ရောက်တုန်းရောက်ခိုက် သားသူငယ်ချင်းတွေကို ဘုရားတွေစုံအောင်လိုက်ပို့လိုက်ဆိုတဲ့ အမေ့စကားကြောင့် အခုကျွန်တော်တို့ မင်းကွန်းရောက်နေပြီ။ ကျွန်တော်နဲ့မောင်ထူးက ဆိုင်ကယ်တစ်စီး၊ ကိုဇော်ဇော်နဲ့ ကျွန်တော့်သူငယ်ချင်းနဲ့က ဆိုင်ကယ်တစ်စီး။ သုံးယောက်ပိုးသွားရင် အဆင်မပြေလို့ ကျွန်တော့်သူငယ်ချင်း ခန့်စည်သူကို ဆီဖိုးပေးပါ့မယ်ဆိုပြီး အကူညီတောင်းလိုက်ရတယ်။ ခန့်စည်သူဆိုတော့ မင်းသားနာမည်ကြီးလို့ ထင်ကြလိမ့်မယ်။ တကယ်လည်းဟုတ်ပါတယ်။ သူ့အမေက ခန့်စည်သူရဲ့ အမာခံပရိတ်သတ်လေ။ အဲ့တာကြောင့် သူကလေးမွေးတော့ ခန့်စည်သူလို့ပေးလိုက်တာ။ တော်သေးတာပေါ့ ယောက်ျားလေးမွေးလို့ မိန်းကလေးကို ခန့်စည်သူလို့ပေးရင် လှမှာမဟုတ်ဘူး။
ဆိုင်ကယ်နဲ့ဆို ရွာကနေမင်းကွန်းကို နှစ်နာရီလောက် မောင်းရတယ်။ လမ်းကလည်း အတက်၊အဆင်းတွေမို့ နည်းနည်းတော့ကြမ်းတယ်။ မြသိန်းတန်ဘုရားကိုရောက်တော့ ကလေးတွေက အလုအယက်နဲ့ အမွှေးတိုင်းလာရောင်းကြတယ်။ ကျွန်တော့်ဆီလာရောင်းတဲ့ ကလေးတွေကို အနောက်မှာပါလာတဲ့ မောင်ထူးကိုလက်ညှိုးထိုးပြပြီး အဲ့ကိုကိုကဝယ်မှာ သူ့ဆီသွားရောင်းချေလို့ ပြောလွှတ်လိုက်တာကြောင့် ကလေးတွေက သူ့အနားမှာပြုံလို့။ တစ်ဦးဆီကဝယ်လိုက်တိုင်း တခြားကလေးတွေကပါ သားဟာရောဝယ်ပါဦးဆိုပြီး တဖြည်းဖြည်းနဲ့များလာတယ်။ ပြောတဲ့ကလေးတိုင်းဆီက ဝယ်နေပေမယ့် နောက်တော့ကလေးတွေက အရမ်းများလာတာမို့ ဝယ်လို့မနိုင်တော့ဘူး။ ဘယ်လိုမှလည်း ဖောက်ထွက်လို့မရ။ ကလေးတွေက မောင်ထူးနောက်ကနေ ကပ်လိုက်နေကြတာ။ ကြာတော့ ဘယ်လိုလုပ်ရမှန်း မသိလို့ထင်ပါတယ် မောင်ထူးက ကျွန်တော့်ကိုလှမ်းကြည့်တယ်။ ကျွန်တော် သွားဆွဲခေါ်ပြီး အမွှေးတိုင်တွေအများကြီးဝယ်ပြီးပြီမို့ ထပ်ပြီးမလိုတော့ဘူးနော်လို့ ပြောလိုက်မှ မောင်ထူးအနောက်ကို ဘယ်ကလေးမှထပ်မလိုက်ကြတော့။
မြသိန်းတန်ဖူးပြီးတော့ ပုထိုးတော်ကြီးဘက် ဆက်လာလိုက်တယ်။ အရင်ကလို ပုထိုးတော်ကြီးအပေါ်ကိုတော့ တက်ခွင့်မပြုတော့။ အန္တရာယ်များလို့တဲ့ ပိတ်ထားတယ်။ ပြီးတော့ ငလျင်ဒဏ်တွေကြောင့် အရှေ့ပိုင်းမပါတော့တဲ့ ခြသေ့်ကြီးနှစ်ကောင်ကို သွားကြည့်ကြတယ်။ အားလုံးပြီ
မှ ကမ္ဘာပေါ်မှာ တတိယအကြီးဆုံးဖြစ်တဲ့ မင်းကွန်းခေါင်းလောင်းကြီးဆီကို ခေါ်ခဲ့ပေးလိုက်တယ်။
ခေါင်းလောင်းကြီးဆီရောက်တော့ မောင်ထူးက ဘာစိတ်ကူးပေါက်လဲမသိဘူး။ အတွင်းကိုဝင်ရအောင်တဲ့ ကျွန်တော့်ကိုခေါ်တယ်။ မဝင်ပါဘူး။ ကျွန်တော်အထဲရောက်နေတုန်း ခေါင်းလောင်းကြီးပြုတ်ကျလာရင် ဘယ်လိုလုပ်မလဲ။
ကျွန်တော် မဝင်ပါဘူးလို့ ပြန်ဖြေလိုက်တယ်။ မင်းဝင်ချင်ရင် ကိုဇော်ဇော် ဒါမှမဟုတ် ခန့်စည်သူနဲ့ဝင်လို့ပြောလိုက်တယ်။ ဒါပေမယ့် မောင်ထူးကမရဘူး။ မင်းနဲ့ပဲ ဝင်ချင်တာဆိုပြီး ကျွန်တော့်ကို ဇွတ်ဆွဲခေါ်တယ်။ တခြားလူတွေလည်း ရှိနေတာမို့ ကျွန်တော်မရုန်းဖြစ်ပေမယ့် စိတ်ထဲမှာတော့ မကြည့်ပါ။ ဒါမောင်ထူးက ကျွန်တော့်ကို သေကြောင်းကြံစည်နေတာမဟုတ်လား။
အပြန်ကျတော့ မောင်ထူးက ဆိုင်ကယ်မောင်းနေတဲ့ ကျွန်တော့်ခါးကိုလာဖက်တယ်။ ကျွန်တော်အဖက်မခံဘူး။ လာဖက်တဲ့သူ့လက်တွေကို ရိုက်ထုတ်ပြစ်လိုက်တယ်။ ညဘက်အိပ်တော့လည်း မောင်ထူးကိုကျောပေးပြီး အိပ်တယ်။ ဒါပေမယ့်မရပါဘူး။ မောင်ထူးက ဇွတ်တွေဆွဲတယ်။ ဖက်တယ်။ သူ့လက် ကျွန်တော့်ကိုလာထိတိုင်း ကျွန်တော်ကလည်း ခြေထောက်နဲ့ကန်ပစ်လိုက်တယ်။ နှစ်ယောက်သာ သတ်နေကြတာ တဒုန်းဒုန်းနဲ့။
ကျွန်တော်တို့အိမ်က အသားအိမ်ကိုမှ နှစ်ထပ်ဆောက်ထားတာ။ အောက်ထပ်ကတော့ ဟာလာဟင်းလင်း။ အနောက်ပိုင်းတစ်ခန်းကိုသာ အခန်းသဘောမျိုးကာရံထားတယ်။ အဲ့အခန်းမှာ အမေနဲ့မမ အိပ်တယ်။ အပေါ်ထပ်မှာကျတော့ အခန်းတစ်ခန်းလုပ်ထားတယ်။ ဖေဖေရှိတုန်းကတော့ မမအိပ်ဖို့ပေါ့။ သူကမိန်းကလေးဆိုတော့လေ။ အမေနဲ့အဖေက အောက်ကအခန်းထဲမှာအိပ်ပြီး မမကအပေါ်ထပ်ကအခန်းထဲမှာအိပ်။ ကျွန်တော်ကတော့ ယောက်ျားလေးဆိုတော့ ဘုရားစင်ရှေ့မှာအိပ်။ အဖေဆုံးသွားတော့ အမေကမမကို သူနဲ့ခေါ်အိပ်တယ်။ ကျွန်တော့်ကို မမအခန်းပေးလိုက်တယ်။ အခုတော့ မောင်ထူးနဲ့ကျွန်တော်ပေါ့။ ကိုဇော်ဇော်က တစ်ယောက်တည်း အိပ်မှအိပ်ပျော်လို့ပါဆိုပြီး ဘုရားစင်ရှေ့မှာ သွားအိပ်တယ်။
အိမ်အပေါ်ထပ် အောက်ခင်က အသားခင်းထားတာမို့ ကျွန်တော်တို့နှစ်ယောက် တဒုန်းဒုန်းလှုပ်နေရင် ကိုဇော်ဇော်အိပ်ပျော်မှာမဟုတ်တော့ဘူး။ ကျွန်တော် နည်းနည်းတော့ အားနားသွားတယ်။ ဒါပေမယ့်လည်း ဒီညတော့ မောင်ထူးကို ကျွန်တော့်အနား အကပ်မခံချင်ဘူး။ ဒီနေရာမှာကျတော့ မိန်းကလေးမဟုတ်တာ နာတာပဲ။ မိန်းကလေးသာဆိုရင် ကျွန်မကို စိတ်ပိုင်းဆိုင်ရာ နှောက်ယှက်မှု ပေးနေပါတယ်ဆိုပြီး အမျိုးသမီးရေးရာကို တိုင်လို့ရဦးမယ်။ အခုတော့...
"တဒုန်းဒုန်းနဲ့ အိမ်ဖြိုနေတာလား"
အောက်ထပ်ကနေအမေက လှမ်းအော်တယ်။
အမေကပါပြောနေပြီမို့ ကျွန်တော်မောင်ထူးကို လွှတ်ပေးလိုက်တယ်။ ခြေထောက်နဲ့မကန်တော့ဘူး။ ဒါကို မောင်ထူးက အခွင့်ကောင်းယူပြီး ငြိမ်သွားတဲ့ ကျွန်တော့်ကို သူ့ဘက်ဆွဲပြီးဖက်တယ်။
"စိတ်ဆိုးနေတာလား"တဲ့ နားရွက်နားကပ်ပြီးမေးတယ်။
"ငါ့ကိုသေကြောင်းကြံစည်တဲ့ကောင်နဲ့ ဘာစကားမှပြောစရာမရှိဘူး"လို့ပြန်ပြောလိုက်တယ်။ မောင်ထူးက ဘာကိုသဘောကျသွားမှန်းမသိဘူး။ တစ်ကိုယ်လုံး တသိမ့်သိမ့်တုန်အောင် ရယ်နေတယ်။ ကျွန်တော်စိတ်တိုတိုနဲ့ မျက်လုံးလှန်ပြီး သူ့ကိုမော့ကြည့်လိုက်တယ်။ မော့လိုက်ချင်းချင်းပဲ မောင်ထူးက ကျွန်တော့်နဖူးကို ပြွတ်ကနဲနေအောင် တစ်ချက်နမ်းလိုက်တယ်။ ပြီးတော့ ကျွန်တော့်ဆံပင်တွေထဲကို သူ့လက်ချောင်းတွေနဲ့ ထိုးမွပြီး ခပ်တင်းတင်းဆွဲဖက်တယ်။ ပါးစပ်ကနေလည်း ပြောနေသေးတယ် "အူယားလို့သေတော့မယ်..."တဲ့။
မောင်ထူးက ကျွန်တော်နဲ့တွေ့တိုင်း အူယားတယ်ချည်းပဲပြောနေတာ ခဏခဏပဲ။ ကျွန်တော် သိပ္ပံပညာရှင်ဖြစ်မှ အူယားရင်ကုပ်လို့ရတဲ့တုတ်တံ တီထွင်ဦးမယ်။ ပြီးရင်မောင်ထူးကို လက်ဆောင်ပေး။ အူကဗိုက်ထဲမှာဆိုတော့ ဘယ်ကနေကုပ်ရမလဲ။ ပါးစပ်ထဲကနေ လှမ်းကုပ်ရမလား။ ဒါမှမဟုတ် ဖင်ထဲကနေ လှမ်းကုပ်ရမလား။ ဒါဆို အချောင်းလေးမှအဆင်ပြေမှာပေါ့။ အဲ့တာမှ ထိုးထည့်လို့ရမှာ။ ဒါမှမဟုတ် ဆေးဆိုရင်ရော။ အူယားပျောက်ဆေးဆိုပြီးထုတ်။ အူယားလာရင် အဲ့ဆေးလေးသောက်ပျောက်။ ဘယ်လောက်မိုက်လဲ....
------------------------------------------------------
နံနက်ခင်းရောက်တော့ ကျွန်တော်အစောကြီး အိပ်ရာထတယ်။ မောင်ထူးတို့ကို မုန့်ပျားသလက်(မုန့်ပစ်သလက်) ကျွေးချင်တာမို့။ ရွာကမုန့်ပျားသလက်ဆိုင်က နံနက်လေးနာရီလောက်ဆို စလုပ်နေပြီ။ နည်းနည်းလေးနောက်ကျတာနဲ့ မမှီတော့။ အဲ့တာကြောင့် မုန့်ပျားသလက်စားချင်တဲ့နေ့ဆို အစောကြီးထပြီး သွားဝယ်ရတယ်။
မုန့်ပျားသလက်က အနီနဲ့အဖြူဆိုပြီး နှစ်မျိုးလုပ်ရောင်းတယ်။ အဖြူကတော့ ရိုးရိုးဆန်မှုန့်၊ အနီကကျတော့ ထန်းလျက်နဲ့ရောထားတာ။ လူအတော်များများက အနီကြိုက်ကြတာဆိုပေမယ့် ကျွန်တော်ကတော့ အဖြူကိုသာကြိုက်တယ်။ အဲ့တာကြောင့်အဖြူပဲဝယ်မယ်။ ကျွန်တော်မကြိုက်တဲ့မုန့်ကို ကျွန်တော့်ရှေ့လာစားပြရင် သေအောင်မုန်းတာမို့။
ကျွန်တော်ပြန်လာတော့ မောင်ထူးကနိုးနေပြီ။ ကိုဇော်ဇော်က သစ်ပင်ခုတ်ပေးနေတယ်။ မမကအောက်ကနေ ဟိုကိုင်းဒီကိုင်းနဲ့ ညွှန်ကြားနေတယ်။ မမကတော့လေ ဧည့်သည်တွေကို ပြန်ပြီးခိုင်းနေရတယ်လို့။ တော်သေးတာပေါ့ မောင်ထူးကိုမခိုင်းလို့ ခိုင်းလည်းသူကလုပ်တတ်မှာမဟုတ်ဘူး။
ကျွန်တော့်ကိုမြင်တော့ မောင်ထူးက အပြေးလာကြိုတယ်။
"ဘယ်တွေသွားနေတာလဲ... ဒီမှာစိတ်ပူနေတာမသိဘူးလား"
သူစိတ်ပူရအောင် ကျွန်တော်က သုံးနှစ်သားလေးလား။ ရန်မဖြစ်ချင်တာနဲ့ မောင်ထူးကိုတော့ ဘာမှပြန်မပြောဖြစ်ပါဘူး။ မုန့်ပျားသလက်သွားဝယ်တာလို့ပဲ ပြောလိုက်တယ်။ ကျွန်တော်အိမ်ထဲကိုဝင်တော့ မောင်ထူးကအနောက်ကနေ တကောက်ကောက်လိုက်တယ်။ ဒီကောင်ဘာဖြစ်ချင်နေတာလဲ။
"ဘယ်လိုဖြစ်လို့ အနောက်ကနေ တကောက်ကောက်လိုက်နေတာလဲ....အမေနဲ့မမတစ်မျိုးထင်ကုန်မယ်လေ..."
"မနေ့ကကိစ္စကို စိတ်ဆိုးနေတုန်းပဲလား"တဲ့ မောင်ထူးက မေးတယ်။
"စိတ်ဆိုးနေတုန်းပဲဆို ဘာလုပ်မလို့လဲ"
"ချော့မလို့"
ကျွန်တော် တစ်သက်နဲ့တစ်ကိုယ် တစ်ခါမှအချော့မခံရဖူးခဲ့။ ကျွန်တော်အမေကတောင် မချော့မော့ဖူး။ ဒီဟင်းကြီးမကြိုက်ဘူးဆိုပြီး အငတ်ခံဆန္ဒပြလည်း ထမင်းငတ်တာပဲ အဖက်တင်တယ်။ ချော့မော့ပြီးဘာမှမကျွေးခဲ့။ မောင်ထူးက ချော့မယ်ဆိုတော့ နည်းနည်းတော့ စိတ်ဝင်စားမိတယ်။ မသိစိတ်က အချော့ခံချင်နေတာထင်တယ်။
အမေတို့ကို အပြင်ခဏလို့ပြောပြီး မောင်ထူးနဲ့အတူတူထွက်လာခဲ့တယ်။ အိမ်မှာအချော့ခံလို့မဖြစ်ဘူးလေ။ အမေတို့ရိပ်မိကုန်မှဖြင့်။
ကျွန်တော်တို့ရွာဘုရားက တောင်ထိပ်မှာ။ ဆိုင်ကယ်နဲ့ဆို (15)မိနစ်လောက်တော့ မောင်းရတယ်။ တောင်တစ်ဝက်လောက်အထိတော့ ဘုန်းကြီးကျောင်းတွေရှိတယ်။ ခရီးတစ်ဝက်ကျော်ရင်တော့ ဘာကျောင်းမှမရှိတော့ဘူး။ ဘေးတစ်ဖက်တချက်စီမှာ စိမ်းစိမ်းစိုစိုနဲ့ တောပင်တွေချည်းပဲ။ မောင်ထူးကို အဲ့နေရာအထိ ခေါ်သွားလိုက်တယ်။ သစ်ပင်အကြီးကြီးရှိတဲ့နေရာမှာ ဆိုင်ကယ်ရပ်တယ်။ တောင်ထိပ်ပိုင်းရောက်ဖို့ သိပ်မလိုတော့ဘူးမို့ လေကတဟူးဟူးနဲ့ တိုက်ခတ်နေတယ်။
"ချော့လို့ရပြီ" ကျွန်တော်ပြောလိုက်တော့ မောင်ထူးကကြောင်တောင်တောင်နဲ့ ကြည့်နေတယ်။ ပြီးမှသဘောတကျရယ်ပြီး
"ဒီနေရာမှာ အချော့လာခံတာပေါ့"ဆိုပြီး ကျွန်တော့်အနားကို ဝင်ထိုင်တယ်။ ကျွန်တော်ကစိတ်ဆိုးနေတာမို့ မျက်နှာခပ်တည်တည်နဲ့ပဲ ခေါင်းညိတ်ပြလိုက်တယ်။ မောင်ထူးက စပ်ဖြီးဖြီးနဲ့။ ချော့မယ့်သူက ပြောင်စပ်စပ်နဲ့မို့ ကျွန်တော်မျက်မှောင်ကုတ်ပြီးကြည့်လိုက်တော့ မောင်ထူးက ကျွန်တော့်ကိုဆွဲပြီး ရင်ခွင်ထဲထည့်တယ်။ တင်းတင်းဖက်တယ်။ နဖူးကိုနမ်းတယ်။ ဒါကချော့နေတာလား။
မဟုတ်သေးပါဘူး။ ကျွန်တော်ထင်နေတာက မောင်ထူးကကျွန်တော့်ကို တောင်းပန်မယ်။ ဒါနောက်ဆုံးပါ နောက်မဖြစ်စေရဘူးဆိုပြီး။ ကျွန်တော်က ဘာစကားမှပြန်မပြောဘဲ ခပ်တည်တည်နဲ့နေမယ်။ မောင်ထူးက မရမကတောင်းပန်မယ်။ သူဘယ်လောက်ချော့ချော့ ကျွန်တော်ကခပ်တည်တည်ပဲနေနေမယ်။ အဲ့လိုလည်းမဖြစ်သေးပါဘူး။ သူဒီလောက်တောင်းပန်နေတာကို ကျွန်တော်ကဂရုမစိုက်ဘူးဆိုရင် ဘယ်အချိန်မှာ စိတ်ဆိုးပြေရတော့မလဲ။
"ဘာတွေတွေးနေတာလဲအထူးလေး..."
ကျွန်တော်အတွေးလွန်နေပြန်ပါပြီ။ မောင်ထူးအသံကြားမှပဲ အသိပြန်ကပ်တော့တယ်။ မောင်ထူးက ကျွန်တော့်ကိုဖက်ထားတုန်းပဲ။ မျက်နှာကလည်း အခုထိစပ်ဖြဲဖြဲလုပ်နေတုန်း။
"အခုစိတ်ဆိုးပြေပြီလား ကိုယ့်အထူးလေး..."မောင်ထူးကထပ်ပြောလိုက်တယ်။
ကျွန်တော် သွားတွေပါ ကျိမ်းခနဲဖြစ်သွားတယ်။ ဘာ။ ကိုယ့်အထူးလေး။ ဘယ်လိုတွေခေါ်နေတာလဲ။
လူရှင်းတဲ့နေရာခေါ်လာမိတာ မှားပြီထင်ပါတယ်။ သူဒီလိုချော့လိမ့်မယ်လို့ သိမှမသိဘဲ။ နို့မို့ဆို အချော့မခံပါဘူး။
"ဟော...ပြောနေရင်းနဲ့ တွေးနေပြန်ပြီ...."
မောင်ထူးက ပြောပြောဆိုဆိုနှင့် သူ့ရဲ့လက်တွေနဲ့ ကျွန်တော့်မျက်နှာကို ဆွဲမော့လိုက်တယ်။ ညင်ညင်သာသာလေး။ ပြီးတော့ ကျွန်တော့်ပါးနှစ်ဖက်ကို သူ့ရဲ့လက်မ,နှစ်ဖက်နဲ့ ထိပွတ်ပြီး "ဖြစ်နိုင်ရင် မင်းဦးနှောက်ထဲ ဝင်နေလိုက်ချင်တယ်"တဲ့ သူကပြောတယ်။ ကျွန်တော်တစ်ခုခုပြန်ပြောဖို့ ပါးစပ်ဟပြီးမှ ဘာပြန်ပြောရမှန်းမသိဘူးဖြစ်နေတယ်။
"ချစ်စရာကောင်းလိုက်တာကွာ..."
မောင်ထူးဆီကပဲ အသံထပ်ထွက်လာတယ်။ တဆက်တည်းမှာပဲ ခပ်ဟဟဖြစ်နေတဲ့ ကျွန်တော်နှုတ်ခမ်းတွေကို သူ့နှုတ်ခမ်းတွေနဲ့ လာရောက် ထိကပ်တယ်။
ထူးအောင်။ ။"(●__●)"
######################
စစ်ကိုင်းအကြောင်းက ရေးရင်ပြီးမှာမဟုတ်တော့ဘူး။ အဲ့တာကြောင့် ဘုရားသမိုင်းတွေဘာတွေထည့်မရေးတော့ဘူးနော်။