أسيرة لحصون قلبهُ «قيد التعديل»

الفصل الرابع و الثلاثون..

نكمل روايتنا(آسيرة لحصون قلبهُ)بقلم سلسبيل كوبك..
الفصل ال34..
_في الصباح الباكر...
نجلاء صحيت من نومها بدري و ملقتش حد صحي نزلت للمطبخ و بدأت تجهز فطار ل صقر و طيف..
فهد صحي من نومه و نزل ل تحت...
فهد:طيف اعمليلي فطار معاكي..
نجلاء(باستغراب):انت مين؟!
فهد(باستغراب):انتي اللي مين؟!
نجلاء:انا والدة صقر..و انت؟!
فهد:انا ابن خال طيف..
نجلاء:تشرفت بيك يا حبيبي..
فهد:و انا اكتر...هي فين طيف؟!
نجلاء:فوق نايمة مع صقر..
فهد:اه طيب..
نجلاء:تحب تفطر معاياا؟!
فهد(باحراج):لو مش هتعبك معايا..
نجلاء:لا عادي يا حبيبي..
_عند طيف و صقر..
صقر يعتبر منامش اوي كان كل شوية يقلق و يبص علي طيف,صقر قام من جمب طيف بهدوء و دخل الحمام غسل وشه...
صقر دخل اوضة الملابس غير هدومه و خرج لقي طيف لسة بتفوق..
صقر:عاملة ايه دلوقتي؟!
طيف(بنوم):الحمدلله..
صقر قعد جمب طيف و شدها ل حضنه..
صقر:ممكن افهم ايه اللي حصل امبارح بقي؟!
طيف(بتوتر):محصلش حاجة..
صقر(بحدة):طيف مبحبش الكدب خليكي صريحة..
طيف:مفيش حاجة يا صقر..
صقر:و انهيارك امبارح و خوفك ده ايه سببه؟!
صقر:انا غبي مثلا او مغفل علشان اصدق كلامك..
طيف(بدموع):انا..
صقر:يا ربي يا طيف ليه بتعيطي دلوقتي؟!
طيف:و انت بتزعق ليا ليه؟!
صقر:خلاص يا ستي انا آسف راضية كدة..
صقر:احكيلي حصل ايه..
طيف بدأت تحكي اللي حصل بينها و بين حسام امبارح..
صقر:و انتي متصلتيش بيا ليه؟!
طيف:اتصلت بيك كتير بس انت كنسلت عليا..
صقر غمض عيونه بتأنيب ضمير و خد طيف في حضنه و باس رأسها..
صقر:انا اسف يا حبيبتي معلش كنت بعمل حاجة..
صقر:خلاص اهدي هو مش هيقدر يجي هنا تاني الفترة دي خالص..
طيف:ده معناه انه هيجي بعد فترة..
صقر:من امتي الذكاء ده يا بت اخاف عليكي..
صقر:متخافيش هكون بعته السجن متخافيش انتي...انا موجود و معاكي..
طيف:ما هو ممكن احم هو..
صقر:قولي في ايه؟!
طيف(باحراج):ممكن يفرقنا عن بعض..
صقر(بخبث):طب ما نتفرق هو مش انتي عايزة تتطلقي؟!
طيف(بغيظ):عندك حق فعلا..
طيف مسكت المخدة و ضربت بيها صقر و قامت من جمبه و صقر قعد يضحك عليها..
طيف(بعصبية):ما تسكت بقي..
صقر(برفعة حاجب):هو الضحك حرام؟!
طيف(بعصبية):علفكرة بقي انت..
صقر:ايوه انا..
طيف:انت..
صقر:قولي..
طيف:انت بتقرب ليه خليك عندك؟!
صقر:اقرب براحتي..
طيف:اوف طب..
صقر:ايوه اتكلمي مالك بتتكلمي الجمل علي مقاطع كدة ليه...فين لسانك المترين ده؟!
طيف:انا بقولك خليك عندك احسنلك..
صقر:مش فاهم يا طيف وضحي اكتر..
طيف(بتوتر):انا كدة اتحبست صح؟!
صقر:ايوه..
طيف(بعصبية):طب وسع بقي بعيد عني وسع وسع وسع..
صقر:لا لا لا..
طيف ربعت ايديها و ودت وشها ناحية تانية غير صقر,صقر قرب منها باس خدها..
طيف:ايوه يعني هفضل متذنبة كدة كتير؟!
صقر:اخرجي..
صقر اتفاجئ لما طيف حضنته لف ايديه علي خصرها و شدها ليه اكتر...
صقر:انتي كويسة؟!
طيف:اه...
صقر:خليكي لحظة...
صقر بعد عن طيف و راح ناحية اوضة الملابس و خرج ل طيف..
طيف:ايه؟!
طيف لقت صقر بيلبسها سلسلة في رقبتها و باس رقبتها..
صقر:دي متقلعهاش حتي و لو بينا خلاف مع بعض...دي تذكار مهم جدا اياكي تقلعيها يا طيف..
طيف:حاضر..
"السلسلة كانت علي شكل مفتاح صغير باللون الفضي و في نصه في دائره صغيرة باللون الاسود و كان فيه فصوص بتلمع"..
طيف:السلسلة حلوة اوي..
صقر:كويس انها عجبتك..
طيف:اه صح هي طنط جت؟!
صقر:ايوه..يلا ننزل ليها..
طيف:بس انا محرجة هقولها ايه علي امبارح؟!
صقر:ملكيش دعوة...يلا بينا..
صقر مسك ايد طيف و نزل ل تحت لقي نجلاء و فهد بيفطروا..
صقر:صباح الخير..
طيف:صباح الخير..
نجلاء و فهد:صباح النور..
نجلاء قامت وقفت و قربت من طيف..
طيف:ازيك يا طنط؟!
نجلاء:قولنا ايه!؟
طيف:نوجة اسفة..
نجلاء:حبيبتي...المرة اللي فاتت ملحقتش اشوفك كويس بس انتي بسم الله ما شاء الله بدر منور..
نجلاء حضنت طيف و طيف حضنتها,صقر ابتسم ل طيف و راح قعد جمب فهد..
صقر:ايه الاخبار يا بطل؟!
فهد:كمية انبساط مشوفتش زيه..
صقر(بضحك):متتعودش هتروح مدرسة بس شوية كدة...
فهد:ايتا في ايه؟!
صقر:انت بتتكلم زي البت العبيطة اللي وراك دي ليه؟!
طيف:انا مش عبيطة اهو انت..
صقر:ما انا فعلا عبيط علشان اتجوزتك كانت فين دماغي بس يا رب..
نجلاء:مالها اهي بدر منور عايز ايه تاني...
صقر:و الله نفسي في حبة ذكاء غبية درجة اولي..
طيف:ما تحترم نفسك بقي..
نجلاء:خلاص يا صقر متضايقهاش..
صقر:انا عملت حاجة خالص..
طيف:كنت عايزة اكلم رفيف يا صقر..
صقر:تمام هشوف الموضوع ده..
طيف:اوك...
نجلاء:طب كلوا يلا..
الاربعة قعدوا و بدأوا يأكلوا و يتكلموا...
*****************************
-في مكان تاني...
_عند ماهر و نيران..
نيران كانت نايمة في اوضتها لقت الباب بيخبط قامت فتحت الباب....
ماهر(ببرود):اجهزي علشان هنمشي..
نيران:طيب..
نيران دخل الحمام غسلت وشها و خرجت خدت شنطتها و خرجت بره الاوضة..
بنت(بالالمانية):ماهر بيه اتفضل..
ماهر(بالالمانية):ايه ده؟!
بنت(بالالمانية):الانسيال اللي حضرتك طلبته..
ماهر(بالالمانية):خديه ليكي...
ماهر(ببرود):يلا يا نيران..
ماهر و نيران مشيوا و ركبوا العربية اللي وصلتهم المطار و بعدها خلصوا كل اوراقهم و ركبوا الطيارة..
ماهر و نيران طول السفر محدش كلم التاني..
-بعد فترة طويلة..
وصلوا مصر و هما الاتنين نزلوا ركبوا العربية اللي مستنياهم و بدأ السواق يمشي..
نيران و ماهر كل واحد بيبص في اتجاه تاني..
بعد فترة حصل ضرب نار علي عربية ماهر و نيران..
نيران(بصريخ):عاااااا...
ماهر غطي جسم نيران و نزلوا عن الازاز..
ماهر(بعصبية):اقفل الشبابيك..و ابعد قدر الامكان عن هنا..
السواق(بخوف):حاضر يا بيه..
ماهر:هشششش اهدي...
ماهر طلع تليفونه و بدأ يتصل ب آسر..
الخط اتفتح..
آسر:الو..
ماهر(بصوت عالي):آسر حصل علينا هجوم ابعت حراس بسرعة..
آسر:و نيران؟!
ماهر:معايا بس انجز..
آسر:طيب طيب ابعتلي مكانك..
نيران كانت بتعيط و خايفة و ماهر محاوطها بايده..
ماهر رفع جسمه و بدأ يشوف الوضع بس حصل ضرب نار..
نيران(بصريخ):ماهر..
السواق(بخوف):يا بيه سامعني؟!
نيران(بصريخ):وقف العربية بسرعة..
نيران:ماهر ماهر سامعني..
ماهر اتضرب رصاصة و وقع علي كرسي العربية نيران طلعت قعدت جمبه و بدأت تكتم الدم بايديها..
نيران(بخوف):ماهر سامعني؟!
ماهر كان مفتح عينه و سامع صوت نيران بس تايه مش قادر يتحرك او يتكلم..
السواق:ضرب النار وقف....
نيران:اطلع علي اقرب مستشفي انجز...
السواق:حاضر..
نيران:استحمل يا ماهر علشان خاطري..
ماهر ضغط علي ايد نيران فوق جرحه..
نيران:ايه؟!
بعد فترة بسيطة وصلوا للمستشفي و السواق نزل جاب دكاترة و ممرضين و نقالة..
شالوا ماهر و حطوه علي النقالة و دخلوه اوضة الطوارئ و نيران كانت واقفة خايفة..
تليفون نيران رن...الخط اتفتح..
ليلي:انتي فين يا نيران؟!.
نيران(بعياط):ماهر يا ليلي ماهر..
ليلي:ماله؟!
نيران(بعياط):اتصاب..
ليلي:طب اهدي يا حبيبتي قوليلي انتي فين؟!
نيران(بعياط):في المستشفي..
ليلي:فوقي يا نيران و قوليلي في مستشفي ايه؟!
نيران(بعياط):معرفش معرفش..
ليلي:طيب اقفلي..
_عند ليلي..
ليلي:ايه هنعمل ايه؟!
آسر:صقر..
آسر مسك تليفونه و اتصل ب صقر..
الخط اتفتح..
صقر:خير!؟
آسر:صقر عايزك تعرفلي مكان نيران..
صقر(بقلق):حصل ايه؟!
آسر:الكلب حسام بيلعب معانا...و ماهر اتصاب و نيران معاه..
آسر:بس نيران في حالة انهيار و مش عارفة تتكلم..
صقر:اقفل هتصرف انا اقفل..
آسر:طيب لما تعرف مكانها ابعتلي..
صقر:ماشي..
_عند صقر...
طيف:في ايه يا صقر؟!
صقر:مفيش..
صقر طلع الدور التاني لاوضة مكتبه...
نجلاء:اطلعي وراه يا حبيبتي خليكي معاه..
طيف:حاضر يا طنط..
طيف طلعت الدور التاني دورت علي صقر لقته في اوضة مكتبه فتحت الباب و دخلت..
طيف:اساعدك؟!
صقر:طيف سيبيني دلوقتي..
طيف حطت ايديها علي كتف صقر و فضلت واقفة جمبه..
بعد كام دقيقة..
صقر مسك تليفونه و اتصل ب آسر...الخط اتفتح..
صقر:في(********)..
صقر:شوفلي الاخبار و كلمني يا آسر..
آسر:مش هتيجي؟!
صقر:مش هينفع نظهر سوا مع بعض..
صقر:هبقي اكلم مهران و نبقي نتجمع بس المرة دي بطريقة تانية..
آسر:في ايه؟!
صقر:بعدين..روح و طمني علي نيران و اللي اسمه ماهر ده...
آسر:تمام باي..
طيف:في ايه يا صقر؟!
صقر:حسام بيلعب معانا كلنا..
طيف:قصدك ايه؟!
صقر شد طيف و قعدها علي رجله و رجع شعرها لورا..
صقر:مالك خوفتي كدة ليه؟!
طيف:انا انا مخوفتش خالص..
صقر باس خد طيف و حط ايده علي خدها و قربها منه...
صقر:بصي يا حبيبتي طول ما انا عايش اياكي تخافي من حاجة و تأكدي انه لاخر نفس في حياتي هنقذك من اي سوء..
صقر:يلا اضحكي..
طيف:بس حسام ده شكله خطير اوي يا صقر...هو ايه العداوة اللي بينكم احكيلي..
صقر:مش انا قولتلك اضحكي يلا اضحكي..
طيف:يا..
صقر قرب من طيف و (لخيالكوا)..
صقر:يعني انا لازم اعمل كدة علشان تبتسمي...
طيف(بخجل):يلا ننزل ليهم علشان منتأخرش عليهم...
صقر:انتي يا بت جميلة كدة ازاي؟!
طيف بصت ل صقر و بدأت تلعب في زرار قميصه..
طيف:انا و لا سارة؟!
صقر:انتي بتغيري منها؟!
طيف:انا لا طبعا..
طيف:مش عارفة حبيت فيها ايه زمان دي..
صقر:هقولك انا حبيت ايه..
طيف(بغيظ):بقولك ايه متعصبنيش بقي سيرتها بتعصبني..
صقر(ببرائة مصطنعة):هو مش انتي اللي جبتي سيرتها؟!
طيف(بغيظ):خلاص اقفل علي السيرة الزفت دي..
تليفون صقر رن...الخط اتفتح..
صقر:الو يا سارة..
طيف ضربت صقر في كتفه و صقر شاور ليها بمعني "متتكلميش"..
سارة:انت فين يا صقر سايبني كدة لوحدي؟!
صقر:هو مش احنا بنشوف بعض في الشغل خلاص عايزة ايه تاني؟!
طيف فتحت بوقها من كتر صدمتها بان سارة بتشتغل مع صقر..
صقر:هبقي اقابلك يا سارة..
سارة:يا حبيبي انا بحبك..
طيف مسكت الموبايل من صقر و شغلت الاسبيكر..
سارة:صقر انا نفسي بجد نتجوز و نخلف فاكر انت قولتلي انك نفسك تخلف دستة عيال مني..فاكر لما كنت بتقولي اني اجمل واحدة في الكون..
سارة:انا سارة حبيبتك يا صقر..
صقر:لا طبعا يا سارة بس بقي اكلمك بعدين و نتقابل...اقفلي دلوقتي..
طيف بعدت عن صقر و كانت هتخرج بره الاوضة...
صقر:طيف..
طيف(بعياط):نعم..
صقر قام و قرب من طيف و حاوط وشها بين ايديها..
صقر:ايه يا طيف يا حبيبة قلبي!!!
صقر:طيف سارة دي كانت في الماضي دلوقتي انتي الحاضر و المستقبل كمان..
طيف(بعياط):سارة الماضي و الحاضر و ممكن تبقي المستقبل يا صقر....
صقر:انا خلاص حطيت خطة المستقبل يا طيف هي انتي...انتي الاساس اللي هبني بيه مستقبلي..
طيف(بدموع):بس..
صقر:مفيش بس..مش قولنا مش عايزين حد يفرقنا عن بعض..
طيف هزت رأسها بمعني اه..
صقر:بحبك يا طيف...
طيف رفعت عينيها بسرعة ل صقر..
طيف:ا..
الباب خبط..
صقر(بضيق):ادخل...
نجلاء:احم كنت جاية اشوفكوا اتاخرتوا ليه؟!
صقر:جايين اهو يا امي..
نجلاءطيب يلا انا عملت فشار..
صقر:يلا يا حبيبتي..
صقر و طيف و نجلاء نزلوا ل تحت و قعدوا جمب بعض و معاهم فهد...
صقر:فهد ما تيجي كدة..
فهد:انا مرتاح كدة..
صقر:اوف يا ابني..
طيف:خلاص سيبه يا صقر..
فهد طلع لسانه ل صقر و صقر كان متغاظ منه..
صقر كل شوية يفتح تليفونه و يبص علي حاجة..
***************************
-في مكان تاني....
_عند قاسم و وعد..
وعد:حسستني انك مُت..
قاسم:بعد الشر..
وعد:انت نايم بقالك اكتر من يوم و نص..
قاسم:هو حرام ما احلي النوم..
قاسم(بغمزة):بس ايه كنتي قلقانة..
وعد:الله ما هو اكيد كنت اقلق مش انا اللي قولتلك تشرب فراولة..
وعد ضربت قاسم علي كتفه بغضب..
وعد:بس انت كنت ترفض و متشربش طالما عارف انك عندك حساسية..
قاسم:علشان اثبتلك اني عايزك و شاريكي..
وعد:مجنون..
وعد:قوم يلا نمشي..
قاسم:هو انتي هنا من امبارح؟!
وعد:لا مشيت و رجعت هقعد هنا اعمل ايه يعني كنت حبيبي..
الباب خبط...
ممرضة:حمدلله بالسلامة يا استاذ..
ممرضة:الانسة مسابتكش و لا لحظة امبارح..
وعد حطت ايديها علي وشها باحراج و عصبية,قاسم بص ل وعد بابتسامة..
وعد(بعصبية):مش يلا نمشي..
قاسم:طبعا بس اسنديني..
قاسم قام قعد علي السرير..
وعد:يلا انا تعبانة و عايزة اروح...
قاسم:لازم تبقي تعبانة ما انتي سهرانة من امبارح..
وعد:تمام مش يلا بقي و لا ايه؟!
وعد و قاسم خرجوا بره المستشفي..
وعد:بعت جبت عربيتك..
قاسم:طب يلا اوصلك..
وعد:طيب..
قاسم و وعد ركبوا عربية قاسم و بعد فترة قاسم وقف قدام بيت وعد..
قاسم:باي..بس الخروجة دي متتحسبش..
وعد:الخروجة دي تكفيني يا قاسم..
وعد:رأيي هقوله كمان يومين...
وعد:بس يا ريت طول اليومين دول متنطش ليا في كل حتة...
وعد:عن اذنك باي...
وعد نزلت من عربية قاسم و قاسم اطمن عليها لما دخلت العمارة و بعدها بدأ يسوق لغاية ما وصل للڤيلا بتاعته..
قاسم دخل البيت ملقاش فيه حد..
قاسم:منار هما فين؟!
منار(الخدامة):سمية هانم و فريد بيه سافروا..ليلي هانم كانت في الشغل..
قاسم:طيب..
قاسم طلع لاوضته غير هدومه و نام بعمق علي سريره...
***************************
-في مكان تاني...
_عند رامي...
الدكتور:صابر بيه بقي احسن دلوقتي..
رامي:شكرا..
الدكتور:اه...بس زي ما قولتلك اول مرة..
عبير:طيب ينفع نخش ليه بقي؟!
الدكتور:اكيد اتفضلوا..
الدكتور:بس مش هيرد عليكوا..
رامي:هيقعد مدة؟!
الدكتور:لسة هنشوف بس اللي هو خده أثر عليه بطريقة كبيرة..
معتز:هي السبب معندهاش دم..
رامي:خشي شوفيه يا امي..
عبير:طيب..
عبير دخلت لاوضة صابر قربت من سريره باست رأسه و هي بتعيط..
عبير:حبيبي...
عبير:حمدلله علي سلامتك..
عبير باست رأس صابر و قعدت جمبه...
_عند رفيف...
رفيف رجعت لبيتها و هي منهارة في العياط و من يومها و هي قاعدة علي سريرها بتعيط بس..
رفيف كانت مخنوقة و بتعيط بس مقدرتش تفضل ساكتة...
رفيف مسكت موبايلها و اتصلت بطيف بس تليفونها مغلق اتصلت ب صقر..
الخط اتفتح..
رفيف(بهدوء مصطنع):السلام عليكم..
صقر:عليكم السلام...
رفيف(بهدوء مصطنع):ممكن اكلم طيف اصل بكلمها علي تليفونها مغلق..
صقر:اكيد اتفضلي..
صقر:طيف خدي رفيف..
طيف(بلهفة):بجد؟!هات..
طيف مسكت تليفون صقر و كلمت رفيف..
طيف:الو يا رفيف اخبارك؟!
رفيف(بدموع):طيف..
طيف(بقلق):مالك؟!
صقر و نجلاء و فهد بصوا ل طيف و طيف سابتهم و قامت طلعت اوضتها..
طيف:مالك يا رفيف؟!
رفيف(بعياط):مخنوقة اوي يا طيف..
طيف:طب ممكن تهدي يا حبيبتي و تفهميني حصل ايه..
طيف:انا اهو معاكي..
رفيف(بعياط):هحكيلك يا طيف..
رفيف(بعياط):انا..
طيف:بطلي عياط الاول علشان اعرف افهم منك..
رفيف:حاضر..
رفيف:انا روحت عشت مع رامي زي ما فهد او صقر حكولك...و بعدها جه شخص قريب ليهم او صاحب للعائلة يبات عندهم..
طيف:تمام كملي..
رفيف:كانت معاملته وحش و شخص مستفز..و نسيت اقولك ان والد رامي بيقعد علي كرسي متحرك..
رفيف:طنط عبير مامت رامي نزلت هي و رامي و قالت احتمال تتأخر شوية..انا و عمو و اللي اسمه معتز ده قعدنا مع بعض..
طيف:سكتي ليه كملي؟!
رفيف(بعياط):و الله معرفش حصل ايه يا طيف معرفش ازاي عمل كدة و الله..
طيف:اهدي اهدي و فهميني عمل ايه و مين هو؟!
رفيف(بدموع):اللي اسمه معتز ده..
طيف:احكيلي عمل ايه..
رفيف:قام عمل لينا حاجة نشربها احنا التلاتة...عمو و انا شربنا انا اول ما شربت محستش باي حاجة و لقيت نفسي بقع في الارض..
طيف:قرب منك او عملك حاجة؟!
رفيف:لا بس..
طيف:ابوس ايدك بطلي عياط و احكي يا رفيف متوجعليش قلبي..
رفيف(بعياط):كل ما افتكر رامي و هو بيقولي اطلعي بره حياتي الموقف صعب يا طيف صعب اوي..
طيف:طب اهدي يا روحي و امسحي دموعك امسحي دموعك الامور كلها هتتحل و انا متاكدة من كدة..
رفيف:كل اللي فاكراه اني صحيت من نومي لقيت عمو والد رامي مرمي في الارض بيرتعش و كان في نوبة مش عارفة نوبة ايه انا قومت حسيت بدوخة..
رفيف:قعدت علي الكنبة من أثر الدوخة..
رفيف:و بعدها لقيت رامي و طنط رجعوا و رامي جري علي عمو صابر..
رفيف:هو و طنط عبير...
رفيف(بعياط):رامي افتكرني اني انا اللي عملت كدة لانه دخل عليا و لقاني قاعدة علي الكنبة..
رفيف:خرج الزفت اللي اسمه معتز و هو عامل نفسه انه نايم..
رفيف:و بعدها نقلنا عمو المستشفي...و معتز قعد يقول كلام في حقي وحش و رامي كان في قمة غضبه و طردني بره حياتهم...
طيف:انا شاكة ان الزفت اللي اسمه معتز ده متفق مع العقربة اللي اسمها نور اللي انتي حكيتي عنها..
رفيف:مش عارفة انا خايفة اوي يا طيف..
رفيف(بعياط):كنت بحبه..
طيف:و ما زلتي بتحبيه و هو ما زال بيحبك...بس لازم في اي علاقة تحصل مشاكل..
طيف:اهدي انتي بس و مترهقيش نفسك علشان خاطري ابوس ايدك..
طيف:و علشان خاطري تأكلي و تهتمي بنفسك...و انا هحاول اجيلك..
رفيف:لا متجيش خطر عليكي..
طيف:و لا يهمك هتكلم مع صقر الاول..
طيف:انتي بس علشان خاطري متهمليش في نفسك...و انا هحاول اتصرف في موضوع رامي ده..
طيف:و انا هفتح تليفوني..
طيف:حبيبتي متتعببش قلبك و قلبي ابوس ايدك...متحسسنيش بالذنب لاني بعيدة عنك..
رفيف:متخافيش...ربنا يخليكي ليا يا طيف..
طيف:و يخليكي ليا يا نور عيني...
رفيف:يلا هقفل..
طيف:اقفلي و قومي كلي اطلبي بيتزا او كريب اتصرفي لازم تاكلي لاني عارفاكي مكلتيش اكيد..
رفيف:الصراحة اه..
طيف:طب قومي كلي و لا عايزاني اجيلك و اجري وراكي بالشبشب..
رفيف:لا اسفة...هأكل حاضر يا احلي اخت..
طيف:روحي يلا باي و متشليش هم اي حاجة..
رفيف:حاضر بحبك..
طيف:و انا كمان باي..
طيف قفلت مع رفيف و لفت لقت صقر في وشها طيف اتخضت و حطت ايديها علي قلبها..
طيف(بشهقة):حرام عليك يا صقر..
صقر(بهدوء):معلش..مالها رفيف؟!
طيف:مشكلة بسيطة كدة..
صقر(بهدوء):يعني مكلمش رامي؟!.
طيف:و الله ما اعرف..
صقر قرب من طيف خطوتين و حاوط وشها بين ايديه..
صقر:عايزة تقولي ايه؟!
طيف:مش عايزة اقول حاجة..
صقر:هحاول اصدقك يا طيف..
صقر:عموما ماما و فهد طلعوا اوضتهم يناموا...انتي ايه نظامك!؟
طيف:هنام هنعمل ايه يعني..
طيف:خد اهو تليفونك..
طيف دخلت الحمام غسلت وشها و خرجت تغير هدومها...
"طيف لبست بيجامة باللون الاسود عبارة عن بنطلون اسود و فوقه تي شيرت بحمالة رفيعة علي الكتف قصير لغاية الخصر و لبست فوقه سويت شيرت خفيف باللون الابيض ب ¾ كم..سيبت شعرها علي ضهرها"...
طيف خرجت من اوضة الملابس و راحت نامت علي السرير بتعب...صقر قرب من طيف و حط ايده فوق رأسها..
صقر:الوقت لسة بدري قومي اقعدي معايا لغاية ما انزل..
طيف:هتروح فين؟!
صقر:يهمك اوي؟!
طيف:قولي فين؟!
صقر:هقابل حد..
طيف:سارة صح؟!
صقر:لا مش سارة..
طيف:اومال؟!
صقر:نيران تعبانة شوية هروح اشوفها..
طيف:طب مش واجب برضو اني اروح معاك..
صقر:لا مش واجب..
طيف:يا صقر...انا زهقت من الحبسة زهقت زهقت زهقت...
صقر:يا طيف ما انتي..
طيف قربت من صقر باسته علي خده و حضنته..
طيف:انت هتأخدني معاك طبعا و مش هتزعلني..
صقر:كدة المفروض اني اتثبت؟!
طيف:ايوه ايوه ايوه يلا بقي..
طيف:و كمان معرفتش اتعرف عليها خالص و كمان علشان اقولها الف سلامة..
صقر:طب تعالي انتي اقولك حاجة..
طيف:بس يا صقر ا..
صقر قرب من طيف و......
_بعد فترة..
طيف:هتروح امتي؟!
صقر:قومي البسي و انا جاي وراكي هعمل مكالمة...
طيف:طيب..
صقر مسك تليفونه و اتصل ب آسر...
الخط اتفتح..
صقر:ايه الاخبار عندك؟!
آسر:ماشية كويس..ماهر خرج من العمليات و نيران اغمي عليها و نقلناها اوضة عادية..
صقر:تمام انا جاي..
آسر:طيب كويس علشان اعرف اوصل ليلي..
صقر:اوك..باي..
صقر لقي تليفونه بيرن مسك سيجارة و ولعها..
الخط اتفتح..
زين:صاحبي..
صقر:عامل ايه؟!
زين:اخبارك انت اهم؟!ايه فينك؟!مختفي..
صقر:مشاغل بقي..
زين:من امتي و انت متقدرش تبعد عن الشغل لحظة..
صقر:في حاجات اهم من الشغل ما انا ياما اشتغلت لازم ارتاح شوية..
زين:انت اللي بتقول كدة؟!
صقر:قدر...عموما ايه الاخبار عندك؟!
زين:كلها ماشية تمام كله تمام التمام متقلقش..
صقر:متخافش مش قلقان مش انت في ضهري يا صاحبي..
زين:اكيد..
صقر:تمام...هقفل انا باي..
زين:باي..
صقر:غيريه يا طيف..
طيف:حبيته..
صقر:و انا محبتهوش و انتي عارفاني مش هرجع في كلمتي غيريه فورا..
طيف دبت برجليها الارض و دخلت تغير هدومها..
"طيف لبست بنطلون كحلي جينز و فوقه تي شيرت ب كم و لبست فوقه جاكت بحمالة عريضة علي الكتف لكن مش بكم..لبست بوط اسود بكعب..سيبت شعرها علي ضهرها و حطت مكياج خفيف جدا"..
طيف:و كدة سعاتك؟!
صقر:مش بطال..
صقر قام و دخل غير هدومه...
صقر:يلا..
طيف:يلا..
صقر مسك ايد طيف و خرجوا بره الڤيلا و ركبوا عربية صقر و صقر بدأ يسوق...
******************************
-في مكان تاني....
_عند حسام..
حسام كان واقف قدام كذا جهاز و عليه اماكن اشخاص...
حسام لف و بص وراه"كان علي الحيطة صور عائلة صقر كلها و ليلي و ماهر و طيف و فهد و رفيف و قاسم و عائلة رامي و فريد و منال ولاد عمة فهد"..
حسام:مش عارف ادخل علي مين فيكوا الاول..
حسام:يا تري انهي علي صقر الاول علشان اخلص من الثعبان الكبير و لا ابدا بالصغيرين قبل ما يكبروا؟!
حسام:لا الموضوع محير اوي..
حسام:و لا ابدا بقصة الحب العظيمة نجلاء و محمد و مهرة اللي بوظتها ليهم..
حسام:لازم برضو الغلطان يتعاقب و انا قررت اعاقبهم واحد واحد...
حسام:بس انا بحب اللعب..هلعب..
حسام مسك سهم من علي الترابيزة و حدفهم علي الصور..
حسام(بخبث):قدرك جه..
حسام:دلوقتي نعمل حاجة بسيطة علي ما افكرلك..
حسام مسك تليفونه و اتصل بشخص...الخط اتفتح..
حسام:شوفوا شغلكم يا رجالة..
********************************
-في مكان تاني...
_عند آسر في المستشفي..
آسر:يعني يا دكتور الاتنين هيفوقوا علي الصبح؟!
الدكتور:ايوه يا بيه و كمان متقلقوش الانسة نيران بقت بخير..
الدكتور:مجرد ضغط اتعرضت ليه..
الدكتور:اما ماهر بيه احنا ندعي ليه يقوم بالسلامة في القريب العاجل...
تليفون آسر رن...الخط اتفتح..
آسر:انت فين يا صقر؟!
طيف(بعياط):آسر تعالي بسرعة...

***********************
يتبع::::::♥️..
بحبكوا♥️..
رأيكوا يهمني♥️..