نكمل روايتنا(آسيرة لحصون قلبهُ)بقلم سلسبيل كوبك..
الفصل ال2...
اخر حاجة وقفنا عندها في الفصل ال1....
آسر زق صقر و خرج بره الشركة و فجأة حصل ضرب نار..
آسر(بصوت عالي):صقر!!
صقر خرج جري من الشركة و حاوط آسر هو و رجالته و دخلوه الشركة...
آسر(بغضب):انت كنت عارف؟!!
صقر(ببرود):ايوه..
آسر(بغضب):انت عايز ايه؟!و كمان ليه جيت ما انت بتتمني اني اموت..
صقر(ببرود):و حياتك نفسي تموت و ارتاح منك...بس اول واحد هيقولوا قتله هو انا..
صقر(ببرود):و انت ارخص من اني اقتلك بايدي..
صقر:يلا يا زين..
صقر خد زين و رجالته و خرجوا بره الشركة..
زين:قولتلك ده ميستاهلش و سيبه يموت..
صقر(ببرود):ليه يومه..و اخرس بقي قدامي..
زين:براحتك يا عم..
صقر:يلا قدامي..
صقر و زين ركبوا عربيتهم و رجعوا الشركة..
آسر(بغضب):اعرفولي مين اللي ورا الموضوع ده..
ماهر:ما ممكن يكون السبب..
آسر(بغضب):لا..و شوفلي مين السبب انجز..
ماهر:طيب..
آسر بصلهم بغضب و طلع لاوضة مكتبه...
ماهر:جيبلي كاميرات الشركة الخارجية..
حارس:حاضر يا بيه..
**********************************
-في مكان تاني...
_عند طيف..
رفيف:هتروحي امتي؟!
طيف:دلوقتي...
رفيف:طيب يلا باي..
طيف:باي يا روحي..
طيف ركبت المواصلات و وصلت ل بيت خالتها..طلعت البيت و خبطت..
خالتها:اهلا بالسنيورة..
طيف(ببرود):فين فهد!؟
خالتها:بعته يشتري من تحت..
طيف:اوف طيب..
طيف نزلت ل تحت لقت فهد بيتخانق و بيقول الفاظ سيئة..
طيف(بغضب):فهد!!!
فهد:طيف..ازيك؟!
طيف(بغضب):ايه اللي انت عملته ده؟!انت مجنون؟!
طيف(بغضب):انت جيت هنا كام سنة تتعلم الزفت ده..
طيف(بغضب):متنساش انت ابن مين يا فهد و اتربيت ازاي..
فهد(بحزن):اسف يا طيف..
طيف:اطلع بلا غير هدومك..
فهد:حاضر..
بنت:طيف السنيورة نورت الحارة..
طيف(بضيق):خير يا منال؟!
منال:ايه جابك الحارة؟!
طيف(بضيق):هو انا باجي غير علشان ابن خالي اللي انتي و امك و اخوكي استعبدتوه..
منال:عايزاه ادفعي فلوس بس..
طيف(بضيق):متخافيش هجيب فلوس و هاخده و ارتاح من شكلك و شكل امك و اخوكي الشمام..
منال(بغضب):ما تحترمي نفسك..
فهد:طيف انا جاهز..
طيف:يلا يا حبيبي..
طيف خدت فهد و ركبوا تاكسي و مشيوا..
منال:ربنا ياخدك يا شيخة..
فهد:انتي زعلانة؟!
طيف:اه..
فهد:اسف متزعليش بحبك..
طيف(بابتسامة):خلاص مش زعلانة بس متعملش كدة تاني..
فهد:حاضر..
طيف:يا اخواتي علي القمر بتاعي..
طيف باست خد فهد و حضنته...
طيف:اقف هنا يا اسطا..
طيف:انزل يلا يا فهد..
طيف حاسبت السواق و مسكت ايد فهد اللي شدها ناحية الاهرامات..
فهد:حلوين اوي..
طيف:انا وعدتك يا حبيبي المهم تنبسط...
فهد:احبك..
طيف و فهد قعدوا يهزروا و يضحكوا و يلعبوا...
*********************************
-في مكان تاني...
_في القصر...
نيران(بزهق):اعملوا حاجة جديدة بقي زهقت..
مهرة:اخرسي..
نجلاء:امك هي اللي بتبدأ يا نيران..
نيران:عارفة للاسف...اهدوا بقي خلوا بينكم توافق..
مهرة:انا عايزاها تعرف انه لو مكنش العيب فيها مكنش اتجور عليها..
محمد(بحدة):مهرة!!
مهرة:انت رجعت يا حبيبي؟!
نجلاء:حمدلله بالسلامة..
نيران:ازيك يا بابا وحشتني..
نيران جريت علي محمد حضنته و محمد باس رأسها...
محمد:عاملة ايه يا حبيبتي؟!و اخبار الجامعة..
نيران:الحمدلله يا حبيبي..انت عامل ايه؟!
محمد:كويس...خليهم يجهزوا العشاء..
محمد سابهم و طلع لاوضته و بدأ يغير هدومه و نزل ل تحت..
مهرة:اخبار الشغل ايه يا حبيبي؟!
محمد:كويس...
نجلاء:اتغديت؟!
محمد:الحمدلله..
نيران:بابا كان في رحلة طالعة قريب ممكن اروحها؟!
محمد:من الجامعة؟!
نيران:اه..
محمد:ماشي..
نيران:شكرا يا بابا..
مهرة:آسر حبيبي تعالي..
آسر:مساء الخير..
الكل:مساء النور..
آسر:عايزك يا بابا في اوضة المكتب..
آسر دخل علطول لاوضة المكتب و محمد كمل اكله ببرود و بعد ما خلص قام و دخل اوضة المكتب..
محمد:خير؟!
آسر:مين الناس دي؟!
محمد:المفروض انا اللي اعرف...شوف اعدائك مين؟!
آسر:كنت عارف؟!
محمد راح قعد علي الكرسي بتاعه و بص لآسر..
آسر:ايه؟!
محمد:انت شاكك في مين؟!
آسر:في غيره صقر..
محمد:و ايه اللي خلاك متأكد كدة؟!
آسر لا رد..
محمد:بص حواليك يا آسر و انت تعرف عدوك..خد بالك من عدوك مرة و من صديقك الف مرة..
آسر:مين قصدك؟!
محمد:دي نصيحة مني ليك..
محمد قام و قرب من آسر و حط ايده علي كتفه..
محمد:نام هنا النهاردة بدل ما ترجع الڤيلا مشوار عليك..
محمد ساب آسر و طلع لاوضته بتاعته هو لوحده مش نجلاء و لا مهرة...
محمد قفل الباب و قعد علي السرير بتعب و غمض عيونه لغاية ما نام..
_تحت...
نيران:بقولك يا مان(راجل,man)..
آسر:خير؟!
نيران:في رحلة ما تيجي؟
آسر:امتي؟!
نيران:كمان كام يوم..
آسر:ورايا شغل في القاهرة..
نيران:من الاسكندرية ل القاهرة يا آسر 3 ساعات و نص بس..
آسر:ايوه عايزة ايه يعني؟!
نيران:اوف يا رخم..
آسر:بت متعصبنيش..
نيران:غلس بااااي..
إسر:تعالي هنا انا غلس؟!
نيران(باستفزاز):اه..
نيران طلعت تجري علي اوضتها بسرعة و آسر وراها..
آسر:اهربي براحتك ليكي يوم يا نيران..
آسر دخل اوضته اللي في القصر و اترمي علي السرير...
*********************************
-في مكان تاني..
_عند صقر...
زين:ما تراعي شعورهم شوية يا اخي..
صقر:زين اطلع من دماغي مليش في البنات..و كمان انا عندي اخت..
زين:اوف ما البنات حلوة..
صقر:عايز تستمتع اتجوز و خد اللي انت عايزه و طلق..
زين(بضحك):طبعا طبعا الا الحرام..
صقر:طيب...ناولني كأس يا ابني..
موظف:حاضر..
بنت:مش معقول صقر الجارحي..
صقر(بسخرية):علي اساس متعرفيش اني بأجي هنا علطول بس هتبقي اخر مرة..قوم يا زين..
بنت:استني بس يا صقر بيه..
صقر(ببرود):بصي انا خلقي علي قدي ابعدي من وشي مش فاضي ليكي.
صقر شد ايده من ايد البنت و مشي و وراه زين..
زين:افراج..
صقر:من الصبح تتحط حراسة مشددة علي المحامي المشهور فؤاد ده..
زين:حاضر..
صقر:و هو و عائلته كلهم تحت المراقبة..و اي حاجة غريبة قولي..
زين:عيوني..
صقر ركب عربيته و رجع القصر...
انتصار:اتأخرت ليه؟!
صقر:شغل..
انتصار:ريحة بوقك وحشة ليه يا صقر؟!انت ليه بتشرب يا صقر مش قولتلك كدة حرام و عيب..
صقر:انا كبير و بفهم..عن اذنك..
صقر طلع اوضته خد دوش و خرج غير هدومه..
"صقر لبس شورت ابيض لغاية الركبة و تي شيرت رمادي"..
صقر طلع قعد في التُراس و بص للسماء..و طلع علبة السجاير بتاعته و بدأ يدخن...
**********************************
-في مكان تاني....
_عند طيف...
طيف:يلا يا حبيبي اطلع نام..
فهد:طيب..هو انتي هتأخديني امتي؟!
طيف:قريب قريب اوي يا فهد متخافش..
فهد:مش خايف طول ما انتي هنا و معايا..
طيف:طب هات حضن كبير بقي..
فهد حضن طيف جامد و طيف باست رأسه و عيونها دمعت...
طيف:يلا يا حبيبي اطلع..
فهد طلع ل بيت عمته...طيف بدأت تتمشي و هي حاسة بتعب في جسمها..
تليفونها رن...الخط اتفتح..
رفيف:انتي فين يا بت؟!
طيف:جاية يا اختي..
رفيف:ده كله مع فهد؟!.
طيف:اه..
رفيف:طيب يا حبيبتي تعالي مستنياكي..
طيف:حاضر..
طيف مشيت و راحت للعمارة بتاعتها و كانت رجليها وجعتها اوي...
طيف:ازيك يا عم فادي...
فادي:ازيك يا حبيبتي..
طيف:كويسة الحمدلله..
ست(بغضب):بتتكلم معاها ليه يا عم فادي؟!
فادي:انا مشفتش منها حاجة يا ست ثناء..اطلعي يا بنتي بيتك..
ست(بتكبر):اللي بالايجار..
طيف:و الله حتي مش هنزل نفسي لمستواكي و ارد عليكي..
طيف سابتهم و طلعت للشقة و دخلت اترمت في الارض..
رفيف:طيف مالك؟!
طيف:رجلي وجعاني شوية...
رفيف:طبعا مشيتي..
طيف:المشي رياضة..
رفيف:بس اللي بتعمليه موت...ممكن تخسري رجلك..
طيف:متكبريش الموضوع....فين الاكل بقي؟!
رفيف:خشي غيري هدومك يلا..
طيف:داخلة..
طيف دخلت اوضتها و خدت دوش دافئ و خرجت تغير هدومها..
"طيف لبست بنطلون ابيض و تي شيرت اسود ب ¾ كم واسع..سيبت شعرها علي ضهرها"..
طيف خرجت لقت العشاء بدأت هي و رفيف يأكلوا...
رفيف:بكرة اخيرا يوم اجازة..
طيف:بالنسبة ليكي انا هروح المطعم..
رفيف:ربنا معاكي..
طيف:و معاكي يا حبيبتي..
طيف قامت اترمت علي السرير نامت بتعب..
_في الصباح الباكر..
طيف قامت علشان شغلها دخلت الحمام غسلت وشها و خرجت تغير هدومها..
"طيف لبست فستان هادئ بلون بيبي بلو قصير لغاية الركبة و مش ضيق و محددها و مش واسع وسط و بحمالة عريضة علي الكتف..طيف رفعت شعرها علي شكل كحكة و نزلت كام خصلة..طيف لبست جذمة بيضاء بسيطة"..
طيف خدت شنطتها و نزلت قابلت هاشم..
طيف(بصوت واطي):مش وقتك خالص..
هاشم زق طيف علي الحيطة و ثبت ايديها...
طيف(بوجع):يا غبي!
طيف(بغضب):وسع يا حيوان انت..
هاشم:انتي..
طيف ضربت هاشم في بطنه برجليها و سابته و مشيت و هي عمالة تشتم فيه..
طيف وصلت للمطعم لقت الكل موجود حتي رفيف..
طيف:انتي جيتي ازاي؟!
طيف:متجمعين كدة ليه؟!
المدير:آسر الجارحي هيعمل صفقة هنا في مطعمنا..
طيف:ايوه و انت فرحان كدة ليه؟!
المدير:انتي متعرفيش مين آسر الجارحي...!
طيف(بتريقة):لا معرفش آسر الجارحي..
طيف:هتلاقيه بطة كبيرة كدة و دماغه بلح..
رفيف(بهمس):سلم علي الشهداء اللي معاك..
طيف لفت ضهرها و بصت وراها لقت شخص باصص ليها بغضب و وراه حراس كتير و بصت للباقي لقتهم مصدومين و خايفين..
طيف:افندم مين حضرتك؟!
آسر(بغضب):انا اللي دماغي بلحه يا روح امك..
طيف مسكت كوباية ماية و رشتها في وش آسر..
طيف(بغضب):اياك تجيب سيرة امي احسن و ربي انت و اللي وراك دول متخرجوش علي رجليكم..
آسر قرب من طيف خطوتين طيف رجعت تلقائي خطوة..
حارس:الباشا وصل يا آسر بيه..
آسر:تمام..
آسر راح قعد علي ترابيزة مخصصة ليه و مسح وشه و دخل اللي جه و بدأوا يتكلموا في الشغل..
رفيف:تعالي الله يخرب بيتك يلا..
طيف:اوف بقي انا ليه حظي كدة..
المدير:المرة دي محدش هينقذك يا طيف..
طيف:طيب..
و بدأوا يقدموا مشروبات للحراس و لآسر و رجل الاعمال التاني..
رفيف:خليكي هروح..
طيف(بتحدي):لا..
طيف خدت القهوة و راحت ل ترابيزة آسر و حطت القهوة قدامهم...
طيف:حاجة تاني يا فندم؟!
آسر شاور ليها بمعني انها تمشي بس طيف فضلت واقفة..
آسر(بعصبية):ممشتيش ليه؟!
طيف(ببرود):انت كنت قولت او رديت..فشكيت انك اخرس و لما تعوز حاجة مش هتعرف تنادي..
آسر(بعصبية):غوري من وشي...
طيف:طاه(طيب)..
طيف سابت آسر اللي كان مراقبها بنظرات مليانة غضب...
آسر:كدة تمام يا عدنان بيه..
عدنان:فعلا احنا اتشرفنا بالعمل مع حضرتك..
آسر:تمام..
عدنان:حضرتك هتبات و لا هترجع اسكندرية؟!
آسر:لسة هشوف..
عدنان:طب لو هتبات بيتي مفتوح..
آسر:لا شكرا يا عدنان بيه اتفضل..
طيف(بضيق):اوف مش هنخدم الا علي دول بس...
رفيف:ما تعقلي بقي يا طيف في ايه..
طيف(بضيق):معصبني يا رفيف معصبني..
طيف(بشهقة):يا حيوان!!!
طيف لقت آسر شدها من دراعها و مشاها وراه..
آسر:محدش يجي ورايا..
آسر خد طيف و خرج ل بره المطعم كان يعتبر مكان ل زبالة المطعم...آسر زق طيف بغضب علي الحيطة...
طيف(بوجع):هو انتوا ايه حكايتكوا مع الحيطة و ضهري؟!
طيف(بحدة):عايز ايه و ازاي تسمح لنفسك اصلا انك تلمسني يا حيوان..
آسر حاوط طيف بينه و بين الحائط و قرب منها..
آسر:انتي غلطتي كتير و انا سكتلك..
طيف:طالما انا غلطت فيك كذا مرة و انت سكت يبقي لما اغلط تاني يبقي تسكت برضو..
آسر فضل باصص علي طيف و علي جسمها و وشها و هدومها و عيونها...
آسر:اسمك ايه؟!
طيف:العفريت الازرق..
آسر:ا..
طيف ضربت آسر برجليها في بطنه و آسر رجع خطوتين ل ورا و طيف جريت بعيد عن المطعم و حمدت ربنا انه كان معاها تليفونها...
طيف اتصلت ب رفيف...الخط اتفتح..
طيف:متتكلميش خالص اسمعيني بس..
طيف:البغل مشي؟!
رفيف لا رد..
طيف(بعصبية):ما تردي..
رفيف:هو مش انتي اللي قولتي متكلمش و اسمعك؟!
طيف:طبعا ما الغباء ليه ناسه..
رفيف:انا برضو..
طيف:البغل مشي؟!
رفيف:ايوه..
طيف:طب الحمدلله اروح انام بسلام انا بقي...
طيف رجعت البيت اترمت علي اقرب كنبة و نامت عليها...
**********************************
-في الصباح الباكر...
_عند صقر..
صقر صحي من نومه و هو مضايق و قعد علي السرير و فتح اللاب بتاعه,و طلع سيجارة و بدأ يدخنها...
تليفون صقر رن...الخط اتفتح..
زين:صباح الخير..
صقر:صباح النور...عايز ايه؟!
زين:مش هتيجي الشركة؟!
صقر:لا..
زين:طب ليه؟!
صقر:مزاجي يا زين مزاجي..
زين:خلاص يا عم براحتك..باي..
صقر كان هيقفل بس لاحظ حاجة علي اللاب بتاعه..
صقر:الفأر وقع في المصيدة يا زين..
زين:بجد؟!!
صقر:هبعتلك الموقع و ابعته للرائد مازن..
زين:طيب..
صقر قفل اللاب و قام دخل الحمام خد دوش طويل و قعد في البانيو ل فترة و كان بيفكر..
الباب خبط..
صقر(بغضب):مين دخل اوضتي؟!
انتصار:انا يا صقر متقلقش..
صقر:طيب اخرجي هخرج البس..
انتصار:تمام عايزاك تحت..
انتصار سابت صقر و نزلت ل تحت,صقر خرج من الحمام غير هدومه...
"صقر لبس بنطلون اسود و تي شيرت اسود ب كم و كوتشي جملي"..
صقر نزل ل تحت لقي انتصار منتظراه..
"انتصار عاشت مع صقر و آسر فترة طويلة علشان كدة بيعتبروها فرد من عائلتهم..و كانت بتخدم محمد من زمان بس راحت مع صقر و آسر الڤيلا"..
صقر:ايه؟!
انتصار:امتي هتبقي بار بوالديك؟!.
صقر:امي و براضيها...عايزة ايه تاني؟!
انتصار:و محمد يا صقر..
صقر:انا مش قادر اعتبره اب..
انتصار:بس معملش حاجة ل ده كله دايما مهتم بشغله برضو..
صقر:انا...
صقر:مش هتفهميني انا رايح مشوار..
صقر ساب انتصار و خرج بره الڤيلا ركب عربيته و راح مشوار....
انتصار:ربنا يهديلك الامور يا صقر..
********************************
-في مكان تاني...
_في القصر..
نيران(بصوت عالي):بس بقي يا ماما مش عارفة اذاكر بسبب كلامك..
مهرة:انا بوعيكي..
نيران:اوف لا مش عايزة..
نيران(بلهفة):صقر..
نيران جريت علي صقر حضنته صقر رفعها من الارض و باس خدها..
صقر:اميرتي الصغيرة عاملة ايه؟!
نيران:اميرتك الصغيرة زعلانة..
صقر:ليه كدة؟!
نيران:في رحلة عايزاك تطلع معايا فيها..
صقر:عيوني..امتي؟!.
نيران:كمان يومين..
صقر:بصي يا حبيبتي اوعدك الرحلة التانية هاجي معاكي فيها وعد وعد..
نيران:بس هي بعد كام شهر..
صقر:و فيها ايه؟!انا وعدتك اني هأجي بس كدة..
نيران:بحبك بحبك بحبك..
نيران حضنت صقر جامد و صقر باس رأسها..
مهرة:مش كان وراكي مذاكرة يلا..
نيران:هقعد مع صقر بما انه جه..
صقر:لا يا حبيبتي متعطليش مذاكرتك علشاني..يلا ذاكري..
نيران:بس..
صقر:قبل ما امشي هأجي اقعد معاكي..
نيران:طيب..
نيران راحت تكمل مذاكرة,مهرة قربت من صقر و ربعت ايديها..
مهرة:عايز ايه من عيالي يا صقر؟!
صقر:عيالك يبقوا اخواتي يا مدام مهرة..
مهرة:انت عاير تفهمني انك بتطيق اخوك آسر و بتحبه..انت بتكره نجاح آسر انت حقود عليه دايما..
صقر ضحكت بصوت عالي كنوع من انواع السخرية..
صقر:عيدي تاني اللي قولتيه...انا و اغير؟!!!!!
صقر:علي الاقل انا معتمدتش علي فلوس حد حتي لو كانت فلوسي..انا بقي عندي بدل الشركة عشرة في كل حتة..انا مش ببص علي الماديات اللي زيك...
صقر:الفلوس بالنسبالي حاجة رخيصة...
صقر:زيك كدة بالظبط..
صقر:و اه انا مش بطيق ابنك..عندك مانع؟!
صقر:غوري من وشي و انتي عاملة زي الباندا..
صقر سابها و طلع لاوضة مامته خبط الباب..
نجلاء:ادخل..
صقر:مساء الخير..
نجلاء:حبيبي عامل ايه وحشتني..
صقر:الحمدلله..
نجلاء:ما تيجي تعيش معايا هنا يا صقر و النبي..
صقر:مش هينفع يا ماما و انا هناك مرتاح..
نجلاء:انا خايفة عليك من آسر...آسر اتغير و بقي يجري في دمه شر امه..
صقر:ابنك راجل..
نجلاء:عارفة يا حبيبي...بس الضباع و الذئاب مش بتسيب الاسود في حالها...مع اول وقعة للاسد الكل بينقض عليه كأنهم لقوا قوة شرهم..
صقر:متخافيش...آسر عيل مش هيقدر يعمل حاجة..
صقر:انتي مش ناوية تقرري..
نجلاء(باحراج):انا قولت قراري من زمان يا صقر..
صقر(بغضب):طيب خليكي كدة بقي..
صقر ساب نجلاء و خرج من اوضتها و خرج من القصر كله ساق عربيته بغضب..
**********************************
-في مكان تاني....
_عند آسر...
آسر:الغي السفر..
حارس:حاضر يا بيه..
آسر:كلم ماهر و قوله اني خدت اجازة و يخلي باله من الشركة..
حارس:حاضر..
آسر دخل خد دوش طويل و خرج غير هدومه..
"آسر لبس بنطلون جينز و قميص ابيض و كوتشي ابيض و لبس ساعته و حط برفيوم"..
آسر نزل و ركب عربيته و وراه حراسة راح للمطعم في الوقت اللي طيف وصلت فيه..
طيف(لنفسها):ايه اللي جاب البغل تاني؟!.
آسر(بحدة):اقفي عندك..
طيف:افندم؟!
آسر:اجري جيبيلي فنجان قهوة سادة يلا..
طيف بصت للمطعم و بصت ل آسر و وقفت ربعت ايديها...
حارس(بغضب):انتي مش بتسمعي كلام الباشا ليه؟!
آسر شاور للحارس بمعني يسكت و طيف بصالهم ببرود و مربعة ايديها..
آسر:مش قولتلك تروحي تجيبيلي قهوة..
طيف:لاكون خدامتك اللي اشتريتها..
آسر:مش انتي بتشتغلي هنا؟!
طيف:اه..
آسر:خشي اعملي قهوة..
طيف:انت فاهم غلط انا اه بشتغل هنا و المفروض اعملك قهوة لما تطلبها و انت جوا المطعم...بس انا دلوقتي مش في المطعم و مش بشتغل فيه انا حاليا مواطنة زيي زيك..
آسر:انتي بتقارني نفسك بيا؟!.
طيف:لا طبعا و دي تيجي...انت مين اصلا علشان اقارن نفسي بيك..
آسر(بعصبية):انتي قاصدة تعصبيني؟!
طيف:اه و يلا من هنا هرش ماية..
طيف قربت من آسر و زقته و آسر رجع ل خطوتين..
طيف(بصريخ):لاااااااا...
_السؤال:يا تري هيحصل ايه؟!خمنوا🌚💗..
*****************************
يتبع:::::💗..
بحبكوا💗..
يا رب الرواية تنال اعجابكم💗..
رأيكوا يهمني💗..