اســتـاذي الـمـغـرور

part 53

علمني اذا مر ليلي من دونك
شسوي وماتجي ابالي!

#للــكـاتــبة :yaqeen.hassan
#اســتاذي الـمـغـرور

قراءة ممتعة💞

✨•••••••••••••••••••••••••••••••••••••••••✨

ضليت متصنمة ودكات كلبي تقرا الف حسيت بانفاسة على ركبتي

رفعت ايدي اريد اخليهة بشعرة والعب بي بس حسيت شي منعني بداخلي

ضل هذا الشعور يراودني طول هالاسبوع

كل ليلة ثائر ينام بحضني بس اني ماحجي وياه شكد حاول يصالحني بس مارضيت
ردتة يحس باللي حسيت بي

البيت تقريبا كمل بقت الاساسيات وحاليا ديشتغلون على الواجهة مال البيت الغراض نص وصلن ونص لا ويومية يروح لمكان يجيب شغلة للبيت

ضلينة هيج وضعنا لا احنة المتصالحين ولا الزعلانين احجي وياه بالبيت ومرات على الكلية بس بثكل ومن يتقرب مني يريد يبوسني او يحضني ابتعد لو اضل جامدة ما انطي ردة فعل 

ومر الاسبوع الثاني وهنا صرنة شهر متزوجين

واحنة ماشالله كلشي ماشفنة من زواجنة

بنهاية الاسبوع كاعدة امسح البيت واباوع علي كمل اخيرا من التنضيف والغراض محطوطة

بس بقى نرتبهم

اليوم رح نبات اخيرا بالبيت لان الغرفة كملت

ذبيت الماسحة بالحمام وادوات التنضيف كعدت على القنفة حيلي مهدود الدنيا ليل وتوهن ماما ورانيا وعمة اسراء وفرح راحن من يمي

مددت على القنفة شوية وافرك براسي اخخخ شوكت نستقر وارتاح يالله

شوية ونفتحت الباب وفات ثائر وبيدة يطبب بالغراض باوعت عليهن هذني الاشياء اللي وصيتهن من النت خطية ضطر يروح للمحل نفسة يلة يجيبهن لان عامل التوصيل طلع مريض وماعدهم غيرة فهوة كال اروح اني احسلي

والمكان جان بعيد والدنيا جانت برد مو طبيعي

فوت الكراتين وسد الباب تنفس قوي وذب اللفاف اللي جان مغطي بي خشمة ووجهة بدة ينزع الجفوف والشفقة والقمصلة

جان لابس كومة

ثائر : هاي الغراض شوفيهن خاف جايبين غيرهن

ليال : اكعد انت اشغلك التدفئة _ رحت عليت التدفئة ورحت للمطبخ صبيتلة نسكافيه جنت مسويتهة وضامتهة بالمايكرويف صبيتة بكلاص واخذتة الة نطيتهياه

ثائر : اي رحم الله والديج

ليال : دتمطر الدنيا

ثائر : لا بس عاصفة وهوا قويي

ليال : رحت افتح بالغراض وابتسم يالله كلهن جايبهن الاريدهن

ثائر : كومي يلة خلي نرتب البيت