ဒီနေ့ထမင်းဝိုင်းမှာ မောင်ထူး၊ မောင်မှူးနဲ့ ကျွန်တော် သုံးယောက်တည်းပဲ။ အန်တီတို့ကရော ကျွန်တော်မေးလိုက်တော့ Straight မြို့ကိုအဖေနဲ့ အလည်ခဏလိုက်သွားတယ်တဲ့ မောင်ထူးကဖြေတယ်။
"Straight မြို့"
ကြောင်တောင်တောင်ဖြင့် ကျွန်တော်ရေရွတ်မိတယ်။
"Sorry, မကွေးမြို့ကိုပြောတာ အဖေခေါ်လို့ ခဏအလည်လိုက်သွားတာ"
"သြော်..."
သူတို့မိသားစုနဲ့ကျမှပဲ မကွေးမြို့လည်း နာမည်မျိုးစုံဖြစ်သွားတော့တယ်။ တစ်ယောက်တစ်မျိုးစီများ ခေါ်နေကြတာလားမသိ။
ခါတိုင်းဆို မောင်ထူးရဲ့မိဘတွေကမေး၊ ကျန်တဲ့လူတွေကဖြေနဲ့ ညံနေတဲ့ထမင်းဝိုင်းက အခုတော့တိတ်ဆိတ်လို့။ ခြောက်ကပ်ကပ်ဖြစ်နေတယ်။
"ညကျဇာတ်ကားကြည့်ရအောင်"တဲ့ မောင်ထူးက မောင်မှူးကိုကြည့်ပြီး ပြောလိုက်တယ်။ "မေမေက မကြည့်စေနဲ့လို့မှာသွားတယ်"တဲ့ မောင်မှူးကပြန်ဖြေတယ်။
ပြန်တိတ်ဆိတ်သွားပြန်တယ်။
ဆရာကြီးတို့မြို့အကြောင်းပြောပြတဲ့ မောင်မှူးက ကျွန်တော့်ကိုစကားစတယ်။ ကျွန်တော်မောင်ထူးကိုကြည့်တော့ သူကလည်းကျွန်တော့်ကိုကြည့်နေတယ်။ ကျွန်တော်လည်းပြောချင်နေတာနဲ့အတော်ပဲ။ ကိုယ့်မြို့အကြောင်းပြောရမယ်ဆို တက်ကြွလို့...
ကျွန်တော် အဟမ်းဆိုပြီး လည်ချောင်းတစ်ချက်ရှင်းလိုက်တယ်။ ပြီးတာနဲ့ တရပ်စပ် ပြောတော့တာပဲ....
ကျွန်တော်က စစ်ကိုင်းမြို့က။ စစ်ကိုင်းမြို့ကိုမှ ရွာဘက်ကဆို ပိုမှန်တယ်။ ရွာကနေ မြို့ထဲကို ဆိုင်ကယ်နဲ့ဆို နာရီဝက်လောက်သွားရတယ်။ စစ်ကိုင်းမြို့က အရမ်းသာယာတယ်။ ဘုရား၊ စေတီပုထိုးတွေပေါများလွန်းလို့ ဒုတိယပုဂံလို့တောင် တင်စားထားတဲ့မြို့လေး။ စစ်ကိုင်းမှာ အပေါဆုံးကတော့ ဘုန်းတော်ကြီး၊ သီလရှင်ကြီးတွေ။ ဒါကြောင့်လည်း အလှူအတန်းလုပ်တဲ့လူတွေ ပေါများကြတယ်။
ကျွန်တော်တို့ရွာက စစ်ကိုင်း-မင်းကွန်းလမ်းမပေါ်မှာ တည်ရှိတယ်။ အရှေ့ဘက်က ဧရာဝတီမြစ်။ မြစ်ဘေးမှာက လယ်ကွင်းတွေရှိတယ်။ လယ်ကွင်းတွေရဲ့ အနောက်ဘက်မှာတော့ ကျွန်တော်တို့ရွာ။ ရွာရဲ့အနောက်ဘက်မှာကျတော့ စစ်ကိုင်းတောင်တန်းကြီးရှိတယ်။ ရွာက တောင်ခြေမြစ်ဘေးလေးမှာဖြစ်တာမို့ ဆောင်တွင်းဆို အရမ်းအေးတယ်။ နွေဆိုလည်း သိပ်မပူဘူး။ အလွန်နေလို့ထိုင်လို့ကောင်းတဲ့ဒေသ။
မောင်ထူးက ကျွန်တော့ကို ငေးနေတယ်။ ကိုယ့်ဇာတိအကြောင်းပြောနေတာမို့ ကျွန်တော့်မျက်နှာက ပြုံးနေမယ်ထင်တယ်။ မောင်ထူးက ငေးနေတော့ ကျွန်တော်နည်းနည်းတော့ရှက်သလိုပဲ။
အဲ့အချိန်မှာပဲ အပြင်မှာ မိုးကရုတ်တရက်ရွာချလာတယ်။ နာရီကိုကြည့်တော့ (7)နာရီအတိ။
"မိုးတွေတအားရွာနေတယ် မင်းဘယ်လိုပြန်မလဲ"
မောင်ထူးကကျွန်တော့်ကိုကြည့်ပြီးမေးတယ်။
"အရင်နေ့တွေတုန်းကလိုပဲ မင်းလိုက်ပို့မှာမလား...နည်းနည်းပါးပါးစိုတာရတယ်... ငါအဆောင်ရောက်မှ အင်္ကျီ လဲလိုက်မယ်"
"ကားသော့မေမေသိမ်းသွားတယ်"
"ဟမ်..."
မောင်ထူးရဲ့ကားသော့ကို သူ့အမေကသိမ်းသွားတာလား။ အန်တီအိမ်မှာမရှိရင် မောင်ထူးက ကားမသုံးရဘူးလား။
အန်တီက သဘောကောင်းမယ့်ပုံပါ။ ကျွန်တော်ကို လိုက်မပို့ချင်လို့ မောင်ထူးကအကြောင်းပြတာနေမှာ။ မယုံပါဘူးဆိုတဲ့ မျက်နှာပေးနဲ့ ကျွန်တော်မောင်ထူးကိုကြည့်လိုက်တယ်။ မောင်ထူးက သူ့ညီကိုပြန်ကြည့်တယ်။
"မေမေက ကိုကြီးကိုစိတ်မချလို့ ခရီးတွေဘာတွေသိပ်မထွက်ဘူး။ ထွက်ရင်လည်း ကားသော့သိမ်းထားခဲ့တယ်။ မေမေခရီးထွက်နေရင် ကိုကြီးက ကားမမောင်းရဘူး"
မောင်မှူးက ရှင်းပြတယ်။
ဘာလို့လဲ ကျွန်တော်ပြန်မေးတော့ စိတ်မချလို့တဲ့ ပြန်ဖြေတယ်။ မောင်ထူးတို့ ရပ်ကွက်ကသူဌေးရပ်ကွက်မို့ အငှါးကားတွေ့ ဖို့ကမလွယ်ဘူး။ အခုလိုမိုးတွေရွာနေတော့ ပိုဆိုးမယ်။ မောင်ထူးကလည်း လိုက်ပို့လို့မရဘူးဆိုတော့ ဘယ်လိုလုပ်ရမလဲ...
"ဒီမှာပဲ အိပ်သွားလိုက်လေ မနက်မှပြန်ပေါ့" မောင်ထူးကပြောတယ်။ အဲ့တစ်နည်းပဲရှိတော့တာဆိုတော့လည်း အင်းပေါ့။ ကျွန်တော်ခေါင်းညိတ်လိုက်တယ်။ ထမင်းဝိုင်းကိုလည်း လက်စသတ်လိုက်ကြတယ်။
------------------------------------
အိမ်ထဲကို လူတစ်ယောက်ဝင်လာတယ်။ မိုးရေတွေလည်း စိုရွှဲလို့။ မောင်ထူးက အဲ့လူဆီထသွားတယ်။ စကားခဏပြောတယ်။ ပြီးတော့ အဲ့လူက အိမ်အပေါ်ထပ်ကို တက်သွားပြီး မောင်ထူးက ကျွန်တော်နဲ့မောင်မှူးထိုင်နေတဲ့ဆီကို ပြန်လျှောက်လာတယ်။ တစ်အောင့်လောက်ကြာတော့ အပေါ်ထပ်တက်သွားတဲ့လူ ပြန်ဆင်းလာတယ်။ ရေစိုနေတဲ့အဝတ်တွေ သွားလဲခဲ့တာထင်တယ်။
အနားရောက်လာမှ သေချာကြည့်မိတယ်။ အဲ့လူက ကိုဇော်ဇော်ဖြစ်နေတယ်။ အဆောင်မှာ မောင်ထူးနဲ့မနေချင်လို့ ကျွန်တော်အခန်းလဲလိုက်တဲ့အကို။
ကျွန်တော်နဲ့လည်း နည်းနည်းခင်တာမို့ နှုတ်ဆက်လိုက်တယ်။ သူကလည်းပြန်နှုတ်ဆက်တယ်။
အကိုပြန်ရင် ကျွန်တော်လမ်းကြုံလိုက်ခဲ့ချင်လို့ဆိုပြီး ပြောလိုက်တော့ မောင်ထူးတို့အိမ်မှာ အိပ်မှာတဲ့ ကိုဇော်ဇော်က ပြန်ပြောတယ်။ သူတို့နှစ်ယောက်က အဲ့လောက်တောင်ရင်းနှီးနေပြီလား။
"ကိုဇော်ဇော်ဇာတ်ကားကြည့်ရအောင်"တဲ့မောင်ထူးကပြောပြန်တယ်။ ကိုဇော်ဇော်က မောင်ထူးကိုပြန်မဖြေပဲ မောင်မှူးကိုကြည့်တယ်။ ဘယ်လိုလဲဆိုတဲ့သဘော။ မျက်ခုံးကိုပင့်ပြတယ်။ သူတို့ကြည့်မှာ ဘာကားမို့လို့လဲ။ မောင်မှူးဆီကို ခွင့်တောင်းနေရအောင်။ မောင်မှူးက ကိုဇော်ဇော့်ကို မမြင်ချင်ယောင်ဆောင်နေတယ်။ ဘာမှပြန်မပြောဘူး။
"ထူးအောင်လည်းရှိနေတာပဲ...စိတ်ချလို့ရပါတယ်ကွ...ပြီးတော့အန်တီတို့မရှိတုန်းလေး ကြည့်ရတာမို့ ကြည့်ခိုင်းလိုက်ပါ"
ကိုဇော်ဇော်က မောင်မှူးကိုပြောတယ်။ မောင်မှူးက ကျွန်တော့်ကိုကြည့်တယ်။ နေပါဦး။ ကျွန်တော်ကဘယ်ကနေပါလာရတာလဲ။ သူတို့ပြောနေတဲ့ စကားတွေကိုလည်း ဘာမှနားမလည်ဘူး။
တစ်ခုခုဖြစ်ရင် ကိုဇော်ဇော်တာဝန်ယူမလားတဲ့ တာဝန်ယူမယ်ဆိုရင်တော့ ကြည့်တဲ့ မောင်မှူးကပြောလိုက်တယ်။ ကိုဇော်ဇော်ကလည်း တာဝန်ယူမယ်တဲ့။ အဲ့တာနဲ့ ကျွန်တော်တို့လေးယောက် အပေါ်ထပ်က ဧည့်ခန်းကိုရောက်လာကြပြီး TV ကြည့်ဖြစ်ကြတယ်။
မောင်မှူးဆီက ခွင့်တောင်းထားရတဲ့ ဇာတ်ကားဆိုတော့ ဘာကားများဖြစ်မလဲ။ သိချင်နေတယ်။ အစပိုင်းတော့ လူငယ်လေးတွေ အပျော်ခရီးသွားကြဖို့ လူစုနေကြတယ်။ အတွဲနှစ်တွဲရယ်။ ယောက်ျားလေးနှစ်ယောက်၊ မိန်းကလေးသုံးယောက်။ အားလုံးပေါင်း ကိုးယောက်။ ခရီးထွက်ကြတယ်။ တောထဲက အိမ်တစ်အိမ်ကို။ အဲ့ကိုရောက်တော့ အခန်းခွဲကြ၊ စာဖို့သောက်ဖို့လုပ်ကြနဲ့။
ညဘက်ရောက်တော့ အတွဲတစ်တွဲက ရှလူးကြတယ်။ စိတ်ကြိုက်ရှလူးပြီး ကောင်လေးက သူ့ဆန္ဒတွေလည်းပြည့်ရော ကောင်မလေးကို အခန်းထဲမှာပစ်ထားခဲ့တယ်။ ကောင်မလေးက ဝမ်းနည်းတယ်ထင်ပါရဲ့။ အိပ်ယာပေါ်မှာ ခြေပစ်လက်ပစ်နဲ့ လှဲနေတယ်။
အဲ့ကောင်မလေးအခန်းထဲကို လူတစ်ယောက်ဝင်လာတယ်။ ကောင်မလေးက သူ့ရည်းစားလို့ပဲ ထင်တော့ အရေးမစိုက်ဘူး။ ကျောတောင်ပေးအိပ်လိုက်သေး။
ကောင်မလေးရည်းစာ အခန်းထဲကိုပြန်ဝင်လာတော့ ကောင်မလေးကမရှိတော့ဘူး။ ဘယ်ရောက်သွားလဲ မသိဘူး။ ကောင်လေးက သူ့ရည်းစားပျောက်နေတယ်ဆိုပြီး တခြားလူတွေကိုပြောလိုက်တယ်။ လက်နှိပ်ဓာတ်မီးတွေကိုယ်စီယူပြီး ထွက်ရှာကြတယ်။ ရှာရင်းနဲ့မှ တစ်ယောက်ပြီးတစ်ယောက်ထပ်ပျောက်တယ်။
ရှလူးတဲ့ကောင်လေးကို အနောက်ကနေ တစ်ခုခုနဲ့ရိုက်လိုက်တယ်။ နေရာမှာတင် မေ့လဲသွားတယ်။
သူသတိရလာတော့ အခန်းတစ်ခန်းထဲ ရောက်နေတယ်။
ဘေးဘီကိုလျှောက်လို့ကြည့်တယ်။ အခန်းက မသတီစရာကြီး။
နောက်တော့ အဲ့အခန်းထဲကိုလူတစ်ယောက်ဝင်လာတယ်။ တိတိကျကျပြောရရင် ယောက်ျားတစ်ယောက်။
ကောင်လေးက ခင်ဗျားဘယ်သူလဲ၊ ဘာလိုချင်လို့လဲလို့ မေးလိုက်ပေမယ့် ဟိုလူကမဖြေဘူး။ သူလုပ်စရာရှိတာတွေကို ဆက်လုပ်နေတယ်။ ကောင်လေးက စိတ်တိုလာပြီး ဆဲလိုက်တယ်။ သူ့ကိုကြိုးနဲ့ချည်ထားတာမို့ ဘာမှတော့လုပ်မရဘူး။ ကြည့်ရင်းကြည့်ရင်းနဲ့ ဒီဇာတ်ဝင်ခန်းတွေကို ကျွန်တော်သိနေသလိုကြီး ခံစားလာရတယ်။
သံချောင်းတစ်ချောင်းကိုကိုင်ပြီး ဟိုလူက ကောင်လေးရှိရာဆီလာနေတယ်။ အနားရောက်တော့ ကောင်လေးရဲ့ ပုခုံးအောက်နားလေးကို ထိုးချလိုက်တယ်။
"အ့..."
ကျွန်တော်အော်မိသွားတယ်။ မောင်ထူးတို့သုံးယောက်က ကျွန်တော့်ကိုကြည့်လာကြတယ်။ အမှန်တိုင်းပြောရရင် ဒီလိုသွေးသံရဲရဲကားတွေကို ကျွန်တော်မကြည့်ရဲဘူး။ သူတို့ကြည့်နေကြတာက စိတ္တဇလူသတ်ကားကြီး။ စိတ္တဇလူသတ်ကားကိုမှ အဆောင်မှာ မောင်ထူးကြည့်တဲ့ဇာတ်ကားဆို ပိုမှန်တယ်။ အဲ့တုန်းက မောင်ထူးပုံစံကို ပြန်ပြီးမြင်ယောင်လာတယ်။ အခုကျတော့ အဲ့တုန်းကလိုပုံစံမျိုးမဟုတ်။ လူတွေရှိနေလို့လားမသိဘူး။
ဇာတ်ကားက တော်တော်နှင့်မပြီးသေးဘူး။ အဆောင်မှာမောင်ထူးကြည့်တုန်းက ခုနက အခန်းပြီးတော့ ပြီးသွားတာလို့ထင်နေတာ။ တကယ်ကမဟုတ်။ နောက်ကိုတော်တော်ကျန်သေးတယ်။ ဒါဆို မောင်ထူးက မပြီးပဲပိတ်ပစ်လိုက်တာပေါ့။
-----------------------------------------------
မောင်ထူးက ကျွန်တော့်ကိုသူ့အခန်းမှာ လာအိပ်ခိုင်းတယ်။ မအိပ်ချင်ဘူး။ မောင်မှူးနဲ့ပဲ အိပ်လိုက်မယ်ဆိုတော့ တစ်ယောက်တည်းပဲအိပ်တတ်တာတဲ့ မောင်မှူးကငြင်းတယ်။
ကိုဇော်ဇော်နဲ့အိပ်လိုက်မယ်ဆိုတော့လည်းမရ။ အခန်းပိုမရှိဘူး။ သူနဲ့ပဲအိပ်ရမယ်တဲ့။ ကျန်တဲ့နှစ်ယောက်ကလည်း မောင်ထူးနဲ့ပဲအတူအိပ်လိုက်ပါတဲ့ ဝိုင်းပြောကြတယ်။ နောက်ဆုံးတော့ လက်ခံလိုက်ရတယ်။
သော့တွေသေချာခတ်ရဲ့လား သွားစစ်ရအောင်တဲ့ ကိုဇော်ဇော်က ကျွန်တော့်ကိုခေါ်တယ်။ ကျွန်တော်လိုက်သွားလိုက်တယ်။ ကိုဇော်ဇော်က သော့တွေလိုက်စစ်တယ်။ မီးဖိုးခန်းကို သော့ခတ်တယ်။ မီးဖိုးခန်းကြီး ဘာလို့ခတ်နေတာလဲ ကျွန်တော်မေးတော့ စိတ်ချရအောင်လို့တဲ့။ ပြီးတော့ မောင်ထူးအခန်းထဲကို အန္တရာယ်ဖြစ်စေမယ့် ပစ္စည်းတွေယူမသွားနဲ့တဲ့။ အိပ်ရင်လည်း နိုးနိုးကြားကြားအိပ်ပါတဲ့။ ကိုဇော်ဇော်က သတိပေးတယ်။
သူပြောမှ ကျွန်တော်ပိုကြောက်လာတယ်။ မောင်ထူးက ဘယ်လိုလူမျိုးလဲ ကျွန်တော်မေးလိုက်တော့ မင်းကိုဘာမှမလုပ်ပါဘူးတဲ့ ကိုဇော်ဇော်က ဖြေတယ်။
ကျွန်တော်တကယ်သိချင်တယ်။ မောင်ထူး... သူက ဘယ်လိုလူမျိုးလဲ....