သခင်🔥
----------
"ကျွန်တော် ဒီအိမ်မှာမနေချင်တော့ဘူး..မားချန်ခဲ့တယ့် Condo မှာရှောင်းကျန့်နဲ့အတူ သွားနေမယ် "
ခွင့်တောင်းတာမဟုတ်ပဲ အသိပေးရုံမျှသာ..၊ ရှားရှားပါးပါး Breakfast ဝိုင်းဟာ.လူစုံနေပေမယ့် ရိပေါ့်စကားတစ်ခွန်းကြောင့် အရာအားလုံးဟာတိတ်ဆိတ်ကုန်သည်..။
ဝမ်ပါးးက သက်ပြင်းသာဖွဖွချပြီး..
" ရိပေါ်...ပါးကိုစိတ်ဆိုးနေမှန်းသိပါတယ်..ဒါပေမဲ့.."
"ကျွန်တော်စိတ်မဆိုးဘူး..မားးနေရာမှာဘယ်သူမဆို ပါးးအစားထိုးလို့ရတယ်..၊ ဒါပေမဲ့ အဲ့လူက ဘာလို့ ဝူချန်ကောဖြစ်နေခဲ့တာလဲ? "
ရှောင်းကျန့် နဲ့ ဝူချန်မှာ နားထောင်သူသက်သက်သာ လုပ်နေပြီး ဝင်ပြောခြင်းမရှိ..၊ သားအဖနှစ်ယောက်ရဲ့ ရင်ထဲက ပဋိပက္ခကို အဆုံးစွန်းထိဖြေရှင်းခွင့် ပေးထားပုံပေါ်သည်..။
"ပါးးတောင်းပန်ပါတယ်.."
"အဟက်..! ဒါဆို ကျွန်တော်လဲပြောလိုက်မယ် ပါးးကိုခွင့်မလွှတ်ဘူး..အစကတည်းက ဝူချန်ကောကိုချစ်ရင် လက်ထပ်ပြီးမှ အိမ်ထဲခေါ်ခဲ့ပါလား? နုနယ်လွန်းတဲ့ ကျွန်တော့်နှလုံးသားမှာ ၉ နှစ်တောင် ဝူချန်ဆိုတဲ့ ရောဂါဆိုးကြီးက တွယ်ကပ်လာခဲ့တာ ဘယ်သူ့ကြောင့်လဲ..?အဲ့ဒါကို တောင်းပန်တယ်ဆိုတဲ့ စကားနဲ့သင်ပုန်းချေမလို့လား?"
ဝမ်ပါးမှာ ပြောစရာစကားကုန်ဆုံးသွားသည့်နှယ်..ထိုစကားစုကိုသာ ထပ်တလဲလဲနှင့်..
"ပါးးတောင်းပန်ပါတယ်..."
"တိတိ...ကျေးဇူးပြုပြီးတော့ ကောရှင်းပြတာနားထောင်ပေးပါ "
တိုးသဲ့သော အသံလေးက အားတုံ့အားနာဖြစ်နေပုံပင်...၊ ရိပေါ်မှာ အရမ်းကိုသနားစရာကောင်းသော ထိုစုံတွဲကြောင့် မိမိမှာ ဗီလိန်နေရာသို့ ရောက်ရှိသွားသလိုခံစားရသည်...။
"မရှင်းပြနဲ့ ကောကိုလဲ ခွင့်မလွှတ်ဘူး ဒီအိမ်ကြီးက ကျွန်တော်ထွက်သွားတာနဲ့ နှစ်ယောက်လုံးက ဘာကိစ္စနဲ့မှ မဆက်သွယ်နဲ့..၊ ဝမ်အိမ်ရဲ့ သားဝမ်ရိပေါ် က သေဆုံးသွားပြီ.."
"ဝမ် ရိ ပေါ်! "
ဝမ်ပါးအသံက ဆို့နင်နေသော်လည်း..ရိပေါ်က ဟက်ခနဲရယ်ချလိုက်ကာ..
"သွားမယ်..ရှောင်းကျန့် အပေါ်ထပ်မှာ အဝတ်တွေသွားသိမ်းရအောင်.."
ထမင်းစားခန်းထဲမှ ထွက်ရန်ပြင်နေခါမှ ဝူချန် အသံက ကောက်ကာငင်ကာနဲ့..
"အဲ့ကောင်ကို ယုံပြီး တိတိက ဒီအိမ်ထဲက ထွက်သွားဖို့ပြင်နေတယ်ပေါ့..အရမ်းကြီးမိုက်မဲရာမကျဘူးလားဟမ်! သူ့မှာ Ray ရှိတယ်ဆိုတာ တိတိမသိဘူးလို့မပြောနဲ့နော်.."
ရှောင်းကျန့် က တစ်ခုခုဝင်ပြောရန်ပြင်လိုက်သော်လည်း ရိပေါ်အသံက ကြားဖြတ်ထွက်လာပြီး..
"ခုချိန်မှာ ကျွန်တော့်က ဘယ်သူ့ကိုသွားယုံကြည်ရမှာလဲ? ပါးးကိုလား.ဒါမှမဟုတ် ကော ကိုလား? အဟက် နှစ်ယောက်စလုံးကို ယုံရမှာလန့်နေပြီ..၊ ဒါကြောင့် အပြင်လူကိုပဲ အားကိုးလိုက်တော့မယ် "
ရိပေါ်က အလျင်တဆောနဲ့ လှေကားထစ်တွေပေါ် တစ်ဒုန်းဒုန်းပြေးတတ်သွားသော်လည်း ရှောင်းကျန့်က အနည်းငယ် နောက်ချန်ရစ်ခဲ့ကာ ဝမ်ပါးအား ကြည့်လိုက်ပြီး..
"စိတ်မပူပါနဲ့ Uncle ကျွန်တော် Kid ကို သေချာစောင့်ရှောက်မှာပါ "
သူ့စကားအဆုံးမှာ
"မင်းက..ဘာကောင်မို့လို့.."
"တော်တော့ ဝူချန်..ရှောင်းကျန့်လဲသွားတော့ ရိပေါ့်ကိုဒီနေ့ကစပြီး မင်းလက်ထဲအပ်လိုက်ပြီ၊ အဖေတစ်ယောက်တာဝန်မကျေခဲ့လို့ Uncle က တောင်းပန်ပါတယ် "
ဝမ်ပါးးနဲ့အဆင်ပြေသလောက် ဘေးက ဝူချန်ကတော့ သူ့ကိုစောင်းကြည့်နေတာကြောင့် ရှောင်းကျန့်မှာ စိတ်ညစ်ရပြန်သည်..။ သူ့အပေါ် ဘာအမှားလဲ မလုပ်မိပါပဲနဲ့ ဘာလို့ငါ့ကိုအဲ့လောက်ထိ အမြင်မကြည်ရတာလဲ?
****
"ဘယ်လိုလဲ My son "
ဖုန်းထဲက Daddy အသံက လှောင်ရိပ်လွှမ်းနေမှန်း Ray သိသည်..၊ မနေ့က မိုးမိသွားတာမို့ လူကမလန်းမဆန်းဖြစ်နေပါတယ်ဆို..ခုလို ဖုန်းဆတ်ပြီး Pressure လာပေးတော့ ခေါင်းတောင်ကိုက်ချင်လာတယ်..။
"Dad ဒီကိစ္စကို ကိုယ့်ဘာသာကိုယ်ရှင်းမှာနော်..ကျေးဇူးပြုပြီး Dad က ဝင်မပါပါနဲ့.."
"Ok မင်းမွေးနေ့ Light ကို ပြန်ခေါ်လို့ရရင်ခေါ်ခဲ့..ဒါမှမဟုတ် My son မှာအဖြစ်ရှိဘူးဆိုရင် ဝမ်ရိပေါ်ရင်ခွင်ထဲထားပြီး တစ်ခါတည်းနှုတ်ဆတ်ခဲ့လိုက်..၊ Dad က အခွင့်အရေးပေးပြီးပြီမို့ ပြန်လာရင် စီးပွားရေးကို လက်လွှဲယူဖို့အသင့်ပြင်ထား.."
ဘာတစ်ခုမှပြန်မပြောမိ..အားလုံးကိုချုပ်ပြီး တုပ်ပြီးလုပ်ကာ နောက်ဆုံးတော့ဒီဘူတာကိုသာဆိုက်သည်..။သို့ပေမဲ့ Dad ဘက်က တစ်ဝါးဝါးအော်ရယ်သံကြီးက ကြောက်ခမန်းလိလိ ထွက်လာကာ..
"Good Luck My son "
Good Luck တဲ့...
အဲ့စကားလုံးက ကျွန်တော့်အတွက် မဖြစ်နိုင်တော့ဘူး ထင်ပါတယ်..။
******
Condo ခန်းလို့သာဆိုပေမယ့် အတော်ကလေးကိုကောင်းမွန်တဲ့ အမျိုးအစားထဲမှာပါဝင်သည်..၊ ဖုန်အနည်းငယ် ထူနေတာက လူမနေတာကြာလို့ထင်ပါရဲ့..
ရှောင်းကျန့်မှာ Suitcase နှစ်ခုကိုဧည့်ခန်းထဲအသာချပြီး..Sofa ပေါ် လျော့တိလျော့ရဲထိုင်နေသော ရိပေါ့်ကိုကြည့်ကာ..
" တစ်ခုခုချက်ပေးရမလား? Minimark နဲ့ နီးနီးလေး..လိုအပ်တာတွေသွားဝယ်လိုက်မယ်.."
" မဝယ်နဲ့ ငါအိပ်ချင်နေတာမို့ အခန်းသွားရှင်းပေး"
"အင်း..ခဏပဲစောင့် "
ရိပေါ်မှာ မျက်လုံးမှိတ်ရက်ပင်..
" အခန်းက နှစ်ခန်းရှိပေမယ့် တစ်ခန်းပဲရှင်းနော် ဘာလို့လဲလို့မမေးနဲ့ မင်းကငါ့နဲ့အတူတူအိပ်ရမှာ"
Sofa ပေါ်က လူသားလေးကို နောက်တစ်ကြိမ်ပြန်စောင်းကြည့်မိသွားတယ်..၊ မျက်လုံးမှိတ်ထားပေမယ့် နှုတ်ခမ်းကလေးထော်ကာ ပါးနှစ်ဖက်က ရဲနေသေးသည်..။ ကျစ်! အသဲယားလို့သေတော့မှာ..
" ရှောင်းကျန့်..ငါ့ကိုထားခဲ့လို့မရဘူးနော် မင်းကိုယုံပြီး အိမ်ကထွက်လာတာ.."
"ကိုယ် သိပါတယ်.."
"သွားတော့ ငါ့ကိုလာကြည့်မနေနဲ့.."
ခန္ဓာကိုယ်ကို တစ်ပတ်လှည့်ပြီး မျက်နှာကိုSofa နဲ့ဖိကပ်ပြီး ဝှက်ထားပစ်လိုက်ပေမယ့် နှာခေါင်းထဲအလုံးအရင်းဝင်လာတဲ့ ဖုန်မှုန့်တွေကြောင့်..
"အဟွတ်..ဟွတ်..ဖူး..! "
"Kid အဆင်ပြေရဲ့လား? "
"Ya!ငါ့အနားကိုမလာခဲ့နဲ့..သွား.."
"အမ်!"
ကမူးကရူးနဲ့ ဝရန်တာကို ပြေးထွက်သွားသော ကောင်ငယ်လေးကြောင့် ရှောက်းကျန့်မှာ တုံဏှိဘာဝေးနဲ့..
"Kid က ရုတ်တရတ်ကြီးဘာထဖြစ်တာလဲ? "
ဝရန်တာတံခါးကို ဝုန်းခနဲပိတ်ချလိုက်ပြီး ရိပေါ်ပြုံးလိုက်မိပြန်တယ်..၊ ကျစ်! ဘာလို့ အိမ်အသစ်ပြောင်းလာတဲ့ စုံတွဲတွေလိုမျိုးခံစားနေရတာပါလိမ့်..၊ ငါတကယ်ပဲ ရှောင်းကျန့်ကိုကြိုက်နေမိပြီလား?
*****
**Light နဲ့ပတ်သတ်ပြီး ငါဆွေးနွေးချင်တယ်**
Unknown Contact ဖြစ်ပေမယ့် ဘယ်သူလဲဆိုတာ ရိပေါ်သိပြီးသား..၊ သူ့ဖုန်းနံပါတ်ကို ဘယ်လိုရသွားလဲ မသိပေမယ့် Rayက ေရှာင်းကျန့်နဲ့ဆက်သွယ်၍ မရတာတော့ ကျိန်းသေသည်..။
နယ်စပ်က ဝယ်လာကတည်းက ရှောင်းကျန့်ဆိုတာ အဝတ်တစ်ထည်ကိုယ်တစ်တစ်ခုနဲ့ မဟုတ်ဘူးလား? အရူးကောင် Ray က ဘာကိုများဆွေးနွေးချင်တာလဲ?
"Kid...ညစာစားတော့မလား? "
ဖုန်း စ ခရင်ကို တစ်တောက်တောက်ခေါက်ရင်း မီးဖိုခန်းဘက်ကို စောင်းကြည့်မိတယ်..။ အရပ်မြင့်မြင့်လူရွယ်တစ်ယောက်က ညစာစားဖို့ဆော်သြနေသော်လည်း ရိပေါ်က ဟက်ခနဲရယ်ရင်း..
"မဆာသေးဘူး.."
ထိုအချိန်မှာပဲ ဖုန်းထဲနောက်ထပ်စာတစ်စောင်က အချိန်ကိုက်ပင်..
**ဆယ်မိနစ်ပဲ အချိန်ရမယ် အမြန်ထွက်လာခဲ့..ဆွေးနွေးလို့မရရင် ငါကလုယူမှာ..**
လုယူမှာတဲ့လား?
ဟင့်အင်း ပြန်မပေးနိုင်ဘူး..
အလျင်တဆောနဲ့ စာပြန်မိတာက..
^^ ငါ ခုချက်ချင်းထွက်လာပြီ^^
"Kid ဘယ်သွားမလို့လဲ? "
အေပရွန်ကြီးဝတ်ကာ.ကလန့်ကလားအရပ်ကြီးနဲ့ သူ့ဆီပြေးလာသော ရှောင်းကျန့်ကိုကြည့်ပြီး ရိပေါ်မှာ မပြုံးချင်ပေမယ့် ပြုံးလိုက်ရင်း..
"အိမ်ထဲကနေ အိမ်အပြင်ကိုမထွက်နဲ့.."
"ကိုယ် လဲ လိုက် မယ် လေ "
" မ လို ဘူး.."
မင်းကို ငါ့ဆီကမှ ဘယ်တော့မှထွက်သွားခွင့်မပြုနိုင်ဘူး..ရှောင်းကျန့် ။
________________________သခင်🔥
1441 Words (18.12.2020) 9:45PM
Thanks you fir Reading
#Sanaymoeswe🐉 (စနေမိုးဆွေ)📝