/// شموخ ///
بقلمي (( رونق السلطاني ))
✨✨✨✨✨✨✨
💔💔💔
في احدا بيوت بغداد ندخل الى هذا البيت ونرى كيف تعيش هذه العائله ؟!
كثير ما نسمع عن مصائب الناس وعن حوادث الاغتصاب وعن الرجال المدمنين حبوب ومشروب وكثير نسمع عن الرجل الديوث
الي يتجرد من الغيره والشرف والمبادئ والاخلاق ويبيع عرضه بمبلغ زهيد لكي يشبع نفسه المريضه الدنيئه بحبوب الادمان والمشروب الي صار حاله حال العصير والماي متوفر بكل مكان
مياده من عائله بسيطه تتكون من ام واب كبار بالسن واخ واحد متزوج وعنده عائلته رقم واحد بحياته
اسمع من البنات يكولن الاخ سند وحزام ظهر ... ولما اله اااخ ينلخ
يعني ينظرب هيج اسمع عن مغامرات الاخوه وشلون يخافون على خواتهم ويدافعون عنهم وسانديهم بحياتهم
كلمة الاخ الها معاني هوايه مو كل ااخ ينكاله ااخ
اكو بيهم تحسه اب وام واهل تحسه العصا لو مال بينا الوكت نستند عليها
واكو بيهم حرام يحمل هالاسم الي متكون من حرفين اااخ وهو بالحقيقه مجرد اسمه اااخ .. و اخويه من هذا النوع
من وعيت وبلغت اشوف امي وابويه كبار بالعمر وبيتنا مشتمل صغير بس الطابق الفوك بي غرفتين وحمام
من تزوج وهاب عمره ومن جهة السطح مساحه زغيره بناها مطبخ وعزل بي استقر وحده ماله شغل بينا
من راتب التقاعد مالت بابا عايشين بي ... وجوارينا عدهم دكان زغير يبعيون بي مخضر وشغلات يوميه الي تحتاجه كل عائله
معجون وزيت وملح وشكر ومن هاي السوالف الراتب ما يكفي
لان بابا وماما عدهم علاج فجنت اشتري من جارنا ويسجل علينه
ما جنت اخذ هوايه حتى ما يتراكم علينا الدين كل شهر او شهرين اروح احاسبه واسدده
امي انسانه بسيطه فقيره على كد حالها وبابا كذالك ما عندي احد يعلمني يرشدني يوجهني ... ما جان عدي الوعي بأمور الدين
ما جنت اتحجب ولا اصلي امي وابويه يصلون بس ما يكلولي صلي
او يجبروني على شي مخليني براحتي
عندي خاله وحده انصاف مره وحده جتي علينا وطردها بابا وماما كعدت تبجي بس انطتنا رقمها وراحت سجلته بتلفون بس بابا ماقبل
ماما اشرتلي اخذت الرقم وسجلته بدفتري
كل الي اعرفه اروح بطريقي وارجع بطريقي انظف اكل واشرب وادرس ومداريه با با وماما
بيوم منهن كعدت الصبح غسلت وبدلت حضرت نفسي للدوام برابع اعدادي سويت ريوك لبابا وماما سلمت عليهم كالت ماما اليوم نروح نستلم الراتب يمه مياده خاف نتأخر من ترجعين حضري غدا هالموجود ... كلتله حاضر ماما سلمت عليهم وطلعت
خلص الدوام ورجعت للبيت بعدهم مراجعين غيرت ملابسي
طبيت للمطبخ سويت شوربه عدس وتمن فتحت الثلاجه بيها حبتين خيار وباقي طماطه ثرمتهم سويت كاس زلاطه زغيره كعدت انتظر جيتهم
ملل قاتل وحدي كاعده كمت جبت كتبي وكعدت اكمل باقي دروسي
نزلو اطفال وهاب من فوك كعدو يمي شويه لعبت وياهم
سمعت صوت استبرق عاطت بيهم خطيه من خوفهم صعدو يركضون ويتعثرون اباوع عليهم قهروني .. هو هذا طبعها تستنكف من عدنا
اباوع لساعه صارت بثنتين واهلي ماكو ما عدي تلفون اتصل بيهم
رحت على جارتنا ام احمد
خاله ممكن موبايلج بس اتصل بماما هواي تأخرو وضل بالي عليهم راحو يستلمون الراتب والى هسه ما اجو !؟
هي هم خافت مثلي انتطتني الموبايل واتصلت مغلق مره ومرتين يطلعلي مغلق انتطتها التلفون
- هاا يمه بشري حصلتيهم
- خاله مغلق
كالت ... خاف خلص شحن اكعدي يمنا هسه يجون لتخافين
ما كدرت اكعد ترخصت منها ورجعت لبيتنا
ساعة تلاثه بالظبط ودخل وهاب لونه مخطوف عاط بيه البسي وامشي ويايه
كمت مفزوعه وخايفه ... وين انروح وهاب شبيك فهمني ليش هيج حالتك
عاط بيه ...امشي بسرعه ولضلين تسألين يله
بسرعه طبيت للغرفه مثل المخبله لبست وطلعت ويا وما ادري وين ما خذني .. هو بس وكت المصايب يتذكرني
وصلنا للمستشفى ... كلبي وجعني حيل وخفت كمت ابجي
عفيه انت ليش ساكت دكولي شكو ماما وبابا بيهم شي فدوه احجي
جرني من ايدي ونزلني يسحل بيه ويكولي ما كو وكت امشي بسرعه لا ابتلي بيج انت لخ
طبينا للطورائ وياريتني ما طبيت ولا شفتهم بهذا المنظر
وكعت من طولي واغمى عليه
الناس التمت ويصحون بيه فزيت على ايد تمسح بوجهي باوعت مريه ما اعرفه تكعد بيه دكولي كومي يمه الله يصبرج ويقويج
كلنا على هذا الطريق تعددت الاسباب والموت واحد هذا يومهم بعد
كمت اريد استوعب فقدان اهلي .. هسه اني يتيمه لاام ولا اب ؟!
شسوي وحدي بهاي الدنيا وهذا الاخ الجاحد ما معترف بينا
مددين عالسديه ملطخين بالدم وبلحضتها ميتين ما لحكت عليهم
ولا ودعتهم المن عفتوني ؟ منو الي بعدكم ؟
فقدت الاهل والامان
كمت ابجي واصرخ والطم على راسي نتفت شعري وهاب التهى بالاجرائات
واني وحدي مثل المخبله افتر بالمستشفى لا اهل ولا سند ولا من يواسيني بمصيبتي ويطبب عليه ويطمني بكلمه يهدء بيها من روعي
وين اروح شسوي بحالي طلعت برا كاعده وابجي والناس تروح وتجي تباوع عليه
للمغرب جتي جارتنا ام احمد ورجلها اخذوني وياهم للبيت
ضليت عدهم وجوارينا كلهم اجو يعزوني
تعبت من العياط والبجي رجعت لبيتنا استبرق كاعده عالدرج واطفالها كاعدين يبجون .. من شافوني اجو يركضون عليه
حضنتهم وابجي كلتهم ماكو بعد بيبي وجدو راحو فوك بسما
جتي امهم اخذتهم جرتهم مني
هيج خوفتيهم شينيمهم الليل
لمات الله يرحمه ما بدينا شي وهمه كبار الموت ارحم بيهم
اخذتهم وصعدت
طبيت للغرفه اباوع على ملابسهم وغراضهم هذا الدوا هنا هاي المصلايه بعدها بمكانه حاضنه غراضهم واشم مبلابسهم وابجي
طب وهاب عيونه حمر ... كال هسه خلصت الدفنه وتقارير المستشفى .. وباجر اروح للمركز اشوف السياره الضاربتهم بلكي كاميرات المصرف مصورتهم لان بعدهم بشارع المصرف وجايه سياره ضاربتهم وعايفهم ومنهزم بس خلي الكفه لخسره لورا ولكدامه
انطاني علاكه بيها التلفون مفتوح ومحفظة بابا وجنطة ماما
كال اني تعبان رايح انام ورايه كوم شغل واجرائات باجر قفلي البوب زين ونامي
عافني وراح
هنيالك راح تنام بحضن مرتك واطفالك ....واني منين اجيب النوم
مرت الايام واني على وضعي والبيت كئيب لا يطاق بس اطلع للدوام وارجع
خالتي جتنا تبجي وتعيط رادت تاخذني بس وهاب ما قبل ولا اني قبلت اروح وياها ... بس ضلت تردد علينا بين فتره وفتره اجيبلي فلوس وغراض ودكولي ضميها لتخلين وهاب يدري بيها لياخذها منج
اني على نيتي اسمع كلمتها
مرت ست اشهر عالحادثة اهلي ماكو شي جديد بحياتي
كاعده العصر ادرس واجى وهاب كال جايج خطابه راح ازوجج خو ما اضلين هيج
- بس اني مضارتك بشي واريد اكمل دراستي ما اريد ازوج
- محد مانعج من دراستج ازوجي وكملي لان اني اريد اطلع من العراق وين احير بيج جهالي يادوب معيشهم وانتي شكو عليج
خوش رجال وعندا فلوس وشقه يعني وحدج تكعدين هاا شكلتي
ترا ما عندي وقت هالشهر اسافر لان مكمل كل شي
- وهذا البيت ومن منيلك فلوس حتى تطلع خارج العراق وانتو خمس نفرات
حك راسه ومثل ليتهرب
كرل ... مو هذا ابيت بعته وهاي حصتج ترا هو ميسوى مو زين انباع
- شلون بعته غير اني لازم اوافق
- مشيته يمعوده بجم فلس شبيج المهم هذا مو موضوعنا باجر يجي الرجال وتكعدين ويا واشوفي وما اريد حجايه زايده ناقصه ترا ماعندي وقت وما بيه حيل سوالفج
سكتت وثاني يوم اجى وامه واخته ويا كل شي صار بسرعه بسرعه خلال اسبوع ازوجت بدون زفه وهوسه ولا لبست بدله مثل البنات
طلعت من بيتنا لطريق مجهول ما اعرف شنو منتظري وشنو مصيري ويه هذا الانسان !
طبيت للشقه عباره عن غرفه وصاله ومطبخ وحمام
واثاث عادي بيها طقم قنفات بصاله وتلفزيون بالحايط وطاوله جبيره بنص ومقابيلها المطبخ كاونتر وثلاجه زغيره وطباخ زغير
وممر بي الحمام ومسافة كم خطوه الغرفه بيه اخشاب لونه ابيض
الجنط ويانا لان ما اجيت رتبت غراضي كال وهاب ماكو داعي هي زفه وماكو عود مره وحده اخذي غراضج خو ما اضلين رايحه جايه
جنت لابسه نفنوف اسود نص ردان وقصير للركبه وشعري مسويته كعكه كعد ت على حافة السرير وفتحت الجنطه اريد اطلع ملابس ابدل طلعت تراك لونه اسود وبي كتابه من الصدر بلون ذهبي خليته على صفحه وكمت فتحت الكنتور حتى ارتب باقي ملابسي وغراضي
طب خالد كال عوفيهن عود بعدين رتبيهن على راحتج تعالي نتعشى
باوعت عليه شكله مو طبيعي وجهه احمرر وعيونه حمرر دم
كلتله روح تعشى انت اني مو مشتهيه هسه من عندي شغل ما اكدر اكل الا اخلصه
اجى تقرب مني ويتلمس بجمسي وبصدري ومن ورا دفعته وعطت بي .. انت شداسوي مو عيب عليك وخرر يله ترا اطلع اعيط والم الناس عليك
ضحك بخبث وكال... شبيج ولج شنو عيب عليك غير اني رجلج والي حق اسوي كل شي بيج عادي ابوسج واشوف جسمج مبين عليج طيبه ويغمز ويعض بشفايفه
خفت منه حيل ومن كلامه ومن غير حركاته المقززه شسوي هسه
شلون اخلص نفسي منه ... اكو مزهريه شلته اريد اضربه بيها
هو يتقدم عليه يضحك ويحجي .. اووو مبين عليج كل شي متعرفين
وهذا عز الطلب اني اعلمج على ايدي تعالي يحلوه تعالي
شمرت المزهريه عليه ولزمها بيده نزع قميصه وطك حزام البنطرون نزعه وشمره بصفحه ضل بس بالشورت
كمت ابجي وغمضت عيوني .. عفيه لتسويلي شي بداعت امك واختك .... غطيت وجهي وحصرت نفسي بزاويه
جرني عليه وحضني يهمس بأذاني بخبث ...ولج انتي خوش سلعه
خوش راح اطلع منج ارباح وفلوس اوف
يتنهد ويتلمس بجسمي بطريقه مقرفه كمت ارجف من الخوف
تمنيت نفسي بحلم مو بواقع مرير وقذر
ماجنت اعرف هو ليش هيج يسوي ولا عندي احد يعلمني او يفهمني
شنو الزواج وشنو العلاقه الزوجه اجهل كل هذه الامور !
- يله يحلوه لتعبيني هذا الفستان حلو ويغري وطابع عليج
ما اريد اشكه واخسر انزعي خلي اشوف واقيم شكد تسوين
رفضت انزع احتضنت نفسي بأديه واهز براسي والدموع مجمعه بعيوني
كال... اهووووو شلون راح اطير السكره من راسي واطلع هالكاس عليه سم ... عاط بيه بصوت عالي فززني يله كلت انزعي
تقرب عليه وقيد اديه ودارني ورا وفتح السحاب ويجر بملابسي
نزعني جر الداخليات كمت اعيط واحلف بي يعوفني
طبك عليه ويهمس بأذني وريحته قذره
- وينك عبوده تجي تشوف هالشحم المربرب دشوف شكد راح تدفعلي
اخذني عالسرير وسوى شغلات خلاني استفرغ جنت ما ماكله شي
بس الماي
شالني للحمام غسلت شلت الصابونه وشمرته عليه واغلط ياحيوان يا قذر
قيد اديه ومددني بالكاع جاب كلاص بي هذا السم ماله ماجنت اعرفه شنو هذا بس ريحته قويه سطرتني ولعبت نفسي اكثر
يصب على صدري وعلى بطني طبكت رجليه وتفلت عليه
يسوي شغلات مقرفه
رفعت راسي وتفلت عليه وهو بدون احساس بس يضحك ويتلذذ بيه
وخر مني وكومني مقيدني مكدر اسوي شي دفرته برجليه واتفل عليه
سحلني للغرفه شمرني عالسرير كمت اسحب بنفسي وارجع ورا
وين افر منه واكدر اخلص نفسي منو الي بهاي اللحضه وبمنو استنجد واني بين ايدين هذا الانسان القذر مثل الشيطان وريحتة المقرفه
رجع عاد الي سوى مره ثانيه بس بدون ما يصب عليه المشروب
صار فوكايه ومثبت رجليه برجليه مطيرعيونه حمره ويتلفظ الفاظ وسخه اول مره بحياتي اسمعه ولا اعرف هو شنو ديكول
- اسمع لج مااريد ولا حركه منج تصيرين عاقله وتسدين حلكج لو تردين اجيب وصله واسده بيها
كلتله عوفني مراح اسد حلكي ياقذر وخر عني ريحته كريهه وخررر تفووو عليك
جابني براشدي احس صار بيه ارتجاج جاب الداخليات مالتي وسد حلكي بيها ... فاتحه عيوني وابجي جسمي مضلت بي طاقه وما ماكله شي كمت كوه اجر النفس
بدا يتلمس بيه ويظغط حيل كال راح افوت ******* بيج نفس ما اريد
تمنيت الموت غمضت عيوني رجعت بذاكرتي لذيج مياده الطفله
المدلله بين امها وابوها اكبر همي شلون تسمحلي امي اطلع العب ويه بنات جيرانه بيت بيوت لو يجون يمي نلعب مدرسه لو احضن لعابتي وانام واكعد الصبح ادلل على ماما اريد شرايط بيض وسويلي بيهن ورده جبيره بشعري ااااخ يا يمه المن عفتيني وتدرين ب وهاب من صغره مو سند النا
صرخات مو جعه بداخل روحي وگلبي جسمي كله تبنج بديت اغيب عن الوعي وبعد ما ادري شصار
كعدت على رشات ماي على وجهي فتحت عيوني شفت شكله القذر
صديت بصفحه ... يمسح على شعري الحقير ويحجي
- ترا مأذيتج بس انتي مايعه متتحملين بس اول مره بعدين دكومين تركضين ورايه كومي غسلي يحلوه
راح انطيج يومين استراحه وهاي كولش زايده من عندي وراها نبدي الشغل يلا عيني كومي اغسلي حتى دكولين مو زين ويايه
سحبت نفسي منه وتفلت عليه الحيوان بالكوه كمت جسمي مكسر تكسر وارجف ما بيه حيل سحبت الجرجف استر بي نفسي
اجى لزمني من شعري وضربني على حلكي
وكال ... بعد اذا تفلين عليه اسوي بيج مثل هذا واكثر لان ما اريد اظربج واشوه هالجسم الحلو لان محتاجه بعد ورانا هواي شغل تغسلين وتجين ناكل اريد بيج صحه فهمتي
اخذني للحمام فتح الماي يريد يسبحني عطت بي ودفرته وضربته برشاش الماي امشي اطلع برا نكس حقيرر الله يلعنك انت وهاب
- ماشي يحلوه اتحمل لان وراج كومه فلوس اخذ الماي مني سبح وطلع
سبحت واجلف بنفسي اريد انظف من قذارته ونكاسته
فتحت الباب وجابلي منشفه لفيت نفسي وطلعت اسحل بنفسي
واكفلي باب الحمام اخذني للغرفه طلعلي ملابس يريد يلبسني اخذتهن منه وشمرتن عليه امشي اطلع برا لك حتى الحيوان ارحم منك
لزمني من فكي حيل ... مو ما اريد اخربط هالوجهه الحلوه ليش تهيجين اعصابي عليج صيري عاقله ويله كدامي
اطلع حتى البس
وليش اطلع كولشي شفت شو تعالي لبسني غصب وجرني من ايدي لصاله وكعدني غصب يوكل بيا واني لعبانه نفسي
وافكر داخلي معقوله كل المزوجين هيج يسون زين شلون مكملين حياتهم وعايشين شلون الوحده تقبل على نفسها هيج يصير بيها ؟!
تعبانه بشكل مو طبيعي وبنفس الوقت خايفه منه بس لا كل مره هيج يسوي
كمت للغرفه اريد انام لفيت نفسي بالبطانيه وغمضت عيوني واكول كل هذا هسه يطلع حلم واكعد الصبح كلوشي ماكو ولا عشت هاي الليله
اجى نام يمي وفتح البطانيه وحضني من ظهري وحط راسه بركبتي
كمت مفزوعه وخايفه ... ابعد عني وممنوع تتقرب عليه اكرهك حيوان
- اهدي اهدي اااخ منج متعبه حيل مو مطيعه شلون شلعان گلب هذا
تعالي نامي وراح اوخر عنج اتحمل ولا يهمج ويعض على شفايفه
رجعت سحبت البطانيه ولفيت نفسي بيها ... انام واغط بالنومه وافز اباوع نايم بصفي تفووو عليك
ثاني يوم اجتي امه تبارك وجايبه غدا سلمت عليها وضلت كاعده تسولف هي وابنها النكس عفتهم وطبيت للغرفه
صاحت ورايه
- هاي وين عيني هاي غير عروس ولك شبيه مرتك لعبانه نفسه
- ماما مو بدينا شغل العمات تعبانه البارحه تأذت عوفيها براحته
- عشتو على شنو تأذت قابل وحد عن البنات لو هاي عياره وعود يدلعن ما يتحملن الرجال وهن يبلعن بلع
- ماما كافي شنو هالحجي كتلج تعبانه حتى متكدر تكعد شلون يعني تريديني اشرحلج اكثر شسويت
- ديلا ماما بالعافيه عليك لعد المن مزوج ودافع فلوس غير حتى تريح نفسك اني رايحه وعود امر عليكم وعلمها من اني اجي تجي تكعد يمنا مو تختل بغرفتها
- صارر ماما حاضرر تسلمين عالغدا
متمدده عالسرير واسمع سوالفهم واحد اقذر من الثاني
اجى كعد يم رجليه وخرت عنه ويتلمس بجسمي يمد ايده من جوه الثوب دفرته برجلي ... وخرررر ممنوع تلمسني انت قذر وسخ
فرك شعره وغمض عيونه ... شلون راح اجيب ***** واحطه بحلكج واسكتج بي
خفته منه ولعبت نفسي من كال هيج حطيت ايدي على حلكي وطلعت اركض من الغرفه بس وين اروح وهي الشقه مابيها كم متر
باليل يجون عليه اصدقائه يكعد يحط البطل وكلاصات بيها ثلج
كاعده بالغرفه وساده الباب ما اكدر اطلع كاعدين بصاله
فتح الباب وكال كومي حضري مزه
استغربت كلتله شنو مزه ؟!
- تعالي للمطبخ وهسه اعلمج شنو مزه بس غيري هذا تراكج والبسي
هذا الثوب
عزه بعينك هذا مال نوم شلون البسه واطلع بي كدام اصدقائك شنو انت متستحي مو عيب عليك
- لتعلين صوتج لا اشك حلكج تبدلين لو ابدلج اني
- لو تكطعني هسه ما البسه ولا اطلع
صاح واحد بيهم وينك عيني خلود شو طولت جوه
صك على سنونه .. خلصي يله تقدم عليه يجر بملابسي شك التشيرت ودفرني بطني وجرالبجامه ولبسني الثوب
انكطع نفسي من ضربته ايدي على بطني شاغت روحي
رفع شعري فوك بالقراصه وطلعني من الغرفه مريت من كدامهم
طبيت للمطبخ وهو ويايه نحضر سم وزقوم الهم كال اطلعي قدميلهم هسه اجي وراج
ما اقدملهم هذولا قذرين مثلك
لزم ركبتي من الخلف ظغط عليه وبأيده الثاني كرصني حيل من مكان حساس اطلعي قدمي الاكل لتفشليني يلا
كوه اجر النفس من شدت الالم
اخذت المواعين شمرتهم عالطاوله واحد بيهم مد ايده على صدري
عطت بي ... لك حقيرر ضربته بالخاشوكه
طلع خالد شايل ماعون وكلاص ... شبيج لج تعيطين
هذا الحقيرر يمد ايده بصدري شلون ترضى واني زوجتك
جان يكول يمعود بس عدلت الفتحه شو هي عاطت كولشي ما سويتلها
اباوع على خالد كلت هسه راح يضربه ويطرده
ما سواله شي بس كال بعدها جديده لتستعجل وحرك جيبك مو تصير بخيل
وهذاك الثاني ما حجى شي بس ايده على خده ويباوعلي بنظرات مو حلوه ...طبيت للغرفه وقفلت الباب
بحدود الساعتين دك الباب كال فتحي راحو بس اني موجود
كمت فتحته .. وهجم عليه يبوس بيه ادفع بي ريحته تلعب النفس
قيد اديه ويحجي بثكل ولج انتي وكحه ناررر نزعني ويتلفظ الفاظ بذيئه ... عجبتيهم حيل ماتو عليج موت عبودي دفع على بوستج خمس اوراق لعد لو يضوك ***** شكد يدفع
اغلط عليه واسب واتفل عبالك حايط مو انسان
- اهوووو شلون بيج لضلين تتحركين جوايه ربط رجليه
رجع عليه غمضت عيوني ما اريد اباوع بخلقته اكرهه اموت منه
ابتعد عني وفتح رجليه واديه كمت للحمام اسبح والطم وابجي ملخت نفسي حد ما انتهيت لفيت نفسي وطلعت اخذت فراشونمت بصاله والدمعه بعيني
مره اسبوع واني هذا حالي يوميه بهذا العذاب
اجى وهاب العصر وعائلته ويا اطفاله اجو يركضون عليه لميتهم بحضني اريد احس بالامان وياهم
استبرق... عيني مياده اجينا نسلم عليج ونودعج باجر من الفجر مسافرين ومصطفى خبلني الا انروح نسلم على عمه مياده
خالد ... توصلون بسلامه عيني ام مصطفى حتى ميمو تموت عليهم كل يوم تحجيلي عنهم
بهتت ميمو منو ؟! واني شوكت حجيتله عنهم فتحت عيوني واباوعله بدهشه
باوعت على وهاب كلتله ... وين حصتي من بعت البيت
- يابه الفلوس استلمها رجلج من اسبوعين يله ماكو فرق انتي ويا
راح يشغلهن وتجيج ارباح وانتي كاعده لا تعبانه ولا شكيانه
وحتى دراستج تكمليها
خالد ... اي ابو مصطفى اني سلمت الفلوس لصديقي ودخلهن ويا بتجاره خربت عليه المفاجأه ردت افاجأ ميمو بيها من استلم ارباح
وهاب ... غير دكول تحجي شمدريني عيني محضر مفاجأه
يلا يابه احنى نترخص ماعدنا وقت وكام سلم على خالد وسلم عليه
واني بس عيوني تتنقل بينهم واذني تسمع كلامهم طلعو وقفل الباب وراهم خالد
هو هذا الاخ شمرني بنص مستنقع قذاره ودار ظهره وراح حتى ما اعرف لأي بلد رايح !
__________________
غالي .... يابه راح اصفي شغلنا لبفلوجه وانتقل لبغدا حتى وضيفتي راح اتركها
- عليش يا يابه ترا شغلنا ماشي شموديك لبغداد
- يابه الشغل الضعيف وما جاي يسد بغداد احسن وحركة عمل بيها
لو ما متأكد ومالي ايدي من الموضوع ما اجي اكولك
رضيه ... وانت كل يوم بمجان الاسبوع كله بالفلوجه ويومين هين
هالمره تروح لبغداد يمكن ما نشوفك هينوب بله هذا حجي يسعد
ليسمعكم يكول ميتين من الجوع
- يمه عجل شنسوي اكابلج واكعد هم ما ترهم مصاريفنا جثيره
والمزرعه تريد نطور شغلنا ونكبره خو ما نضل على حالنا
سعد ... شوكت ناوي تروح لبغداد تا اروح وياك
دحكت على ابويه وغمزتله ... يابه هالاسبوع اروح واخذك وياي لبغداد ترجعك شباب بلجي تعجبك بغداديه يكولون لبغداديات حلوات ومعدلات ويرجعن الشايب شباب
ادحك على امي وجها صار احمرر وبديها كلاص المي تفر بي
- الا كول ما يعات ومدلعات ونافشات هالعطوب الصفر
وحدتهن بيضه ما تعرف تسلك غدددي غدددي
كل سوالفك اتبط الفاد انوب بغداديات عجل اروح وياكم ورجلي على رجلكم تا اشوف شنون ادورون بغداديات
سعد... وانتي صدكتي ما تعرفين سوالف ابنج عندي هالجماره
واروح ادور غيرها سدج امين ما تحلا مره بعيني غيرج
- ما يحلالك التغزل بيها الا جدامي عليش تخلوني اغاررر وتخلوني بهاليل اهيج عليكم واكلكم مشولي على مره
رضيه ... تلام بيك جدتك من دكولك ما بيك خيرر بس للسان
يول حتى مواليد الفين عرسو وعدهم جهال وانت خلوني طير حر هاي عيونها وكحه وهذيج سمينه وكلهن خياتي ما وراك بس القهر
اكوم انام احسلي من اضل يمك ما حصل منك بس القهر
امي بس تريد حجه عليه كل ما كعدنا وانفتحت سيرة الزواج
- سعد سكت مرتك واخذها تغزل بيها بغرفتكم باليتني بلوه
-عوف امك خليها تحجي من تنطفي الوطنيه تسكت وعالمولد السحب ضعيف تحول على غير موجه
- هاي اني خلف الله عليكم انت وابنك عليه تا اشوف اليوم منهو ينام يمك
- ول يابه الحك زعلت رضوه هسه ما ترضى الا بسيت جداري
واربع سيتات مواعين ونجانتين من الكبار وتعال فرفر بيها بالسوك
سمره ... صحيح يمه ترضين بعذني يحضي النسوان ما ترضى الا بذهب
سعد ... انهجبو رضوه تدلل شتريد ماي العين الها كومي ول يابه هذولا ولدج سرسريه باجر وين متريدين اخذج
كاعد واضحك عليهم ابويه يجر بيها وامي زعلانه
- اكلك وخرر عني اليوم انام هين وانت ضل لا وطنيه ولا مولد
يدحك عليه ويعض على اصبعه ارتحت
- كومي عاد مابيه على مناهده شنون نبطل منضحك وياج لتخليني اشيلج واخذج غصب
كمت من مكاني ... اني اشيلها عوفها عليه شنون تخلين سعد لا وطنيه ولا مولده شكد كلبج قاسي
- وخرر بصلاة محمد عليك لتشيلني اني اكوم فالتين الحيى انت وابنك ولا ينكعد يمكم
- عجل كومي ما طول فالتين الحيى
سمره ... عوفها غالي خطيه جدتي هسه تكعد موزين قبلت تبات هين اكوم اخذ جهالي وانام
- يابه باجر اخذ مهند ونحدر لبغداد يمكن اطول ليضل بالك واني موصي بنبش هو يجيبلكم مخضر لتعب نفسك
- بكيفك دير بالك على نفسك ومن نخابرك رد بالعجل مو تشلع گلبي
ولشتغل بالي عليك كومي رضوه شنهو راح اضلين كاعده هين
- انت وابنك شغلكم ما يعجبني وحجيكم ما يعجبني يريد يروح بغداد وانت مطبك ويااا يوميه طالعين بشغله شكل
- رضوه بس بغرفتكم يعجبج الشغل
ابويه واكف يضحك وهي تضرب بي
لكل راح نام
صعدت لغرفتي حضرت جنطتي ورا الظهر احدر لبغداد
__________________
- لك هلا نورت بغداد بيكم محد يحلي الكعده غيركم عيوني شتشربون اغاتي
- شعندج اليوم سلامج حارر نارر مثلج
-ههههههههههههييييي ولك شكد تعجبني سوالفك تفضلو كل الشباب موجودين ممتوقعين جيتكم عود ليش ما اتصلت
- عليش اخابر انطيج خبر لو اخذ الاذن منج
- شو يولي نصوفه اذانج كبرانه
- ههههههههههههي نزول عليك منين كبرانه كولشي بيه زغيره بس انت متشوف
- مبين من ديو***** جنها هايشه ترضع
- الصم مو كل ما اجيبك هين اطيح حظي دحك على هذيج الكاعده مبينه جديده بالساحه خرب عرضها منين تلكلط هالبنوات واجيبهن هين دحك يول بعدها كتكوته
- هاي نصوفه بعد تفتر تلكط من المازبل واجيبهن هين تكو**** عليهن بأكل بطنهن صدك لو كالو عالم سفلي ما يعرفهم الا ليعاشرهم
- اي عيني شلونكم شتحبون تشربون اليوم وصلنا مشروب جديد واصلي مو مغشوش وداعتك
- تدرين بينا منشرب بس جاي اكلج هاي الصيده الجديده منين
- هاي بعدها جديده مستعمله شي قليل عجبتك يبعد عمري انت
- اي عجبتني سويلنا درب خلي نشوف الجديد مالج
- بس غاليه هاي سعرها غيررر يبعد روحي
- اكلج لتضربين بالعالي وهذا الاسلوب ما احبه تدرين بيا دفيع
مو بخيل وانطيج حسب راحتي وياها وانتي تعرفين نظامي
- اسفه عيوني على بختك لتزعل فدوه لطولك الحلووو سماهرر
سماهررر تعالي
جتي سماهرر تدلع بمشيتها واطك بعلجها الشعر مفتوح والثوب عريان يظهر مفاتنها وكفت وحطت اديها على خصرها
- نعم خاله انصاف شرايده
- شايفه هذا ابو طول الحلوو اريدج اطلعين الراحه من خشمه ما اوصيج بي شيطلب تنفذين بنفس طيبه وهسه تحظرين الغرفه الفوك وتحضرين نفسج من تخلصين صيحي عليه
سمااهررر تباوع بعين وكحه .. دكوم خلي نشوف طولك الحلوو
خاف تطلع كصير مدعبل وتلعب نفسي منك
- انجبي لا اكوم افرك حلكج واعلمج منهو لمدعبل جررري من هين يله ... هاي خبصتيني بيها
- امشي لج سوي لكلتج عليه ترا اكوم اكطع نعالي على حلكج
- ههه اعذرها فدوه لشواربك بعدها متعرفك هسه اكوم اطيح حضها
- اكعدي انتي اني صاعد وراها ... وانت قدروي راح اتضل كاعد
- روح اغاتي اني مكابل هالهايشه عندي جم سالوفه وياها
اي عمه نصوفه انتي على جم جهه تشتغلين
- هههههههههههييي نزول على سوالف محد يونسني غيرك ... على اربع جهات ... مديت ايدي عليه
- وخرري ايدج شبيج عجوز ومخرفه
- ولك اريد جكاره راسي دايخ بالي يم صاحبك الفوك
- والجكاره هين بهذا المكان .. اطلبي واني انطيج صدك لو كالو كح*****
__________________
شمووخ
يكولون الام اصل المحنه والملقبه بنبع الحنان والام هي تسعى لنجاح اولادها .. ومهما قسى گلبها عليهم لاكن تتغلب عليها عاطفتها واموتها تبقى تحن عليهم وتداريهم
امي قاسيه وعصبيه وما يوم شجعتنا كل كلامه بغلط وصياح
يمكن هاي طبيعته او هيج ترتبت وتعلمت على هذا الطبع
هالفتره امتحانات حابسه نفسي بالغرفه اقره امي بس اتصيح
وينج من الله يعثرج ويصگعج معلكه فوك شعندج بنت الزماله هم لو عروس ما تتعلك فوك مثلج حدري لا اصعد اكطج من فوك
سديت الكتاب حيل وكمت استغفر كل يوم اكولها عندي امتحانات يمه اعتقيني هالفتره رحمه لأهلج عوفيني ولا عبالك احجي وياها
مديت راسي من فوك وصحت عليها ... يمه والقران جاي ادرس
باجر اول يوم امتحان اريد اكضي من وكت وانام يمه بروح ابويه
شتريدين مني جنانين اثنين وشروق يمج بس اخلص حتى البيت افلشه وابناه من جديد بعد شتريدين
وكفت يم الدرج ورافعه راسها فوك ادحك عليا ... هيي دراسه هي امتحانات بس هالسنه ما اطلع صبريه ومن ظهر ابوي لما خليت نزال يبطلج مابيج حظ حاطه راسج بهالكتب وتحججين بيهن
هاي تتنسه ( تتوحم ) وهذيج النهار كله تلطم ومتلحك على بنواتها
واختج تطرد وحدها شنون وتالي وياج
وهاي يوميه هيج امي مسويه عليه حرب اريد بس تخلص هالسنه وانجح ما اريد ارسب تا ما ياخذها عليه حجه نزال ويبطلني
لميت كتبي وحضرت ملابسي وقت المنبه عالساعه سته ونص تا ما اتأخر ونمت
كعدت على صوت المنبه كمت بالعجل بدلت ولفيت حجابي وحدرت
بيه خوفه وارتباك حتى ما اشتهيت اكل بس شربت مي واخذت فلوس من جنطت امي كعدت شروق تطبك الباب ورايه
طلعت امشي سريع اكيد البنوات واكفيلي براس الشارع
حسيت سياره كريبه مني خفف السرعه
گلبي واحساسي يكولولي هو تخربطت مشاعري وسرت رجفه بجسمي وكفت والتفت ادحك تا اتأكد من احساسي
اشرلي تعالي وهو مبتسم
روحي وگلبي ومشاعري واحساسي كلهم اتفقو عليه ما حسيت الا اني اتقدم بتجاه سيارته بكل حب .....
يتبع ......
رونق السلطاني 😘
بكم نكتمل 💚
💙🥀💙