/// شموخ ///
بقلمي (( رونق السطاني))
✨✨✨✨✨✨
عيونك مكحله خلقه وشكلك دمار
ماكو مثلك شبيه وما لغيرك قبول
طبكت البنيد ونفضت ايدي رفعت راسي صارت عيني بعينها !
استحيت من كمال صديت بصفحه رديت التفت ادحك راحت تمشي
هي نفسها ... عيونها والكحله السوده ونفس الطول !
بيت ابو نزال عدهم هيج بنيه ؟!
كمال يمشي ويحجي بتلفون .. واني امشي بصفه
دكت الباب قوي .. مدري شتحجي كبل لا تفوت دحكت علينا وعينها عليا وفاتت بسرعه
طبيت للبيت غسلت اديه
كمال صاح يمه هذا غالي هين يمنا
طلعت من المطبخ تمشي وتعدل بفوطتها هلا هلا بالغالي شنونك يمه شنون صحتك
هلا بيج يمعه الحمدلله شنونكم عساج بخير
تحت الكريم .. شنون اهلك امك خواتك جدتك شخيه عمتك عليا ماشفتهم من طهور ابن عناد عمامك شنونهم جيرانكم بيت صويلح ما تزوج هالمعثور
كمال تخوصر ويفرك بوجهه كال ...يمه شجاج شايفته جفجير الولايه وتسألين عن صويلح
يمه غير جيرانهم وهذيج المره امه تشكي منه ما يقبل يتزوج عاشكله وحيده من عربهم وهي ما تريدها تريد تزوجه على مرامها بعد ما تعرف العجايز
اي يمه خياتك شنونهن
كلهم بخير الحمدلله ... وصويلح جبرهم وخلاهم يخطبوها
راس الشهر العرس عود تعالي احضري عرسه
غير يعزموني تا اروح شنون اروح من قير ( غير ) عزيمه ليروح من قير عزيمه يكعد بدون فراش
يمه وين الجاي رحمه للكائانات
اي اي گضينا هسه اجيبه
طلعت تصيح يول يشموخ يمصگوعه وين وليتي
كمال متخبل من سوالف امه كال .... هاك استلم بله لو ضاله شوي انوب جان حبلت مرت صويلح على اساس هي رايده جناينها اني وبالغصب راحت خطبتلي
رديت عليه واني بالي مشغول بيها اي هي من عيونها عرفتها يعني اسمها شموخ خير خيرر
