أسيرة لحصون قلبهُ «قيد التعديل»

الفصل الرابع عشر..

نكمل روايتنا(آسيرة لحصون قلبهُ)بقلم سلسبيل كوبك..
الفصل ال14..
اخر حاجة وقفنا عندها في الفصل ال13..
صقر فتح الباب ل طيف و طيف نزلت ل تحت...
طيف(بخوف):آسر!!!
طيف(بصوت عالي):يا صقر..
صقر سمع صوت طيف من فوق نزل ليها لقي آسر مرمي في الارض..
صقر:آسر..
صقر جري علي آسر و شاف النبض بتاعه و بدأ يفوقه..
صقر:آسر آسر سامعني..
صقر:آسر رد عليا...انتي اجري جيبي ماية..
طيف جريت علي المطبخ جابت مايه و ودتها ل صقر,صقر رش مايه علي وش آسر....
صقر طلع تليفونه و اتصل بالدكتور ربيع..
الخط اتفتح..
صقر:تعالي ليا فورا..
صقر سند آسر و بدأ يطلع علي اوضة آسر و حطه علي السرير بتاعه و حاول يفوقه..
صقر:آسر يا ابني...
طيف كانت طالعة وراهم سمعت الباب بيخبط نزلت فتحت الباب..
طيف:مين حضرتك؟!
ربيع:انا الدكتور ربيع..
طيف:انت لحقت تيجي؟!!!
ربيع:اتا اصلا كنت في طريقي لهنا..بس انتي مين يا حلوة؟!اول مرة اشوفك..
صقر(بحدة):طيف..
طيف:نعم..
صقر:اطلعي علي اوضتك..و انت قدامي..
طيف:انا مش..
صقر(بتحذير):علي اوضتك..
طيف ضربت برجليها الارض و طلعت علي فوق,ربيع كان مركز معاها..
صقر:تحب الفهالك في هدية و اجبهالك؟!
ربيع(بتوهان):يا ريت هو الجمال ده يتساب..
صقر(بهدوء مخيف):قدامي يا ربيع قدامي.
ربيع:احم هو في ايه؟!
صقر(بهدوء):آسر اغمي عليه..
صقر و ربيع طلعوا اوضة آسر و ربيع بدأ يكشف عليه..
ربيع:قلة تغذية يا صقر بيه..
صقر:في تحليل هتعلقه؟؟
ربيع:لا لما يفوق يأخد الحقن دي هتعوض جسمه عن الڤيتامين اللي ناقصه..و لازم يأكل كويس..
صقر:تمام..اتفضل..
ربيع مشي قدام صقر و صقر قفل باب اوضة آسر وراه و مشي ورا ربيع..
ربيع(بخوف مخفي):مفيش داعي يا صقر بيه انا هروح لوحدي...
صقر(بهدوء):و دي تيجي برضو يا دكتور ربيع؟!.
ربيع خرج بره الڤيلا و كان هينزل سلم صغير صقر كعبله وقع من علي خمس سلمات..
ربيع(بوجع):آآه..
صقر:مهران وصل الدكتور ربيع لبيته..
صقر:نورتنا يا دكتور ربيع..
صقر ساب ربيع و طلع للدور التاني و عدي علي آسر اطمن عليه و دخل اوضته..
طيف(بانفعال):انت ازاي يا حيوان انت تحرجني قدام الراجل اللي تحت ده؟!
صقر:بصي انا مش فاضيلك اهدي كدة بقي..
صقر قلع شبشبه و نام علي السرير و دراعه فوق رأسه..
طيف(بانفعال):انت..
صقر(بهدوء):انا لغاية دلوقتي لسة مقربتش منك مع اننا متجوزين بقالنا اكتر من يوم اهدي كدة علشان متجننش عليكي..
صقر بص ل طيف اللي انكمشت علي نفسها اول ما قال كدة...
صقر:قد ايه انتي ضعيفة و غبية..
طيف(بحدة):احترم نفسك..
صقر:هحاول اكون هادئ..
صقر غمض عيونه و بدأ ينام بس صحي علي صوت طيف..
صقر:خير؟!
طيف(باحراج):قوم نام في اوضة تانية او افتح الباب اروح انام في اوضتي...
صقر مسك ايد طيف و شدها ناحيته قعدت نص قعدة علي السرير..
صقر(بنوم):بصي مبحبش ارغي كتير..مكانك هنا هتنامي بمزاجك و لا غصب؟!
طيف:بس..
صقر(بنوم):طيب تمام..
صقر شد طيف لحضنه و حاوطها بايده و رجله..
طيف(بعصبية):وسع كدة انا مش هنام جمبك..
صقر(بهمس و نوم):نامي احسنلك انتي مشوفتيش قلبتي يا طيف..
صقر نام بسرعة و كان ماسك في طيف,طيف حاولت تسحب جسمها من بين حضن صقر و قامت نامت علي الطرف التاني للسرير..
طيف(بغيظ):ربنا يأخدك يا شيخ اوف يا رب خلصني منهم بقي بجد زهقت..
طيف غمضت عينيها و بدأت تنام هي كمان....
*******************************.
-في الصباح الباكر..
_عند رفيف..
رفيف كانت في بتشتغل في المطعم..
عفاف(زميلة):رفيف في واحدة عايزاكي...
رفيف:مين يا عفاف؟!
عفاف:هناك اهي..
رفيف رفعت رأسها لقت نور قاعدة و بتهز رجليها بعصبية و بتبص ل رفيف بغضب...
رفيف:تمام يا عفاف شكرا..
رفيف راحت ناحية نور و وقفت قدامها..
رفيف:اتفضلي حضرتك..
نور(بعصبية):انتي طبعا اللي خليتي رامي يسبني صح؟!
رفيف:افندم حضرتك انتي بتقولي الكلام ده ليا انا؟!
نور(بعصبية):انتي هتستعبطي يا بت ايوه انتي..
رفيف:و كلامك غلط مش انا و انا مليش يد في الموضوع ده...و كل اللي بيني و بين رامي بيه قضية صاحبتي و بس...و لو مفيش حاجة تاني عن اذنك ورايا شغل..
رفيف كانت هتمشي و نور مسكت دراعها بغضب..
نور(بعصبية):انتي حتة خدامة و لا راحت و لا جت..ملكيش حق برامي و لا حتي ليكي حق انك تحلمي بيه..
نور(بعصبية):انا ممكن اشتريكي كلك علي بعض..
رفيف(بحدة):بصي يا بتاعة انتي انا محدش يقدر يشتريني انا واحدة في حالي و مبحبش المشاكل لكن لو بس حاولتي انك تقفي في وشي وشك الحلو ده انسيه..
نور(بعصبية):ده انتي بتهدديني بقي؟!
رامي(بحدة):نور..
نور(بعصبية):اهلا بالبيه اللي جاي للهانم لغاية هنا كمان..و منفض ليا انا..
رامي قرب من نور و رفيف و شد ايد نور اللي كانت ماسكة دراع رفيف..
رامي(بحدة):انتي عايزة ايه مش انا نهيت كل حاجة بينا..
نور(بعصبية):انت نهيت كل حاجة بينا اللي بقالها سنين بعد ما اتعرفت علي البت دي بكام يوم..
نور(بعصبية):ده مش حالك ايه اللي غيرك؟!
نور(بعصبية):حد يلغي فرحه اللي كمان شهرين..
رامي(ببرود):ايوه انا و لو سمحت امشي من هنا علاقتنا انتهت..
نور(بعصبية):ده اخر كلام عندك؟!
رامي:ايوه..
نور(بعصبية):انت اللي هتندم يا رامي انت مش انا..
نور راحت ركبت عربيتها و ساقت بغضب..
رامي لف بص علي رفيف لقي ايديها حمراء مكان ماسكة نور..
رامي:معلش ابقي ادهني عليها كريم..
رفيف(بدموع):تمام شكرا..
رامي:انا اسف يا رفيف و متاخديش بكلامها..
رفيف(بدموع):بس انا فعلا مبكنش قاصدة اعمل حاجة و مش انا السبب في انفصالكم..
رامي:عارف عارف..متقلقيش..
رامي:و انا فتحت ملف قضية طيف تاني..
رفيف(بفرحة):بجد!!!!
رامي:ايوه يا حبيبتي..
رفيف(بخجل):يا ايه؟!
رامي(باحراج):فتحت الملف اه..
رفيف:شكرا ليك شكرا بجد تسلم..
رامي:علي ايه بس احنا صحاب..
رفيف:اكيد..
_عند فهد..
منال"بنت خالة طيف":ايه يا باشا فين حبيبتك طيف اختفت يعني؟!
فهد:طيف سافرت و راجعة..
شاب:راحت فين ياض؟!
فهد:معرفش يا ارخم خلق الله..
شاب(بغضب):تصدق انك ناقص تربية..
الشاب كان هيقوم و يضرب فهد بغضب..
فهد(ببرود):اضربني لكن لما طيف ترجع و تلاقي فيا خدش واحد بس و انت السبب فيه يبقي انسي انك ممكن تتجوزها..
الشاب نزل ايده و بص ل منال اللي بصتله برفعة حاجب..
الشاب(بغضب):انت عيل زبالة فعلا..
الشاب دخل اوضته و قفل الباب..
منال:يا ريت تبعد عنها يا فريد دي بت شؤوم..
فهد:شوفوا مين بيتكلم؟!
منال(بحدة):عايز ايه ياض!؟
فهد:انا اتكلمت؟!
منال:ربنا يبعت خبرها يا رب..
فهد:بعد الشر عليها ان شاء الله انتي و هي لا..
منال قلعت شبشبها و كانت هتضرب فهد,فهد جري علي اوضته و قفل الباب...
منال(بعصبية):طيب لما تطلعي..
فهد:مش هطلع ابدا..
منال:ربنا يأخدك..
فهد:متشكر يا ابلة نظيرة..
منال(بغيظ):ربنا يأخدك انت و طيف في يوم واحد يا رب..
فهد:ربنا يجعل يومك قبل يومها يا شيخة..
منال(بغضب):و الله لما تفتح لتأخد مني علقة محترمة..
*********************************
-في مكان تاني...
_عند ليلي..
قاسم:بت..
ليلي:ايه؟!
قاسم:فين المحترمة بزيادة؟!
ليلي:معرفش من امبارح مكلمتهاش..
قاسم:اشمعنا؟!
ليلي:تليفونها مغلق..و طنط نجلاء سألتني عليها قولتلها مشيت..
قاسم:طيب..
ليلي:كنت عايز ايه منها؟!
قاسم(بضحك):كنت هرخم عليها..
ليلي:يا رخم حرام عليك دي طيبة..
قاسم:طيب يا رهيفة..
سمية:شوفتي يا ليلي اللي حصل؟!
قاسم:خير يا ست سمية؟!
ليلي:هو انت ليلي؟!قولي يا ماما..
سمية:نيران مختفية من امبارح..
ليلي(بصدمة):اه يا امي اللي بتقوليه ده؟!
سمية:نجلاء قالتلي..
قاسم:قصدك ميعرفوش طريقها و لا ايه اللي حصل؟!
سمية:بتقول اتخطفت..
ليلي(بدموع):انا ازاي محستش انه في حاجة غريبة...زمانها خايفة دلوقتي..
قاسم:اهدي اللي سمعته عن اخواتها مش قليل يعني هيرجعوها..
ليلي(بدموع):انت خايفة عليها اوي..
قاسم قعد جمب للي خدها في حضنه و بص ل سمية..
_عند نيران..
نيران بدأت تفوق بس وجع رأسها اشتغل بسبب ضربة الشخص المجهول ليها...
نيران(بعياط):يا رب بقي زهقت..
نيران(بعياط):صقر..
نيران بدأت تحاول تتحرك لكن معرفتش بسبب ايديها و رجليها و عينيها اللي عليهم حاجة سوداء..
...:راحة فين يا بطة؟!
نيران:انت مين بقي؟!
...:خسارة يا نيرو لو تسمحيلي طبعا اقولها...عموما ايه رأيك في الخدمة بتاعتنا عجبتك؟!
نيران:انت شخص قذر و معدوم الضمير..
...:هي ضربة امبارح مأثرتش و لا ايه؟!
نيران:انت عايز ايه؟!
...:مش انا اللي هطلب هخلي صقر يجي بنفسه يطلب..
...:بس مش دلوقتي دي مجرد بداية..بس النهاية هتبقي ليا و محدش هيقدر يكسبني في اللعبة دي..و لا ابوكي و لا اخواتك..
...:باي يا قطة راجعلك تاني..
الشخص ده مشي و بعد فترة نيران سمعت صوت بوليس..
ظابط:انتي كويسة يا انسة نيران؟!
نيران(بعصبية):هكون كويسة ازاي و انا متكتفة كدة..
الظباط بدأوا يفكوا الحبل اللي نيران متكتفه بيه و شالوا القماش الاسود اللي علي عينيها..
نيران:فين صقر؟!
ظابط:هنرجعك ل بيت حضرتك..
نيران:انتوا عرفتوا مكاني ازاي؟!
ظابط:فاعل خير..يلا بقي..
الظباط خدوا نيران و رجعوها بيتها.
مهرة(بلهفة):نيران..
مهرة خدت نيران في حضنها و قعدت تبوسها..
نجلاء(بفرحة):حمدلله بالسلامة يا حبيبتي..
محمد:حضراتكوا لقيتوها ازاي؟!
ظابط:فاعل خير اتصل بينا..
محمد:تمام الف شكر..
ظابط:بس لازم حد يجي القسم علشان نقفل القضية...
محمد:اكيد..تمام شكرا..
محمد حضن نيران اللي قعدت تعيط في حضنه كتير..
محمد:خلاص يا حبيبتي حصل خير..
محمد:متخافيش انا اهو جمبك..
مهرة:حد عملك حاجة؟!
نيران هزت رأسها بمعني لا..
نجلاء:خلاص يا حبيبتي لازم ترتاحي يلا اطلعي خدي شاور و نامي و لما تصحي احكي..
محمد:يلا يا حبيبتي اطلعي..
نجلاء و مهرة خدوا نيران و طلعوها اوضتها..
مهرة:هي بنتي مش عارفة جاية معايا ليه؟!
نجلاء:متنسيش مين اللي فضي علشان يربيها..
نيران:سيبوني عايزة ابقي لوحدي بعد اذنكم..
نيران دخلت اوضتها و قفلت الباب و دخلت خدت دوش و خرجت نامت علي سريرها و حضنت نفسها بأيديها و قعدت تعيط لغاية ما نامت..
*******************************
-في مكان تاني...
_في القصر..
آسر بدأ يفوق من نومه بتعب قام دخل خد دوش و خرج يغير هدومه..
"آسر لبس بدلة باللون الزيتي و قميص ابيض و لبس جذمة سوداء و سرح شعره و حط البرفيوم بتاعه و لبس ساعته السوداء"..
آسر نزل ل تحت و لقي الكل واقف قدام انتصار موطي رأسه..
انتصار:اللي حصل ده حصل ازاي!!
آسر:في ايه يا انتصار؟!
انتصار:مهران حكالي اللي حصل..و في حد خاين هنا مهو مش معقول حد من الحراس حط لينا منوم..
آسر:طب جهزي الفطار علشان في حاجة مهمة لازم اعملها..
انتصار:طيب...
انتصار:روحوا علي شغلكم بس اللي حصل مش هيعدي بالساهل فاهمين..
الكل:حاضر..
انتصار:يلا..
آسر:اهدي يا انتصار..
انتصار:و انت كان فيك ايه؟!
آسر:فيا ايه؟!
انتصار:مهران قال ان الدكتور ربيع جه هنا و انك كنت تعبان..
آسر:هو مهران ده عارف كل حاجة...عموما ممكن مش انا ممكن طيف..
انتصار:مالها طيف؟!.
آسر:بعدين مش قادر اتكلم...
انتصار:طيب يا حبيبي..
_عند صقر و طيف..
صقر قام من نومه و دخل الحمام خد دوش سريع و خرج غير هدومه..
"صقر لبس بنطلون اسود و قميص ابيض و سرح شعره و حط البرفيوم بتاعه و لبس جذمة سوداء و لبس ساعته"..
صقر قبل ما ينزل بص علي طيف لقاها نايمة بعمق مسك المنبه و ظبطه و نزل ل تحت..
صقر:انتصار..
انتصار:نعم..
صقر:البغل صحي..
آسر(بعصبية):ما تحترم نفسك..
صقر:ايه ده!!!!البغل صحي اقصد آسر صحي..
آسر(بعصبية):عايز ايه من البغل؟!
آسر(بعصبية):اقصد عايز ايه مني؟!
صقر:انت اللي قولت علي نفسك بغل...عموما انجز افطر علشان تأخد حقنة..
آسر:حقنة ايه؟!
صقر:بدل ما تتعب زي امبارح و انا اقعد جمبك يعني عيب في حقي و الله..
آسر:متشكرين لخدماتك مش هأخد حاجة..
صقر:فطرت؟!
آسر:لا..
صقر:طب افطر يلا..
آسر:انت مراتي؟!
صقر:يععععع دي امها داعية عليها يا ابني..
آسر:يعني مامت طيف داعية عليها..
صقر حط ايده علي كتف آسر بغضب..
صقر:متنساش انها مراتي...
صقر قعد يفطر و آسر كمل اكله..
_عند طيف..
المنبه بدأ يرن طيف قعدت تتحرك يمين و شمال بسبب المنبه..
طيف(بعصبية):ده انت منبه غبي..
طيف مسكت المنبه و حدفته علي الباب و كملت نوم..
-بالنسبة ل صقر..
صقر بص في ساعته لقي انه عدي فترة علي ما المنبه رن..
صقر:انتصار ممنوع الواد ده يخرج..
صقر طلع علي اوضته و فتح الباب لقي المنبه مرمي في الارض مكسور و طيف نايمة..
صقر(بصوت عالي):طيف..
طيف(بخضة):نعم!!
طيف نطت من علي السرير كانت هتقع صقر سندها..
طيف(بعصبية):حد يصحي حد كدة؟!
صقر(بحدة):و حد يكسر المنبه كدة؟!
طيف(بعصبية):و مين اللي ظبطه!!
صقر(بحدة):و مين.اللي عليه شغل و ملزوم بيه..
طيف:ها؟!
صقر:ايه حصل ايه سكتي يعني؟!
طيف:وسع كدة..
صقر:ربع ساعة و الاقيكي قدامي..
صقر ساب طيف و نزل ل تحت..طيف قعدت تضرب الارض برجليها بعصبية..
طيف(بصوت عالي):متحكم و مسيطر و رزل..
طيف دخلت خدت دوش سريع و خرجت تغير هدومها..
"طيف لبست بنطلون جينز ضيق و غامق و لبست تي شيرت بحمالة عريضة علي الكتف باللون الاسود دخلته جوا البنطلون و لبست جاكت باللون الاسود لغاية الخصر بكم و لبست كوتشي اسود عالي..رفعت شعرها ديل حصان و حطت ميكاج خيفي اوي"..
طيف نزلت ل تحت لقت صقر قاعد بيفطر و آسر واقف بيزعق..
صقر:تعالي افطري..
طيف قعدت بعيد عن صقر و بدأت تأكل..
آسر(بعصبية):بقولك انا ادرس بمصلحتي انت مالك؟!انت ايه دخلك في حياتي ما تبعد عني بقي يا اخي مش كفاية اني عايش معاك و مستحملك و انت اب..
صقر مسك السكينة و حدفها علي آسر بس اترمت وراه,طيف شهقت و حطت ايديها علي بوقها...
صقر(بهدوء):ورايا يا طيف..
صقر مشي و طيف مسكت شنطتها و جريت ورا صقر..
انتصار:كدة برضو يا آسر؟!يهون عليك..
آسر:ما هو خد اللي انا بحبها..
انتصار:و انت عملت ايه؟!
آسر ساب انتصار و ركب عربيته و مشي...
_في عربية صقر و طيف..
طيف:مكنش يصح اللي انت عملته ده؟!
صقر(بهدوء):تعرفي تسكتي و لا لا؟!
صقر(بهدوء):و اي قرار او اي كلمة اقولها تسمعيها و تنفذيها بالحرف الواحد..
طيف لا رد..
بعد فترة وصلوا للشركة و طيف نزلت قبل صقر و جريت علي الشركة و طلعت مكتبها..
نانسي:ايه اللي اخرك كدة ده ميعاد صقر بيه..
طيف:معلش مواصلات بقي..
نانسي:و لا يهمك يا حبيبتي...
زين:طيف تعالي ورايا..
طيف:حاضر يا مستر زين..
طيف راحت مع زين مكتبه و بدأوا يشتغلوا,صقر دخل المكتب ل زين...
زين:عايز حاجة يا صقر؟!اجيلك مكتبك؟!
صقر(بخنقة):لا...
طيف:طب هخرج انا..
طيف خرجت بره المكتب علشان تسيب مساحة للكلام بينهم..
زين:مالك يا صاحبي؟!
صقر:مفيش مضايق شوية..
زين:اساعدك في حاجة؟!
صقر:لا..جبت كاميرات الشارع..
زين:ايوه و جبت نمرة العربية و العربية طلعت مسروقة من معرض..
صقر:اللي بيلعب معايا بيلعب علي كبير..
زين:طب و نيران؟!
صقر:مش هيقدر يأذيها..
زين:انت واثق؟!
صقر:ايوه ان شاء الله..
تليفون صقر رن...الخط اتفتح..
صقر:الو..
نجلاء(بفرحة):نيران رجعت يا حبيبي..
صقر:رجعت ازاي؟!
نجلاء:فاعل خير اتصل بالظابط و الشرطة راحت تجيبها و رجعت الحمدلله..
صقر:طيب تمام..
صقر قام و راح مكتبه و بدأ يشتغل..
-بعد فترة..
الكل كان بيشتغل و اليوم كان صعب علي الكل و بالذات علي طيف اللي بدأت تحس بهبوط..
نانسي:انتي كويسة؟!
زين:الكل يقف صقر جاي..
الكل وقف صف و قسم التخطيط كان واقف..
صقر:عايز اشوف احدث التصاميم..
صافي:اهي يا صقر بيه..
صقر:تمام..
صقر بدأ يبص علي التصاميم و طيف كانت واقفة جمب صقر....صقر بص عليها بصة و كمل في الورق..
صقر:شايف ان الشغل ز..
صقر:طيف..
صقر رمي الاوراق و لحق طيف قبل ما تقع في الارض..
طيف(بتوهان):انا تعبانة..
صقر وطي و شال طيف اللي كانت اعصابها سايبة..
صقر:زين ابعت جيب عصير..
صقر دخل مكتبه و حط طيف علي الكنبة..
نانسي:اتفضل يا بيه..
صقر بدأ يشرب طيف العصير و حط العلبة علي جمب و فضل واقف لغاية ما بدأت تفوق..
زين:انتي كويسة يا طيف؟!
طيف قامت اتعدلت و هي حاطة ايديها علي رأسها..
طيف:الحمدلله وجع بسيط بس..بعتذر لحضراتكوا..
صقر:جيبي شنطتك و انزل ورايا..
صقر خد الجاكت بتاعه و خد حاجته و نزل ل تحت ركبت عربيته و استني طيف..
طيف:هو عايزني في ايه؟!.
نانسي:معرفش..
طيف:اوف..
طيف قامت خدت شنطتها و نزلت ل تحت بس قبلها لقت الكل بيبص عليها و صافي بتبصلها باستحقار..
طيف(لنفسها):ربنا يهدي..
طيف ركبت العربية مع صقر و صقر ساق من غير و لا كلمة..
طيف:ايه اللي جابنا هنا؟!
صقر:انزلي انتي كدة لانك مأكلتيش الصبح..
صقر:حتي جسمك ضعيف و شخصيتك ضعيفة ده انتي ايه ده؟!
طيف:لاحظ انك بتغلط..
صقر و طيف دخلوا المطعم و صقر طلب اكل ل طيف..
صقر:لما تخلصي اركبي العربية هعمل مشوار و ارجع..
صقر خرج من المطعم و راح لقسم الشرطة..
ظابط:اهلا يا صقر باشا نورتنا..
صقر:عايز رقم فاعل الخير ده؟!
ظابط:اتكلم من مكان عام يا باشا..
صقر:المكان اللي لقيتوا فيه نيران؟!
ظابط:المكان خطر..
صقر:مش مهم..
ظابط:براحتك..
الظابط كتب عنوان المكان و وداه ل صقر..
صقر:تمام شكرا..
صقر خرج من القسم و راح ركب عربيته و ساق للمكان ده...
-بعد فترة..
صقر نزل من العربية و طيف كانت راكبة ورا فنزلت هي كمان..
صقر:انتي كنتي موجودة؟!
طيف:ايوه..
صقر(بعصبية):و ماتكلمتيش ليه و لا عملتي صوت؟؟
طيف:انا اعملك ايه مرضتش اتكلم و كنت فاكرة هنروح الشركة..
صقر(بعصبية):انتي ليه دايما بتبقي موجودة في الاماكن اللي بكون عايز اكون فيها لوحدي؟!!
طيف(بعصبية):و انت ليه مش بتأخد بالك اني موجودة معاك في نفس المكان؟!
صقر(بعصبية):خليكي هنا متتحركيش الا لما ارجع..
طيف:لا المكان هنا مخيف..
-صقر بص حواليها كان المكان باين عليه انه مكان محروق و في بيوت مهدومة و كان في دم علي الحيطة..
صقر:تيجي معايا و متسأليش و لا تتكلمي..
طيف:طيب..
صقر لقي مخزن بابه زي ابواب المحلات دخل و طيف اول ما دخلت معاه مسكت في دراعه بخوف..
صقر:خايفة ترجعي تركبي العربية..
طيف:بره وحش و هنا وحش...انت بتروح الاماكن دي ليه؟!
صقر:ملكيش دعوة..و قولتلك متتكلميش بقي..
طيف شدت ايديها من دراع صقر و بصتله بغيظ و مشيت جمبه..
صقر كان مشي في المخزن ده كان كبير و مشي شوية..
فجأة في حد ضرب صقر علي رأسه بقوة,صقر وقع في الارض علي ركبه و طيف صرخت بصوت عالي..

_السؤال:يا تري هيحصل ايه؟!خمنوا🌚💗..
**********************************
يتبع::::::💗..
بحكبوا..💗.
يا رب الرواية تنال اعجابكم..💗.
رأيكوا يهمني..💗.