قد حارَ في جمال عيناكَ مُتعجبًا أيُعقل أن أعيُنَ يوسفَ قد توارثَت ؟.
#للــكـاتــبة :yaqeen.hassan
#اســتاذي الـمـغـرور
قراءة ممتعة💞
✨•••••••••••••••••••••••••••••••••••••••••✨
ثائر : ليش شنو مكالتلج فرح مريضة البارحة الليل كلة مصخنة
ليال : ضليت صافنة بوجهة استوعب _ بس هية كالتلي.....
ثائر : اي الغبية البارحة سبحت بالليل وكعدت مصخنة
ليال : اففف لعد اني ارجع ويامن اروح
ثائر : اني وياج تعالي ركبي
ليال : ضليت صافنة وماعرف شلون وشنو لكيت روحي بالسيارة بالصدر لان هوة فتحلي الباب حسيت بقلق قوووي وخوف ماعرف من شنو بس بعدين هديت كلت هية سفرة عادية شنو يعني
و مجنت اعرف عواقب هاي السفرة العادية
مشينة والطريق كلة متوترة خطفت نضرة علي جان لابس هم بنطرون ابيض مال هذاك اليوم وقميص مقلم كحلي وابيض والحذاء كحلي ومناضر
ولحيتة المحددة درت وجهي بساع وحجة هوة وكسر الصمت
ثائر : شبيج خايفة مبين عليج
ليال : لا مو خايفة بس ضجت لان فرح ماجتي
ثائر : مو هية غبية شسويلهة
ليال : اي والله غبية
ثائر : يلة تفائلي وتونسي ترة اني ماندل صارلي هواي مجاي بغداد يعني ضليت سنين باربيل يعني ماعرف شنو اللعبة الحلوة والمو حلوة
ليال : ممم انت شتحب العاب خطرة
ثائر : احب سفينة نوح احب المراجيح العالية
ليال : وسكة الموت
ثائر : لتكليلي تحبيهة
ليال : نفسي اجربهة وية شخص بس احمد ميحبهة
ثائر : نجربهة عود هههههه
ليال : تمام نجربهة _ نطلقت وياه بالحجي ماعرف شلون وصلنة للمدرسة هوة راح للادارة واني للشعبة
وكفت يم حنين وزهراء اعدل بروحي جنت لابسة بنطرون بوبجي بيجي ووياه سويتر لون زيتوني ابو الركبة وفوكاه سترة سودة قصيرة وحذاء زيتوني شعري رفعتة ذيل حصان ونزلت من الزلف خصلتين وكذلتي بف واكسسوارت ومكياج بسيط
من طلعنة وكفت اضحك يم البنات ونحشش على اللي لاعبات طوبة بخلقتهن باوعت ثائر ياشرلي رحت يمة
ثائر : ركبي بهالكوستر تمام اني بي
ليلى : ماشي استاذ _ ركبنة وجريت حنين وزهراء يمي بالمقاعد الاولى فات ويانة ثائر واستاذ علي المعاون وكفو يم الباب يسولفون واحنة ضلينة صافنين وكاعدين زهراء جريئة وتحجي عادي عاد اشرتلهة
أنت تقرأ
اســتـاذي الـمـغـرور
Romanceكلبي دك من الخوف اشوف الخوف المخفي بعيونة واصبر روحي واكول حنطلع رح نصير بامان ثائر : ادعي ليال ادعي ليال : ياللله ياللله ياعلي ياعلي لحضات الموت جان يفتر داير مدايرنة فجاااا سمعنة صوت الباب دينفتح باوعلي ثائر وعيونة دمعت همس بصوت ناصي وجرني ورة...
