كثيرةٌ أنتِ،
بوسعك أن تتركي جزءًا منك
في كل مكان أعرفه،
وتستمرين بفكرة بقاءك كاملةً ~
#للــكـاتــبة :yaqeen.hassan
#اســتاذي الـمـغـرور
قراءة ممتعة💞
✨•••••••••••••••••••••••••••••••••••••••••✨
واكفة وصافنة ودموعي تجري اباوع على العرس من الشباك واشهك
عكس الناس عرس اخوي ومكدرت افرح بي
كلة بسبب منو بسبب الراح وعافني مدمرة
رحت للفراش بعد ما ختنكت اخذت الاوكسجين وكمت اشهك قووووي وابجييي
ورجع الموت يمشي كبالي
غواش صار بعيوني......
تمنيت الله ياخذ روحي ماعرف شنو رح اشوف بعد بحياتي
شنوووو.............
هنا غمضت عيني غبت عن الوعي من الخنكة
مررة ثانية وعذاب ثاني فتحت عيني على صوت قويي ميزتة صوت احمد وبابا وهمام واحد شايلني تكون
رجعت غمضت وحسيت فتتت بعالم هيج كبير
واني صغيرة بي
يمكن بهاذا العالم جنت فرحانة جنت اركض واضحك واعيط اني مرتاحةة اني مرتاحة
بسسسس ماكو راحة تدوم للابد
صحيت على نفس الاجهزة اللي تعودتو تسمعوهة
مني جهاز الاوكسجين بحلكي الكانونة وهذا اللي مثل القراصة يتشكل بالاصبع
اجر النفسس قوووي واحس شوية دخل لرئتي ماعرف وين يروح النفس هذا
فتحت عيني همات وحدي ماكو احد يمي
وخرت القناع وكمت اخذ نفس رجفتي زادت
دخل علية دكتور كام يقيس النبض وحط القناع على وجهي رجعت وخرتة
الدكتور : بابا خلي لتختنكين
ليال : با با ا اريد ا ابوية
الدكتور : هسة اصيحة
ليال : راح وشوية دخل بابا ووياه قاسم تقرب يمي مديت ايدي لسترتة لزمتهة قوي وكمت ابجي تقرب يمي وحضني صرت ابجي واشهك قوووي واشكيلة بداخلي
كمت ارجف قوي وبابا يهدي بية
قاسم : ليلة ولج كافي شكو البجي مابيج شي
الاب : حبيبتي كافي مسحي دموعج شو مسحيهن
ليال : مسح دموعي وكعدني فاتو ورة شوية احمد بالقاط مالتة وهمام
تقربو حضنوني
احمد : موتيني خوف عليح شجاج يروحي
ليال : مابية شي روح لعروستك
احمد : شلون اعوفج
الاب : بوية روح انت عفت البنية وحدها هوة العرس خلص روح اني واخوك يمهة وطمن امك كللهة مابيهة شي
احمد : ديري بالج على روحج وباجر ترة ما اتريكك اذا انت مو باللبيت
ليال : ضملي من الكيمر مو تاكلة كلة
احمد : والله اجيبلج صينية كيمر بس رجعي بالسلامة
ليال : بتسمتلة وهوة راح ضلو بابا وهمام يمي نمت على جتف بابا اللي جان كاعد بصفي
وغفيت من التعب ومن هلكد ما بجيت
ثاني يوم من الصبح كعدت على صوت بابا دنطلع رجع قاسم يوصي بية
قاسم : لج ديري بالج على روحج اكلي اكل صحي شربي حليب وفواكه سويهن عصير
كافي تبجين على اي شي عدلي نفسيتج
ميصير هيج وراج دوام ودراسةة
وشوفي روحج باقية جلد وعضم
ميصير هيج اجيج بعد يومين الكاج سمنانة ماشي ترة والله اكتلج
ليال : بابا كلة يريد يكتلني
الاب : خلي يمد ايدة حتى اودي للطب العدلي
همام : يلة امشي وياي
ليال : سندني همام ومشينة للسيارة جانت دنية صبح رجعنة للبيت
ستقبلتنة ماما تبجي وتحضن بية وحتى فرح جتي لان جانت بالعرس ودرت باللي صار
ضليت الصبح كلة جوة حايرين بية واحمد همات مطلع ضل يمي رانيا همات كيفت كالت الاهتمام صار الج مو الي لان استحي الثولة ههههه
ضلينة هيج للغدة ورة الغدة راحو خوالي وحتى عمامي فرغ البيت ورجع للناس الطبيعين البي
مددت على القنفة ورة الغدة ونمت من التعب واحد مريض بس يستلمو دك سوالف
كعدت هم على صوت باوعت كرايب من طرف بابا كاعدين خرب شلون فشلة كمت سلمت هليهم اني ووجهي المنعس ههههه جايين علمود رانيا وهم صارو علية
رحت يم سارة وكعدنة المصور داز التصوير اخذتة و كعدت اباوع وحدي بالغرفة
ضليت اباوع واضحك على الركص مال اصدقاء احمد
وفجا صفنت هوة ماكو كال لاحمد مرة الة العب لعب بعرسك وينك هسة صديقك عرس حتى هذا تخليت عنة وينككك
كملت الفديوهات بس بدال الضحك جنت ابجي واتخيلة بكل مكان بالفديو
كملت التصوير ورجعت نطويت على روحي بالفراش حضنت اللحاف وضليت ابجي قوي
واني اتذكر كل لحضة وكل نضرة منة ليش تركت كل هذا ورحت ليششش ليش تركتني بعد ماحلفتك بحبنة
ليش ثائر ليششش
ستمريت هيج وهمات اضل ابجي لحد مااختنك وحتى الاوكسجين ميفيدني
اخذت القناع وحطيتة وكمت اتنفس وابجي
وضعي صاير مينحجي بي اللي يشوفني يكول هاي دتموت بس على للبطيئ
صعدت يمي ماما لان صوت بجي والكحة همات عالية حضنتني واني اشهك قوي
واكول بكلبي ربيييي كااافي عذاببب كافيييي
ولللله تعبتتتتتتتت
ضلت ماما تهدي بية بس اني ماكو فايدة درت وجهي غطيت راسي ابجي ولابسة القناع ماما ضاجت وطلعت تحجي علية
اخخخ يا ماما لو تعرفين البية اخخخ لو تدرين بشنو دا امر كل يوم وكل لحضة
سمعت صوتهة تحجي وية احمد برة وتكلة على حالي
احمد : خلاص عوفيني اني احجي وياهة
ليال : فات للغرفة سد الباب وتقرب على كيف حط الكرسي يمي وكعد كبالي جر اللحاف واني لازمتة
احمد : عوفي بس اشوفج ختنكتي
ليال : م ما ر يـ ـد
احمد : زين بس عوووفي خرب اخيرا
ليال : جرة من وجهي باوعلي
احمد : ليش
ليال :باوعت علي ودرت وجهي
احمد. : ليال لشوكت رح تنهزمين هااا جاوبي
ليال : عوفني
ليال : لا مرح اعوفج اليوم كاعدلج للصبح وما اكوم اذا ما اعرف السبب يلة
ليال : ضلت دموعي تنزل واحجي بكلبي واشكيلة
شكد اتمنة احجيلهم حبي الة واكولهم اني اعشقة بس ماكدررر
ضلينة هيجج لليل ماما جابت العشا واني ما اكلت تقريبا لل11 كام احمد
بعد ما جان لازم الموبايل
كام واجة وكف كبالي
احمد : تعبانة موو احنة هم تعبانين
نفسيتج زفتت احنة هماات
بس شنسوي اذا كل شخص تاذة او ضايج يسوي مثلج
جان العالم كلها هسة كاعدة مكتئبة بيتهة
ليال كل شخص وراه حياه انت متعرفين يجوز هذا اخر يوم الج شمدريج
المفروض تعيشين هاي الايام حتى لو تعبانة وضايجة هذا اختبار من اللله واحنة مابيدنة شي
اي البجي يحسن النفسية بس مو هيج صارلي من الضهر كاعد وانت مابطلتي
ميصير هيج ااذيتج من اذيتنة كل ما نشوفج هيج نتاذة اكثر منج لان نحس روحنة ضايعين منعرف شنسويلج
دتشوفين حال ماما هية مريضة وكلسع صاعدة لدرج علمود تتطمن عليج الليل متنامة كلسع جايتج
وانت ممهتمة بس تبجين
ليال اذا حتضلين هيج رح تصيرين انانية والله
كافي عدلي حياتج كومي شوفي دراستج ميصير هيج
ولا تطخين السانج بلساني لحد ما ترجعين مثل اول تمام
ليال : طلع وزاد جروحي اكثر واكثر ضليت جامدة
وضحكتت اي ضحكت كمت اضحك وابجي بنفس الوقت
ماعرف شبية ماعرف شنو الديصير
بس كل يوم اكتشف ان هاي اسوء ليلة بحياتي
كللل يومممم
ضليت ابجي وابجي وابجي لحد ما تعبت ومليتتتت من صدك ثاني يوم جان دوام كمت كوة اجبر روحي اخذت جنطتيي البخاخ والاوكسجين ونزلت تريكت لكمتين شربت العلاج وطلعنة اني واحمد محد حجة شي
نتضرنة فرح تجي ركبت
والطريق سكوووت محد حجة فرح تعرف البية واحمد زعلان واني بعالم ثاني
نزلنة ورحت للشعبة نمت على الرحلة وهاجت الذكريات علية كمت ارفع راسي اتخيلة واكف كبالي
ضليت افرك راسي وامحي من خيالي واكول خلاص روحح روححح
والله تعبت روووووووووووووووووووووووح
قبل 3 اسابيع :
ليال : شو سيارة ثائر ماكو شنو منو جابج
فرح: اه مو مو عمو بالنلصرية
ليال : ليش
فرح : من العقد مال احمد لم ملابسة وراح وكال مستحيل ارجع بغداد بعد وراح يشتغل وية عمو ثامر
ليال : ضليت متصنمة والزمن توقف داير مدايري
ماعرف من الصدمة دخت وبلا وعي غمضت عيني ووكعت وسمعت عيطة سارة اخر شي
رحت بعالم ثاني عالم اتمنى لو اضل بي للابد عالم شلون الجنة خضاررر وحشيش وورد وحتة حيوانات لونهن ابيض ويخبلن
وشفتة من بعيد شفتة تقرب باتجاهي وكل ما يتقرب اني ابتعد
حاولت اكوم بس باوعت على روحي مربوطة بكرسي والكاع اللي اني كاعدة عليهة سودة
باوعت وراي سواد بسواد يعني شي يقبض الكلب
باوعت كدام ثائر واكف على الخضار واكو صاير مثل للسور بيناتنة
ثائر : تعالي وياي اعيشج ملكة تعالي ليلتي تعالي
ليال : هههههههئ _ شهكت وكمت من مكاني شلون جنت بالكابوس ارجف واتذكر الحلم باوعت احمد وفرح المدرسات داير مدايري
احمد : شلوت صرتي يروحي
ليال : لزمت راسي واني احس روحي مسطورة من الحلم كمت واني ارجف واحمد يحجي وفرح تحجي واني ما اسمع شي بسسس صوتةةة باذني اخر مرة من حجة وكلمة احبج
معقولة سواها وراححح تركنييي ومرح يرجعع معقولة هيج بسهولة
ليشش شنو التغير شسويت يعني عبالة اني احب باقر لهذا راحح
مبجيت ومنزلت دمعة من عيوني ضليت جامدة وبس الافكار تمشي براسي افكار هواي
ووجع راسي هيج يرررروح ويرجعع بقوةةةةةة
وكلسع ادوخ كمت وطلعت واحمد يمشي وياي ويريد يفتهم شبية مجان بية اي قوة واي حيل ووكفت كبال باب الادارة لزمت ايدةة قوووي _ اريد اطلع طلعني منا حموتتت طلعنيييي
احمد : شبيج بس فهميني.
ليال : ر رح ا ا مو ت _ هم رجعت جتني الدوخة ووكعت مرة ثانية
هنا صحيت بالمستشفى
ماوصفلكم معاناتي لان ماتنوصف ضليت شلون الجثة امشي وبلا وعي ماكو احساس بداخلي بس الذكريات تمشي شلون السلسة بعقلي
تازمت حالتي وكمت اختنك بس ما احجي اضل هايمة بذكرياتي
يومين اني بالمستشفى ضليت وكل يوم حالتي اسوء اكثر واكثر ومحجيت شي ولا بجيت
يعني من اكلكم احساسي راح راح من صدك
رجعنة للبيت وكلهم يحاولون وياي يريدوني احجي صعدت للغرفة
ضلت ماما شوية وراحت اول ما سمعت سدت الباب وكعت دموعي بسرعة وبدت تنزل وتنزل وتنزل
وحدة ورة اللخ شلون الشلال ونفتح
انفاسي بدت تتزايد وحجي فرح اخر مرة يرن باذني هوة راح ومرح يرجع مستحيل يرجع يعني نضراتة يم الشباك جان يودعني يعني شنو حركتة شنو معناهة
يعني هوة راااااح كمت اشهك واشهك واشهك وابجي قووووي
كلبي يحترككككك واني اتذكر نضراتة وضحكتةةةة واكول موة هوة اللي كال ماعوفججج مو حلفتة باغلى شي عنندة
ليششش راحححححح ليششششششش
ليشششش حبيتكككك بكل قوةةةةة عندي
حبيتكككك وما نسيتككك وضليتتتت كل يومممم وكلل لحضةةةةة بخيالييي وبكلبييي
ليششش رحتتت علمود تدمرنيي
ليش رحت مو كلت ماعوفججج للموتتت مو كلتتت احبجج الحب هيج سهل هيججج كلمة احبج رخيصةةةة
تخليت عنهة ورحت ليشششش رحت ليشش
كل هذا الحديث جرة بداخلي وبالواقع صافنة على الشباك ودموعي تنزل واشهك وجسمي يهتز
يمكن جانت اكثر لحضات حياتي اللي تدمرت بيهة
مو توجعت تدمرت يعني جنت بين الصاحية والغايبة عن الوعي
من ارجع اتذكر هاللحضات ماتذكرهة كلها لان مجنت بوعيي
مرت هاي اللحضات والساعات والايام
واني هذا وضعي بس ابجي محد عرف شبية غير فرح
ومحجيت اي شي بابا وماما واحمد وسارة وهمام كلهم حاولو وياي بس جنت ميتة
اختنك واوصل للموت وارجع احيا دوام كمت اداوم وارجع اتخربط فقر دم صار بية لان ما اكل
ماعرف شكلكم والله بس تاذيت لدرجةةةةةةة ما تنوصصصصصف هذا الاكدر اكولة وبسسسس
صار ععرس احمد وتجهيزاتة ومكدرت احضر لان باخر ايام مكدرت اتنفس بدون القناع وهمة تفهمو وخلوني
نرجع للواقع :
خلص الدوام رجعت لغرفتي كعدت اقرة شوية بدون نفس هيج كوة اقرة
خلصت وماما جابتلي الاكل اكلت شوية لان لحت علية نمت على رجلها وضلت تقرة على راسي شوية وفاتت رانيا
رانيا : هلو افوت
الام : تعالي حبيبتي
رانيا : شلون صرتي
ليال : احسن
الام : يلة كعدي يمهة اني انزل جوة
رانيا : تمام خالة
ليال : كمت من حضن ماما وكعدت يمي رانيا
رانيا : شبيج
ليال : شبية
رانيا : ثائر بالموضوع موو
ليال : لا
رانيا : هوة ماكو هنا شنوو رايح
ليال :اي
رانيا : يعني هاي حالتج لان راح
ليال : رانيا مرح تفهميني
رانيا : لا افهمج احجيلي ميصير تضمين بكلبج هيج
ليال : رانيا شافني وية باقر وجان لازم ايدي ديركبني بالسيارة علمود اجيج شافني وخلة باقر يفوت وكال شلون تخلي يلزم ايدج وابوج شلون واني من راسلتج مرضو
وراها راح وكف يم بيتهم جيتج ورجعت كعدت يم الشباك احط مكياج طلع هوة باوع على شباكي وحط ايدة على كلبة ودزة الي عبالك ديودعني نتضرت يوم الدوام كوةةةة بس حتة اشوفة ورحت ونصدمت بي رايج وكايل مستحيل ارجع لبغداد
رانيا : لحضة لاتبدين تبجين
ليال :ماكدر ماكدر _ درت وجهي ودموعي كامت تنزل
رانيا : ليال ما فهمتي من فرح ليش راح او......
ليال :رانيا راححح لان شافنييي ويةةة باقررر عبالة انيي عندي علاقةةة وياههه لان قبل مرة هم شافني وياه راح وهوة ما مفتهم السالفة راح وهوة ضايج مني يعني ضلمني بتفكيرة
رانيا : ليال لا تحكمين بسرعة
ليال :رانيا ماكو شي احكم علي السالفة مبينة كال مستحيل اروح وحلفتة بغلاتي وغلاه حبي كالي حلفتيتي باعز شي عندي ماروح ومراح بس هسة ليش راح والله بس لو اشوفة كبالي اضل اصرخ بوجهة واكلة ليش كسرتني
رانيا :ليش ما تحجين وياه بالموبايل
ليال : شلون يعني شكلة اكلة ارجع ولاتعوفني متتوقعين ان هذا تصرف رخيص حتى لو جان من اجل الحب
رانيا : بس ليال ميصير هيج حالج يضل ميصير يروحي والله احمد متخبل ويضل يحجي بالغرفة وضايج وعمة همات
ليال : ماكدر رانيا ماكدر محد يكدر يفهمني
رانيا : ليال والله فاهمتج
ليال : عوفيني وحدي حباااابة
رانيا : تمام
ليال : طلعت واني ضليت على وضعي شنو متوقعين اسوي اروح اكلة ارجع لتعوفني واني ماكدر اراسلة وماكدر انطي امل علاقة
يعني بس اخلي يرجع واخلي كبالي اباوع علي هوة يتاذة واني اتاذة
على الاقل هوة رح يرتاح راح لبعيد حتى ينساني ويبني حياتة على الاقل رح يرتاح
بس اني رح اضل هنا متعذبة
كمت اخذت كتبي مرة ثانية وضليت اقرة واطلع محاضرات لدروس الجديدة على الموبايل وارككز واحاول انسىىى
ذبيت كل حيلي بالدراسة عاد لخاطر اهلي وعلى حجي رانيا واحمد نزلت جوة قبل العشة ماما ضحكت وحضنتني صارلي تقريبا سبوعين منازلة جوة كلة اكل فوك كعدت بالمطبخ
_ ماما مشتهية دولمة سويلنة باجر
الام : بعد يمة كولي شمشتهية عشة تريدين شي
ليال : لا يروحي اكل اي شي من ايدج
_ فرحتهة جانت جبيرة حاولت اسيطر على دموعي كوة فات همام وكعد يشاقيني ويضحك وياي
وسارة جتي همات وبابا لحد مصار العشة شبعوني سوالف وصدك سوالف الاهل ينسون الاذية نسيت كلشي بهالساعات اللي وياهم
اجة احمد وضل كالب خلقتة
ليال : يعني عود زعلان انت وماد بوزك بابا كلة خلي ليزعل
الاب : ولك احمد لتزعل كوم راضي اختك
احمد : لا والله حتى اللي يزعل حرام
ليال : لعد اني صاعدة
احمد : نجبي وكعدي اني اللي ماد بوزي لو انت صارلج مادتة سبوعين
ليال : معليك انت يلة ولي اني الزعلت ههههه
_ ضلينة نتشاقة
ليال : صعدت للغرفة رحت لموبايلي ولكيت رسائل من فرح فتت علي وصار اللي بالي اخخخ كلبي اخخخخ بعد شرح تشوف .............
يتبع......
✨•••••••••••••••••••••••••••••••••••••••••✨
لهنا ينتهي البارت 💛
اتمنى يعجبكم خوب قفلاتي اابد متحمس مووو 😂😂😂😂
وها ماكو بارت باجر لتحاولون 😂😂😂
لهذا الصبر حلو صبرو لعكب باجر لان ممكملة البارت
لتنسون الايكككككك والتعليققققق
تمام احبكككككم هوووووواي 💛💛💛💛☁
~الــكـاتـبة : yaqeen.hassan~