أسيرة لحصون قلبهُ «قيد التعديل»

الفصل الثالث..

نكمل روايتنا(آسيرة لحصون قلبهُ)بقلم سلسبيل كوبك..
الفصل ال3..
اخر حاجة وقفنا عندها في الفصل ال2..
طيف قربت من آسر و زقته و آسر رجع ل خطوتين..
طيف(بصريخ):لاااااااا...
طيف لقت عربية جاية من بعيد ناحية آسر طيف جريت بسرعة علي آسر و شدته معاها و هما الاتنين وقعوا في الارض..
طيف(بوجع):آآآآآآآآه..
آسر:انتي كويسة؟!
طيف(بوجع و عصبية):ابعد بقي من وشي..
طيف قامت و كان بنطلونها اتقطع و اتعورت من عند ركبتها و كتفها وجعها...
آسر:لازم نروح المستشفي...تعالي..
آسر مسك دراع طيف و مشاها وراه طيف شدت دراعها بعنف من ايده..
طيف(بحدة):اسمع بقي يا اسمك ايه انت ابعد عني مكنش يوم شوفتك فيه و انت باين عليك شخص مهم و وراك اشغال و اعمال ابعد عني..و سبني اشتغل في حالي..
طيف دخلت المطعم و قعدت علي اول كرسي قابلها..
بنت:مالك يا طيف؟!
طيف:بسيطة بسيطة...هاتيلي علبة الاسعافات معلش..
بنت:حاضر يا حبيبتي..الف سلامة..
طيف:الله يسلمك يا فاتن..
فاتن:خدي يا حبيبتي..
طيف:طيب شكرا..
طيف بدأت تطهر الجرح اللي في رجليها بوجع بسيط,آسر و حراسه دخلوا و قعدوا في المطعم و آسر كان مركز مع طيف..
طيف(لنفسها):يا رب توب عليا من الناس دي..
طيف قامت و بدأت تشتغل و آسر لسة قاعد و بيشتغل علي اللاب بتاعه...
آسر:لو سمحت فنجان قهوة..
طيف(بضيق):لحظة يا فندم..
طيف راحت جابت القهوة و حطتها قدام آسر...
آسر:شكرا...بس لحظة..
طيف:اممممم..
آسر:اسمك ايه؟!
طيف:هتطلعلي بطاقة قولي لو هتعمل يعني..
آسر(بحدة):اسمك ايه بدل ما اعرف بطريقتي!!
طيف:طب ما تعرف انت كدة بتهددني يعني..
طيف:فاتن يا فاتن..
فاتن:نعم..
طيف:انا اسمي ايه؟!
فاتن(باستغراب):طيف..
طيف:شوفت الموضوع سهل ازاي؟!
طيف خدت فاتن و راحوا للباقي يكملوا شغل..
آسر ابتسم علي تصرف طيف و كمل شغل لغاية ما خلص و كان ماشي..
آسر(بصوت عالي):طيف..
طيف لفت بسرعة ليه بصتله بصدمة..
آسر(بغمزة):شكرا علي القهوة..
آسر مشي هو و حراسه و طيف اتحرجت من نظرات الناس و قعدت تشتم في آسر..
رفيف(بغمزة):القلب حن و لا ايه؟!
طيف(بضيق):اتنيلي..
**********************************
-في مكان تاني....
_عند صقر...
صقر:ايه الاخبار؟!
زين:مفيش حاجة جديدة..
صقر:و التدريب ماشي ازاي؟!
زين:كله تمام...الرجالة بتدرب علي اكمل وجه علشان يعرفوا يشتغلوا في شركة صقر الجارحي..
الباب خبط..
سكرتيرة:صقر بيه محمد بيه الجارحي بره و عايز يشوفك...
صقر لا رد..
زين:روحي انتي و خمس دقايق و دخليه..
السكرتيرة:تمام يا فندم..
زين:ايه يا صقر؟!
صقر(ببرود):نشتري اللي عنده..
بعد الخمس دقايق محمد دخل و قعد علطول..
صقر(ببرود):و عليكم السلام..
محمد:اول مرة اشرفك في شركتك..
صقر:و هتبقي الاخيرة لو مقولتش اللي عايز تبيعه..
محمد(بضحك):انا اللي معلمك اصول اللعب يا صقر..
صقر:للاسف العاب****..
محمد:طيب..عموما..
صقر:خير؟!
محمد:سألت ايه الشركة الوحيدة اللي ممكن تساعدني ملقتش قدامي غيرك...هي الدنيا كدة صغيرة..
صقر:خير؟!
محمد:حاسس اني مراقب و عايز اعرف مين الشخص ده و عايز كمان حراسة..
صقر:عندك اعداء؟!
محمد:اكيد..
صقر:زين وديله الورقة يمليها كلها...و ابقي ابعتها..
محمد:بس يا ريت في اسرع وقت..
زين:اتفضل معايا..هخلص الموضوع بسرعة..
محمد:شكرا يا صقر بيه..
صقر:يا ريت رجلك متتعودش علي المكان..
محمد:وقت ما يكون عندي فراغ..
صقر:يبقي انا اتأكدت انك مش جاي تاني...اصلك مهم اوي في البلد و لازم الشغل اهم حاجة..
محمد:باي..
صقر لا رد..
زين:اتفضل..
زين و محمد خرجوا و راحوا اوضة زين..
زين:اتفضل حضرتك اكتب كل البيانات المطلوبة في الورقة دي..
محمد:تمام..
زين:حضرتك جيت فعلا علشان كدة؟!
محمد(ببرود):ملكش فيه..
زين(لنفسه):انا مالي انا هو انا كنت خلصت من الابن علشان يجيلي الاب..
محمد:كدة تمام..
زين:شكرا..اتفضل...
محمد خرج ركب عربيته و راح على شركته..زين دخل ل صقر مكتبه..
صقر:خير؟!
زين:يا ابني مش طايق كلمة ليا ليه؟!
صقر:كدة..عايز ايه بقي يا زين؟!
زين:انت مصدق اللي ابوك بيقوله..
صقر:قولت لسة بفكر...هاتلي البيانات و امشي..
زين:واطي.
صقر(بعيون صقرية):قولت حاجة؟!
زين:اسف..
زين حط قدام صقر كذا ورقة و طلع يجري على بره...
*********************************
-في مكان تاني...
_في القصر...
نجلاء:انتي استأذنتي من محمد؟!
مهرة:محمد حبيبي مش هيقول لا..
نجلاء:انتي هتعملي حفلة في بيته و هو مش عارف و هتفأجيه كمان و بتقولي مش هيقول حاجة..
نجلاء:لعلمك محمد مش بيحب المفأجات..
مهرة:تمام ملكيش دعوة...
نجلاء:ربنا يشفي..
نجلاء سابت مهرة و طلعت علي اوضة نيران..
نيران:عايزة حاجة؟!
نجلاء:اساعدك في حاجة يا حبيبتي؟
نيران:لا شكرا...ده فاضل كام حاجة بسيطة علشان الرحلة..
نجلاء:ربنا معاكي يا حبيبتي...عايزاكي في موضوع..
نيران:اتفضلي..
نجلاء:بصي يا حبيبتي انتي راحة رحلة و اكيد معظمها شباب و مش هيبقي في رقيب عليكم اوي خلي بالك من نفسك يا نيران و اي حد يحاول يعملك اي حاجة وقفيه عند حده...فاهمة يا حبيبتي؟!..
نيران:حاضر يا ماما نجلاء..
نجلاء قربت من نيران باست رأسها و خدتها في حضنها..
نجلاء:هتوحشني يا بت...هتسبيني في وش امك ده كدة..
نيران(بضحك):معلش بقي..
نجلاء:استحمل علشان نور عينك يا حبيبتي..
نيران:ربنا يخليكي ليا..
نجلاء:و يخليكي يا قمر..يلا نشوف ناقصك ايه يلا..
مهرة(بعصبية):بتعملي ايه في اوضة بنتي؟!
نجلاء:بنتي زي ما هي كمان بنتك يا مهرة..
مهرة:انا عارفة اللي انتي و ابنك بتحاولوا يةتعملوه لكن لا بعينكم...
نجلاء:و يا تري ايه هو؟!
مهرة:عايزين تأخدوا فلوس آسر و نيران و انا و هما نبقي علي الحديدة..
نجلاء:لو تفكيرك وصل للنقطة دي يبقي تسمحيلي اقولك ان تفكيرك رخيص اوي زيك...و مهما لبستي يا مهرة مستحيل تفكيرك يتغير لانك كدة طول عمرك...يا بنت الحسب و النسب..
نجلاء سابت مهرة و نيران و دخلت اوضتها و قفلت عليها...
نيران:ايه يا ماما اللي بتقوليه ده؟!حرام عليكي هما ذنبهم ايه؟!
نيران:و كمان صقر مستحيل يأذينا أبدا او يأخد فلوسنا..
مهرة:اسكتي انتي متعرفيش حاجة..انا اعرف ان امه حرباية..
نيران:ربنا يهديكي يا ماما..
نيران:اخرجي علشان عايزة اكمل حاجتي..
مهرة بصت ل نيران بغضب و خرجت و رزعت الباب وراها...
-بعد فترة..
مهرة لقت صقر داخل بغضب و قرب من مهرة مسكها من رقبتها و زقها علي الحيطة..
صقر(بغضب):مش قولت قبل كدة اللي يزعل نيران انسفه من علي الارض...كلامي مش بيتسمع ليه؟!
مهرة(بخنقة):هتقتل مرات ابوك؟!
صقر(بغضب):و اقتل اي حد يفكر انه يخلي دموع نيران تنزل من عينيها..
صقر(بغضب):و الكلام اللي قولتيه ليها لو اتكرر قسما بربي يا مهرة..
صقر قرب من ودن مهرة و اتكلم بصوت هامس مخيف..
صقر(بهمس مخيف):ادفنك حية قدام كل اللي موجودين و هسمع صريخك و لا هيهتز ليا شعراية واحد..و امشي و انا متأكد ان محدش هيتجرأ و ينقذك و صدقيني اعملها و مبخافش..
صقر ساب مهرة اللي وقعت في الارض بتنهج و بتكح و بتأخد نفسها بصعوبة شديدة..
صقر سابها و طلع لاوضة اخته فتح الباب..نيران جريت علي صقر و قعدت تعيط..
صقر:خلاص اهدي اهدي يا نيران اهدي..
نيران(بعياط):زهقت من كلامها يا صقر..
صقر:متخافيش مش هتقدر تقولك حاجة تاني..
صقر:و لو بس فكرت تقولك حاجة تزعلك متلومش غير نفسها...
نيران(بعياط):انت عملت ايه؟!
صقر:و لا اي حاجة...يلا ورينا ناقصك ايه للرحلة..
نيران(بدموع):اسفة اني اتصلت بيك و خليتك تيجي..
صقر:انتي هبلة يا بت اي حاجة تزعلك تعالي قوليلي بس و اوعدك انسف اللي زعلك بس...
نيران(بدموع):ربنا يخليك ليا..
نيران:انا خلصت الشنط خلاص مش عايزة حاجة..
صقر:طيب همشي انا..
نيران:مش هتسلم علي ماما نجلاء..
صقر:بعدين.
صقر ساب نيران و خرج بص بصة علي مهرة اللي لسة وشها احمر و خرج ركب عربيته و رجع علي الشركة...
**********************************
-في مكان تاني..
_عند طيف...
طيف:طيب..
طيف(بحدة):ما قولتلك طيب هدفع مصاريف فهد انتي رغاية كدة ليه..
طيف(بحدة):و يكون في علمك اني و الله لما اخده مش هتطولي جنيه مني..فاهمة؟!
طيف(بعصبية):و يلا مش نقصاكي..
طيف قفلت في وش خالتها و قعدت حطت خديها علي ايديها..
طيف:هو انا ليه كدة؟!ليه ملقيش بطل كدة يأخدني و يحللي كل مشاكلي اوف بقي..
رفيف:فوقي ده مش الحقيقة دايما في المسلسلات و الافلام...
طيف:لا في يا اختي...و اخرسي بقي متقفلهاش انتي كمان في وشي...
رفيف:انا غلطانة اني بقولك الواقع؟!
طيف:اخرسي بقي اوف...
رفيف:طيب يا اختي انجزي كملي شغل..
طيف:اوف بقي في شغل المطاعم اللي مش بيخلص ده اخرج من مطعم اروح لغيره لغاية ما ينتهي بيا المطاف للفندق..
رفيف:و الله خدمة الفندق حلوة..
طيف:بس المدير عزت ده راجل رخم و رزل اوف..
عزت(بحدة):بتعملي ايه هنا منك ليها!
طيف(بشرود):جبنا في سيرة القط طلع ينط..بس مع ده نقول بغل..
رفيف(بهمس و حدة):الله يخرب بيتك..
عزت(بغضب):بتقولي ايه يا طيف؟!
طيف(بخضة):ها عزت بيه!!!!
عزت(بغضب):انتي ازاي تقولي الكلام ده؟!مش كفاية اني مشغل واحدة زيك في الفندق ده شفقة مني..
طيف(بحدة و دموع):حضرتك انا بشتغل هنا و بقدم كل ما في وسعي علشان ارضي حضرتك و حضرتك برضو مش بترضي...انا مش عايزة اشتغل هنا شفقة منك انا عايزة اشتغل هنا لاني بشوف شغلي كويس و لاني..
عزت(بغضب):انتي هتحكيلي قصة حياتك..
آسر(بحدة):انت بتعمل ايه هنا؟!
عزت(بتوتر):آسر بيه؟!
آسر(بحدة):انت بتعامل الموظفين بطريقة وحشة عندك كدة ليه؟!
عزت(بتوتر):ها لا هي اللي غلطانة بس..
آسر(بحدة):حصل ايه؟!
طيف(بحدة):حضرتك ملكش دعوة دي حاجة بيني و بين مديري..
آسر قرب من طيف بغضب و شدها من دراعها وراه و طلع لاوضته و طيف كانت بتحاول تشد ايديها منه بعنف شديد لكن معرفتش..
آسر(بغضب):انتي لسانك طويل ليه؟!
طيف(بحدة):انت عايز ايه مني؟!
آسر(بغضب):ملكيش فيه؟!
طيف(بحدة):يبقي ملكش دعوة لساني طويل ليه هه..
آسر حاوط طيف بينه و بين الحيطة و بص ليها في عيونها و طيف كانت بتبص ليه في عيونه بقوة..
آسر:انتي مش خايفة؟!
طيف:و هخاف ليه؟!
آسر(بتسلية):يعني..انا راجل و انتي هنا و واحدة ست و في فندق اقدر اشتريه في لحظة و انا راجل ذو قوة مش هتقدري تقاوميني مثلا..
طيف(بسخرية):و هو انت لما تعمل كدة هيبقي اسمك راجل؟!
طيف بصت لآسر و زقته بعنف بعيد عنها و سابته و مشيت خرجت بره الفندق..
حارس:آسر بيه ميعاد الاجتماع قرب..
آسر:طيب يلا..
آسر خد حراسته و خرجوا بره الفندق بعد ما آسر بص ل طيف قبل ما يخرج و طيف بصتله بهدوء..
آسر خرج بره الفندق و ركب عربيته و بعد فترة وصل للاسكندرية و رجع للڤيلا...
صقر:وصلت؟!
آسر:بعت شبحي الاول..
صقر:طب ابقي حاسب بقي لاني عندي تعويذة للاشباح..
آسر:عايز ايه؟!
صقر(ببرود):مش انا اللي عايز انت اللي عايز..
آسر:قصدك ايه؟!
صقر:بكل بساطة ماهر صاحبك نزل اسهم شركته للواطي..لو عايز مساعدة مني مش رافض..
آسر(بعصبية):الموت اهون و لاني اطلب منك مساعدة...
صقر(ببرود):طيب براحتك..
**********************************
-بعد مرور شهرين...
رفيف(بصوت عالي):طيف يلا بسرعة هنتأخر..
طيف:طيب اهو جاية جاية..
رفيف:التي شيرت الجديد واكل منك حتة..
"طيف كانت لابسة بنطلون جينز مايل للون التلجي و فوقه تي شيرت صوف باللون الكحلي قصير لغاية الخصر و لبست كوتشي ابيض عالي نوعا ما..رفعت شعرها علي شكل كحكة"..
طيف:يلا يا اختي بينا يلا..
طيف و رفيف نزلوا لتحت بس هاشم وقف قدامهم..
طيف(بهدوء مصطنع):وسع بعد اذنك..
هاشم:طيف عايز اتكلم معاكي كلمتين علي انفراد..
طيف:اتفضل اسبقيني يا رفيف...
هاشم:طيف انا عايز اتجوزك مش عاجبني حالك ده من شغل ل شغل و كدة...اسف اني حاولت..
طيف(بهدوء):كفاية لغاية كدة انا مش عايزة اتجوزك و مش بفكر في الجواز حاليا..عن اذنك..
طيف نزلت ل تحت لقت رفيف واقفة مع آسر رفعت حاجبها..
طيف:حضرتك عايز ايه؟!
آسر:هاي يا طيف..
طيف:انت هتصاحبني؟!يلا يا رفيف..
آسر مسك ايد طيف و قرب منها و طيف بصت ل مكان ايده و ليه,آسر شال ايده ببطء..
طيف:افندم انت كمان؟!.
آسر:تعالي نتكلم في اي مطعم..
رفيف(بغمزة):همشي انا يا طيف..
رفيف مشيت من غير ما تسمع اعتراض طيف,طيف بصت لآسر و رفيف بغضب..
آسر(بابتسامة):صاحبتك بتفهم و الله..
طيف:افندم عايز ايه بقي؟!
آسر:طب تعالي نرو..
طيف:لا مفيش مرواح اتفضل قول كل كلامك هنا..و يا ريت تنجز ورايا شغل مش فاضية مش كنا خلصنا منك اوف..
آسر:بصي يا بنت الناس انا اعجبت بيكي و عايز اتجوزك..
طيف:و المفروض اصدق يعني؟!
آسر:قصدك ايه؟!
طيف:انت مش حبتني و لا حتي اعجبت بيا...مجرد يوم و لا يومين تسلية..
آسر:مكنتش رجعت تاني و مكنتش اتحجج كل شوية بالشغل علشان اجي اشوفك من بعيد ل بعيد..
طيف:انا ورايا شغل مش فاضية..
آسر(بتملك):لا ما هو بصي بقي انا حطيتك في دماغي و مش هتطلعي فاهمة..
طيف(بحدة):بان علي اصلك انا مش موافقة علي عرضك...و اعلي ما في خيلك اركبه..
طيف(بقرف):رجالة ناقصة صحيح..
طيف كانت هتمشي بس آسر مسك ايديها و تناها ورا ضهرها...
آسر:من هنا و رايح انتي مخطوبة لآسر الجارحي..و هتبقي ليا غصب عنك يا طيف..
طيف(بحدة):وسع ايدك دي..انت انت مقرف اوي..
آسر:متشكر مقبولة منك..حاجة تانية؟!
آسر باس طيف علي خدها طيف بعدت رأسها بعيد عنه بغضب..
آسر:هرجعلك تاني..
طيف(بغضب):غور في داهية تأخدك..
طيف بعدت عن آسر و ركبت ميكروباص و مشيت لشغلها و هي في قمة غضبها..
رفيف:ايه يا بنتي اللي حصلك؟!.
طيف حكت كل اللي حصل ل رفيف بغضب..
طيف(بغضب):مكتتيش تسبيني يا رفيف..
رفيف:اسفة يا حبيبتي و الله افتكرت هيقولك كلام حلو و ممكن يبقي في قبول..
طيف(بغضب):ده شخص متملك و مريض..
رفيف:يا حبيبتي..معلش خلاص هدي نفسك..
_آسر فضل لمدة شهر كل شوية يجي ل طيف و يحصل خناقة بينه و بينها بسبب الموضوع ده,طيف بقت خايفة علي نفسها و علي رفيف بسبب اللي بيحصل..
آسر(بغضب):يعني ايه مش عايزاني؟!
طيف(بعصبية):يعني مش عايزاك يا اخي هو الجواز بالعافية...
آسر(بغضب):ايوه الجواز بالعافية لو مع واحدة زيك..
طيف(بعصبية):روح اتجوز واحدة شبهك ابعد عني بقي..
آسر قرب من طيف و حاوط وشها بين ايديه..
آسر:طيف اعقلي كدة انا عايزك في حياتي...
طيف(بغضب):و انا لا..و ابعد عني..
طيف كانت هتمشي بس آسر مسكها من شعرها و مسك دقنها بغضب..
طيف(بصريخ و دموع):يا غبي!!
آسر(بحدة):انا مش عايز اعمل كدة بس انتي بتضطريني..انا مستحمل بالعافية..
طيف(بوجع):ابعد بقي..
آسر:هسيبك للمرة الاخيرة يا طيف..
آسر ساب طيف و ركب عربيته و رجع الاسكندرية,طيف وقعت في الارض قعدت تعيط بحرقة..
**********************************
-في مكان تاني...
_عند صقر..
صقر(بتسلية):مش شايف ان اسبابك كترت؟!.
آسر(بغضب):انت مالك؟!
محمد(بهدوء مخيف):اقعد و انت ساكت..
صقر:مالك زعلان ليه؟!
آسر(بغضب):ملكش دعوة يا اخي..
مهرة:انت قاصد تضايقه ليه؟!
صقر(ببرود):ممكن لانك امه..
نجلاء(بحدة):صقر!!
مهرة:شكلك مربتيش ابنك كويس يا نجلاء..
محمد(بحدة):لو خلصتوا الكل يأكل في صمت..
نيران كانت هتعيط صقر حط ايده علي ايديها و رفع ايديها باسها و بصلها بابتسامة حنونة..
صقر خلص اكل و قام مشي من غير و لا كلمة..
محمد(بغضب):هي دي تربيتك يا نجلاء؟!
نجلاء(بتوتر):اسفة يا محمد بس انت عارف صقر مبيحبش يأخد اوامر من حد...
_عند صقر..
زين:كله تمام يا صقر..
صقر:اتصل بالحراس يحصلوني..
زين:تمام انت هتدخل الاول..
صقر:ايوه..
زين:حاضر..
صقر ركب عربيته و مشي بيها لغاية ما وصل ل بيت بعيد نسبيا عن السكان..
صقر نزل و لقي قدامه حراسين قدامه هيفتشوه..
صقر(ببرود):لو عايز اقتلكم كنت عملتها من زمان..
صقر سابهم و مشي دخل البيت و دخل لقي شخص قاعد حاطط رجل علي رجل..
صقر(ببرود):اخيرا شوفتك؟!
...:الصقر..
صقر(ببرود):عايز ايه؟!
...:خسارتك..
صقر(ببرود):بموتي..
...:بس الصراحة خسارة عقلك ده يموت..
صقر(ببرود):شوفت بقي..
...:ليه واقف قصادي؟!
صقر(ببرود):انت اللي واقف قصادي و انا اي حد يقف قدام طريقي بخلص منه..
...:كدة برضو ده احنا زمايل يا جدع و كمان نفس الشغلانة..
صقر(ببرود):ما انت بتلعب في الخفي..اما انا بلعب في الوش و مش بخاف زيك كدة بالظبط..
...:المقابلة دي متتحاسبش..
صقر(ببرود):كأني شوفت فأر جبان...
صقر مشي و خرج بره البيت و ركب عربيته و مشي..
صقر طلع تليفونه و اتصل ب زين..
الخط اتفتح..
صقر:مش ده المقر الرئيسي..
زين:طيب..هترجع؟!
صقر:لا راجع الڤيلا باي...
صقر رجع الڤيلا و دخل لفت انتباهه باب..
_
آسر:انت رايح فين؟!
صقر:البيت مش بيتك كله..
آسر:بعد اذنك متدخلش الاوضة دي..
صقر بص لآسر و سابه و طلع لاوضته..
_
صقر قرب من باب الاوضة لسة هيفتح الباب لقي آسر خارج منها..
آسر:انت بتعمل ايه؟!
صقر:مفيش حاجة...
صقر دخل اوضته و قفل الباب و دخل غير هدومه و خرح صب لنفسه كأس كحول و خرج للتُراس و قعد و بدأ يشرب الكأس و يدخن سيجارته بشرود..
*******************************
-في الصباح الباكر...
_عند طيف..
طيف قامت من نومها خدت دوش و هي بتدعي انها تخرج من الكابوس اللي هي عايشة فيه بسبب آسر..
طيف دخلت الحمام خدت دوش و خرجت تغير هدومها..
"طيف لبست بنطلون كحلي و فوقه تي شيرت صوف بكم باللون الاسود برقبة طويلة و فوقه جاكت باللون الاسود بكم و طويل شوية لغاية بعد الركبة,لبست كوتشي ابيض و سيبت شعرها علي ضهرها"..
رفيف(بنوم):هتتأخري؟!.
طيف:ممكن..هخرج مع فهد شوية كدة..
رفيف(بنوم):بس انتي مزة اوي..
طيف(بغرور مصطنع):طول عمري..
رفيف(بنوم):مغرورة..
طيف(بضحك):نامي نامي..
طيف خرجت بحماس علشان هتقابل فهد و وصلت للحارة و طلعت ل بيت خالتها خبطت الباب..
منال:اهلا بالسنيورة..
طيف(بابتسامة):بعد اذنك يا منال ناديلي فهد علشان نلحق نتفسح..
منال:فهد يا فهد..
فهد(بلهفة):طيف..
طيف(بابتسامة):حبيب طيف..
طيف نزلت ل مستوي فهد و حضنته و باستها,منال قفلت الباب بغضب..
طيف:بحبك انا اوي يلا تعالي..
طيف خدت فهد و بدأوا يتفسحوا و يخرجوا و يضحكوا و مبسوطين اوي مع بعض..
طيف:حبيبي انت يا فهد..
فهد:مش هتسبيني يا طيف؟!
طيف:لا يا حبيبي...هانت يا حبيبي..
طيف:قولي جعان اروح اجيب اكل تاني..
فهد:اه..
طيف:طيب يا حبيبي تعالي..
طيف راحت اشترت اكل و قعدت هي و فهد يأكلوا و بعد فترة وصلت للحارة تاني..
طيف:يلا يا حبيبي يلا..
فهد:هتوحشيني..
طيف:و انت يا حبيبي..متخليش حد يأخد لعبك فاهم؟!
فهد:حاضر..
طيف:يلا باي..
طيف حضنت فهد و باسته و فهد حضنها جامد و باسها و طلع جري علي فوق..
طيف خرجت من الحارة و راحت للكورنيش..
طيف كانت بتتمشي علي الكورنيش و هي حاطة ايديها في جيبها و كان المكان يعتبر فاضي مفهوش الا شخصين تلاتة بالظبط..
طيف كانت باصة للبحر و كأنها بتشكي همومها ليه..
شخص1:انتي طيف الادهم؟!
طيف(بقلق و خوف):ايوه..مين؟!
طيف فجأة لقت شخص تاني بخ حاجة في وشها,طيف وقعت بسرعة بين ايديهم..
الشخصين شالوها و ركبوها عربيتهم و مشيوا بسرعة...

_السؤال:-يا تري هيحصل ايه؟!خمنوا🌚💗..
*************************
يتبع::::💗..
بحبكوا💗..
يا رب الرواية تنال اعجابكم💗..
رأيكوا يهمني💗..