدها
حجيت بنفاذ صبر .. هو خاني
حجه هو بسرعه .. خلينه وحدنه
حجيت بغضب .. ولله دقيقه ما ابقى وياي
ست ولله هو كذاب وكل الي يحجي كذب
اتمنى تفهميني
باوعتلي وحجت .. اخر كلام
هزيت راسي
حجت .. خوش راح احول اوراقكم للقاضي
وهو يتصرف
استأذنت منها وطلعت بسرعه وشويه ودخلنه للقاضي
وانعاد نفس الكلام
وهو يتمسكن ويرد الكلمه بعشره
بحيث القاضي خنزر عليه
وقرار القاضي ما نصفني وحطم شكو شي بداخلي
انطحنت طحن
كمت افووور من العصبيه وهو كال .. تؤجل الجلسه
الى الاسبوع القادم لتفاهم بين الطرفين
فاطمه أركان 💫
احبكم كلش هواي 💚💚