ရန်ကုန်ကနေ ည(7)နာရီမှာ စထွက်လာတာ။ စစ်ကိုင်းကားကြီးကွင်းကို မနက်လေးနာရီကျော်ကျော်လေးမှာရောက်တယ်။ ဧည့်သည်တွေပါလာတယ် လာကြိုကြဆိုပြီးဖုန်းဆက်ထားတာမို့ ရွာကသူငယ်ချင်းတွေက ရောက်နှင့်နေကြပြီ။ ကျွန်တော်တို့က သုံးယောက်မို့ ဆိုင်ကယ်သုံးစီးလာကြိုတယ်။ မောင်ထူးက ကျွန်တော်နဲ့အတူတူစီးချင်တယ်လို့ဂျစ်တယ်။ အဲ့တာနဲ့ ကျွန်တော်နဲ့မောင်ထူးက တစ်စီးဖြစ်သွားတယ်။ ကျွန်တော်ကအရှေ့ကမောင်း၊ မောင်ထူးကအနောက်ကထိုင်။
မောင်ထူးက အနောက်ကနေ ကျွန်တော့်ခါးကိုဖက်ပြီးလိုက်လာတယ်။ အစကတွေးထားတာ ကျွန်တော်တို့ကိုလာကြိုတဲ့ကောင်တွေထဲက ဆိုင်ကယ်အကျွမ်းဆုံးကောင်နောက်ကနေ ကျွန်တော်လိုက်မယ်လို့။ ဒါမှ ဆိုင်ကယ်လဲမှာတွေ ဘာတွေမဖြစ်မှာ။ အခုတော့ မောင်ထူးဂျစ်တာနဲ့ ကိုယ်တိုင်မောင်းနေရတယ်။ ပြီးတော့ မောင်ထူးနဲ့အတူ ဆိုင်ကယ်စီးရတာလည်း စိတ်မရဲဘူး။ မတော်လို့ ဆိုင်ကယ်ဘီးထဲ ခြေထောက်ထည့်လိုက်မှဖြင့် ကျွန်တော်ပါ မသာပေါ်နေမယ်။ အဲ့ဒါနဲ့ ဆိုင်ကယ်ဘီးထဲခြေထောက်ထည့်ဖို့ တွေးမနေနဲ့နော် ငါမသေချင်သေးဘူးဆိုပြီး သတိပေးလိုက်တော့ မောင်ထူးကရယ်တယ်။
နာရီဝက်လောက်မောင်းပြီးတော့ ရွာကိုရောက်တယ်။ အမေက ထမင်း၊ဟင်းတွေချက်နေပြီ။ ကျွန်တော်တို့ကတော့ မျက်နှာသစ်ပြီး အိပ်ပစ်လိုက်ကြတယ်။ နေ့လယ် (11)နာရီထိုးမှ နိုးတယ်။ ကျွန်တော်နိုးတော့ မောင်ထူးတို့က အိပ်တုန်းရှိသေးတယ်။ ထမင်းစားချိန်လည်းရောက်နေပြီမို့ သူတို့ကိုပါနှိုးလိုက်တယ်။
ဧည့်သည်တွေပါလို့ထင်ပါတယ် အမေဟင်းချက်ထားတာ ရှယ်ပဲ။ ကျွန်တော်အရမ်းကြိုက်တဲ့ ငါးရေကျိုချက်ပါတယ်။ ဝက်သားသုံးထပ်သားချက်၊ ငရုတ်သီးငံပြာရည်ချက်၊ အတို့အမြုပ်၊ အချဉ်သုပ်။ စုံလို့။ မောင်ထူးနဲ့ ကိုဇော်ဇော်က ဇွန်း၊ခရင်းနဲ့စားနေကျဆိုပေမယ့် အိမ်မှာတော့ ဇွန်းပဲရှိတာမို့ ဇွန်းနဲ့ပဲစားခိုင်းလိုက်ရတယ်။ ကျွန်တော်ကတော့ ရောက်တုန်းရောက်ခိုက် အမေ့လက်ရာကို လက်နဲ့အားရပါးရစားပစ်မယ်။
မောင်ထူးက ဘာဟင်းတွေကြိုက်မှန်း ကျွန်တော်မသိဘူး။ လူလေးက ငါးမကြိုက်ဘူးလားဆိုတဲ့ အမေ့အသံကြားမှ ငါးဟင်းထည့်မစားမှန်းသိတယ်။ ကျွန်တော်နည်းနည်းတော့ အားနာသွားတယ်။ မောင်ထူးတို့အိမ်မှာဆို အမြဲတမ်းကျွန်တော်ကြိုက်တာတွေချည်းပဲ ချက်ကျွေးခဲ့တာ။ ငါးဟင်းမကြိုက်ဘူးလားလို့ ကျွန်တော်မေးလိုက်တော့ မောင်ထူးက ခေါင်းခါပြတယ်။ ပြီးမှ အရိုးဆူးမှာစိုးလို့မစားတာပါတဲ့ ပြန်ဖြေတယ်။
ကျွန်တော် ထမင်းပန်းကန်ထဲကို ငါးဖက်တွေ ဆယ်ထည့်လိုက်တယ်။ အမေက မျက်စောင်းလှမ်းထိုးတာကို မမြင်ချင်ယောင်ဆောင်ပြီး အရိုးနွှင်နေလိုက်တယ်။ နွှင်ပြီးသား အသားတွေကို မောင်ထူးပန်းကန်ထဲ ထည့်ပေးလိုက်တယ်။ ပါးစပ်ကနေလည်း စိတ်ချလက်ချ စားလို့ရတယ်လို့ ပြောလိုက်တယ်။ တကယ်လည်းစားစေချင်တယ်။ ကျွန်တော်တို့ဆီက ငါးက မြစ်ငါးစစ်စစ်ဖြစ်တာမို့ အရမ်းချိုတယ်။ မွေးမြူရေးငါးတွေနဲ့ ဘာဆိုဘာမှမဆိုင်ဘူး အရသာက။ မောင်ထူးက ခေါင်းညိတ်ပြတယ်။ ရတယ် ကိုယ့်ဘာကိုယ်စားလို့လည်းပြောတယ်။ အံသြနေတာကအမေ။ ဘေးကနေ မျက်လုံးပြူးကြီးတွေနဲ့ လိုက်ကြည့်နေတာ။
"အေးမာရေ... လှန်းထားတဲ့အဝတ်တွေသွားရုတ်စမ်း"
ဘာမပြော ညာမပြောနဲ့ထအော်လိုက်တဲ့အမေ့ကြောင့် မောင်ထူးတို့တောင်လန့်သွားရတယ်။ မမက အခန်းထဲကထွက်လာပြီး ဘာဖြစ်လို့လဲအမေလို့ မေးတော့ လေကြီးမိုးကြီးကျလိမ့်မယ်တဲ့ အမေကပြန်ဖြေတယ်။
မောင်ထူးနဲ့ကိုဇော်ဇော်က ကြောင်တောင်တောင်ရယ်။
"အမေရေ..."
ကျွန်တော်အော်မိသွားတယ်။ မမက ဘာဖြစ်လို့လဲဆိုပြီး အနားလာထိုင်တယ်။
ဒီမှာလေ ညည်းမောင်က ငါးရိုးနွှင်ပေးနေတယ်တဲ့ အမေကပြန်ပြောနေတယ်။ မမကလည်း အံ့သြဘနန်းနဲ့ တကယ်ကြီးလားတဲ့။ ကျွန်တော်ငိုချင်စိတ်ပေါက်သွားတယ်။ အရှက်တွေကွဲတော့မယ်လို့လည်း ခံစားနေရတယ်။
ကျွန်တော်တို့ထမင်းစားပြီးတော့ အမေနဲ့မမ ထမင်းစားကြတယ်။ ကျွန်တော်ကတော့ မောင်ထူးတို့ကိုခေါ်ပြီး ခြံထဲက ကွပ်ပစ်လေးပေါ်မှာ သွားထိုင်နေလိုက်တယ်။ ကျွန်တော်တို့အိမ်က အသားအိမ်ကိုမှ နှစ်ထပ်ဖြစ်ပြီး ခြံကလည်းကျယ်တယ်။ ခြံထဲမှာ ဂွေးတောက်စင်ကြီးထိုးထားတယ်။ အဲ့စင်ရဲ့အောက်မှာ လူတွေထိုင်ဖို့ ကွပ်ပစ်ထိုးထားတာ။ အခုကျွန်တော်တို့က အဲ့ဂွေးတောက်စင်အောက်က ကွပ်ပစ်ပေါ်မှာ။
အပြင်ကနေ ထူးအောင်ရေဆိုပြီး မိန်းကလေးတစ်ယောက်ရဲ့ အော်သံကြားတော့ မောင်ထူးကခေါင်းထောင်ကြည့်တယ်။ ဒါနွယ်နီ့အသံပဲ။ သူကအဲ့လိုပဲ လူမရောက်သေးဘူး အသံကအရင်။ နွယ်နီက အားရပါးရအော်ပြီး ခြံထဲကိုဝင်လာတယ်။ မောင်ထူးတို့ကိုမြင်တော့ တိခနဲ့ရပ်သွားတယ်။ အသံရောခြေလှမ်းရော။ ပြီးတော့ ရှက်ကိုးရှက်ကန်နဲ့ ဧည့်သည်တွေရော ပါလာတာလားတဲ့ ကျွန်တော့်ကိုမေးတယ်။ အင်းလို့ ကျွန်တော်ပြန်ဖြေလိုက်တော့ ကျွန်တော်တို့ဆီကို လျှောက်လာတယ်။ မောင်ထူးနဲ့ကိုဇော်ဇော်ကို နွယ်နီနဲ့မိတ်ဆက်ပေးလိုက်တယ်။ တစိမ်းတွေရှေ့မို့ထင်ပါတယ် နွယ်နီကခါတိုင်းလို့ စကားတအားမပြောဘူး။ ခဏကြာတော့ ငါပြန်တော့မယ်ဆိုပြီး ထိုင်ရာမှထတယ်။ ကျွန်တော်သူ့ကိုခြံဝထိ လိုက်ပို့ပေးလိုက်တယ်။
"ဟဲ့...နင့်ဧည့်သည်တွေက ချောတယ်နော်"တဲ့နွယ်နီက စကားစတယ်။ ကျွန်တော်မောင်ထူးတို့ကို လှည့်ကြည့်လိုက်တယ်။ မောင်ထူးက ဆံပင်ထောင်ကေနဲ့။ မျက်နှာကရှည်ပြီး ရှင်းကျနေတယ်။ ကျွန်တော်ကြည့်တော့ ကျွန်တော့်ကိုပြန်ကြည့်နေတယ်။ မောင်ထူးမျက်လုံးက အနေတော်ပဲ။ မျက်ခုံးကလဲ အနေတော်ပဲ။ နှာခေါင်းကဖြောင့်ပြီး နည်းနည်းချွန်နေတယ်။ တစ်ကိုယ်လုံးခြုံကြည့်ရရင်တော့...အင်း။ ချောတယ်။ တကယ်ချောတယ်။
နွယ်နီက ပြန်ဖို့အရေးကို မပြန်ဘဲ မောင်ထူးကိုတကြည့်ကြည့်နဲ့ လုပ်နေတယ်။ ကြာတော့ ကျွန်တော်စိတ်မရှည်ချင်တော့။
"ဘူးမနေနဲ့ သူကအိမ်ထောင်သည်"
ကျွန်တော်ပြောပစ်လိုက်တယ်။ နွယ်နီက မယုံဘူး။ ဟုတ်လို့လားတဲ့။ မယုံတဲ့ပုံစံနဲ့ပြန်မေးတယ်။ မယုံရင်သူ့သွားမေးလို့ပြန်ပြောလိုက်မှ ဟင်...ငယ်ငယ်လေးရှိသေးတာကို နှမြောစရာကြီးတဲ့။ ဖြစ်ရမယ်။ ဟိုကလူသာငယ်တာ။ ဟိုဟာမငယ်ဘူး။ ဟမ့်...နေပါဦး အဲ့လိုပြောရအောင် ငါကမြင်ဖူးလို့လား။
မူးနေတာနဲ့ ဘာမှမသိလိုက်ဘူး။ နောက်များမှ ကြုံရင်သေချာကြည့်ရမယ်။
နွယ်နီက မပြန်ချင့်ပြန်ချင်နဲ့ ပြန်သွားတယ်။ သူပြန်သွားတော့ မောင်ထူးတို့ဘက်ကို ကျွန်တော်ပြန်သွားလိုက်တယ်။ အဲ့ကောင်မလေးက ဘာလဲတဲ့ မောင်ထူးကမေးတယ်။ ငါ့သူငယ်ချင်းလေ ခုနကပဲမိတ်ဆက်ပေးထားတာကို ကျွန်တော်ပြန်ပြောလိုက်တယ်။ ခြံဝမှာ တိုးတိုး,တိုးတိုးနဲ့ ဘာတွေပြောနေကြတာလဲတဲ့ မောင်ထူးကထပ်မေးတယ်။ ကျွန်တော်စိတ်မရှည်ချင်တော့။
"မင်းကိုချောတယ်ဆိုပြီးပြောနေလို့ မင်းကအိမ်ထောင်နဲ့မို့ ပစ်မှားမနေနဲ့လို့ ပြန်ပြောနေတာဟေ့...ရပြီလား"
ဟုတ်တယ်။ စိတ်ကမရှည်တော့ဘူး။ မောင်ထူးက ဘာကိုသဘောကျလို့လဲမသိဘူး ရယ်နေတာတခွီးခွီးနဲ့။
--------------------------------------------------------
ညဘက်ရောက်တော့ အမေရယ်၊ မမရယ်၊ ကျွန်တော်တို့သုံးယောက်ရယ် ဝိုင်းဖွဲ့ထိုင်ပြီး စကားပြောဖြစ်ကြတယ်။ ကျွန်တော်တို့ရွာက တောဆိုပေမယ့် မီးတော့ရှိတယ်။ အခုကတော့ မီးပျက်နေတာပါ။ မီးပျက်နေပေမယ့် လရောင်ကထိန်လို့။ တစ်ယောက်နဲ့တစ်ယောက်ကို သဲသဲကွဲကွဲမြင်ရတဲ့အပြင် အမေလုပ်ကျွေးထားတဲ့ ကန်စွန်းဥယိုနဲ့ လက်ဖက်ကိုပါ ကောင်းစွာမြင်နေရတယ်။
နွရောသီဆိုပေမယ့် သစ်ပင်တွေပေါများတဲ့အတွက် ကျွန်တော်တို့ရွာက တအားမပူ။ တချက်တချက် တိုက်ခတ်လာတတ်တဲ့ လေလေးကြောင့် နေလို့ထိုင်လို့ အရမ်းကောင်းတယ်။ အိမ်အပြင်ဘက် ခြံထဲမှာထိုင်နေကြတာမို့ ကောင်းကင်မှာ မှိတ်တုတ်မှိတ်တုတ်လင်းလက်နေတဲ့ ကြယ်လေးတွေကိုလည်း မြင်နေရတာကြောင့် အရမ်းအရမ်းကိုသာယာနေတယ်။
အမေတို့က မောင်ထူးနဲ့စကားတွေပြောနေကြတယ်။ မိဘတွေအကြောင်း ဘာဘာညာညာပြောနေကြတယ်။ နောက်တော့ ဘယ်ကဘယ်လို ကျွန်တော့်အကြောင်း ရောက်သွားလဲမသိဘူး။ အမေကပြောနေတယ်။
"ထူးအောင်က သားတို့နဲ့တော့ ဘယ်လိုလဲမသိဘူး...အိမ်မှာတော့ ပျင်းလိုက်တာလွန်ရော..."
"ဘယ်မှာပျင်းလို့လဲ" ကျွန်တော်ဝင်ပြောလိုက်တယ်။
အမေက ကျွန်တော့်မကောင်းကြောင်းတွေ ဖောက်သည်ချတယ်။ မမက ဘေးကနေထောက်ခံနေတယ်။
"ထူးအောင်က စိုးရိမ်ကြောင့်ကြကြီးတယ်နော်"တဲ့ မောင်ထူးက အမေ့ကိုပြောလိုက်တယ်။ အမေကပြန်ပြောတယ်။
"အင်း...သူ့အဖွားဆီကအမွေပေါ့။ သူ့အဖွားက အရမ်းစိုးရိမ်ကြောင့်ကြကြီးတာလေ။ ဟိုသွားချင်လို့ဆိုလဲ မသွားရဘူး။ ဘာလုပ်ချင်တယ်ဆိုလဲ မလုပ်ရဘူး။ ဘာဆိုဘာမှ စိတ်ချတယ်လို့မရှိဘူး။ သူ့သားသမီး၊ မြေးမြစ်တွေကို တအားစိုးရိမ်တာ။ စိုးရိမ်ကြောင့်ကြတာချင်းတူပေမယ့် ထူးအောင်နဲ့တော့ နံ့သာဖြူနဲ့အီး။ ဆီနဲ့ရေပဲ။ အဖွားက သူ့သွေးသားတွေကိုစိုးရိမ်တာ ထူးအောင်ကကျတော့ သူ့ကိုယ့်သူစိုးရိမ်တာ။ တခြားလူတွေ ဘာဖြစ်ဖြစ် သူဂရုမစိုက်ဘူး။ အဓိက,က သူဘာမှမဖြစ်ဖို့ပဲ။ တစ်ကိုယ်ကောင်းသမား။ စိတ်ဓာတ်မကောင်းဘူး။ အဲ့တာကြောင့် နေ့လယ်က သားကိုငါးအရိုးနွှင်ပေးနေတာမြင်တော့ အရမ်းကိုအံသြသွားတာ"
အမေ့ရဲ့စကားကို မမကလည်း ဝင်ထောက်တယ်။
"ဟုတ်တယ်မောင်လေးရေ။ ထူးအောင်က သူ့ကိုယ်သူကလွဲရင် ဘယ်သူ့မှချစ်တာမဟုတ်ဘူး။ သူ့ကိုယ်သူတော့ တအားချစ်တာနော်။ တွေးလိုက်ရင်လည်း တဆုံး။ သူ့တွေးသမျှတိုင်းက သူသေရင်သေ မသေရင်ချမ်းသာ ဒါပဲ။"
သားအမိနှစ်ယောက်ပေါင်းပြီး ကျွန်တော့်ကို ဖဲ့နေလိုက်ကြ။ ကျွန်တော်ဘာမှ ဝင်ပြောမနေတော့ဘူး။ ဟုတ်လည်းဟုတ်နေတာပဲဆိုတော့။ ထင်ပါတယ် နေ့လယ်ကတည်းက အရှက်ကွဲတော့မယ်လို့။
"အတွေးဆိုလို့ သူ့အတွေးတွေပြောပြဦးမယ်။ ထူးအောင်ငယ်ငယ်ကပေါ့။ သားရေ အမေ့ကိုမီးခြစ်လေး ဝယ်ပေးပါဦးဆိုတော့ သူမျက်စိကန်းမှာစိုးလို့တဲ့ မဝယ်ပေးဘူး။ မျက်လုံးကဘာလို့ကန်းရမှာလဲ သွားဝယ်ချေဆိုတော့ သူကမီးခြစ်ဝယ်လာပြီး မှောက်လျက်လဲမယ်တဲ့။ သူမှောက်လျက်လဲတော့ မီးခြစ်ကလွင့်သွားမယ်ပေါ့။ အဲ့လွင့်သွားတဲ့မီးခြစ်ကို ကားကတက်ကြိတ်၊ မီးခြစ်ပေါက်ကွဲပြီး သူ့မျက်လုံးကိုလာစင်ပြီး မျက်စိကန်းမှာစိုးလို့တဲ့ ဘယ်လိုမှဝယ်ခိုင်းလို့မရဘူး"
အမေကကျွန်တော့်ကိုကြည့်ပြီး ရယ်တယ်။ ပြီးတော့ စကားကိုထပ်ဆက်ပြန်တယ်။
"ပြီးတော့ရှိသေးတယ်။ ဆောင်းရာသီတွေဘာတွေဆို
ရေဖိုးတွေတအားမကုန်အောင် နေ့လယ်နေ့ခင်မြစ်ထဲသွားချိုးပါဟက်ဆိုတာကို သူရေချိုးနေတုန်း ရေသရဲဆွဲမှာစိုးလို့တဲ့ ဘယ်လိုမှချိုးခိုင်းလို့မရဘူး။ စိတ်ကုန်တယ်တကယ်"
ကိုဇော်ဇော်နဲ့မောင်ထူးက တဟီးဟီး တခွီးခွီးနဲ့ရယ်နေကြတယ်။ အဲ့တာဘာမှားလို့လဲလေ။ ရွာတောင်ပိုင်းက အဒေါ်ကြီးကိုတောင် ရေသရဲခြောက်လိုက်သေးတာကို။ မြစ်ထဲသွားချိုးပြီပဲထားပါတော့။ မြစ်ထဲဆိုတော့ ခေါင်းကတော့ငုတ်မှာပဲ။ ခေါင်းငုတ်နေတုန်း အဲ့ရေသရဲက ကျွန်တော့်ခြေထောက်ကြီး ဆွဲသွားရင်ဘယ်လိုလုပ်မလဲ။ ရေငုတ်နေတုန်းဆွဲသွားတာမို့ တခြားလူတွေက ချက်ချင်းသိကြမှာမဟုတ်ဘူး။ အဲ့မှာကျွန်တော်သေရော။ ရေနစ်ပြီးသေတာမို့ ကျွန်တော်ပါ ရေသရဲဖြစ်သွားမှာ။ ရေသရဲဆိုတော့ ရေထဲပဲနေရမှာ အေးကအေးနဲ့ မနေချင်ပါဘူး။