أسيرة لحصون قلبهُ «قيد التعديل»

الفصل الثامن و الثلاثون..

نكمل روايتنا(آسيرة لحصون قلبهُ)بقلم سلسبيل كوبك..
الفصل ال38..
اخر حاجة وقفنا عندها في الفصل ال37..
صقر رجع اوضته هو و طيف تاني و كان بيكلم آسر..
آسر(بعياط):بين الحياة و الموت يا صقر انا خايف...
صقر وقع علي الارض علي ركبته و قفل مع آسر..
صقر صرخ بقوة و هو بيعيط هو كمان..
_عند طيف..
طيف اتخنقت جدا قامت غيرت هدومها و نزلت تتمشي لفترة كبيرة كانت بتفكر و بعدها رجعت الڤيلا..
طيف طلعت اوضتها لقت صقر قاعد في الارض بيعيط,طيف جريت عليه و حطت ايديها علي كتفه..
طيف(بقلق):صقر انت كويس؟!
صقر لف و شد طيف لحضنه جامد..
طيف(بوجع):آه.. يا صقر في ايه؟!
صقر حضن خصر طيف جامد و حط رأسه علي كتفها..
طيف بدأت تمسح دموعه اللي علي خده..
طيف:طب اهدي طيب..
صقر(بخفوت):انتي روحتي فين؟!
طيف(بضيق):كنت مخنوقة فروحت اتمشي..
صقر(بخفوت):مقولتيش ليا ليه؟!
طيف(بضيق):ملهوش داعي..
طيف:انت كنت بتعيط ليه؟!
صقر لا رد..
صقر بِعد عن طيف و قام من علي الارض,طيف سندت علي السرير و قعدت عليه..
طيف:خير؟!
صقر:متخرجيش من هنا بعد كدة من غير اذني..
صقر:فاهمة؟!
طيف(بسخرية):انت مصدق نفسك؟!
طيف:بجد انت معندكش دم..
صقر:ده مش مهم المهم..
طيف:و احلم انا مش هسقط ابني او بنتي..و لو انت مش قابل الطفل ده فممكن نتطلق بكل بساطة و كل واحد يروح لحاله..
صقر لف ل طيف بصلها..
صقر:و انتي هتقدري تصرفي علي نفسك او عليه اصلا..
طيف(بخذلان):فعلا عندك حق..شكرا يا صقر بيه..
طيف سابت صقر و خرجت بره اوضتهم و نزلت ل تحت,صقر جري وراها و شدها من دراعها..
صقر(بحدة):راحة فين؟!
طيف:راحة انام في اوضة الخدامين..
صقر(بحدة):عندك اوضة تانية..
طيف:بس كلامك فوق مكنش كدة..كان كلامك معناه اني واحدة ضعيفة و مش هقدر اصرف علي ابني و لا علي نفسي..عندك حق فعلا كل واحد لازم يعرف مقامه كنت عايشة علي حسابك و بفلوسك...
طيف(عيونها مدمعة):بكرهك..
طيف شدت دراعها من ايدين صقر و دخلت اوضة الخدامين و قفلت الباب و قعدت علي الارض انهارت في العياط...
صقر قعد علي السلالم حط وشه بين ايديه..
تليفون صقر رن صقر كنسل و خرج بره الڤيلا..
صقر ركب عربيته و راح ناحية المستشفي,آسر اول ما شافه جري عليه حضنه..
آسر(بدموع):مقولتش ليه؟!
صقر:مقولتش ايه؟!
آسر(بدموع):ان انا الابن الغير شرعي..
صقر بص بصدمة لآسر و متكلمش..
_Flash back..
آسر كان رايح يزور مهرة...
الدكتور:مبروك يا آسر بيه مهرة هانم فاقت..
آسر(بفرحة):بجد؟!
الدكتور:ايوه..
آسر:ممكن اخش ازورها؟!
الدكتور:أكيد اتفضل..
آسر:شكرا..
آسر دخل لاوضة مامته بسرعة و جري عليها..
آسر(بفرحة و دموع):امي..وحشتيني عاملة ايه طمنيني عليكي..
مهرة(بخفوت):بخير..انت اخبارك ايه؟!و اخبار نيران؟!
آسر:كويسين انتي اخبارك ايه؟!
مهوة(بخفوت):كويسة..
مهرة:آسر..
آسر:نعم..
مهرة:لازم تعرف حاجة مهمة..
آسر:بعدين دلوقتي قومي بس انتي بالسلامة..
مهرة:مفيش وقت الواحد مش ضامن عمره...لو كنت اعرف ان اخرتها كدة كان زماني اتغيرت من زمان يا آسر..
مهرة:لو لفيت العالم كله مش هتلاقي حد يحبك انت و اختك اكتر من صقر اخوك..
مهرة(بدموع):آسر سامحني يا حبيبي الطمع عماني زمان و خلاني اغلط غلطة كبيرة اوي..
آسر(بقلق):في ايه يا أمي مالك؟!
مهرة(بدموع):صقر مش الابن الغير شرعي يا آسر..
آسر(بصدمة):قصدك؟!
مهرة(بدموع):آسفة يا آسر آسفة و الله كنت غبية و مش فاهمة حاجة زمان...كان الطمع و التملك مسيطر عليا ساعتها..
مهرة(بدموع):رغم اللي عملته الا ان نجلاء مرضتيش تفضحني انا و ابوك و وافقت تجوزني لمحمد...استحملت كتير علشان سعادة محمد هي اللي حبت محمد بجد اما انا لا..
مهرة(بدموع):انا ندمانة اوي يا آسر..
آسر(بصدمة):طب ليه ليه؟!حرام ليه كدة ليه وهمتيني بكدة ليه بس؟!
مهرة(بدموع):صقر بيحبك يا آسر انت و نيران و بيخاف عليكم انا اللي كنت بمنعه يقرب منكم..انا اللي عملت كدة..
مهرة(بدموع):انا السبب اني اخليكم تبعدوا عن بعض..بس كنت غبية اوي اوي يا آسر سامحني..
مهرة(بدموع):انا اللي فرقت بين محمد و نجلاء و فرقت بينك و بين صقر انا كنت خرابة يا آسر..
مهرة(بدموع):غصب عني بسبب عصمت هانم و امي هما اللي خلوني كدة علموني ان كل حاجة صفقة و اني ابص لمصلحة نفسي الاول...
مهرة(بدموع):رغم ان صقر عارف الحقيقة الكاملة و انه انت الابن الغير شرعي رغم ذلك فضل ساكت و كان بيستحمل اهانتي و اهانتك ليه..
مهرة(بدموع):نجلاء عرفت تربي..آسر ممكن تسامحني و تخليهم يسامحوني..
آسر(بدموع):حرام عليكي انتي متعرفيش عملتي ايه..انتي خلتيني اروح اشارك اللي عايز يأذي صقر علشان أذيه معاه...حرام عليكي ليه كدة..
آسر:انتي ليه شريرة كدة ليه سيئة كدة..رغم ده كله هو وقف معايا من ساعة ما دخلت الغيبوبة و مسابنيش لحظة...
مهرة(بعياط):سامحني ارجوك يا آسر..
آسر:لو هما سامحوكي انا مقدرش اسامحك برضو..
آسر(بدموع):بكرهك بكرهك..
آسر خرج بره اوضة مهرة و كان هيخرج من المستشفي..
ممرضة:آسر بيه مهرة هانم نبضها وقف..
آسر جري علي اوضة مهرة تاني و شاف الدكاترة و هما بيعملوا صدمات كهربائية للقلب وقع في الارض و هو بيعيط..
_Back...
آسر(بعياط):ليه مجتش و قولت ليا؟!
صقر(بهدوء):لانه انت في كل الحالات انت اخويا و الدم اللي في جسمك ده هو نفسه اللي في جسمي..احنا واحد يا آسر..
آسر(بعياط):انا اللي كنت بأذيك دايما..
صقر(بهدوء):انت الصغير و هتفضل صغير و مهما حصل الكبير دايما بيغطي علي الصغير و مين قالك اني مكنتش عارف اللي بتعمله..
صقر(بدموع):انت اخويا يا آسر عمري ما سبتك لحظة واحدة حتي يوم ما اتخرجت كنت موجود لما كنت بتسافر كنت بكون عارف كل تحركاتك..انا و انت واحد انت مسئول مني يا آسر انت اخويا مقدرتش اسيبك و مقدرش اسيبك لحظة..و لو كنت بزعلك ف ده حب مني و الله ما اكتر من كدة..
آسر حضن صقر جامد و قعد يعيط و صقر حضنه و باس رأسه...
الدكتور:صقر بيه..
صقر:ايه؟!
الدكتور:مدام مهرة تعيشوا انتوا...
صقر:البقاء لله...تقدر تروح..
صقر:لازم تجمد يا آسر علشان خاطر نيران...
صقر:ده قضاء ربنا عمرها..و اللي عمل كدة اوعدك هيأخد حقه..
آسر لا رد..
صقر(بقلق):آسر آسر..
صقر لقي آسر مغمي عليه صقر قلق عليه..
صقر:عايز دكتور بسرعة..
ممرضة:لحظة..
جابوا نقالة و نقلوا عليها آسر و نقلوه اوضة مرضي و بدأوا يكشفوا عليه..
الدكتور:محتاج راحة تامة..
صقر:تمام..هيفوق امتي؟!
الدكتور:في حدود ساعتين..
صقر:شكرا..
الدكتور:طيب..
صقر:عايزك تحضرلي تصريح الدفنة بتاعت مدام مهرة..
الدكتور:تمام..عن اذنك..
صقر:اتفضل..
صقر طلع تليفونه و اتصل بمحمد..الخط اتفتح..
محمد:الو..
صقر:البقاء لله..
محمد:ماتت؟!
صقر:ايوه..
محمد:و آسر؟!
صقر:اغمي عليه..
محمد:ممكن تبقي جمبه؟!
صقر:شوف هتدفنها امتي..
محمد:تمام..
_عند محمد..
نجلاء:في ايه؟!
محمد:مهرة ماتت..
نجلاء قعدت بصدمة علي الكرسي جمب محمد..
نجلاء:و نيران؟!و آسر؟!هيعملوا ايه؟!
نجلاء(بخضة):نيران!!
نيران كانت ماشية و سمعتهم وقعت في الارض و هي بتعيط...
نجلاء قامت بسرعة و حضنتها و محمد راح ناحيتها..
نجلاء:اهدي يا حبيبتي اهدي..ده قضاء ربنا..
نجلاء:الروح متغلاش علي اللي خلقها..
نجلاء:متعمليش في نفسك كدة..
محمد:اهدي يا نيران..اهدي علشان خاطري..
محمد اتصل ب ليلي علشان تيجي و بالفعل جت..
ليلي جريت علي نيران حضنتها و نيران قعدت تعيط و تصرخ..
ليلي:اهدي علشان خاطري اهدي يا حبيبتي..
ليلي:معلش يا حبيبتي قدر مكتوب..افتكار ربنا رحمة..
نجلاء قامت لما لقت فهد واقف علي السلالم بيعيط بصمت راحت ناحيته حضنته..
نجلاء:اهدي يا حبيبي..بتعيط ليه بس؟!
فهد(بعياط):افتكرت موت ماما و بابا..
نجلاء باست رأس فهد و خدته في حضنها,نجلاء اتصلت ب طيف..
بعد فترة الخط اتفتح..
طيف(بتعب):الو يا طنط..
نجلاء:صقر معاكي يا طيف؟!
طيف(بتعب):لا يا طنط..خرج..
طيف(بتعب):في حاجة؟!
نجلاء:مهرة ماتت..
طيف(بتعب):أه البقاء لله يا طنط..
طيف(بتعب):هشوف كدة و اجي حاضر في اقرب وقت..
نجلاء:انتي مالك ماله صوت؟!
طيف(بتعب):مفيش حاجة تعب بسيط كدة..
نجلاء:طب خليكي النهاردة و تعالي بكرة..
طيف لا رد..
نجلاء:طيف يا طيف..
نجلاء(بقلق):يا بنتي متقلقنيش عليكي..
نجلاء(بقلق):طيف..
نجلاء اتصلت بصقر علطول...الخط اتفتح..
صقر:الو يا امي..
نجلاء:صقر كنت بكلم طيف و فجأة الصوت اتقطع..
صقر(بقلق):امتي؟!
نجلاء:الكلام ده حالا قفلت و كلمتك انت..
صقر:طيب طيب يا امي..
صقر خرج جري من المستشفي و ركب عربيته و رجع البيت بسرعة..
صقر دخل بسرعة البيت و طلع علي اوضته ملقاش طيف نزل جري علي اوضة الخدامين فتح الباب دخل الحمام...
صقر(بخضة):طيف..
طيف كانت مرمية علي الارض مغمي عليها,صقر جري علي طيف رفع رأسها من علي الارض و بدأ يضرب خدها بخفة..
صقر:طيف سمعاني ردي عليا طيف يا طيف..
صقر شال طيف بين ايديه و طلع علي اوضتهم حط طيف علي السرير و مسك ازازة برفيوم و رش علي ايده و بدأ يشمم طيف..
طيف فتحت نص عينيها ببطء و حركت رأسها يمين و شمال و بعدها غمضت عينيها تاني..
صقر ضرب طيف علي خدها و شممها برفيوم تاني..
طيف فتحت عينيها ببطء و كانت اعصابها سايبة..
صقر حط رأس طيف تحت ايديه و قربها منه..
صقر:طيف فوقي يلا فوقي..
صقر:طيف اتكلمي قومي يلا..
طيف(بصوت واطي):انا كويسة..
صقر:ايه اللي حصلك؟!
طيف(بصوت واطي):كنت بكلم طنط و بعدها حسيت بدوخة و حسيت عايزة ارجع جريت علي الحمام رجعت و بعدها محستش بنفسي الا و انا بقع علي الارض و بس..
صقر:طيب معلش..الف سلامة..
صقر وطي علي رأس طيف باسها طيف غمضت عينيها بتعب..
صقر:قومي الاول اغيرلك هدومك..
طيف(بخفوت):المفروض اروح ل نيران و طنط..
صقر:لا..
صقر قام جاب هدوم ل طيف و بدأ يلبسها هدومها..
صقر:ارتاحي هنا..
صقر:بكرة تبقي تروحي..
طيف(بتعب):لا هقوم..
صقر:متتعبنيش يا طيف خليكي هنا بكرة الصبح بدري هعدي عليكي و اخدك لهناك..خلاص..
صقر باس رأس طيف و غطاها كويس..
صقر:تصبحي علي خير..
طيف(بدموع):و انت من اهله...
صقر باس عيون طيف و سابها و مشي بره البيت,طيف قعدت تعيط بصمت بعد ما هو مشي..
تليفون طيف رن...الخط اتفتح..
رفيف:طيف طيف طيف..
طيف:حبيبتي..
رفيف:مال صوتك؟!
طيف:مفيش..
رفيف:هتخبي عني؟!
طيف:مفيش و الله..
رفيف:انتي و صقر تمام؟!
طيف:ايوه..
رفيف:اومال في ايه؟!
طيف:والدة آسر ماتت..
رفيف:اه علشان كدة...خلاص معلش قدر..
طيف:ايوه بس اكيد الاحوال مش تمام..
رفيف:اكيد ربنا يصبرهم..
طيف:يا رب..
طيف:ها قوليلي كنتي عايزة تقولي ايه؟!
رفيف:انا و رامي هنتجوز اخر الشهر ده..
طيف:يا احلي خبر..مبروك يا روحي انتي و هو تستاهلوا بعض بجد..
طيف:بيعاملك ازاي دلوقتي؟!
رفيف(بخجل):لا مش سايبني حتي اقوله محتاجة حاجة و بيجبلي اي حاجة بطلبها..
طيف(بابتسامة):انتوا الاتنين تستاهلوا بعض..ربنا يخليكوا لبعض..
رفيف:و انتي و صقر ايه اخباركوا؟!
طيف:بخير هو بس منشغل بسبب وفاة مامت اخوه..
رفيف:ربنا يصبرهم..
طيف:يا رب..انتي حماتك و حماكي عاملين ايه؟!
رفيف:رامي زعلان لان عمو لسة متكلمش ربنا يأخده معتز الكلب ده..
طيف:معلش..بس ليه الاذية كدة..
طيف:منه لله هو و اللي كان السبب..
طيف:و بما ان الدكتور قال انه لفترة مؤقتة ان شاء الله هيرجع يتكلم تاني..
رفيف:يا رب يا طيف..
طيف:طيب يا حبيبتي انتي اخبارك ايه عاملة ايه؟!مبسوطة؟!
رفيف:مبسوطة اوي و مبسوطة ان الفرح اخر الشهر ده...
طيف:ربنا يبسطك كمان و كمان يا رب..
رفيف:يا رب يا طيف يا رب..
طيف:حبيبتي..
رفيف:مفيش حاجة جاية في السكة و لا ايه؟!
طيف حطت ايديها علي بطنها و افتكرت كلام صقر..
طيف:لا لسة يا رفيف معرفش..
رفيف:هو ايه اللي متعرفيش ممكن تبقي حامل فعلا..
رفيف(بتمثيل):ايه ده ايه ده انتي سلمتيله نفسك يا حيوانه اه جبتيلنا العار هات البندجية يا ولد(هاتي البندقية يا ولدي)..
طيف ضحكت علي اسلوب رفيف و قعدت تضحك..
طيف:انتي مسخرة..
رفيف:انا عسل علشان تعرفي بس اني سر سعادتك..
طيف:ربنا يخليكي ليا يا روحي..
رفيف:قلبي..بقولك بقولك اقفلي هكلم رامي و ارجع اكلمك تاني..
طيف:لا متكلمنيش عايزة انام و انتي رغاية اصلا..
رفيف:مقبولة منك يا اسطا...سلام..
طيف قفلت مع رفيف و نامت علي السرير بتعب..
_عند رفيف..
رفيف:الو يا حبيبي..
رامي:قردتي بتعمل ايه؟!
رفيف:قردة في عينك..
رامي:مش عاجبك قردة ليه بس حتي كائن لطيف..ده انا بظلمها لما بوصفك بيها..
رفيف(بغيظ):طب ما تروح تتجوز قردة احسن بقي...تصدق انك انسان رخم..
رامي:في ايه يا رفيف بهزر ده انتي تزهقي..
رفيف(بدموع):انا بزهقك..
رامي:يا بت انتي الواحد ميعرفش يهزر معاكي..
رفيف:انت اللي هزارك تقيل..
رامي:طب بحبك..
رفيف(بخجل):و انا كمان..
رامي:يا خدودك الحمراء..
رفيف:بس بقي..
رامي:طب بقولك يا حبيبتي هقفل دلوقتي علشان الشغل..
رفيف:هترجع النهاردة؟!
رامي:لا بكرة الصبح..
رفيف:طيب خلي بالك من نفسك..
رامي:طيب يا حبيبتي باي..
رفيف:باي..
عبير:بتكلمي مين؟!
رفيف(بخضة):يا ماما..
عبير(بضحك):اتخضيتي؟!
رفيف:شوية..حضرتك اخبارك ايه؟!
عبير:ما انا عايشة معاكي يا بت في نفس البيت..
رفيف:هو ايه موضوع بت بت انتي و ابنك..
عبير:تعالي يا لمضة نتكلم مع بعض في البلكونة..
رفيف:عمو نام؟!
عبير:هو انا كنت هعبرك لو هو مكنش نايم..
رفيف:يا سلام علي حبي و حبك..
عبير:طبعا عِشرة 25 سنة..
رفيف:ربنا يخليكوا لبعض..
عبير:يا رب..
*******************************
-في الصباح الباكر....
_عند طيف...
طيف صحيت بدري من نومها قامت من علي السرير دخلت الحمام خدت دوش و خرجت بدأت تغير هدومها..
"طيف لبست فستان اسود طويل بكم و سادة و فوقه بالطو باللون الاسود ب ¾ كم اكمامه واسعة,لبست بوط اسود بكعب..سيبت شعرها علي ضهرها و حطت مكياج خفيف جدا"..
طيف نزلت من اوضتها دخلت المطبخ..
طيف:هو الواحد المفروض يكون معندوش نفس يأكل بس لا انا جعانة..
طيف بدأت تجهز ليها فطار خفيف و بدأت تأكل جرس الباب رن..
طيف(باستغراب):مين؟!
طيف راحت ناحية الباب و فتحت الباب ببطء..
طيف(بدهشة):منال!!!!!
منال(بخوف):طيف خبيني خبيني..
منال دخلت بسرعة البيت و قفلت الباب وراها..
طيف(بخضة):في ايه يا منال؟!انتي ازاي جيتي و عرفتي البيت ده ازاي!؟انتي جاية ليه اصلا؟!
منال:عايزين يقتلوني يا طيف عايزين يقتلوني..
طيف:هما مين؟؟
منال:ممكن كوباية ماية يا طيف و هحكيلك..
طيف دخلت المطبخ و جابت كوباية ماية ودتها ل منال..
طيف:اقعدي يا منال..
طيف قعدت حطت رجل علي رجل و منال قاعدة قدامها..
طيف:ممكن افهم ايه اللي بيحصل؟!
منال:فريد و امي عايزين يقتلوني..
طيف:اشمعنا؟!
منال:علشان بحب واحد و كنت عايزة اهرب معاه..
طيف:ما طبعا لازم يعملوا كدة هو اي حد بيحب حد يهرب معاه..اكيد ممكن مش مسئول فريد مش عايزه مش مناسبك..
منال:لا يا طيف محترم جدا و بيحبني و بيخاف عليا و مهندس...
طيف:طب انتي ازاي عرفتي بيتي و ليه جيتي ليا انا؟!انا مش قادرة افهم..
منال:اللي يسأل ميتوهش و انتي بسم الله ما شاء الله جوزك اسمه الكل يعرفه..
طيف:و ليه اختارتيني انا تحتمي فيها؟!
منال:لانك كنتي في كل الاوقات اخت يا طيف بس انا كنت غبية آسفة جدا يا طيف..ممكن تسامحيني!؟
طيف كانت هتتكلم بس سمعت الباب بيتفتح بصت هي و منال لقوا صقر دخل..
صقر قرب من طيف و منال باستغراب..
صقر:مين؟!
طيف:منال بنت عمة فهد و تعتبر قريبتي يعني..
صقر:اهلا و سهلا...في حاجة؟!
طيف:لا..
صقر:عن اذنك لحظة يا آنسة منال تعالي يا طيف..
طيف و صقر طلعوا اوضتهم,صقر بدأ يقلع جاكت البدلة و القميص و هو بيكلم طيف..
صقر(ببرود):دي اخت الزفت اللي اسمه فريد؟!
طيف:ايوه..
صقر(ببرود):خير الهانم جت ليه؟!
طيف:محتجاني في حاجة و شكلها هتبات كام يوم..
صقر(ببرود):و جت ازاي!؟و عرفت البيت ازاي؟!
طيف:سألت علي اسمك و بيتك و جت..
صقر:و المفروض اصدق الهري اللي هي قالته..هي ولي و انا معرفش..
طيف:قولت هتقعد كام يوم...
صقر:طلعيلي بدلة علشان العزا..
صقر ساب طيف و دخل الحمام يأخد دوش و طيف طلعت ليه بدلة حطتها علي السرير و نزلت ل تحت..
طيف:بصي يا منال البيت بيتك اصل انا و صقر لازم نروح مشوار مهم دلوقتي..
منال:امشي طيب و ارجع في وقت تاني..
طيف:تمشي تروحي فين لا مش هتروحي في حتة..
طيف:في اكل في المطبخ هناك اهو المطبخ..
طيف:و هوريكي اوضتك فوق..
صقر:انا شايف انك تنزلي النهاردة في فندق علي حسابي..
صقر:تعالي..
طيف(بضيق):صقر..
صقر:خير؟!.
صقر:تعالي يا آنسة منال..
صقر راح مسك شنطة طيف و شد ايد طيف وراه و وراهم منال..
طيف(بهمس و حدة):علفكرة دي اسمها رخامة..
صقر:متشكر انا رخم..
منال:اتمني مكونش عاملة ازعاج..
طيف:لا خالص هو بس النهاردة هتقعدي في الفندق لاننا هنرجع متأخر و انا مش عايز اسيبك لوحدك تبقي قلة ذوق..
صقر:ما هي برضو في الفندق هتبقي لوحدها..
طيف عضت لسانها بغيظ بسبب صقر..
طيف:لا نركب يلا..
بعد فترة وصلوا الفندق صقر نزل مع منال و حجز ليها اوضة و سلم عليها و مشي..
طيف:مكنش ليه داعي مش هتسرق..
صقر:مش واثق فيها..
طيف:تصدق ممكن تكون برضو علشان كدة عايزني اسقط..
صقر بص ل طيف باستفهام مش فاهم كلامها..
طيف:اقصد انك مش مصدق انه ابنك..
صقر وقف العربية بسرعة عملت صوت بسبب احتكاكها في الارض..
صقر غمض عيونه و حاول يمتص غضبه..
صقر(ببرود):عندك حق ممكن..
صقر ساق العربية تاني ناحية القصر,طيف اتصدمت من رده..
*******************************
-في مكان تاني....
_عند وعد و قاسم..
قاسم:انتي هتفضلي طول ما هنتقابل حاطة رأسك في الارض..
وعد:الله مش متعودة..
قاسم:مش متعودة علي ايه؟!بقالنا شهرين مع بعض يا وعد..
قاسم:و هو مش ده كان طلبك نقعد فترة مع بعض..
وعد:ايوه و انت وافقت..
قاسم:كنت ارفض يعني..
وعد:براحتك..
قاسم:بت انتي مستفزة ليه؟!
وعد:لاني كدة..
قاسم:عايزة ضرب الجذم..
وعد:متشكرين..
قاسم:طب ايه؟!
وعد:ايه؟!
قاسم:ايوه افتحي موضوع..
وعد:وصلني المستشفي..
قاسم:لو جبتي سيرة المستشفي تاني هقلع الجذمة و اضربك بيها..
وعد:يا رخم..
تليفون قاسم رن...الخط اتفتح..
قاسم:الو يا ليلي..
ليلي:قاسم انا ممكن ابات النهاردة عند نيران..
قاسم:اشمعنا؟!
ليلي:علشان طنط مهرة ماتت..
قاسم:امتي ده حصل؟!
ليلي:امبارح بليل..
قاسم:هتدفنوا امتي؟!
ليلي:النهاردة..
قاسم:طيب انا جاب..
ليلي:ماشي...احنا هندفن في *******..
قاسم:طيب جاي ليكوا...
وعد:في ايه؟!.
قاسم:حد عندي توفي..
وعد:البقاء لله طب اجي معاك؟!
قاسم:لا هوصلك المستشفي و هروح انا...تعالي يلا..
وعد:طيب..
قاسم و وعد ركبوا عربية قاسم و قاسم وقف قدام مستشفي وعد..
قاسم:يلا يا حبيبتي...
وعد:باي ابقي كلمني..
وعد دخلت المستشفي و قاسم راح ناحية الدفنة..
كان الكل هناك موجود واقفين..
صقر و آسر و ماهر كانوا بينزلوا مهرة المقابر,نيران بين ليلي و طيف..
نجلاء كانت واقفة جمب محمد و كان في ناس تانية كتير..
قاسم وصل و دخل راح ناحية نيران..
قاسم:البقاء لله يا نيران..انا عارف انه صعب عليكي بس لازم نستحمل و نكمل معلش يا حبيبتي..
نيران(بعياط):هتوحشني اوي..
قاسم:معلش..
دفنوا مهرة و عامل المقابر بدأ يكمل عمله..
الشيخ:ادعوا ليها..
الشيخ بدأ يقول كام دعوة ل مهرة و الكل بيردد آمين...
كانوا واقفين قدام المقابر و الناس عمالة تسلم عليهم و تمشي,في الاخر متبقاش غير العائلة بس..
آسر(بتعب):يلا يا نيران..
ليلي:البقاء لله يا آسر..
آسر:و نعمة بالله..
نيران(بعياط):و النبي سيبوني هنا..
نجلاء:حبيبتي معلش اهدي بس..مش هينفع اللي بتعمليه ده..
طيف نزلت ل مستوي نيران و حاوطت وشها بين ايديها...
طيف:انا عارفة ان الموضوع صعب هيبقي صعب في البداية هتعاني منه بس خليكي عارفة انه في الاول او في الاخر عياطك مش هيرجعها ده واقع لازم نتقبله...
نيران حضنت طيف و قعدت تعيط و طيف قعدت تملس علي شعرها...
صقر:يلا نمشي من هنا..
ليلي:يلا يا نيران..
صقر:معتصم مهران أمنوا الطريق يلا..
مهران:تمام..
نيران قامت وقفت صقر سند طيف و وقفها...
خرجوا من المقابر لقوا في وشهم حسام و ماسك بوكيه ورد..
حسام:ولاد العم وحشتوني اوي..مكنتش متخيل ان ده يحصل..
آسر(بغضب):حسام..
آسر كان رايح ناحية حسام يضربه ماهر و صقر مسكوه..
حسام:ليه كدة بس ده انا كنت جاي اهنيك اقصد اعزيك في مامتك..
حسام:بس الصراحة مامتك كانت شريرة تستاهل الموتة اللي ماتتها..
صقر(بعصبية):مهران خدوا ابن ال******من هنا..
حسام:ليه كدة يا صقر في ايه يا راجل هتتكبر علشان مراتك حلوة و قمر كدة..
صقر(بغضب):يا ابن ال******..
ماهر و معتصم مسكوا صقر علشان مينفعلش..
حسام(بغمزة):و لا طنط نوجة القمر اللي وقعت رجالة بشنبات..
محمد(بعصبية):ده انت ابوك معرفش يربيك ده انت ناقص تربية بقي..
مهران:اهدي يا محمد بيه هو احنا نهدئ مين و لا مين..
حسام شاور ل نيران بمعني هاي بابتسامة خبيثة..
حسام:مالك يا نيرو خايفة ليه ما تيجي في حضني اق..
ماهر ضرب حسام بوكس في وشه بغضب آسر و صقر ضربوا معاه..
قاسم و مهران و معتصم كانوا بيبعدوهم عنه..
مهران:اهدي يا صقر في ايه ما تهدي كدة...ده كلب و لا يسوي..
معتصم:اهدوا..
حسام قام وقف بكل برود و مسح دم اللي علي انفه و بوقه....
طيف نزلت قربت من صقر و مسكت دراعه..
طيف(بحدة):ده انت مريض نفسي صحيح مكانك المصحة روح اتعالج يا مريض..
طيف:يلا يا صقر نمشي و لا كأنه موجود..
حسام هجم علي طيف و بدأ يخنقها و ضربها في جسمها صقر زق حسام بغضب من طيف و ضربه بوكس في وشه..
صقر جري علي طيف اللي آسر و ماهر سندوها و خدها في حضنه..
صقر:انتي كويسة؟!
طيف(بتعب):ايوه بس عايزة اروح..
صقر:معتصم جيب فهد العربية..
صقر وطي و شال طيف بين ايديه و راح ناحية عربيته ركبها فيها و فهد ركب ورا و صقر لف ركب العربية و بدأ يسوق..
قاسم:يلا يا ليلي يلا يا نيران اوصلك..
ماهر:لا معلش نيران جاية معانا...يلا يا نيران..
ماهر مسك ايد نيران و راح ركب عربية آسر و بدأ هو يسوق....
ليلي:يلا يا قاسم..عن اذنك يا طنط عن اذنك يا عمو..
ليلي و قاسم ركبوا عربية قاسم و مشيوا..
محمد تف علي حسام و خد نجلاء و مشيوا هما كمان..
معتصم:و ربي لو فكرت تأذي حد تاني لتشوف حاجة عمرك ما شوفتها..
حسام(بسخرية):ما بقاش غير العيال اللي يتكلموا..
حسام ودي بوكيه الورد ل مهران..
حسام:خديه يا بيضة مني ليكي..
حسام ركب عربيته و مشي..
معتصم:اينعم احنا مش موقف مضحك بس الصراحة لايق عليك دور البنت اوي..
مهران:يا ابن ال**..
مهران:تعالي هنا...
مهران رمي بوكيه الورد علي معتصم و جري وراه..
مهران:و ربي استني بس عليا اصبر..
معتصم:يلا..
مهران:مش طايقك..
معتصم:بقولك ايه يا بيبي اجيبلك في شقتنا ايه يا تري اوضة نوم و اوضة اطفال كفاية و لا عايزة اوضة زيادة..
مهران:تصدق ياض انك تستاهل ضرب الجذم..
مهران جري ورا معتصم و معتصم ركب عربيته..
معتصم:باي باي يا قطة...
مهران ضحك علي معتصم و ركب عربيته و مشي هو و معتصم..
********************************
-بعد مرور شهر...
"خلال الشهر ده طيف مشافتش صقر الا مرة واحدة,فهد و منال عايشين معاها..
ليلي واقفة مع آسر في الشركة نزل بعد وفاة مامته بيومين..
نيران نزلت الجامعة علشان تحضر الامتحانات,محمد خلي ماهر يكون معاها علطول و يوصلها للجامعة..
رفيف اجلت الفرح اسبوع علشان طيف تعرف تحضر..
محمد بيحاول يقرب من نجلاء..
مؤمن و حسام مختفين في الشهر ده...
صقر عايش في القصر و مش بيرجع الڤيلا خالص..
قاسم و وعد قرروا يعملوا خطوبة..
اهم الاحداث اللي حصلت في الشهر"..
ماهر:عملتي ايه في الامتحان؟!
نيران(بنبرة حزينة):الحمدللة..
ماهر قرب من نيران و مسك دقنها رفع وشها..
ماهر:نيران علشان خاطري بلاش نظراتك الحزينة دي و كلامك الحزين..علشان خاطري..
ماهر:نيران اضحكي اللي حصل حصل و متقدريش تغيريه..
ماهر:لازم تركزي في مذاكرتك علشان تتخرجي و ترجعي الشركة..الشركة محتجاكي و ناس كتير محتاجاكي..
نيران(بحزن و دموع):انا تعبانة اوي يا ماهر تعبانة..
ماهر:نيران بصي هقولك حاجة بصي يا نيران..
نيران رفعت عينيها ل ماهر و بصتله..
ماهر:بصي معرفش ازاي او ليه او يعني هعمل ايه او ازاي ده حصل او بصي..
ماهر:انا مرتبك محدش يعرف اللي هقوله و عمري ما قولت اللي هقوله..
ماهر:بصي انا..
ماهر:انا كنت عارف اني مش هقدر اتكلم..ف خدي..
نيران مسكت الورقة من ماهر و فتحتها و بدأت تقرأ بصوت مسموع...
مضمون الورقة"انا بحبك يا نيران"..
ماهر كان بيقطم في ضوافره و متوتر,نيران غصب عنها ضحكت علي شكله المتوتر..
نيران:هو انت العروسة؟!
ماهر(بضيق):تصدقي انتي حلال فيكي الضرب..و مش بتضحكي بقالك شهر جاية دلوقتي تضحكي عليا..
نيران قربت من ماهر و حطت ايديها علي كتفه..
نيران(بهمس):و انا كمان..
ماهر مبصش في عيون نيران و حضنها جامد..
نيران:مبروك يا عروسة..
ماهر(بغيظ):انتي رخمة..
نيران(بحزن):انا!!!
ماهر:انتي احلي بنت شافتها عينيا..
ماهر(باحراج):مش يلا نروح..
نيران:يلا..
******************************
-في مكان تاني....
_عند آسر..
آسر:ليلي هاتي ملف صفقة امبارح..
ليلي:حاضر هو بس عند الحسابات اول ما يخلصوه هيبعتوه...
آسر:طيب..
آسر:عايز..
ليلي:القهوة بتاعتك طلبتها..
آسر:تمام..
الباب خبط..
آسر:ادخل...
صقر:مساء الخير..
آسر:مساء النور..
ليلي:عن اذنكم انا..
ليلي خرجت بره المكتب,صقر راح قعد قدام آسر..
صقر:ايه اخبار الشغل؟!
آسر:تمام..
آسر:ايه اخبار طيف؟!
صقر:كويسة...
آسر:و هو انت كلمتها و لا روحت ليها بقالك شهر...
صقر:آسر طلعني من دماغك..
آسر:جيت ليه؟!
صقر:عايز احكيلك علي حاجة..
آسر(بحماس):احكي احكي..
صقر حكي لآسر اللي هو عايز يقوله..
آسر:و هو انت غبي ازاي تعمل كدة؟!
صقر:بص متعصبنيش قولي حل..
آسر: اخلع..
صقر:متأكد؟!
آسر:ايوه انت ازاي عملت كدة اصلا..
صقر:مش قادر حاسس اني متكتف..
فجأة الباب اتفتح و دخلوا ناس مسلحة المكان..
شخص1:مش عايز اي حركة..
آسر:في ايه؟!
شخص1:مطلوب القبض علي آسر الجارحي بتهمة قتل مهرة الجارحي...
آسر و صقر بصوا ل بعض بصدمة شديدة..
.
.
**********************
يتبع::::::♥️..
بحبكوا♥️..
رأيكوا يهمني♥️..