ကျွန်တော်မောင်ထူးကို တွန်းထုတ်ပစ်လိုက်တယ်။ မောင်ထူးက အငိုက်မိသွားတယ်ထင်ပ မြေပြင်ပေါ်ကိုလဲကျသွားတယ်။ ကျွန်တော့်ကိုပြန်မော့ကြည့်တယ်။ ဝမ်းနည်းရိပ်တို့သမ်းနေတဲ့ မျက်လုံးတွေနဲ့။ ကျွန်တော်နည်းနည်းတော့ စိတ်မကောင်းဖြစ်သွားတယ်။ အမှန်ဆို ကျွန်တော်တို့နှစ်ယောက်က ယူထားကြတာမလား။ လင်မယားဆိုမှတော့ ဖက်တာတွေ၊ နမ်းတာတွေတော့ ရှိမှာပေါ့။ နောက်ဆို ဒီထက်ပိုတာတွေတောင် လာဦးမှာကို။
ကျွန်တော်က ချစ်တာတွေဘာတွေမရှိလို့ ဘာမှမဖြစ်ပေမယ့် မောင်ထူးကကျတော့ မတူဘူးလေ။ သူကျွန်တော့်ကိုချစ်တယ်။ သူကျွန်တော့်ကို အရမ်းချစ်မှန်းလည်း ကျွန်တော်သိပါတယ်။ မသိချင်ယောင် ဆောင်နေတာပဲရှိတယ်။ သူကကျွန်တော့်ကိုချစ်နေတာမို့ ကျွန်တော့်အပြုအမူ သေးသေးလေးကစပြီး သူ့ကိုအကျိုးသက်ရောက်မှု ဖြစ်စေမှာ သေချာတယ်။ "ငါနမ်းတာတောင်မခံဘူး"ဆိုပြီး ဘယ်လောက်တောင် ခံစားနေလိုက်မလဲ။ ကျွန်တော်လည်း စိတ်မကောင်းဖြစ်ပါတယ်။ ကျွန်တော်ကျတော့ သူ့ကိုဟိုလိုလုပ်ခဲ့ပြီး။ သူနမ်းတာလေးကိုကျတော့ တွန်းထုတ်ပစ်မိတယ်။ ဘယ်လိုလုပ်ရမလဲ။ လာ ငါ့ကိုပြန်နမ်းလို့ ပြောလိုက်ရမလား။
ကျွန်တော်တွေးနေတုန်းမှာပဲ မောင်ထူးက ထလိုက်တယ်။ အမေတို့စိတ်ပူနေလိမ့်မယ် ပြန်ကြစို့တဲ့ သူကပြောတယ်၊ အမေတို့ကတော့ စိတ်မပူပါဘူး။ ကျွန်တော်ကဒီလိုပဲ လျှောက်သွားနေကျမို့။ စိတ်ပူရင်ပူ ကိုဇော်ဇော်ကပဲ ပူနေမှာ။ သူကမောင်ထူးကို စိတ်ချတာမဟုတ်ဘူး။
အပြန်ကျတော့ ငါမောင်းမယ် မင်းနောက်ကလိုက်တဲ့ မောင်ထူးကပြောတယ်။
ကျွန်တော်ရင်ထဲကို ထိတ်ကနဲဖြစ်သွားတယ်။ မောင်ထူးမောင်းလို့မဖြစ်ဘူးလေ။ သူအခုစိတ်အခြေနေမကောင်းဘူး။ တော်ကြာ ဆိုင်ကယ်မှောက်ရင် ဘယ်လိုခံစားချက်လဲဆိုပြီး လက်လွတ်စီးနေမှဖြင့် ကျွန်တော်ပါ အသက်ထွက်နေမယ်။ တောထဲမှာ သေလို့ကတော့ ခြောက်စရာလူမရှိတာနဲ့ကို ပျင်းစရာကောင်းနေမှာ။ အဲ့တာကြောင့် မောင်ထူးကို
အမောင်းခံလို့မဖြစ်။
ကျွန်တော်မောင်းသူနေရာကို မောင်ထူးထက်အရင် မြန်မြန်ဝင်ထိုင်လိုက်တယ်။ မင်းမမောင်းပါနဲ့ ငါပဲမောင်းမယ်...မင်းကနောက်ကနေ အေးဆေးလိုက်လို့ပြောလိုက်တော့ မောင်ထူးက ခေါင်းညိတ်ပြတယ်။ တော်ပါသေးတယ်။ သူမောင်းမယ်လို့ ဇွတ်မပြောလို့။
မောင်ထူးက စိတ်မကောင်းဖြစ်သွားတာ သေချာလောက်တယ်။ ဆိုင်ကယ်စီးတာတောင် အရင်လိုခါးကိုလာမကိုင်ဘူး။ အိမ်ပြန်ရောက်တော့လည်း ကျွန်တော့်အနား သိပ်မကပ်ဘူး။ ကျွန်တော့်ကို ကြည့်တော့ကြည့်တယ်။ ကျွန်တော်ပြန်ကြည့်လို့ မျက်လုံးချင်းဆုံရင် မျက်နှာပြန်လွှဲသွားတယ်။
-----------------------------------------------------
စားသောက်ပြီးတော့ မောင်ထူးတို့ကို ဆွမ်းဦးပုညရှင်ဘုရားသို့ လိုက်ပို့ဖြစ်တယ်။ လမ်းတလျှောက်လုံး မောင်ထူးက စကားမပြောပါ။ ဥမင်သုံးဆယ်၊ ဥမင်ကိုးဆယ်၊ ဟိုဟိုဒီဒီဘုရားဖူးပြီး နောက်ဆုံးတော့ ဆွမ်ဦးပုညရှင်ကို ရောက်တယ်။
"အစကတော့ ဦးပုညတည်ထားတာမို့ ပုညရှင်ဘုရားလို့ပဲ အမည်မှည့်ခေါ်တာ။ နောက် ဘုရားတည်ထားတယ်ဆိုတော့ အနီးအနားကလူတွေက အာရုဏ်ဆွမ်းကပ်လှူကြတယ်။ အဲ့မှာ သူတို့သွားကပ်တိုင်း ဆွမ်း၊ဟင်းတွေက ရောက်နေပြီ။ အငွေ့တထောင်းထောင်းနဲ့ ဘယ်သူလာကပ်သွားမှန်းလည်း မသိရဘူးတဲ့။ အနီးအနားက လူတွေကလည်း ဒီနေ့ဆွမ်းဦးဆုံး မကပ်ရရင် မနက်ဖြန်တော့ ဦးဆုံးဖြစ်အောင်ကပ်မယ်ဆိုပြီး အရင်နေ့ထက်စောပြီး ပြန်သွားကပ်ကြပေမယ့် ဘယ်တော့မှဦးဆုံးကပ်ခွင့်မရခဲ့ကြဘူး။ သူတို့သွားတဲ့အချိန်တိုင်း အငွေ့တထောင်းထောင်းနဲ့ ဆွမ်း၊ဟင်းတွေက ရောက်နေခဲ့ပြီ။ ပြောကြတာတော့ နတ်တွေ၊ သကြားတွေက လာရောက်ကပ်လှူထားကြတာတဲ့။ အဲ့တာနဲ့ ပုညရှင်ကနေ ဆွမ်းဦးပုညရှင်ဆိုပြီး အမည်တွင်သွားတယ်"
နွယ်နီက ဆွမ်းဦးပုညရှင်ဘုရားကြီးနဲ့ပတ်သက်တဲ့ အကြောင်းအရာတွေကို သူသိသလောက် ရှင်းပြနေတယ်။ ခန့်စည်သူက အလုပ်ရှိတာမို့ ဒီနေ့မအား။ အိမ်မှာကလည်း ဆိုင်ကယ်က တစ်စီးတည်းရှိတာမို့ သုံးယောက်ကျတော့ အဆင်မပြေ။ အဲ့တာနဲ့ အားနေတဲ့ နွယ်နီ့ကိုပဲ ဘုရားသွားဖူးရအောင်ဆိုပြီး ခေါ်လာလိုက်တာ။ ကျွန်တော်နဲ့မောင်ထူးက တစ်စီး။ နွယ်နီနဲ့ကိုဇော်ဇော်က တစ်စီး။ နွယ်နီက အရှေ့က၊ ကိုဇော်ဇော်ကအနောက်ကဆို ဘယ်လိုမှကြည့်မကောင်းတာမို့ ကိုဇော်ဇော်ကမောင်းပြီး နွယ်နီက အနောက်ကနေလိုက်တယ်။
ဘုရားကန်တော့ပြီး လေးယောက်သား ရင်ပြင်တော်ကို တစ်ပတ်ပတ်ကြတယ်။ ဘုရားပေါ်ကနေမြင်ရတဲ့ ရှု့ခင်းက အရမ်းလှလွန်းတယ်။ အရှေ့ဘက်မှာဆိုရင် ဧရာဝတီမြစ်ကြီး။ ဆွမ်းဦးပုညရှင်က တောင်ထိပ်မှာဖြစ်တာမို့ အောက်ကိုငုံ့ကြည့်ပါက စိမ်းစိုစိုတောပင်များနဲ့ ရောင်စုံတောပန်းများ၊ လက်ညှိုးထိုးမလွဲအောင် များပြားလှတဲ့ စေတီပုထိုးများနဲ့ အရမ်းကို သာယာကြည်နူးစရာကောင်းလှတယ်။ ဧရာဝတီမြစ်ကြီးကို နောက်ခံထားပြီး ကျွန်တော်နဲ့မောင်ထူးကို ဓာတ်ပုံရိုက်မလားတဲ့ ကိုဇော်ဇော်ကမေးတယ်။ ကျွန်တော်မောင်ထူးကိုကြည့်တော့ မောင်ထူးကလည်းပြန်ကြည့်တာနဲ့ဆုံတယ်။ ဘာစကားမှတော့ မပြောဖြစ်ကြ။
ရင်ပြင်တစ်ပတ်ပတ်ပြီး အပြန်မှာတော့ အသုပ်စုံဆိုင်ကို ဝင်ဖြစ်ကြတယ်။ နွယ်နီက မောင်ထူးတို့ စားဖူးမယ်မထင်တဲ့ အသုပ်မှန်သမျှကို သုပ်ခိုင်းနေတယ်။ စိန်မန်းပွင့်သုပ်၊ တရုတ်စကားပွင့်သုပ်၊ သခွပ်ပွင့်သုပ်၊ မြင်းခွာရွက်သုပ်၊ ကြောင်လျှာပွင့်သုပ်၊ ပေါက်ပန်းဖြူအပွင့်သုပ်၊ စုံလို့။ မောင်ထူးတို့က တကယ်လည်းမစားဖူးလောက်ဘူး။ နွယ်နီမှာသမျှကို မျက်လုံးအဝိုင်းသားနဲ့ ကြည့်နေကြတယ်။
အသုပ်တွေလည်းမှာပြီးရော စိန်မန်းပွင့်က စားလို့ရတယ်လားတဲ့ မောင်ထူးကမေးတယ်။ "အသုပ်ထဲမှာဆို စိန်မန်းပွင့်သုပ်က စားလို့အကောင်းဆုံးပဲ ရမှစားကြည့် လျှာလည်သွားမယ်"ကျွန်တော်ပြန်ဖြေလိုက်တော့ မောင်ထူးက ခေါင်းညိတ်ပြပြီး "မင်းအကြိုက်ဆုံးက ဘာသုပ်လဲ"တဲ့ပြန်မေးတယ်။
"သေချာပေါက် အကုန်ပေါ့"
ကျွန်တော်ပြန်ဖြေလိုက်တော့ မောင်ထူးကရယ်တယ်။ ပြီးတော့ တဖက်ကိုလှည့်သွားတယ်။ ကျွန်တော့်ဘက်ကို ပြန်လှည့်လာတော့ မျက်နှာကပြန်တည်သွားတယ်။ ကျွန်တော် လိုက်ရောပေမယ့် မောင်ထူးကတော့ ခပ်တည်တည်။ အနမ်းလေးမခံတာကို ဒီလောက်ထိဖြစ်စရာလိုလို့လား။ မကျေနပ်ရင် နောက်တစ်ခါပြန်နမ်းပေါ့။ အခုဟာက ဘယ်လိုကြီးမှန်းမသိဘူး။ ကျွန်တော့်မှာ သူ့မျက်နှာကို ခဏခဏကြည့်ပြီး အကဲခတ်နေရတယ်။
ကိုဇော်ဇော်က ကျွန်တော်တို့နှစ်ယောင်ကို တကြည့်ကြည့်နဲ့။ မျက်နှာကလည်း ရယ်ချင်တာကို အောင့်ထားရတဲ့ပုံ။
သူများလင်မယား။ မဟုတ်သေးဘူး။ ကျွန်တော်တို့က ယောက်ျာနှစ်ယောက်။
ဂျိုးမောင်နှံ။ မဖြစ်သေးဘူး။ အဲ့တာအကောင်တွေ။
လင်လင်။ အဲ့တာလည်းခေါ်လို့မကောင်းဘူး။ မလှဘူး။
လင်ယောက်ျား။ အင်းမဆိုးဘူး။
သူများလင်ယောက်ျားနှစ်ယောက် စိတ်ဆိုးစိတ်ကောက်တာ ရယ်စရာပါလား။ တခြားလင်မယားတွေလည်း ရန်ဖြစ်ကြတာပဲကို။
အသုပ်တွေလာချပေးတော့ မောင်ထူးနဲ့ကိုဇော်ဇော်က ဟိုဟာနည်းနည်း ဒီဟာနည်းနည်း အရသာတွေလိုက်ပြီးမြည်းစမ်းတယ်။ စိန်မန်းပွင့်သုပ်ကို စိမ့်စိမ့်လေးမို့ ကြိုက်တယ်တဲ့ ကိုဇော်ဇော်ကပြောတယ်။ မောင်ထူးက မြင်းခွာရွက်သုပ်မစားဘူး။ ကျန်တာတော့ အကုန်စားတယ်။ နွယ်နီကတော့ပြောစရာမလို။ ကျွန်တော့်အတိုင်းပဲ အစားဆိုစိတ်ချရတယ်။
စားလို့သောက်လို့ကုန်ခါနီးတော့ နွယ်နီက ကျွန်တော့်ကိုကြည့်တယ်။ နင်ရှင်းရမှာနော်တဲ့။ ကျွန်တော်ကလည်း မောင်ထူးကိုမေးငေါ့ပြပြီး ပြန်ပြောလိုက်တယ် "သူရှင်းမှာ"လို့။ ဧည့်သည်ကို ပြန်ရှင်းခိုင်းနေတယ်တဲ့ စိတ်ပျက်တဲ့လေသံနဲ့ နွယ်နီကထပ်ပြောတယ်။ ဘာဖြစ်လဲ။ မောင်ထူးက ကျွန်တော့်ယောက်ျားပဲ။ အဲ့တာကြောင့် သူပိုင်တဲ့အရာမှန်သမျှ ကျွန်တော်လည်းပိုင်တယ်။
ဆွမ်းဦးပုညရှင်ဖူးပြီးတော့ ကောင်မှုးတော်ဘုရားကို ခရီးထပ်ဆက်ကြတယ်။ ဘုရားကို တစ်ပတ်ပတ်တယ်။
ငါးကန်မှာငါးစာကျွေးတယ်။ လမ်းတလျှောက် မုန့်တွေစားတယ်။ အမေနဲ့အမအတွက် သနပ်ခါးတုံးတွေဝယ်တယ်။ ကျွန်တော်တို့နဲ့ လိုက်လာပေးတဲ့အတွက် နွယ်နီ့ကိုပါဝယ်ပေးလိုက်တယ်။ အကုန်မောင်ထူးပိုက်ဆံနဲ့။ ကျွန်တော်က နည်းနည်းမှမကုန်။
"မောင်ထူးက နင့်အမကို ကြိုက်နေတာလား"
နွယ်နီက မေးလာခြင်းဖြစ်တယ်။
"ဘာလို့တုန်း"
"ဒီလောက်နင့်အပေါ်ကောင်းနေမှတော့ နင့်အမကို ကြိုက်နေလို့ပေါ့"
ပေါက်ပေါက်ရှာရှာ။
"ဘယ်လိုလုပ်ဖြစ်နိုင်မှာလဲ သူကအိမ်ထောင်သည်ပါဆိုမှ"
ကျွန်တော်ပြန်ပြောလိုက်တော့ နွယ်နီကဘာမှထပ်မပြောတော့...
အိမ်အပြန်လမ်းတလျှောက်လုံး မောင်ထူးက ကျွန်တော့်ကိုမခေါ်။ ကျွန်တော်စကားပြောရင် ပြန်တော့ပြောတယ်။ စိတ်ကတော့မပါလောက်ဘူး။ စိတ်ညစ်တာပဲ။ ဘယ်လိုချော့ရမလဲ။ အဲ့လိုစိတ်ဆိုးစိတ်ကောက်တာတွေ မုန်းလို့ အရင်ကရည်းစားတောင် ထားတာမဟုတ်ဘူး။ မောင်ထူးက ကျွန်တော့်ယောက်ျားမဟုတ်ဘဲ ရည်းစားဆိုရင်ကောင်းမယ် ဒီလိုပုံစံလုပ်နေလို့ကတော့ ပြတ်ဟာဆိုပြီးဖြတ်ပစ်လိုက်မယ်။ ဘာမှစိတ်ရှုပ်ခံပြီး ချော့နေစရာမလို။ အခုကတော့ ကျွန်တော်နဲ့ယူထားတာမို့။ တစ်သက်လုံးအတူနေရမယ့်လူတွေက တည့်နေမှကောင်းတာ။ မဖြစ်သေးပါဘူး။ ရွာရောက်မှ အိမ်ကပေးစားလို့ယူထားရတဲ့ လင်မယားဆီသွားပြီး မေးကြည့်ဦးမယ်။ သူတို့လည်း မကြိုက်ဘဲနဲ့ယူထားရတာဆိုတော့ ကျွန်တော်နဲ့ဘဝတူတယ်။ သူတို့ဘယ်လိုတည့်အောင် နေကြလဲဆိုတာကို မေးကြည့်ရမယ်။