فى غرفه سلمى ونوح ، وقف سلمى امام الدولاب لتنتقى ملابسها ولاكنت شعرت بقبضتين قويتين تلتفان حول خصرها لترتطم بصدره ، وضع نوح وجهه على كتفها ولفحت انفاسها الحاره وبشرتها التى سرعان مااحمرت خجلا همس فى اذنها وقال / تعرفى حسن الجزار منين ياسلمى
التفت سلمى لتصبح فى مقابلته تلاقت اعينهما تاهت سلمى فى زيتونته ونسيت سؤاله لاحظ نوح عدم تركيزها فيما قال وابتسم بخبث فهو مازال يؤثر عليها وهذا يثبت انها مازلت تحبه ، استغل نوح هذا الوضع ووضع قبله على وجنتيها فاقت نوح من توهانها ونظرت له بصدمه وخجل شديد حاولت الابتعاد ولكنه اشتد من احتضانها ونظر لها ببرود / تعرفى مين حسن الجزار
نظرت له سلمى بصدمه هل هوا مجنون ام ماذا كان منذ قليل ينظر لها بعشق فجأه تحول هكذا
ولاكن شعرت ببعض الالم على ذراعيها فكان نوح يشتد على ذراعيها نظرت له ووجدت فى عينيه الاسئله الكثيره ظنت انه يشك بها ولم يعد يثق فيها
علم نوح ما يدور فى عقلها/ سلمى انا مش بشك فيكى انا عاوزه اعرف تعرفى حسن الجزار منين ...اصل البيه راح لليث اخوكى يتقدملك
وجدت سلمى انه لامفر ويجب اخباره بالحقيقه وتنهدت سلمى/ نوح دلوقتى انا عاوزه أبدأ حياتى معاك من غير كدب فأنا هحكيلك كل حاجه بس اوعدك تصدقنى
نظر نوح فى عيونها بحب/ متقلقيش انا بثق فيكى اكتر من نفسى
اخذت سلمى نفس عميق وتبدأ فى سرد علاقتها بهذا المدعو حسن الجزار
سلمى/ وانا فى المستشفى فى اخر مرحله العلاج كنت قاعده فى حنينه المستشفى وفجأة لقيت شخص جه وقعد جمبى حاولت اقوم بس لقيته مسك ايدى وقالى انى محتاجاهاه وبعدين انا زعقت معاه بس هوا فهمنى انه دكتور هنا وانه الدكتور الجديد بتاعى فى الاول انا رفضت الفكره وكنت حاسه نفسى كويسه ومش محتاجه دكتور ورفضت خالص بس هو مستسلمشى ابقى كل يوم يجيلى ويصمم يتكلم معايا ويقعد يحكيلى عن حياته وكده وانه اسمه حسن الجزار وبعد فتره انا استسلمت وخلاث بدأت احكيله بس مدخلتش فى تفاصيل اتقربنا من بعض جدا لقيت فيه الصديق الى كنت محتاجاه الصديق وبس متجاوزناش حدود الصداقه كنا بنتقابل كتير وارتحت فى الكلام معاه وكان بيجى الفيلا بس الوقت الى رعد وعمار موجدين فيه
وفى يوم كان بيكلمنى وهوا تعبان فامنغير تفكير انى راحه لشاب اعزب ولوحده الست وروحتله اطمن عليه كنت خايفه اخسره زى ماخسرتك....وروحتله البيت وكان نايم فى السرير قربت منه وبدأت اتكلم معاه واطمن عليه بس حسيت نظراته ليا غريبه وكلامه متغير قلقت وكنت عاوزه امشى بس فجأه لقيته مسكنى من ايدى وقربنى منه وحاول يحضنى بالعافيه ويقرب منى وحاول يعنى...الى هوا يعتدى عليا ..بس انا ضربته على دماغه بالفازه وطلعت اجرى. رعد وعمار عرفوا بالموضوع ومسكتوش طبعا بس رعد اتعامل مع الموضوع من جهه تانيه بدأ يأذيه فى شغله الى هوا مش شغله اصلا وأنها كانت كدبه علشان يقرب منى وعمار راحه شركته وضربه وعرفنا بعدها انه ليه فى الصفقات المشبوهه رعد حاول ينتقم منه بس هوا اختفى فجأه ومعرفناش نوصله وبس دى مانت علاقتى بحسن الجزار ومشفتوش من وقتها ولما دخلت المخابرات حاولت اوصله وجمعت معلومات خطيرة عليه وعرفت انه انضم للمافيا وبعدها بقى رئيس المافيا فى روسيا وأكبر تاجر اثار فى العالم بس معرفتش اثبت عليه حاجه
واخدت سلمى نفس عميق وسكتت بعدها ورفعت نظرها لنوح الى كان بيبصلها نظرات غامضه حست انه مش مصدقها قالت بحزن الدموع بدأت تتجمع فى عيونها/ كنت عارفه انك مش هتصدقنى وكم...
قطع كلامها لما نوح سحبها لحضنه وضمها جامد كان عاوز يدخلها جواها سلمى رفعت ايدها على ضهره وحضنته واجهشت فى البكاء بصوت عالى
نوح وهو يمسد على شعرها/ اهدى ياحبيبتى علشان خاطرى بطلى عياط دموعك دى بتكوى قلبى
سلمى وهى تبكى/ انا اسفه يانوح اسفه كل الى حصل ده بسبب وبسبب عندى وصلنا المرحله دى اذيتك واذيت نفسى كل ده بسبب عنادى اسفه واجهشت فى البكاء مره اخرى
نوح بحزن/ انا الى اسف انا الى جرحتك بتصرفاتى الغبيه كنت غبى لما روحت خطبت غيرك قلبى كان بيوجعنى بس كان غصب عنى
وحاول نوح تغير الموضوع / بقولك ايه ماتجيبى بوسه
شهقت بخجل وابتعدت عنه وضربته على صدره/ بس ياقليل الادب ياسافل
نوح بخبث/ بقى انا قليل الادب مش هسيبك غير لما اخد بوسه
سلمى بضحكه وهى تجرى/ ابقى قابلنى ياحبيبى
نوح / شكلك مش ناويه تجيبيها لبر يابنت الحديدى💜
________________________________
فى القاهره فى فيلا بجوار فيلا الحديدى فيلا محمود الحديدى يسكن فيها محمود فردوس ومحمد وملك واولادهم بعدما قررت فردوس العيش فى القاهره لتكون بجوار عائلتها وتكون الفيلا مركز لتجمع العائله
فى غرفه ملك ومحمد تجلس ملك على السرير وهى تمشط شعر ابنتها اسيا وبعدما إنتهت خرجت ابنتها وجلست على السرير وضمت ركبتيها لصدرها واحست بألم فى صدرها لا تعرف سببه احست بحدوث أمر سئ قطع شرودها دخول فردوس وجلست بجوارها وربتت على ظهرها / مالك ياحبيبتى جاعده حزينه اكده ليه
ملك/ مش عارفه يادوسه قلبى بيوجعنى اوى حاسه ان فى حاجه مش كويسه هتحصل
فردوس بزهول/ ليه اكده ياحبه عينى
ملك بشرود/ مش عارفه
فردوس/ طب قومى اكده صلى شويه واقرأى قرأن وهترتاحى بأذن الله
وفجأه دخل اسر كالاعصار
ملك بدهشه/ فى ايه يااسر مالك داخل متعصب كده ليه
اسر بعصبيه/ والله ياماما انا شويه وهولعلك فى بنتك دى علشان ارتاح منها
مالك بضحكه/ الخناقه على ايه المره دى يااستاذ اسر
اسر بغضب/ الهانم الى انتى مخلفاها ماشيه تلبس فى هدومى كل يوم الاقيها واخده طقم من بتوعى لبساه وانا ماشى بالفنله والشروت وارحمونى بقا
ملك بضحكه/ اهدى كده يااخ اسر دى مهما كانت اختك
اسر/ دى كتها نيله الى عاوزه خلف.....انا دلوقتى عاوز البس هدومى ابنتك لبسه الطقم الى بحبه
اهبب ايه بقا
دخلت اسيا وهى ترتدى هدوم اسر/ فى ايه يااسوره دا انا اختك حبيبتك بردو
اسر / حبك بورص يااختى...انا عاوز الطقم بتاعى
اسيا/ يااسوره ياحبيبى انا وانت تؤام يعنى هدومك هدومى
اسر/ والله يعنى البس الفساتين بتاعتك
ملك/ اسيا مش قولتلك قبل كده انتى بنت يعنى الهدوم بتاعت اسر مينفعشى تلبيسيها لانها للولاد وانتى بنوته رقيقه
اسيا/ اسفه يامامى
ملك وهى تقبلها من خدودها/ قلب ماما انتى...يلا بقى روحى البسى هدومك وادى لاخوكى هدومه
اسيا/ لاء بردو
اسر بصوت عالى/ جرى ايه ياست كخه مالك فى ايه ايه
اسيا بقرف/ بيئه اووى بقيت معفن يا اسوره
اسر / ماتجيبى الهدوم يابت
اسيا/ لاء علشان انت بتسينى وبتقعد مع رحمه وانا بقعد لوحدى
اسر بمكر/ علفكره حمزه جاى
اسيا بصدمه/ ايه ده بجد ...ثوانى وتكون هدومك عندك وطلعت تجرى
اسر وهو يخرج ورائها/ بنات اخر زمن ...تعال يامحمد ياحديدى شوف تربيتك الى بقت فى الوحل
جاء محمد من ورائه ضربه على رأيه من الخلف/ مالها تربيتى ياعين امك
اسر / فله وعسل ياباشا تربيه قمر
محمد / اممم بحسب
اسر/ لاء متحسبشى ياكبير ثم همس .. ربنا على الظالم والمفترى
هز محمد رأسه بيأس من اولاده ودخل لغرفته وجد ملك تحضر ملابسه ذهب اليها وجلس على السرير واجلسها على قدمه وضمها اليه
ملك بستغراب وهى تمرر يدها فى شعره/ مالك يامحمد فى ايه
محمد/ تعبان ياملك موجوع اووى
ملك بقلق/ فى ايه يا محمد احكيلى
تنهد محمد ثم قال/ انا قبلت عادل انهارده
ملك/ عادل مين
محمد/ عادل رأفت الى كانت امى متجوزاه
ملك/ هوا مش كان محبوس
محمد/ مهو خرج
ملك/ هوا كان عاوزك فى ايه
محمد/ جه قالى كلام غريب ومش مفهوم بس مش عارف ليه صدقته
ملك بخوف من القادم/ قالك ايه يامحمد
محمد بحزن/ محمد قالى انى انا وفيروز ولاده هوا مش ولاد محمود الحديدى وان بابا اصلا مش بيخلف ولما زعقتله وكدبته..طلعى الورق الى بيثبت بكده وانا اتأكدت من كلامه
ملك بصدمه/ يعنى ايه يامحمد الكلام ده ومعقولة تكون صدقته
محمد/ مش عارف ياملك دماغى مش عارفه تفكر حاسس انى عاجز وخايف يكون الكلام دا فعلا صح هتدمر ياملك هنهار
ضمته ملك بشده وظلت تفكر فيما قاله محمد
______________________________________
فى فيلا عدى وسليم فى اوضه عدى واروى
كان عدى يقف أمام المرأه ويمشط شعره بحرفيه بعدما ارتدى ملابسه المكونه من بنطلون من اللون الزيتى وتشيرت ابيض اللون وفوقه سويت شيرت زيتى اللون وكوتشى اسود وارتدى ساعته ووضع عطره الجذاب واستعد للخروج للعمل خرجت اروى من الحمام وهى تنشف شعرها اقتربت من عدى وقبلته من وجنته وقالت بحب/ حبيبى قمر ياناس
رد لها عدى القبله وقال/ ملكه قلبى عامله ايه
اروى/ ملكه قلبك كويسه علشان مالك قلبها بخير
عدى/ يالهووى على العسل الى عاوز يتاكل
اروى/ بس يابابا عيب
عدى وهو يضمها ويقبل خديها المنتكزه/ لسه بتتكسفى منى يااروتى
اروى وهى تنظر فى عيونه بعشق/ انا كل اما بشوفك كانى بشوفك لاول مره حبك بيتجدد فى قلبى كل ثانيه عشقك بيزيد فى قلبى عمره ماقل ابدا مهما مرت السنين انت حياتى ياعدى بقيت النبض الى بيدق جوه قلبى
انت النفس الى مخلينى عايشه ومبسوطه بالحياه
انت بقيت الدم الى بيجرى فى عروقى
واتوج حبنا بعز الدين وسيلا حاسه بعدها انى ملكت الدنيا كلها بايدى اتجوزت حب حياتى وربطنا ولادنا
مش قادره اوصفلك سعادتى عامله ازاى انا بحبك ياعدى
ياعدى/ وعدى داب ولان بين ايدك ياست البنات عدى عايش علشان انتى فى حياته
انتى من اول مادخلتى حياتى نورتيها اديتى لحياتى طعم خليتى قلبى يدق وينبض باسمك بس معنتش شايف ولا عاوز اشوف غيرك
عدى لاروى واروى لعدى
وبعشق التراب الى بتمشى عليه ياملكه قلبى
اروى بضحكه/ طب يلا يابابا صحى الاولاد
عدى بقرف/ ابو شكلك فصيله
اروى/ يلا عدى مش وقتك خالص
عدى بخبث/ اهربى زى مانتى عاوزه بس فى الاخر هترجعيلى وهتجيلى بمزاجك
واتجه تجاه غرفه أولاده واتجه اليه وايقظهم فاولاده يشبهونه هو واروى فى هدوئهم ليسوا كباقى اطفال العائله مجانين
استيقظ الاطفال وارتدوا ملابسهم واتجهوا لتناول الافطار
عدى/ حبايب بابى عاملين ايه
عز الدين/ الحمد لله يابابا بخير طول ماحضرتك بخير
عدى/ ايه ياسيلا مالك زعلانه ليه
سيلا بحزن طفولى/ انا زعلانه من عز يابابى
عدى/ ليه ياحبيبه بابى
سيلا/ لانو مش بيخلينى العب مع اصحابى ويزعقلى لو لعبت معاهم
عدى بهدوء/ ليه ياعز بتزعل اختك
عز بهدوء غريب على طفل فى عمر الخمس سنين وهدوئه يشبه والده كثيرا/ بابا انا وقولتلها متلعبيش مع ولاد علشان عيب قولتلها تلعب مع بنات بس
عدى/ سيلا انا مش وقولت مفيش بنت بتكلم ولاد
سيلا بأسف/ اسفه يابابى بس زياد صاحبى وانا بحب اقعد معاه
عز/ بابا سيلا اختى عاوزها تبقى صحبيتى انا مش صاحبه زياد
اروى/ اخوكى معاه حق ياسيلا
سيلا/ انا اسفه ياعز واوعدك اسمع كلامك بعد كده
حضنها عز وقبل جبينها ونظر عدى لاولاده بفخر
استعد عدى للذهاب للعمل وقبل أولاده وزوجته بحب وخرج لعمله
____________________________________
فى فيلا خالد عامر كانت فيروز تقف فى المطبخ بهمه ونشاط تعد الافطار فى نفس الوقت الذى استيقظ فيه محمود ابنها صاحب ال٦ سنوات من النوم هبط الى المطبخ ، نظرت اليه فيروز لهذا الكائن اللطيف اللطيف ببشرته البيضاء وعيونه العسليه وشعره الاسود الذى يهبط على عينه ووجنتيه الحمراء المنتكزه فهو يشبه والده فذهبت اليه وضمته وثبات خديه المنتكزتين ووضعت على رحمه المطبخ ونظرت له بأعين يملأها الدموع وشردت فيما حدث منذ سنتين ونصف
F.B
كان خالد وفيروز ومحمود ابنهما صاحب الثلاث سنوات ونصف يستعدون للذهاب لوالدها فاليوم هوا يوم الجمعه اليوم الذى يجتمع فيه العائله استعدوا للذهاب
خالد بصياح/ يلا يافيروز هنتأخر
فيروز/ يلا ياحبيبى كنت بلبس محمود
هبطت فيروز بفستانها الاصفر به ورود بيضاء وهى تحمل الصغير بين يديها الذى كان يرتدى ملابس تشبه والده شورت جينز اسود وتشيترت اسود وكوتشى ابيض
اتجه خالد اليها وضمها/ ايه بس بالحلاوه دى يا موزه قلبى
فيروز بخجل/ خالد عيب كده
خالد
خالد بمكر/ هوا ايه بس الى عيب يابنتى انتى مش عاوزه انت لحوده يرضيكى الواد يكون وحيد
فيروز وهى تضربه فى صدره/ ايوه يرضينى يلا بقا
خالد بتألم/ ايدك بقت تقيله اووى ياحبيبى
فيروز/ مهو علشان بقيت قليل الادب اووى ياحبيبى
خالد بضحكه وهو يحمل محمود ويقبل خدوده المنتكزه بشده/ قلب بابا ياناس
محمود ببرأه/ بابا انا اوبك
خالد باستغرابك/ انت عبى ازاى يعنى
فيروز بضحك/ بيقولك بابا انا بحبك
خالد/ طب يلا ياختى
خرجوا وركبوا سيارتهم وتحركوا تجاه فيلا محمود الحديدى
اثناء الطريق قام خالد بالضغط على الفرامل الوقف بالسياره ولاكن الفرامل كانت معطله حاول خالد ايقافها ولكنه فشل
فيروز بقلق/ خالد فى ايه
خالد بخوف/ مافيش فرامل فى العربيه
فيروز بصدمه/ بتقول ايه يا...
سمعوا صوت ضرب نار قام خالد بسرعه بوضع يده فوق رأسها وانزلها الى اسفل وضمت فيروز محمود اليها بحمايه وشهد خوفا من اصابته وهى لحظات معدوده وانقلبت السياره اتجه مجموعه من الرجال الى السياره وقاموا بأخذ الطفل وهربوا سريعا
وفى خلال يومين كان خالد وفيروز قد انتقلوا إلى المستشفى لاصابتهم التى لم تكن كبيره
خرج خالد للبحث عن ابنه ولاكن وصلته رساله من رقم مجهول فتح الرساله وجد فيها فيديو فتحه ووجد احمد عادل وهو يحمل ابنه بين يديه ويوجه سلاح ابيض على رقبته ويخبره فيها بأن ياتى لمقابلته فى******ومعه فيروز
رفض خالد فى بادئ الامر ولكنه لم يجد حل اخذ فيروز واتجه بها الى العنوان وجدوا احمد يجلس على سطح المركب واحد رجاله تقف خلفه ويحمل ابنه بين يديه
احمد بشر/ خالد عامر منورنا ياراجل
خالد بشراسه/ نزل ابنى ابنى مالوش دعوه فى المشاكل دى
احمد بضحكه عاليه/ وانا مش هنزل الولد سلمنى فيروز وامشى
خالد بغضب وصوت عالى/ انت عبيط اسلمك مين مرات وبكل سهوله
احمد/ مهو كده هتخسر ابنك ومراتك ونفسك وعيلتك هتحصلك
خالد بضحكه/ مسكين انت اووى واحب اقولك انك كتبت نهايتك بايدك
ثوانى وكان احمد أصيب بطلق نارى فى كتفه
صرخ احمد بصوت عالى / ارموا الولد فى الميه
نفذ الرجل الامر وصرخت فيروز بأعلى صوتها/ اااابنننننى..واغشى عليها
اشتبك احمد وخالد واتى نوح وسليم وعدى وليث ومراد واشتبكوا مع أحمد ورجالته
خالد بصراخ/ نووح فين ابنى
نوح وهو يلكم الذى امامه/ مع أحمد متقلقشى ابنك بخير
B
استفاقت فيروز من شرودها على احتضان خالد لها
خالد بحب وهو يقبلها/ صباح الخير ياحبيبى
فيروز / صباح النور ياعمرى يلا خد ومحمود وانا جايه وراكوا
ومسحت فيروز دموعها وحمدت الله على سلامه زوجها وابنها
__________________________________
في منزل مهاب الحديدي وتحديدا في حديقه الفيلا
كان قد خرجا الجميه مع احبائهم ليشتريا الكثير من الحلوي والالعاب للاطفال. وتبقي فقط نوح الذ رفض الخروج تحت حجه ارهاقه من العمل ولاكنه في الحقيقه اراد المكوث لكي يراقب حبيبته الطفله (سلمي) التي جلست لتعتني بالاطفال مع فرح التي اصرت وبشده عدم خروجها ايضا خوفا منها حدوث اي ضررا للاطفال بسبب ابنها المشاكس وبالطبع تحت اصرارها وافق رعد ايضا ومكث هو الاخر
في الحديقه
فرح وهيا تثير بالحديقه ذهابا وايابا في محاوله منها لتهدئه هذه الباكيه الصغيره/ طب بتعيطي ليه دلوقتي بامبرز وغيرت لعب ولعبت اكل واكلت ناقصك ايه يا بنت المتخلفين انتي
صمتت نور وهيا تنظر اليها بأستغراب وبراءه ايضا
فرح/ ايه ده هو انتي من النوع الي بتيجي بالتهزيق
ابتسمت الصغيره وضحكت لتضحك فرح ايضا بسعاده وانتصار لتهدئتها فهذه تريد والديها لذلك تبكي
ام سلمي فكانت من تعاني بالاعتناء بالاطفال حقا فقام الاطفال بربط عيناها حتي لا تستطيع النظر وقام بأرغامها علي اللعب معهم وتحاول امساكهم
سلمي بصياح/ يولاد الجزمه قلت محدش يضربني بالقفا يا كلاب
حمزه بضيق وهو يجلس علي الاريكه ويلهو بهاتفه/ سلمي وطي صوتك عشان الصداع لو سمحتي
سلمي/ ولا اخرص مش عايزه اسمع صو. اااه مين الي ضرب بالقلم وربنا لهطلع عنيكم
فرح بضحك وهيا تتجه عليهم/ ريان الي ضربك يا سلمي
سلمي بوعيد وهيا لازلت تحاول نزع هذه الرابطه/ ابن الجزمه
فرح بضيق/ والجزمه زنبها ايه
ريان بصياح/ انتي مش امي علي فكره انت ام لهب
سلمي بعدما نزعت الرابطه/ وكمان ليك عين تقلش ده انا هطلع عين امك
عشق بخوف وهيا تقف كحاجزا بين ريان وسلمي التي كادت ان تحدث معركه ناريه بينهم/ متضربهوش ونبي يا سلمي
فرح بتشنج/ اعععع
سلمي بذات التشنج/ ايش هذا القرف
ريان بشر وهو يتقدم لسلمي/ حقك عليا يا قلبي هاتي ايدك ابوسها بقي
اعطته سلمي يداها بتكبر لينظر اليها هو بخبث ثم يقول سريعا/ تعالي بقي اما اعمل ساعه
ويقوم بعضها بقوه لتُفزع هيا وتكاد ان تتحرك لتجده امسك بيد عشق وركضا سريعا كالفئران الصغار
سلمي بصياح/وحياه امي لهخلي شهد تعلقكو انتو الاتنين لما ترجع من السفر انتو مبتخافوش غير منها يا كلاب
جاءا زين ومالك من الداخل وهما ينظرا اليها بأستغراب لصياحها
مالك/ مالك يا اخت سلمي حصلك ايه
سلمي/ شوفت اختك الصايعه يا اخ مالك بتعمل ايه. واقفه بيني وبين الواد وتقولي لا ونبي متضربهوش
مالك/ ايوه برضو فين المشكله مفهمتش
زين ببرود/ يعم فكك منها دي مسطوله خدي يا رحومتي جبتلك الاتنين الشاورما والكريب والنوتيلا والبيبسي اهم
رحمه ببراء/ اوعي يكون البيبسي مش دايت
فرح بصياح لريان الذي يقف بعيدا عنهم /تعالي يا ريان يا حبيبي اتعلم من الناس دي. عشان متلاقيش البت عشق جيالك بعد كده تقولك اصل الاهتمام مبيطلبش
نظر اليها ريان ببرود وتجاهل ليعود ويكمل حديثه مع عشق
سلمي بضحك/ الواد علم عليكي
فرح/ نينينييي وامسكي بقي البت العيوطه دي وانا هروح لرعدودي
اخذت سلمي نور بضحك علي هذه الغاضبه وابنها العاق وتتجه فرح لرعد الذي كان يجلس مع نوح
لتنظر سلمي ببرود لرحمه تلك التي تأكل بلا مبالاه لاحد/ ع فكره الاكل بليل بيطخن
رحمه بذكاء/ وهو الاكل عرف منين ان احنا بليل
سلمي/ انا اقتنعت
لتغمز اليها رحمه وتكمل الطعام
_____________________________
فى شركه الهلالى والذى أصبح مالكها الان هو احمد الهلالى بعد وفاه منصور ، كان يجلس على مكتبه يراجع اوراق اخر صفقه وسمع صوت طرقات على الباب
احمد وهو لم يرفع عينه من فوق الورق/ ادخل
دخلت السكرتيره وهى تحمل فى يدها بعض الاوراق
السكرتيره برقه/ احمد بيه حضرتك الورق ده محتاج امضه سعاتك
رفع احمد عينيه من فوق الورق بابتسامه وغمزه/ هوا الورق بس الى محتاجنى
السكرتيره/ احمد بيه عيب كده
تحرك احمد من مكانه وذهب ليصبح فى مقابلتها وحاوطها بذراعيه/ نغم ياحبيبتى بطلى كلمه بيه دى انا جوزك ياماما
نغم برقه وهى تعدل الكرافته/ احمد بيه احنا فى الشغل ماينفعشى الى بتعمله ده عييييب
ضحك احمد بصوته كله/ يالهووى ياناس على قلبى الى بيتكثف ووضع قبله على وجنتيها
بقولك ايه فين العيال
نغم بضحك/ وديتهم عند بابا هوبا حبيبى
احمد بغيره/ نغم بطلى ياماما متخلنيش اكسفك دماغك النشفه دى وبطلى عند
نغم بضحكه/ طب يلا يااستاذ ورانا شغل كتير
احمد بمكر/ اه صح الشغل كتير وصعب والله الواحد بيتعب
ويلا على مكتبك ولما مدام كارينا تيجى وقولى
نغم وقد اشتعلت قلبها قبل عينيها بالغيره/ مدام مين ياعنيا
احمد ببرأه/ مدام كارينا دى العميله الجديده مقوليكيش الشغل معاها صعب ازاى
اقترب منه نغم وسحبته من ملابسه/ احمد ياهلالى اقسم بالله لو الى فى دماغى صح عاوزاك تقول على نفسك يارحمن يارحيم
انا هطلع استنى ست زفته
خرجت نغم من المكتب بغضب وبعد مرور بضع دقائق وجدت فتاه تقف امامها بشراء البيضه وشعرها اصفر وتردى فستان قصير ضيق كأنه جلد ثانى لها وتتحدث بمياعه/ لو سمحتى انا داخله لاحمد بيه
نغم بغضب/ اتفضلى قدامى اما نشوف اخرتها
كارينا باستغراب/ افندم نغم بابتسامه صفراء/ لاء ابدا اتفضلى قدامى اما نشوف اخرتها يامدام كرته
دخلت كارينا الى احمد ومدت يدها للسلام عليه ولاكن قاطعتها نغم وهى تصافحها/ معلشى اصله ميسلمشى على رجاله قصدى حريم
كارينا بغضب/ انتى بتكلمنى انا كده
نغم بغضب/ لاء بكلم امى يابت
كارينا بقرف/ انتى واحده قليله الادب
نغم بغضب/ بس كنت مستنياها تغلك وهى غلطت
ثم هجمت على كارينا وشدتها من شعرها/ اوعى تكونى فاكره نفسك ياكرته انتى انك هتلفى عليه لاء اصحى دا انا ادفنك هنا
كارينا بصراخ/ تبعدى عنى يامجنونه انتى مالك اصلا
نغم بصوت عالى/ مالى ياعنيا الاستاذ الى عاماله تبوصيله نظرات مش كويسه ده يبقى جوزى يا اكس لارج انتى
قومى اطلع بره مش عاوزه اشوف خلقتك هنا تانى
خرجت كارينا واقترب احمد من نغم
ولاكن قاطعته وهى تمد له بظرف
احمد باستغراب/ ايه ده
نغم/ معرفشى جواب جالك انهارده
فتح احمد الجواب وسرعان ما تحولت عينيه للون الاسود من شده الغضب