المشرملة والمافيوزي(أسير عينيها) مكتملة

Part12(new)

غيثة: عييت انجلاء آخر مرة تحلمي نخرج معاك
نجلاء : صافي هاحنا وصلنا
غيثة: مال ضواو طافين متقوليش ليا نعسو بكري
نجلاء: معرفتش حتى ندخلوا ونشوفوا
توجهات غيثة و نجلاء لداخل قصر مع الدخلة وهي تشعل الانوار
الكل: عيد ميلاد سعيد
غيثة(صرخات): واش حماقيتو اشمن *** طيرتوها مني خلعة
عماد ( جا من موراها جرها من عنقها) : قلت ليكم هاد الگنسة ماينفع معاها عيد ميلاد
غيثة(عيباتو): ماينفع معاها عيد ميلاد بعد لهيه خليني نسلم على عشراني
مشات عند عشرانها لفرحانة منين عاودات شافتهم

غيثة:ايه شحال توحشتكم غبرتو
الولد1: ونتي ازريقة لغبرتي علينا بزااف
غيثة: قلنا نبدلوا الجو صدق الله (شافت في عماد لكان كيشوف في نجلاء باعجاب والاخرى كانت كتفادى تنظر ليه احرجا من الحضور ) كاينين شي اجواء مكيتبدلوش
عماد(جر نجلاء من خصرها خلاها توسع عينيها فيه وهو مكرهش يجري على غيثة وعشرانها باش يتناول هاد القطة ) : قطعي الحلوة وسكتينا
غيثة(هزات الموس) : حشمت نشيرو عليك حيث ماشي ديال وجهك
نجلاء: غيثة قطعي حلوة خلاص
غيثة: عارفتي غندير ليك خاطرك حيث عارفة راسك قصح من راسي وانا مافيا ليتجابد معاك عيانة
نجلاء(عنقاتها وهمسات في وذنيها) : متخسريش امنيتك على ود انتقام امنية 18 عام ديالك على ودهم ولو مرة فكري في راسك اغيثة
شافت فيها غيثة ونوعا ما هدرت الاخرى أثرات فيها
نجلاء(مدات ليها دفتر ذكرياتها): هاكي طلبي شي أمنية كنقسم ليك مقريتوش والله
غيثة: حيث كون قريتيه كون مابتي غير في قبرك
غيثة عنقات دفترها وغمضات عينيها تمنات أمنيتها ومن بعد طفات الشمع
عماد: شنو تمنيتي
نجلاء: مخاصكش تقولي باش تحقق ليك
غيثة: اصلا امنية خاصة
عماد: قطعي الحلوة راه كتسناني حلوة اخرى
غيثة(هزات اول ذغمة خشاتها في فم عماد) : سكتنا يخ من هدرتك الملاوطة(عوجة)
نجلاء : ولكن خاصنا نصوروك
غيثة: مطلعيش ليا الدم كثر ماطالع ليا كولي لباغة تاكلي
هزات ذغمة ثانية كلاتها غيثة عاد من بعد عطات قضمة لنجلاء لصدعات ليها راسها خدمات نجلاء بعض من الموسيقى الحماسية كان كلشي ناض يشطح ومعاهم حتى غيثة لهاد نهار تقدر تصنفو أحسن نهار داز في حياتها شحال مضحكات بحال هاكدة كان كلشي فرحان حتى من نجلاء لبكات
عماد(عنقها): شش الهبيلة غتشوفك غترجع لحالتها القديمة عارفة غيثة شحال عزيزة عليها كرامتها
نجلاء: انا غير فرحانة لصاحبتي شحال ماضحكاات هكذا وجها كيلمع بالفرحة
عماد( مسح ليها دموعها) : سكتي هاهي جاية غسلي وجهك غنسهيها

غيثة: مالك جاي عندي
عماد: شنو منشطحوش معاك حنا
غيثة(طلعات حاجبها) : والسبب
عماد ( جرها كيشطح معاها مغير الموضوع ) : هه كتعرفي تشطحي رقصة سلو -رومانسية -
غيثة: هه عاقلة على بابا كان كيعلم ماما الله يرحمهم كانت كتحط رجليها فوق رجليه وانا كنت كنغير على بابا مكنحمل حتى وحدة تقرب ليه وكان كيعلمني حتى انا باش منبكيش
عماد : شنو بان ليك دابا حيدي صباطك وحطي رجليك فوق صباطي
غيثة: لا
عماد: لا هي قمعة
غيثة: لا ولكن فين كنت صغيرة واعدت بابا انني مغنرقصش هاد الرقصة الا مع لغنلقاه كيبغيني بحال كيف كيبغي بابا ماما
عماد: هه هي ناوية تبغي شي حد العفريتة
غيثة(ضرباتو لركبتو) : لا ولكن غير قلت ليك وخا هكاك مباغاش نخون وعدي لوالديا انا عارفة شكلي مغيبغيني حتى حد بيه واصلا مباغة بحتى شي حد يبغيني
عماد(عنقها وربت عليها بحال لكيربت على بنتو) : بالعكس اغيثة لغيبغيك غيبغيك كيف نتي وانا ونجلاء وعشرانك كلنا كنعرفوك شكون نتي ماشي غيثة المشرملة انا كنقصد غيثة ديك الطفلة البريئة وخا تعياي تغطي حقيقتك غتبقا تواجهك (قلب الجو الى مرح قبل ماتسيف عليه غيثة) واصلا وريني هاد الحمار لمغيقبلش عليك لحطيتي عليه لعين نجيبو ليك
غيثة(بضحكة): هه وخا تكون كتكرهو
عماد(بابتسامة): هه وخا يكون عدويا نزوجوا ليك بزز
غيثة: (دفعاتو): من نيتي تيقت الدور
عماد: هه وماتعرفي تصدق
غيثة(ممازحة): لا الجزء الاخير والاول ممتافقاش معاك فيهم
نجلاء: جا وقت ليكادو
غيثة(بتذمر): فيا نعاس
نجلاء: اخر ماتبقى كوني هانية
مهم كيجاك الكادو
كان الكادو عبارة عن گورميطة فيها اسم غيثة من الجانب
غيثة: زوين وخا معنديش معاهم ولكن ستيلو زوين
نجلاء: عارفة ذوقك وفي هاد جيهة (قلبات الگورميط) : فين مكتوبة سميتك قلبيها وغتلقاي هاد البلاصة حفري سمية لغياخد قلبك
غيثة(تنهدات): شي حد آخر خليني نمشي نرگد
الولد1: هانتي توني ديال رونالدوا الاصلي جابو ليا صحبي من اسبانيا عطاه ليه في تيران وبزز باش عطاه ليا
غيثة(عنقاتو): ااه احسن حاجة درتيها
الولد2: هاكي كورة شوم بيونسليك الاصلية جابها لي الوليد من المطار اساطة
غيثة: ايه شحال كنبغيكم (عنقاتو هو كذلك)
الولد3: زريقة راك عارفة ظروف هاني جبت ليك باكية دالگارو وقرعة الشراب
غيثة(عنقاتو): عارفة الظروف اعشيري متحتاجش تعاود ليا اصلا هادشي كافيني
شافت في عماد لمبتاسم ليها
غيثة: ونتا جبتي شي حاجة ولا نطلع نعس
عماد (مد ليها بواطة) : هاكي شوفي
غيثة: (خذاتها من عندو حلاتها وهي تلمح عقد بالذهب الابيض مصنوع ومزوق بالالماس الاسود النادر وفيه قلادة تشكلات بالريماس(الالماس الاسود) خلاها تشهق بقوة جمالوا) : ولكن هادة راه غالي بزاااف اعماد ونقدر نطيحو
عماد(حمل سنسلة لبسها ليها في عنقهل) : حلي
غيثة: اش غنحل راه هاد العقد غالي بزاف ونقدر نطيحو
عماد(قاطعها): قلت ليك حلي القلادة