عيناكِ في الكون أحلامي وآياتي فكيف أكتمُ ياحسناءُ آهاتي لقد رأيت جمالا ً بات يأسرني فاختاركِ القلبُ ياأحلى الجميلاتِ .
#للــكـاتــبة :yaqeen.hassan
#اســتاذي الـمـغـرور
قراءة ممتعة💞
✨•••••••••••••••••••••••••••••••••••••••••✨
ليال : صحيت الصبح كمت بدلت ولبست قمصلتي واني اراجع ومخبوصة نزلت جوة جانو كاعدين احمد وبابا وسارة
_ صباح العضوية اووووه اقصد الخير
سارة : ماثرة عليج العضوية
ليال : افففف خبلتني والنبي
احمد : يلة نشالله تجاوبين كومي يلة
ليال : هاك اخذ جنطتي شيلهة
احمد : خدام عندج اني
ليال : اي غصبن ما عليك
احمد : والله يالله
ليال : لبست الحذاء وطلعنة احمد كالعادة واكف يسولف وية ثائر دنجت راسي _ صباح الخير
ثائر : صباح النور يلة ركبو
ليال : ركبنة السيارة واني وفرح مندمجين بالكتب
ثائر : هاااا متفائلات
فرح : لا ابد اعرفك عمو حتشوينة
ليال : على الفحم ههههههه
ثائر : هههههههه لا لتخافن عدلت بيهة الاسئلة وصارت سهلة
ليال : صدك استاذ ايي همزين
فرح : لتخافين الاسئلة السهلة عند عمو بالنسبة النة تشوي شوي
ليال : هههههه تفائلي شوية
فرح : ياريت اكدر ياريت
احمد : ليش احسج وحدة ارملة رجلهة متوفي
ثائر : بالضبط ههههههههههه
فرح : برطمت _ تضحكون علي
احمد : ضحكي وانطيج عشر درجات
ليال : فرح ضحكت من كل كلبهة _ مصلحجية
احمد : خوش انطيج عشر درجات هههههههه
ليال : وصلنة للمدرسة ونزلنة طبينة للصف فارغ البنات برة يراجعن كمت ارتب الصبورة وفرح تقرة اسئلة بصوت عالي وتجاوبهة
فرح : ليال شصار البارحة ليش طلعتي خايفة وترجفين
ليال : تنفست قوي وحرت شاجاوبهة درت وجهي عليهة _ عمج صفن بوجهي وكالي انت ليش هيج حلوة
فرح : هااااا
ليال : اي فرح راسي حينفجر مداعرف شديصير ليش كالي هيج انوب اني مكدرت اجاوبة نهزمت وبالليل دزلي رسايل يعتذر ويكلي مشاعري هية القادتني يعني شنو مفهمت
YOU ARE READING
اســتـاذي الـمـغـرور
Romanceكلبي دك من الخوف اشوف الخوف المخفي بعيونة واصبر روحي واكول حنطلع رح نصير بامان ثائر : ادعي ليال ادعي ليال : ياللله ياللله ياعلي ياعلي لحضات الموت جان يفتر داير مدايرنة فجاااا سمعنة صوت الباب دينفتح باوعلي ثائر وعيونة دمعت همس بصوت ناصي وجرني ورة...
