العاهرة: شنو سميتك
غيثة( الصمت)
العاهرة: او ديزولي مظنيتوش أخرس
رياض: شكون
العاهرة: هاد الولد لحداك
غيثة: ولد ؟ واش عورة
العاهرة(بابتسامة): هه متقولش ليا بنت اه كنظن متحول جنسي
غيثة: اش كتخوري نتي من صباح
رياض( بحدة) : سكات...غيثة
غيثة: اي مصيبة غيثة دوي مع عاهرتك الجديدة اش كتخرج من فمها
العاهرة: ولكن باش غنعرفك بنت شوفي حوايجك ديال الرجال وتقطيعة شعرك... وكتسناي مني نعرغك بنت. ....ديزولي.... ولكن... مساكن والديك... غيكون بقا فيهم الحال ...اكيد كون كنت بلاصتهم ونشوف بنتي في هاد الحالة
غيثة(زيرات على قبصتها) : غيحمدوا الله ويشكروه على حالتي. ولا والديك نتي كون شافوا بنتهم كتبيع لحمعا ليسوا ولميسواش وكتبيع نفسها كعاهرة... معندها شرف ...كيفاش غيهزوا راسهم(شافت نظرات العاهرة لتحولات نظرات حادة) شتك سكتي... هل أكل القط لسانك... *حبة
عاهرة(حاولت تبدل الموضوع وحطات يديها لمليئة بالخواتم..وملصقة ظفران مصبغاهم بلون الاحمر القاتم.. حطاتها فوق سمطة سروالوا) : رياض شنو كتفضل في ليل نلبس شوميز بالكحل ولا بالحمر.. ولا والوا...
غيثة (في نفسها) : واش منيتها هاد الق*بة كتقول هاد الكلام انا لفمي يحرقني ومقزدرة نحشم نقول هاد الهدرة .بلاتي واش حاطة يديها لا لا منقدرش نبقا جالسة مزال معاهم
غيثة: بصحة..
العاهرة : ايه ..غيثة على ماكنظن غدا غنجيب صديقتي غيثة نفس الاسم ديالك غير هي(طلعات غيثة ونزلاتها باستهزاء)بنت خارجيا وداخليا
توجهات غيثة بسرعة لجردة كتسب
غيثة: نتي نبقيتي ليا ال * حبة لمندمتش طاسلة مك الكلب نوبتك جاية وغتلحقي على خوتاتك (لطيفة ومنى) امم كنسحبك ولد * حبة لخرا
توجهات نحو المسبح تحنات كتشوف انعكاسها في الماء
غيثة: مبقاتش في اللبس واصلا باينة عليا بنت....
حطات يديها فوق سنسلة لحاملة صورة كريم وليلى رجعات ذاكرتها لطفولتها منين كان في عمرها 8 سنين برفقة ابويها
ليلى: هه كريم اجي شوف بنتنا الزوينة كيجات..
كريم(هزها ): حبيبة باباها ...(باسها في حنكها)
غيثة: بابا ياك جيت زوينة هه
كريم: هه اكيد غتجي زوينة ونتي هي الأميرة ديال هاد القصر
ليلى: جيتي بحال سندريلا.. هاديك لكتعجبك
غيثة: وفين هو الأمير ديالي.. سندريلا جاها امير وانا مزال ناعس
كريم: هه مزال الحال على اميرك خليه ناعس ولتعطل كثر نمشي نفيقو لبنتي
غيثة: ولكن سندريلا ابابا هي كانت خدامة وانا قلتي ليا اوا الاميرة ديال القصر تاعنا
كريم: هه ماشي مشكيل نقلبو الفيلم ونديرو فيلم ديالنا بوحدو
غيثة: هه بابا
كريم: نعم احبيبة باباها
غيثة: دابا هاد الأمير لغيجي عندي فين نكبر ويدني القصر ديالوا... لضربني وكان قبيح
كريم: لضربك... نقطع ليه يدو... نتي غيثة بنت كريم الوزاني... حظر على اي شخص يمس شعرة منك وانا حي
غيثة: ولكان ظريف وبحالك
كريم : غنقول ليه يتهلا فيك... حيث نتي هي ضو ديال عينينا انا وماماك
رياض: فاش ساهية
غيثة(قفزت غيثة من صوت لظهر فجأة دارت بسرعة ولكن توازنها اختل وجرات رياض من فيستا... سقطوا بجوجهم في الماء
رياض(صرخ عليها) : اش هاد الق
غيثة (بفزع وهي كتحاول تطلع لسطح الماء) : عتقني.... غنغرق. ...غنغرق
سبح رياض نحوها غبر قرب ليها وهي تعنقو بخوف
غيثة:خرجني خرجني خرجني...
رياض: مالك شنو واقع.. مكعرفيش تعومي
غيثة(بخوف): هزني هزني غنغرق لا لا.
رياض (لف ذراعيه حول فخذيها وتشبتات بيه غيثة كثر) علا والديك قبل مايموتوا معلموكش تعومي...
غيثة(كتغوت): لا داكشي تافقنا عليه حتى ل10 سنين وهما ماتوا منين كان عندي 8 سنين خرجني
رياض(كان عاجبو وضعهم وخا البرد والثلج ولكن اللحظة تستحق كلشي بالنسبة ) علا شنو كنتو متافقين
غيثة: وخرجني وندويو
رياض: منقدرش نخرجو بجوج من غير انك تهبطي رجليك لما
غيثة: لا لا منقدرش
رياض: واش غرقتي شي مرة
غيثة: ها اه اه اه غرقت منين كانت عندي 3 سنين
رياض: وشنو تعلمتي في هاديك 8 سنين سمعت ان البرجوازيين كيعلموا ولادهم من الصغر السباحة
غيثة: واش هادة وقت الهدرة
رياض: نتسناو غير لگارد يجيو باش نعطيه ليك ببا ما تعومي
غيثة: منين كانت عندي 4 سنين تعلمت كيفاش ناكل
خمس سنين: تعلمت كيفاش نجلس ونتكلم بآداب مع الناس (شافت فيه) مع الناس العاديين ماشي المافيا ست سنين تعلمت اللغة الفرنسية والانجليزية و تعلمت حتى اللغة الروسية بحكم اب ماما ولا جدي اصلو روسي.. وفي سبع سنين علمني بابا رقص سلو
رياض: رقص سلو... كتعرفي ترقصيه
غيثة: اه كنت كل ليلة سبت كنرقصو مع بابا وحتى مع ماما بعض المرات... علا نتا شنو تعلمتي في صغرك شنو علموك والديك
رياض: صغري معشتوش بحالك.... حيث كنت فقير
غيثة: بصح!! اذن انقلبت الأية بيناتنا
رياض(بابتسامة): تقريبا (بهمس) ولكن المأساة نفسها
غيثة(فمها كيترعد بالبرد وجهها ولا حمر وفي نفس الوقت حتى شفايفها) : برد. برد.. فين هوما هاد رجالك(كتبحث بعينيها على رجالوا
اما رياض فعينيه تفيكساو على شفايفها شحال قدو يصبر منين يمنع نفسو من تقبيلها جرها معاه قاع المسبح طلقها ولكن هي تبشتات بيه حاوطات رجليها مع خصرو وهي كتشير ليه باش يطلعو وكان الامر في الاسفل مخوف مكانش الشوء بزااف يبان ليه غير الضبابة من رياض هاد الاخير حط شفايفو فوق شفايفها خامد نار قلبو لشاعلة فيه اما غيثة فتصدمات وسعات عينيها بخوف وبدات كضرب فيه بكل قوتها غير حسات بهواء نفذ جرها .فيكسا رياض
عينيه فوق عينيها وآمرها باش تنفس الهواء لفي فمو مكان عندها حتى حل من غيرو وحا كانت كتمنى الموت ولا تقرب ليه... ولكن... الكلام كيبقى كلام حطات يديها فوق عنقو خدات الهواء لكيفيها وبغات بتعد منو الا ان الطرف الآخر جرها من عنقها وتحولات طريقة نقل الهواء عبر الفم الى قبلة جامحة من طرفو
نحو رياض ): نتا! نتا (مسحات بفمها) اااااه (غوتات وبدات كضرب في الارض) شكون لعطاك الحق تقرب مني... راه عاهرتك سير عندها
رياض(كيقرب ليها وهي كترجع بلور) : غير عاونتك باش تنفسي
غيثة(حبسات من الرجوع للخلف بعامل شجرة لي لامست ظهرها) : كذاب كذاب... نتا..
رياض(حنا راسو لمستواها مقرب المسافة بيناتهم كيشوف في زرقوتيها) كنبوسك.. هادشي لباغة تقولي... ولكن هاداك ماشي بوسان... لبغيتي (شاف في شفايفها لتوردوا وهي دفعو )
غيثة شوف آخر مرة تقرب ليا... ياك انا غير خائنة وغدارة غدرتك بعد مني
رياض: اه قبل ما نسى راني خديت ليك حقك من لطيفة غتوجديها في المكان لماتوا فيه دوك الخوانة
غيثة: في الغابة ؟
رياض : اه تم اما بالنسبة لمنى فبعتها لواحد الكباري في إيطاليا وهاكة خديت ليك حقك
غيثة(هزات راسها كتشوف فيه) : ونتا!!
رياض: أنا ؟
غيثة: ونتا شنو العقاب لغتعطيه لنفسك على الأقل غي ر اعتاذر ليا....
رياض: نعتادذر ليك.. رياض اورذوجان يعتاذر لبنت. ؟
غيثة(بعزم):اه رياض اورذوجان غيعتاز ليا.. انا ماشي مجرد اي بنت (ضربات صدرو بصبعها) انا غيثة الوزاني لغتندمك اشد الندم لمطلبتيش السماحة
رياض (بسخرية) : هه اولا ماشي حيث عاقبتهم... غنطلب منك السماح ..رباض اورذوجان عمرو ماطلب السماح من شخص سوى ذكر او انثى فغير نساي هاد نهار وهاد كلمة الانتقام لكدوي عليه كل مرة صفي غير حسابات الماضي عاد شوفي الحاضر
غيثة(بكره) كنكرهك... مكرهتش نشوفك ميت..
رياض (زير على كفها... كلامها كيجرحو... .كتخلي قلبو يتعصر بالألم خصوصا لكان جاي من الشخص الوحيد لفي هاد الكون كتبغيه ومكيهمك حتى حد آخر علاش مكتحاولش تشوف عينيه وتقراهم.. لو وهلة او ثانية تعطي من وقتها باش تشوف سودايتيه. غتلمحهم كيصرخوا بعشقهم لعينيها وليها... الكل كيشوف هاد العشق الصامت حتى من الخدم وصديقتها لكن هي... هي عينيها حاجبهم الانتقام. ومغتهنى حتى تحقق مرادها.. هاد الاخير كيفتك حياتها ببطء) مكيهمونيش مشاعرك.. اه سيري بدلي حوايجك (شاف في الصوب الزجاجي) ودير خدمتك
غيثة(عطسات ): هاتشي الحمد لله
رياض(ابتاسم منين لمح نيفها لولا حمر منظرها كان لطيف ..كيققول ليه راسوا ياكلها من ظرافة شكلها ولكن ياحسرة ياحسرة على داك اللسان لعندها غيبقا حتى يقتلها بسبابو)
غيثة: البشار حيد من قدامي... يخ صبحنا عالله (دارت عندو) عاهرتك في انتظارك سير عندها يمكن باغة تسبق ليلتكم دابا
طلعات لبيتها بدلات عليها
غيثة: ويلي نسيت عماد
جبدات تيلي لقاتو فزك وخسر
غيثة: وتفو عليك البعر يلاه شريتو تفو...
نلبس دغيا ونخرج ولكن كاينين الحراس في الغابة
غيثة(طاحت عليها فكرة) : عندك غير هاد الحل اغيثة
خرجات لمحات رياض لي طالع يبدل
غيثة: انا غنمشي نخدم
رياض(تنخلها وتوجه نحو غرفتو لفي الطابق العلوي)
غيثة: اخخ اش داني ندوي معاه
توجهات لصوب الزجاجي ولمحاتو من الشرجم كيتأكد من كلامها ابتاسمت منين رجعات نظرها لنافذة لقاتو مكاينش مشات بسرعة نحو الكراج دسيارات مكانوش بزااف سيارات من غير 3 ركبات في وحدة فيهم لمحات سائقها جالس فيها ولكن كان ماسك هاتفو مشات لجيهة المعاكسة فين واقفة دارت بعض الضجيج خلات السائق يترجل من السيارة ويشوف مصدر الصوت لمح قطة جالسة كتلعب باحد الاغصان وكضرب باب الكاراج بدون ماتقصد تبسم هزها ودخلها من البرد ورجع لبلاصتو وفي هاد اللحظة كانت غيثة مخبية في لكوفر كتمنى باش ميحصلهاش رياض ولا غيتغدا بيها
رياض: سوارت
السائق: تفضل اسيدي
رياض (ربت على رأس القطة ،تذكرها هي نفسها لكانت كتلعب معاها غيثة) : نظف سيارات الاخرى بغيتهم غدا...
السائق(حط القطة في الأرض) : وخا اسيدي
صعد رياض لسيراتو مخدم المحرك
حلات غيثة بعض من الكوفر باش تنفس شافت قطتها هاد الاخيرة غير لمحاتها بدات في مواءها
غيثة: شش طلعي(شيرات ليها بصبعها باش دخل عندها وبالفعل نقزات نحوها) ليوم غنمشيو عند صديق جديد بالنسبة ليك وبالنسبة ليا خويا الكبير.. هو لجاب ليا هاد سنسلة لفيها تصويرة والديها وهاد كورميطة جابتها ديك المغفلة ديال نجلاء كاتبة فيها سميتي وخلفها نكتب سمية الولد لكنبغي شتيها شحال حمقة
ا
دخلات سلمى المحاضرة الاولى ليها جلسات في الصف الاول ...كانت الانظار مسلطة عليها بخصوص انها جديدة..
البنت: سلام...
سلمى : وعليكم السلام
البنت: نتي جديدة هنا ياك؟
سلمى: اه جديدة..
البنت: احم سميتي نرجس
سلمى: متشرفين سميتي سلمى
نرجس: واش مكتعرفي حتى شي حد هنا ،
سلمى : لا انا اصلا ماشي من دار بيضا
نرجس: هه باينة غير من لهجتك.. مهم شنو بان ليك نكونوا صحابات
سلمى(بفرحة): هه وعلاش لا...
دخل البروف وكلشي سكت ..حيث طبعو حاد ..اما سلمى فكانت مبتاسمة خصوصا منين تذكرات جواد كيفاش وصا المدير عليها... وعلمهم باش يجيبوا ليها تلخيصات الدروس...
نمشيو عند غيثة لقلبها كيضرب في تسعين كيفاش غتقدر تخرج من هنا... ولحصلها داك المتحجر مغيدوزهاش ليها
حسات بسيارة توقفات وكان غيتوقف معاها نبض قلبها... ابتالعت ريقها... وهي كطلب الله باش ميشوفهاش الآخر... حلات الكوفر بشوية وميلات راسها لمحاتو دخل واحد المطعم.... خرجات دغيا كتسلت شدات طاكسي لكان مصدوم هو وسيارات لفي الخلف منين لمحوها خارجة بحال شي وحدة مختاطفة في السيارة
غيثة : دين الحديقة العمومية بزربة....علاش ساكت سوق دغيا
لبا ليها سائق الطاكسي أمرها منين مدات ليه 200 درهم وداها لوجهتها... أمَّا بطلنا فجلس مع شركاؤو ...كيتكلموا على احوال الصفقة وذماغو مع القبلة لسرقها من متمردتو الصغيرة ،..
عماد: فين تعطلتي من صباح وانا كنصوني عليك....
غيثة: وراه و تيلفون خسر.. شوف شنو جبت معايا
عماد(ربت على رأس القطة) : هادي هي صحبتك لدويتي ليا عليها.. اكيد ونتي... معندكش مع تصاحيب...
غيثة: اه هي هادي... وحدة مشات لكازا.. مهم علاش بغيتيني
عماد(جرهت من عنقها) : بغيتك تعاونني...
غيثة: فاش
عماد(ركب امام المقود وغيثة بجبنو ): في طريق نعاود ليك... هه شتي شنو جبت ليك
غيثة(بفرحة): احح الببوش... منين جتيه باينة هاد الغراض لعندك مهم
عماد(خربق ليها شعرها) : وبزاف
غيثة : امم عماد
عماد: وي
غيثة: واحد البنت كارية معاها ...وبغات تخدم فشي دار خدامة
عماد: كملي
غيثة: هي لقات خدمة عند قصر اورذوجان... داك لمكتحملوش معرفتش سميتو
عماد(ضرب المقود بديه) : دام رياض ونتي مالك علاش قايلا ليك هاد الهدرة
غيثة: مهم انا غير بغيت نسولك. هي بغات شي معلومات عليه حيث هي لمكلفة بغرفتو وتقادها... وماكلتو... لهادة بغيت نعطيها معلومات عليه.. كراكطير ديالوا... طبعو.. نومو.. خفيف ولا ثقيل
عماد: معرفتش هاد صاحبتك واش حمقة خدامة عند داك العصبي... ولكن لكنعرف انه مكيحملش جنس النساء... ومنين كيتعصب يدو.. لكتولي كتحكم... يقدر يضربك و يسلخك عصا ..ومنين كيتهدن عاد كيرجع لحالتو... وهو كيعاني من الأرق
غيثة: الأرق ؟
عماد: هو كينعس 3 سوايع من اليوم كامل... وشحال هادي يومين كينعس ويومين كيبقا فايق وهادشي كامل غير باش يكبر شركتو لبداها من زيرو... وزيدي عليها السفر بزااف أثر عليه.. هادي أول مرة غيطول في المغرب كيبقى غير 3 أيام ولكثر أسبوع ولكن هاد المرة شفتو طول... كنظن عندو شي دافع
غيثة: انا وشكون من غيري
عماد: قلتي شي حاج
غيثة: هاد الببوش... زوين... (شافت في المكان لجابها) علاش جبتيني هنا
عماد(خرج من السيارة وتبعاتو) : يلاه دخلي وتعرفي
دخلوا لمتجر لخاص بفساتين الزفاف
غيثة: علاش جبتيني لهاد البلاصة
عماد: ليوم غنتزوج بنجلاء
غيثة(بفرحة ): بصح(ضرباتو لكتفو) واخيرا درتو عقلكم...
عماد: ولكن خاصك تخدمي معايا برجولة
غيثة: شنو نختار ليها الكسوة على ذوقي ماشي مشكيل
عماد:ماشي هادشي؟
غيثة: وشنو..! ؟ علاش بغتيني اذن
عماد: بغيتك نتي تلبسي الكسوة عندكم نفس لاطاي .وفورمة... وانا غنختار لجاتك
غيثة: لا لا حماقيتي.. اش كتخوراش غنلبس واش منيتك اصحبتي... اصلا هي راه عندها صدر وطرماحة وانا كعود الند
عماد(باستهزاء): امم راه قالت ليا نجلاء كديري البانضة...
غيثة(شهقات بصدمة) : ال*حبة لخرا....
عماد (مد ليها كسوة) : قيسي وسكتي.. بفف اول مرة غنطلبوك ندمتينا. راه غير عرس صحبتك.. لكثر من ختك
غيثة: راه غير حيث عرسكم... وعلى ديك زلافة الببوش.. ولا كون مصورتي غير الوز من عندي
نرجس: ايوا شكون لغيجي ديك...
سلمى: هه غنرجع في طوبيس ولا في طاكسي
نرجس: اء على نتي ماشي. زعما
سلمى: لا انا غير بنت على قد الحال اصلا بابا بعيد علينا وماما عندها سكار
نرجس: سمحي ليا... يمكن نتي.. من هادوك لدخلوا بمنحة بحالي
سلمى: منحة؟ على هاد الجامعة كتعطي لابورص
نرجس: اء خويا جا بسلامة... واش نقول لخويا يوصلك معانا...
سلمى: لا لا اصلا . طيماكس يلاه كافيكم...
نرجس: هه بسلامة..
سلمى: بسلامة
وعلى يمين سلمى خرجو فتاتان لعندهم السنة التالثة في الجامعة
بنت2: يلاه بسلامة شيفور جا... شفت سائق.. ديالك.. مزال مجاش
بنت 1: معرفتش ماشي من عوايدو يتعطل
بنت2: ايه شوفي داك تيتيز مول طيماكس ناري ياختي كيحمق
بنت1(شافت فيه ورجعات شافت في صاحبتها) : امتا غتبدلي اتالا ونتي كل دقيقة كيعجبك واحد.... عجبك داك الشاب لتصادفنا معاه في الادارة لكان برفقة البنت ودابا هادة والأستاذ
تالا: صافي ا إيمان ضروري قبل مانرجع الدار.. خاصك تقراي عليا شحال من واحد تزعطت فيه... نخليك دابا هاداك زمر صدعني بكلاكسون
إيمان : ماشي مشكل
تالا:كود باي مون شيغي مواح
إيمان : بفف مال هادة مزال ماجا.... الوا عمي إدريس. اتاصلت بيك حيث ماشي من عوايدك تعطل
إدريس: ليوم ولدي دار كسيدة وانا معاه في سبيطار سمحي ليا بنتي إيمان انا غنجي عندك. دابا
إيمان: لا لا غير بقا مع ولدك انا غنشد طاكسي وغنرجع
إدريس: الله ينجحك ابنتي.. شكرا.. الله يعاونك..
إيمان: امين الله يشافي ولدك.. هاد سيمانة غير بقا معاه انا غنولي نشد طاكسي..
شافت في ليمن وليسر لقات الحي فارغ... معرفاتش كيفاش غتشد طاكسي... ومعندهاش حتى نمرتهم...
إيمان : ندير GPS حتى نخرج لشارع ونسول شي حد...
جبدات هاتفها الثمين من صاكها... وتبعات الخطوات لكيشر ليها...
وبحكم أنها مكتعرفش الطريق مزيان.. وكيف لا وهي من صغرها وهي كتمشي في سيارة مع سائقها الخاص لهو إدريس... مرة وحدة في حياتها لركبات طاكسي ومع صاحبتها تالا..
بقات ساعتين وهي كتخربق في الطريق
إيمان: اش هاد الزهر العوج اربي... منقدرش نصوني على خالي.. حيث غيعير عمي إدريس
لمحات مرأة هازة في يديها الخبز
إيمان: عفاك... وخا نسولك
المرأة : سولي ابنتي
إيمان: فين نلقا طاكسي.. عفاك
المرأة: اه كتصولي على طرمنيس ديالهم
إيمان: اه لكان.
المرأة: غتمشي ابنتي من هاد الزنقة هي طريق المختاصرة عليك
إيمان: شكرا ليك
المرأة: ولكن ردي بالك ابنتي.. داك الدرب فيه السرقة ونتي هازة تليفونك... خبيه وسيري
إيمان: ولكن انا مكنعرفش الطريق... مزياو
المرأة: وغير سيري مع هاد الزنقة طول غتخرجي على طاكسيات
إيمان: صافي شكرا بسلامة
المرأة: باين غير من لباسها وداك الخاتم بنت مول شي غير ربي يحفظها من ولاد الحرام في داك الدرب
اما إيمان فدخلات داك الدرب حانية راسها... كلام المرأة خلاها تكون حذرة هي غير كتسمع بجرائم الاحياء الشعبية... والسرقة. شيء لخلاها تخاف... هي من صغرها مسالمة... مكتحملش الصداع وهي بطبعها هادئة ....ودغيا كدخل القلب لا بابتسامتها الصادقة ولا ملابسها المحتشمة..ولا نيتها. وخوفها. لكيجعلها لطيفة
لفتات انظار الكل من ملابسها... الغالية. ومشيتها.. ونظراتها حول المكان المذهولة وكيفاش كتجنب كلشي... كانت واحد جماعة في القنت. من السكايرية والقمارة... غير شافوها وهما يتغامزوا عليها وناض واحد منهم في اتجاهها
الشمكار: بس.. زين منشوفوكش
إيمان (شافت فيه بخوف) : ب.. ب. عد لهيه
الشمكار: ايه على عينين.. شوفة فيك امولات زرق كتخلني نزلق.. ايه ووقفي غير ندويو معاك (شد في معصمها وهي دفعو)
إيمان(جبدات تيلي ديالها لكان ايفون 11): غتبعد ولانعيط ليك البوليس
الشمكار: وقبيحة مع راسك (شاف تيليفونها وخاتمها) ايه ونفهم هاد سلعة ماشي ديال هنا... نتي بنت هادو ماما وبابا
إيمان : بعد مني سير بحالك غنعيط البوليس
الشمكار(شدها من معصمها) :عيطي عليهم ازين نعاونك
إيمان (صرفقاتو) : حيد يديك عليا... حمار
الشمكار(شاف فيها مخنزر) : ضسرتك عليا ابنت***
هز يدو باش يضربها. وإيمان ضمان نفسها برعب مخبية وجهها بين يديها الا ان لمحات الشمكار طاح في الأرض
الشاب: غبر من قدامي ولا حساب معايا هو لخر
الشمكار: سمح... ليا
اما إيمان فسقطات على رجليها برعب.. وكتحاول تنفس.
الشاب (تحنى لمستواها) : ختي. ...بخير
إيمان: ربوز ديالي... في صاكي.. رابوز
الشاب(خدا صاكها ومد ليها رابوز... حتى دارتو عاد ارتاحت نسبيا مزال الخوف في قلبها وقفات على رجليها لكيترعدوا) : ختي واش بخير. حالتك!؟
إيمان (كتشوف حولها بذعر) :بخير بخير... (رجعات شافت فيه) : .ش.. ش. كرا
تمشات جوج خطوات وهي تحس بغمامة رمادية كتحيط بعينيها محسات بنفسها الا انها ساقطة بين ذراعي الشاب لي خلفها
#شخصيات جديدة لاعلاقة لها بالابطال بشكل غير مباشر ولكن في الجزء الثاني العكس