شمووخ
بقلمي ... رونق السلطاني
.......
واكفه عالدرج رجفت خوف اسمع نبرة صوته
بغضب كلهم طلعو عالصوت يصيحون شكو شصاير
عناد ... هي حرمتك رايحه جايه تتمخطر
ومرتين عدلت حجابه جدامي
وفاء ... غالي ترا جذاب هو يفتر فوك روسنا ويتأمر علينا
شموخ واكفه تنظف واني اخذ منها المواعين واغسل وظهرها عالباب
شوكت عدلت حجابها جدامك
ما انحس غير صوت الضرب والتكسر غالي عصبي حيل
هوسه وصياح بالمطبخ العمام كله طلعت تتراكض يفاككون بيهم
خفت عليه جثير ما اكدر اطلع ولا اكدر اسوي شي
اول مشكله تصير وهسه يكولون بسببج متت بجي
غالي ... بس اشوفك جدام عتبت البيت رجلك اكسرها
ياسين ... عيب عليك بيتك تكتله واحنى موجودين لو صاير ما تحترم
غالي ... عمي لو تسأل وتفتهم شنهو الصار لو لا تدخل خير شر وياريت
تسكت
سعدون ... هساع انت ضربته ودميته فهمنا شسوى ...؟
وفاء ... عمو يحجي على مرته وهو صارله ساعه فوك روسنا بالمطبخ
غالي ... وفاء طبي جوى ولتدخلين
سعدون ... عجل حگه واجى دومه مفشلني ومنزل راسي
غالي ... عمي ما عاش لينزل راسك اعذرني عناد ما يطب البيت بعد
ياسين ... شنهو انت محد بعينك تطرده من بيت عمه وجدام ابوه وعمامه اكضب حرمتك ولا تخليها تطلع مو هذني بنواتنا شو محد سوالهن شي
سعد ... ياسين كافي عاد انت تكط عالنار حطب
شيخه ... الصم ياسين صرت جد وانت ما تعرف تسولف
عناد يستاهل عليش يفوت وبنوات وحدهن بالمطبخ لو ما يرتاح الا يكط سمه
طيبان ... يله يله ما صار شي ولد عم وتجاتلو
بعد هوسه وصياح كلمن راح لبيته طبو كلهم جوى ضليت بمكاني
رضيه ... جان راح وليدي تذابحو من شفتي بالمطخ اطلعي ما تدرين
بزلمتج ما يتحمل وعصبي
عاليه ... هي شمدريها عليش تلوميها هم زين وفاء وياها وسمعتهم
ابنج لو ما سمع سالفه جبير ما ضربه عاشت ايده خوش ثارم حلكه
المطبخ غادي معركه وفاء وهيفاء يلمن بالمواعين لمكسره
غالي كاعد مدنج راسه والجكاره بيده يرجف من العصبيه
واكفه من بعيد ادحك عليه اخاف اتكلط يمه ويصير عصبي عليا
دخل عمو سعد ... اني ربيتك وعلمتك هيج غداهم يمنا وتجاتل ويه ابن عمك بيتك ما خليت حساب لعمامك ولا الي
زمجر بغضب ... يابه شهل الحجي شتعرف عني طبيت للمطبخ
شفته واكف بنص المطبخ ويزمخ ويتأمر اسأله شسوي هين يكولي مرتك تعدل حجابه جدامي وركبتها معضعضه لو مو كاضبيني عنه اله احط طلقه بحلكه هالرثع هو خله بيها عيب
