هذيانٌ بين جمرٍ وجليد ..(ارملة اخي المجنونة)

43//

رواية هذيان بين جمر وجليد ..
الفصل اثنان واربعون
نورا ناصر ..

***

منّو مثّلي تُغثها وتِرجع تِحبك . .

***

موج ..

طلع عمو أبو حسين وخله وجهنا فالت ..

ميتين خوف وأحمد بس يتحسر ومخلي اديه وره ظهره ويفتر رايح جاي بالصالة .

فرح من مكانها كالت عزااا هذا اووس ماكو غيره ماااكو غيره لحكنا لهنا والله مراح يتركنا والله إله يذبحنا ذبح هالمرة .

ظلت تبجي وخايفة وانين مخليه ايدها على حلكها
باوعتلها مخلت عينها بعيني دنكت عرفت عدها شي ...

استمرت فرح تولول وتبجي وحاضنه ابنها وهو هم طكاهه بجيه متضامن وياهه ..

احمد التاف عليها كال سكتي فرررح سكتي خليني افكر شصخم شسووي سكتي لخاطر الله .....

كامت على حيلها وراحت لزمته من كتفه وتناشغ
_ شتفكر أحمد شتفكر الله يخليك لمن ما ننكتل هنانه رجعني لبغداد رجعنااااا هناك علي صحى وهو يأمن على حياتنا ويحمينا ....

راح كعد ع القنفة ورفع شعره ليفوك
جرها حسرة وكال الها بعد ما باوع عليها بنظرة خاطفة
_ لا تتخبلين مووو وكتج هسه خليني افكر ..

وبعد والله اذا عتبتي باب الشقة وطلعتي كعدي وستري على روحج دخيلج مالنه خلك مصايب...

وباوع عليه وكال موج فرح مسؤؤليتج لتخلينها تطلع منانه ابد واني راح اقلل طلعاتي وبس صبروا اشوف هذا الولد الي كال يدبرلي مستمسكات مزورة حتى نطلع .

رحت دا اهدئ بيها لزمتها من كتفها نترت ايدي وصاحت : شنووو اني طفلة لو مخبلة شبيكم تحسسوني اني موو صاحية حتى انتوا هم عليه
حتى انتوا .. ؟؟ والله مليت والله ..

شفتها منهارة احتاريت شنو اكوللها
حاجيتها بتوسل فرح مو هيجي فرررح اهدي عفية كلنا خايفين ولازم اكو حل ...

هي بقت منهارة واحمد شافها هيج وهو معصب خله وديطلع رحت لزمته احمد وين لتطلع فدوة لا تعوفنا .

كال والقهر والحيرة مسيطرة على نبرة صووته ..
مارايح بعيد هنا يم عمر ..
وفتح باب الشقة وطلع ..

انين باوعتلي بنظرات خوف قلقة وطبت تركض للغرفة
معرفت شبيها ..

تبعتها فرح هيه وداني رحت وراهن شفتها كاعدة ع جرباية وترجف كعدت يمها احتاريت بينهن واني اكثر خوف منهن ، بس متماسكة من الخارج ومن الداخل اموووت قلق وخوف مو بس ع نفسي حتى على اخواتي واخويه .

اخذتها فرح لحضنها تسكت بيها ، وباوعتلي
كالت هاي ترجف ولكم والله احنه لازم نرجع لبغداد لو نتواصل ويه بيت الشيخ يجون يحمونه ..

أنين كالت موج كلام فرح صحيح اوس مجرم مراح يرحمنا ابد رجعونا لبغداد احسن هم يحمونا خابروا إحسان هو بس يكدر له .

عكدت حواجبي وليش هالثقة هاي بحسان بالله ؟؟ انتي مو جنتي صارعتنا حسان ميت وحسان ميت وانتوا تجذبون عليه ؟؟

اشو من فترة انتِ مطمئنة ووضعج متبدل شكوووو لا يكوون تواصلتي ويا ولج ...

ظلت ترجف وارتبكت : لالا شنو هالحجي ودارت وجهه
ركضت سحلتها من حضن فرح وهيه ظلت ترجف تباوعلي بنظرات خاطفة ومتندمة وتهز براسها وعيونها مليانة دموع .

جتي فرح خلصتها من اديه وكالت اتركيها موج شجااااج شجااااج إحنه بأي حال هسه .

ختوولي اكص ايدي اذا مطلعت متواصلة ويه حسان ..

التفتت فرح عليها صدك هالحجي انين ؟؟

خلت اديها على وجهه ...

رحت ادور على موبايلها فتحته ، فعلت نت بتليفوني وسويت لتليفونها بث مال نت ...

رحت الها اجرجر بيها من ملابسها واصيح بوجهه ولج احجيي على آي برنامج تواصلتي ويا احجييييي .

فرح صارت بيني وبينها اتركيها اتركيها نسيتي شسوا بيها اوس وبسب
كالت هيج وسكتتت وتراجعت وشحت نظراتها مني ...

كتلها كوليها كووووليها بسببي موو؟؟ تقصدين بسببي ؟

باوعتلي بأسف وراحت حضنتها ويبجن اثنينهن ودانيال يجر بأنين ميقبل تحضنها فرح ..

نزلت الفيس وربطت ال جي ميل الي بجهازها خليته بالمعلومات
مالة التطبيق طلعلي حسابها بس طلب باسوورد ..

جبرتها تخلي الي وفتحت حسابها شفت مخليه بالمعلومات المحافظة كركوك .

باوعت عليها خزرتها وعضيت شفتي ونطقت من بين اسناني المصرورة "غبية ، غبية " والله اذا عرف بيج
أحمد ينهيج يسكطج والله .

صرخت مفزوووعة وتتوسل لالا موووج حبابة والنبي جنت تعبااااانة والنبي عبالي مات خطية هو نقذ حياتي جنت داااموت اني موووج داموووت ...

فرح ظلت تتوسل بيه واحس وجهه رجعت عافيته
كالت لتخافين انين لتخااافين عمري مراح تكوله مخبلة هيه وتكوله ...

باوعتلهن بغضب وظليت ادور بالحساب شفته بقائمة الحظر حاظرته ...

فرح كلتلي هسه احس ارتاحيت معناهه مو اوس الي ديدور علينا هذول اكيد بيت الشيخ لو جماعة حسان لان هو هم جان رافض طلعتنا ...

موج انتي وصلي لاحمد فكرة بدون ماتكوليله انين تواصلت ويه حسان ماشي! خطية طمإني هسه هو هم قلق ومحتار شيسوي...

سكتت وانو ظلت تهز بيه وتبجي وتتوسل
مووج مراح تكوليله موو مراح تكووليله حبابة..

صرخت واني ابعدها ولجن احنه لازم نطلع منا شمدرينه ميكون هذا اوس مو بيت الشيخ وبعدين منين عرفوا مكانه هم ومنو منطيهم عنوان عمو ابو حسين القديم ؟

فرح كالت كولي لأحمد خلي يخابر سالم ابن عمي ويستفسر منه ...

اكيد هم منطين العنوان اتوقع هيج لان هم يعرفوهم وجايين الهم يخطبون سوزان واكيد لمن جانوا بذيج الشقة و بذيج المنطقة وميعرفون هالعنوان ..

كتلها بارتياح وربج ميعرفون هالعنوان جان هسه اجو علينا وتأكدوا احنه هنانه ..

فرح : وجان اندلونا وشنوو يعني خلي نرجع مليت فكروا بيه ماكدر ابعد اطفالي عن اهلهم ماااكدر ..

بنتر : تردين ترجعين للاهانة والذل ست فرح موو ؟

نسيتي لي سوته بلقيس بيننا ؟ لج مشالت سجينه بوجهنا هي وعصابتها ماجرت داني من حضنج نسيتي هذا كله بس شويه حنيتي .

_ سوت هيج جان عبالها علي مات "اسم الله عليه" واذا لو علي موجود ما تتجرأ تسوي هيج ابد .

ظليت افر بيدي ودرت وجهي سمعتها كالت
وشرار موج شنو انت هم تنكرين حبج اله ؟ وتردين تعوفينه بهالسهولة ؟

باوعتلها بحدة وعصبية وخزرتها
شحيت نظراتي منها وتمتمت بصوت مسموع
يمكن اكون احبه بس ماريده ...

ابتسمت بسخرية : فرحي روحج بهذا الحجي ست موج حبه طافح منج ومبين على ملامحج بس تكابرين مدري تتعايرين ..

رفعت حاجبي : مو كل شي حب ست ام دانيال مو كل شي حب هذا الي تسمينه حب اذا تزوجنا بعدين ينقلب جحيم عليه يحركني ويحول حياتي عذاب ..

_ ايبااه ترة هو هم يحبج ليش جحيم بالله مو كلج ياخذج لروسيا تدرسين ماستر معناهها حتى مايريد يبعد عنج ويخليج كبال عينه .

اي عيني اروح يم مرته موو ؟ يخليني كبالها ؟؟

وكتلج الحب موو كل شي فرح ، ينسي الحب بعد الزواج
ولا تنسين ترة شرار متزوووج هاي اكبرها بعد لووو كافي ..

كالت بسرعة : اي غير متزوج رووسية ..

بنتر جاوبتها وشنو رووسيه موو بشر ؟؟ ماخلف منها ولد شكبره اكبر من ابنج لو بس بيج تشمرين الحجاية وماتعرفين شنو معناهه ..

دارت وجهه مني اووي نسيت شمدريني .. وبعدين انتي شون تبقين هيج على ذمته لمن تردين نطلع ؟

كتلها لاء اتطلك منه غيابي ..

وبعدين فرح الله شافوه بالعقل لو بالعين ؟؟ هسه انتي شتسوالج لمن رحتي تزوجتي اخو زوجج ونفس الطاس ونفس الحمام من حبهم الزايد الج مثلا رحتي شمرتي نفسج بنصهم مرة ثانية؟

بحدة ردت : علي مو نفس حمدان موو نفسه افتهمتي موج .. وانت اكثر وحدة تعرفين شصار بيه اني وجنت محتاجة لعلي هوايه ..

رديت عليها : كلي لنفسج هالحجي لمن تشُكين بي واني مو نفسج فرح مشاعري ادوس عليها برجلي ولا اهتم احسن مما اتندم بعدين ...

كملت كلامي بعقلانية : شرار متزوج ما أكدر ارتبط والحب ينسي ويه الوقت ولا اظل افكر ها والله راح يمها تونس يمها وحضنها باسها و سافروا طلعوا وووو كوومة شغلات غيرها راح تشغل تفكيري ...

عوجت حلكها معاجبها وصفنت .. مرت دقيقة صمت كالت اني ماكدر اطلع وياكم اني بدون علي ماكدر اواجه الحياة لوحدي .

_ احنه وياج فرح شبيج ؟؟ مقصرين وياج احنه ؟

كالت من وره خشمها لاء بس

_ بس شنوو ؟

_ القرار صعب موج صعب حيل ماكدر اتفق وياكم عليه ..

_ مو صعب نطلع حالنا حال العالم الي طلعت بس انتي توكلي على الله ..

سكتت وتمددت ع الكاع وخلت ايدها على بطنها ..
اجه دانيال اصر اله يريد يكعد على بطنها ويبجي
وهيه تخاف على بنتها خطية ..

كتلها ادري انتي بهالزلك فطمتي من الممة ؟؟ لو مخليته يشرب بيها يسكت يلتهي ينام ؟

جاوبت متشوفي مياكل بس يشرب حليب يشبع بسرعة وبعد ميشتهي الاكل ..

وهسه شنو الي اختلف ؟ كطع الحليب ظل ياكل موز وهم الموز اغلى من الحليب ..

كامت على حيلها و تخصرت محتجة
والله خوش من هسه كمتوا تعيرون بيه لان تصرفون على ابني الله يرحم ايام الخير راحت ويا اهلها .

اخذت ابنها وطلعت زعلانة ..

هاي شبيها تريد بس حجة علينا
لا والله حنت للشيخ .. حنت رجعولها اله وفكونه من مزاجها ..

سمعت صوت الباب انفتحت كمت على حيلي وكلت اجه احمد ..

كمزت أنو اخذت ايدي تبوس بيها
وتبجي بصوت مكتوم كوة يطلع
حبابة مووج حبااابة لا تكوليله ..

باوعتلها بنظرة عتب هزيت راسي بأسف
وهمست ماراح اكول وخري وخليج طبيعية ...
هزت راسها وركضت نامت ع الكاع ولفت روحها بالبطانية ..

طلعت من يمها شسويلها زين ومنها تحملت يربي خاف احمد يأذيها خطية الي شافته مو شويه وحسان نقذ حياتها رادت تطمن عليه وغلطت هالغلطة الي كلفتنا هواي ..

وخو ما نموتها بس لازم نتصرف بسرعة ونطلع من كركوك والعراق كله باسرع وقت ..

طلعت شفت احمد فات للشقة نزع قمصلته وشمرها ويفرك باديه من البرد ..

رحت وكفت كباله كتله ها شسوويت ؟؟؟

تأفأف وراح كعد ع الكاع باوع لفرح مطنكرة تباوع تخوزر وتدور وجهه
كال شبيها ؟

كتله چنتنه زعلانة تريد ترجع لأهلها ..

باوعلها خازرها هيه باوعتله كاللها بأحلامج فررح خوووش بأحلامج ...

سوتله ننننننن واخذت ابنها وطبت يم انو ...

كتله عوفك منها احجيلي شسويت؟

باوعلي كال ولج هاي شون راح نقنعها خاف تكب سوادينها وتطنكر علينه شلون ؟

هيه تفكر بأطفالها ماتريد تبعدهم عن اهلهم بس والله تتدمر اذا ترجع ، الشيخ راح يحتار شون ينتقم منها لان خلته وشردت ...

غمض عيونه محتار جر نفس بضييق
وكال هو مو قبل ليصيرله راد يطلكها ترة خروجنا مبرر احنه ماسوينه شي غلط واهله هدوا عليجن ليش ينتقم منها بعد ؟

اي راد يطلكها بس راد ياخذ ابنها وهسه هيه حامل بس احسها مترددة هم خايفة ترجع اله من ردة فعله وخايفة تخطو خطوة ويانه وتطلع بس كولي هسه انته شسويت ؟

كال بحزم : موج ماكو وحدة تبقى هنا يانطلع كلنا سوى يا نرجع لبغداد سوى والاحتمال الاخير خل تنساه فرح شسوي راجعة للاهاين وبعدين اني خلص دارتبلها مستمسكات وراح نطلع ع الاكثر اسبوع او عشرة ايام وانت عليج تقنعيها اختج الخبلة ..

هزيت راسي مرت العشرة ايام بقلق حاولت اوصل فكرة لاحمد انو الي يدورون علينا اخوان الشيخ مو اوس بدون ما اذكرله انو انين تواصلت وي حسان خطية يعصب ويضربها ..

وهيه هماتين بقت طول الايام قلقة وخايفة ..

وفرح وابنها يكرطون جزر وياكلون موز وبعدهم ماصافين على راي .. واني نهار كله اقنع بيها ..

بالليل كاعدين واندكت الباب بقوووة ..

راح احمد صاح منوو ؟؟

اجاه صوت رجال من ورة الباب ...

هو عكد حواجبه وعيونه اتسعت على اوسعها
وركض طلع سجينته وفوتنه بالغرفة
كال بلاااا صوت وسد الباب علينه وراح ..

مهيب ...

ماقبل ياخذ علاج وينام راد يصفي كل شي ...
نفسه ضاق وظل يتنفس بصعوووبة كلما اريد اصيح للدكتور ميقبل ..

ظليت احجيله الي سمعته من عمي حسان ..
كتله هو اخوها انضرب واختها انخطفت اكيد فقدوا الامان وراحن ويه احمد

ظل يحجي ولك انته شتحجي ووولك وازلامي وين صاروا مايكدرون يحموهن ؟ لهيب وين جان وذاك شرير ؟

يابه لهيب بدخلته للبيت هيه طلعت وشرار وره يوم من طلعتهم من بغداد يله وصل للعراق جان بعده بروسيا مجاي لهنا..

كال صيحلي لهيب بسرررعة ...
امرك يابه ، طلعت صحت للهيب ودخل لهيب وهو يباوع لأبويه بقلق وكف يم السرير ويباوعله
ابويه باوعله بنظرات غضب وكله نبرة امر مختصرة
ومقلص عيونه : يله احجي ..

لهيب : يابه اني اول مافتت شفتها كابه بيناتهن عمتي بلقيس وفرح وموج اختها ودانيال يم هيام وقافلين الباب ظلت فرح تتوسل بيه طلعت دانيال من غرفة البنات وهيه اخذته وراحت ..

صاح عليه معصب : هييه انته الاثول شون تخليها تطلع من القصر ولك شلووون يالاغم ؟؟ مااعرفت تفكر ..

كال يابه اني شمدريني راح تشرد ويه اخواتها عبالي تروح لأهلها وبعدين لمن دخلت للقصر جانت هوسة والكل يكول الشيخ وكف كلبه ماعرفت شنوو اسوي وشون افكر عقلي وكف واريد بس اجيك للمستشفى ..

غمض عيووونه وجر نفس بغضب ..
كاله اطلع برررره ولك اطلع .

هز راسه لهيب وكله بعد اريد اكلك شغلة يابه اذا تسمح ..

رد عليه احجي اسمعك خلصني ...

يابه اني صارت عندي بنية ..

قلص عيونه ويباوعله بريييبة ..
كال صارت عندك بنيه شنوو ولك ؟؟ ليش انه شكد ظليت بالغيبوبة ؟

وباوعلي ، و لهيب دار وجهه وينفخ واني جاوبته
كتله شهر اله شوويه

رجع باوع للهيب كاله ولك وتريد تقنعني بشهر واحد مرتك حبلت وولدت بنيه ؟؟ لوو شنوو سالفتك .

حسيته بلع ريك وكال لا يابه مو هيج بس دا انطيك خبر اني وياهه جانت بيناتنا مشاكل ومجنه رايدين الطفلة بس بعد صارت ..

حرك روحه ابويه وهو معصب ويباوع للهيب بنظرات نااارية ...
اااااطلع بره ماريد اشوووفك اااطلع لاااا بارك الله بيك
وبيهاااا ، تووووف عليك اطلع ماريد اشوووفك اطلع ....

طلع لهيب بعد ما حصله رزالة وراها اجت عمتي بلقيس
دنكت على راسه باسته وتتحمد اله ع السلامة ...

باوعلها رافع اصبع السبابة
بلقيس احجي الي صار بليلة الي طلعت فرح من البيت ..

عصرت بطرف عبايتها وظلت تدور بعيونها
عاط بيها خلي عييينج بعيني واحجي يلللله ...

كالت بتوسل خويه انته تدري بمرتك لسانها طويل وماتحترم احد .....

بصوت مصرور وجه كلامه الها بحدة
مووو هذا الي اريده بلقييييس وديري بالج تجذبين عليه لان اني كاشفج كاشفج وانت تدرين محد يكدر يجذب عليه امي الي هي امج وهم ماتكدر

انخطف لون وجهه وكلتله خويه اني وصلني خبر انته وكف كلبك ماسيطرت على نفسي والله فقدت احتاريت شسوي هديت عليها بلا وعي وهيه هم ماقصرت لسانها شطوله ويايه ولا احترمتني لا هيه ولا اختها ..

بتر كلامها : احجي وشصااار بعدين احجي لا تظلين تطلعين من الموضوع ..

اي خويه احجيلك تعاركنا كتلها طلعي من البيت بسببج الصار واخذت الولد منها والله ردت اخلي يمنه بس لهيب الله يسلمه ظل يضرب على غرفة البنات وهنه خافن وطلعنه والله يا خويه اني من حركة كلبي هيجي سويت والله .....

باوعلها بنظرات عصبية
ومثل نار وتنطلق من عيونه وتصهر كل الاشياء ..
وبنبرة وعيد : وتكومين تطرديها من القصر بلقيس هذا عشمي بيج ؟؟ جان اعتبرتيها امانه لو ماصدكتي اموت حتى تطرديها وووولكم انتوووا شنوووو

كالت بتوسل خوويه اني

كاللها روحي بلقيييس روووحي بعدين بعدين هسه بس صبريلي اسوي الي ابالي تدللون اله امشيكم ع السراط المستقيم من اول وجديد الظاهر ماتخافون ولا تحسبوون حسابي ..

ظلت تشهك وتبجي رادت تبوسه اشرلها بكف ايده حتى لا تتقرب منه ..

وباوعلي كال مهيب ..
_ إمرني شيخ ..
_ خابر على ام حسام خلي تجي يم الحجية هاي الفترة ..

نشغت عمتي بلقيس ونزلت على ايده
وكالتله بتوسل لا فدواتك خووويه لا تبعدني عن امي والله هيه ماتكدر بدوني والله ولا اني اكدر بدونها .

رد بنبرة صارمة وقوووية ام رحاااااب لاتستعجلين على عقابج لاااتستعجلين الايام جايه وشوفي شراح يصير روحي هسه خلي يرجعوج للقصر وبعده بيننه حساب ما انتهى ..

طلعت تبجي عمتي بلقيس ووصلها عمي حسان ..

وبيومها هو ضغطه تخربط والسكر كوة سيطروا عليه الاطباء ..

وراها اصر يطلع من المستشفى وماقبل نطلعه على كرسي متحرك ولا احد يسنده لا هو ظل يمشي لوحده وعلى عوجيه يمشي مثل الاسد الجريح ...

ريلام ...

قبل لايطلع خالو من المشفى .

اجتي ماما من يمه معصبة وعيونها براسها ..
سلمت عليها جنت توا جايه من الجامعة كتلها هلو ماما شلونه خالو هسه ؟ ماردت عليه ..

اني لمن اجيت عرفت من بيبي هيه راحت اله لان دز عليها ..

شمرت عبايتها بالصالة وطبت لغرفتها دقايق وشفتها طلعت و بيدها العلبة مالة ذهب فرح وصعدت تركض فووك ..

وراها طب خالو حسان وكف يتمطط بالصالة مبين تعبان باوعلي ابتسم واني رحت سلمت عليه ..
بوسته وحضنته ..

كال وهو مبتسم هلا بالجاسوس مالتي ايام العداوة ويه فرح شلونج ولج هيام ؟

ابتسمت لا خالو اني ريلام واشرتله على الشامة الي بحنجي ..

كال اووو شكد تتشابهن لخاطر الله لعد وينها العوبة ..

كتله هسه اصيحلها فووك ..

يله واني طاب يم امي وسويلي لكمة اكلها حتى ارجع للمستشفى ..

تدلل خالو .. وسألته بحزن ماكو اخبار عن فرح ؟

كال قرح قرررحة هاي مووو فرح شلعان كلب مية مرة جاي نترزل من الشيخ بسببها وان شاءالله قريبا نسحلها ونرجعها ..او بالاحرى نجيب أجلهه

بتوسل؛ لا خالو عفية اسم الله عليها خطية لتكول هيج خطية ترة هيه مريضة والله ..

ولج صاحية صاحية الله اكبر احنه المرضى بسببها ..

لا خالو خطية دانيال ابنها ليش تفاول عليها ..

كال وشبي احنه نربي احسن منها و من تربيتها

خالو الطفل ما اله غير امه

التفتت عليه خزرني اشو انتي سيف ودركة لليحجي حجاية عنها فرح خاتون منو وكلج محامي عنها ؟ ولج وينها ذيج العوبة الي تجاريني بالحجي على فرح وينها احسن منج ..

ضحكت وبهاللحظة طلعت بيبي من الغرفة بيدها عوجيتها وساندتها عمة عليه ..

هو راح الها بسرعة ليش طلعتي يمه جايج اني اسلم عليج ..

كلتله بتعب سمعت صوتك وطلعت شلونك يمه شلونه إخيك. الشيخ ..

زين زين لتديرين بال سبع مينخاف عليه .. بوسها من راسها وسلم على عليه واني صعدت فوك شفت هيام بالغرفة دتصبغ اظافر رجليها ..

رفعت راسها باوعتلي كالت منو جاب ماما شفتها خطفت تركض بالممر قبل شويه مهيب جابهه ؟

كتلها لا خالو حسان ويريدج جوه يله اني نازلة اخليله اكل ..

نزلت جوة للمطبخ صبيت غده لخالو حسان ووديته لغرفة بيبي هو كعد بالكاع ياكل وهيام كابلته وكعدت تاكل ويا ..

بعدها طلع خالو من المستشفى وعبالك انكلبت الدنيا عدنا ، ناس جاية وناس رايحة والطليان تركع ياهو اليجي يجيب ويا ويذبحونه عدنا على سلامة الشيخ ..

طب مهيب للمطبخ لابس دشداشة رصاصية ولاف غترة على راسه لفة عمانية والمطبخ جان مليان نسوان ..

اجت عيني بعينه ابتسم ، غمزلي واشرلي
خليت المواعين ع الكاونتر ورحت عليه
كال روحي جيبي تليفوني بغرفتي ..

هزيت راسي موافقة ورحت لغرفته فتحت الباب
شفته ع الشحن ، سحبت الشاحن منه ورن بيدي مكالمة ع المسنجر من حساب بأسم جوجو ...

بلعت ريك وبهتت منو هاي ؟؟ حسيتها هالمكالمة لشخص يخصني أني شعور التملك والانانية سيطر عليه وغزه كل خلية بيه

صكيت اسناني وفتحت خط عليها ..خليته على إذني
وإجاني صوت بنية كالت بدلع وميوعة
ألو مُهيب شلونك ؟ مشتاقين !!!!

عضيت شفتي حسيت بألم يشابه وجع غرس سهم بقلبي ويطلعه ببطئ شديد ومؤلم

منو هاي وشعنده وياهه ؟ هم عنده هيج سوالف مهيب ؟؟ هم يصاحب ويلعب ع البنات !!

زين أني شنو؟؟ شنوو بالنسبة إله ؟؟ مو جان صارعني بحبه ؟ ليل نهار خابصني عمري وأحبج!!

دخل عليه واني متبعثرة الروح ومشتتة الفكر ..
انفاسي على وشك ان تختفي

صار كبالي وعيوني تباوعله بكل خيبة امل ..

عكد حواجبه ونطق بشتات متماسك ومبتسم
وهو ياخذ الفون من ايدي
هاا أشوو تأخرتي؟

رفعت تك حاجبي : شجابك لو متأمن على تليفونك يمي مو ؟

ديجاوب رن تليفونه مرة ثانية وهو بيده
طليت بي نفسها جوجو...

باوعلي ، رفعت حواجبي كتله جاوبها خطية حتمووت بين متحصلك ..

ابتسم بحيرة وكال ولج هذا صاحبي بس بأسم بنية اسم الفيس ..

كتله بحدة وصوت مصرور : جذااااب والله جذاااب جاوبت عليها واجاني صوتها بنية ..

رفرفت اجفانه وامتلأت نظراته بالصدمة
وبعدها خزرني ووجهلي كلامه بوعيد
_ ليش تجاوبين منوو سمح لج ؟؟ بلله طلع ولد صديقي ؟

اثارني الفضول وجاوبت سبحان الله حتى تطلع الجذبة حبل الكذب دومه قصير ..

تقرب مني وسد باب غرفته
وانتي شكوو تحاسبيني واذا حجيت ويه بنية شنو نسيتي كلما اكلج احبج تكليلي انته اخويه ..

ايبااه وهاي انته حسب مزاجك تاخذها حجة موو ؟ ترة بس المريض النفسي يحب وحدة ويلعب بمشاعر وحدة ثانية خل يتعالج احسن ...

داطلع وكتله هذا الكلام حسيته صار عصبي حييل
وعيونه دتطلع من مكانهم ، عاط بيه
ادبسززز شنووو هالحجي هذا اذا عدتي تدرين شسووي بيج ؟؟

كتله باستفزاز : أسفة عيوني أسفة مجان لازم اتجاوز ع اخويه الكبيررررر حقك عليه ..

فتح عيوونه بغضب اكثرررر وعصر الفون بيده حيييل اجه ينكسررر ..
وبصووت مصرور كال ريلااااام ليش تخليني ابتلي بيج هسه ؟؟؟

عفته ومشيت واني اتلفت واوزع ابتسامات شوون حرك كلبي على مزاجه يعتبرني اخته وعلى مزاجه يحبنييي اكرررهه اموووت منه اكررررهه لحد العشششق ..

واني داامشي شفت هيام بالممر الي بي غرفة مهيب الظاهر جانت تراقبنا رفعت تك حاجب الها واكووللها شكوو ؟؟

كالت شبيج وياه؟ ليش خليتي يعصب!!

صيحت عليها بعصبية
بالله اكلي تبن ولا تظلين تمسلتين خووش ولا تدخلين

داروح عنها جرتني من ايدي شبيج ووجع
فلتت ايدها من ملابسي ودفعتها وجع لوجعج وخري عني ..

احس صرت عصبية فجأة أفووور وأغلي ... ومنا هاي تبينلي اهتمامها بي هاي الناقصة منا جوجو مدري منو ومنا هيام انوب من صدك تحبه واني شسوي يربي شسوووي ..

تنفست بضيق من اعمااااقي المستعرة
هو فات من يمنه وصار كدامه كل الحجي ....

واجت ماما الي جان مزاجها سيء هاي الفترة ونهار كله تبجي مدري شبيها ، اجت رزلتنا وطيحت حظي اني بالذات لأن صوتي طالع ...

ولج ادبسززز صوتج صووت الادبسزيات الممتربايات هذا ماريده يطلع ، عدنه خطار لو تعلمتي من ذيج المخبلة العار المنهزمة الي بسببها راح ينهجم هالبيت على راسنه؟؟

درت ظهري اوووو ماما فرح شعليها اني وهيام وبنتج متعرف اله تحط روحها بشي ميعنيها شوون بالله ؟؟

لزمتني من شعري صايرررة ادبسز ولسانج يرادله كص كدامي للمطبخ لا تسختين ساعدي البنات روووحي طافرررة مطايقة عمري عرايك ماريد افتهمتي .

سحبت شعري من اديها بيدي وابتعدت عنها متووجعة
اووي ماما كافي تضربين بيه تذليني وتهينيني كااافي عفية موو طفلة اني ..

اجت تريد تضربني وكفت رحاب بيناتنا وظلت تهدأ بيها
ماما عيب باعي الكل اجه ع الصوت حبابة اهدي
وانت ولج ريلام كافي تلاسنين متشوفين ماما تعبانة هلكانة ...

وتقربت مني وهمست متفرعنة وصايرة لساااان وطالعة عينج ..
درت وجهي وجريت نفس وماما خزرتني وكالت
كدامي للمطبخ ولج وحسابج بعدين ادبسز ..

راحت ماما ورحاب وجهت كلامها النا احنه اثنين وهيه توزع نظراتها بيننا
شجاجن وكت عرايك ووكتها ولجن البيت مكلوب بالخطار ولجن اني لازمة ابني واشتغل وانتن تتعاركن شكد فارغات لخاطر محمد ..

هيام كالت هيه اختج مدري شبيها متتحمل مهيب يرزلها تطلع الحركة بيه ..

رحاب كالت يااا وليش رزلج ؟ شمصخمة؟؟

كتلها شوكت رزلني جذابة ليش تجذبين ماتتوبين
من الجذب انتي ؟؟

رحاب ظلت تفارغ بيننا ديله يله كافي ولي ريلام ع االمطبخ وانتي هيام كملي الشغل الي بأيدج .

رحت للمطبخ واني افر بيدي ، غسلت المواعين كووومة حتى تبللت ملابسي وبعدها رحت كعدت اكو ممر كبال غرفة مهيب وكت الغدة الكل ديتغدون مااشتهيت اتغدى ظليت افرط رُمان وأكُل .

اجت هيام يمي تحسرت وظلت تحجي بهمس
شايفتج تتقربيله هوواي هالايام عكس ذيج الايام جنتي تشردين منه ؟ وشايفة بعيونج نظرات مختلفة
لازم تعرفين ترة اني احبه ااااحب مهيب ولا تنسين هو اخوج لان رضعتي من امه ..

صكيت اسناني وشمرت الرمانة الي بيدي بالماعوون
وباوعتلها وشويه عليت صوتي
حبتج حيه ام راسين اي والله ام عشر روس مو بس اثنين ..

همست بعصبية سكتي ساااافلة حقيرة ساقطة ..

كتلها ايبااه وانتي حنفية اخلاق ولج انتي شنووو الحية شكد بيها سم متوصلج ..

وشلت رمان خليت بحلكي وظليت امطك
هو مهيب بحالج مهيب اصلا هو مهيب ملتهي ويه صاحبااااته مو بحالج ترة ..

انفتحت باب غرفته وطلع نازع الغترة وباقي بالدشداشة ويباوعلي كاتم ضحكة ..

عرف نقطة ضعفي عرفني اغار عليه الله يطيح حظج هيام!! انتي اخت انتي ؟؟؟ ولج انتي عدووة

دنكت وظليت اكل بالرمان وهيام مدري وين تبخرت
....

وهو اجه كرفص يمي وظل ياكل ويايه رمان
ويباوع بوجهي بس كاتم ضحكته واني اريد اكوم
لزم رسغي ومخلاني

ظل يهمس يم إذني ولج شدعوة دتشهرين بيه وتفضحيني طلعيني ساقط فد مررررة ؟؟

رفعت تك حاجبي قابل مجذبة ؟؟؟

نزلي حاجبج لللج ؟ صايرة وكحة افكس عينج واالله ..

نكتت اديه دبكه كلها رمان وكتله اي عاد حقك اخويه ومسؤؤل عني ومن حقك اذا طلعت عن الطريق ترجعني للطريق الصح ..

ضحك وكال خليولن هذني صارن قديمات تره بعد ميعبرن ادري بيج تحبيني وتمووووتين عليه لاااا وتغارين همينه ..

بلعت ريك احاول اسيطر ع نفسي
متوووهم غلطان بعدني اشوفك اخويه ...

كال بس نرجع فرح وموج ونفض سالفة الكلب اوس نعقد ..

اكلت كم حبة رمان وكتله بدون ما اباوعله
لا اني مو من نوع ابني سعادتي على تعاسة غيري خطية جوجو انوب هيه نفسها بيك وتحبك والله يعلم بعد كم وحدة ..

وبعدين انته اخويه حرام نتزوج كلت هيج خليت عيني بعينه لحظات وبعدين درت وجهي ..

ضحك ولج ماعندي شي وياهه والله مجرد صديقة وويايه بالدوام ترة ..

لزمت الكاسة الي بيها رمان ودااكوم كتله
اه الله يهنيكم ويتمملكم على خير وان شاءالله بالرفاه والبنين ..

واخذت الكاسة وكمت اجه ورايه وكال مو دااكل رمان خبيثة ليش شلتي وكمتي بخيلة

كتله واذا تريد رمان فرط لروحك واكل

كال لسانج يرادله كص بس مالومج غيرانه
غمزلي وراح ..

شرار ...

نايم بالليل رن موبايلي مرة مرتين غلست بعدها ماسكت اخذته ورديت واني منعس بدون ماباوع بالشاشة واعرف منو الي ديتصل ..

اجاني صوت حسان يله ولك كووم الشمس راح تطلع ...

كتله سلمني عليها وبوسها الي ..

رد بعياط ولك لعد شووكت نطلع على هالحسبة هاي مالتك كوووم لا اجيك للغرفة اسحلك ..

كعدت وفركت وجهي ليش انته وين هسه ؟؟

جوة بالكراج مال القصر يم السيارة انتظرك

فتحت التيبلامب وباوعت للساعة ورجعت حاجيت حسان ادري انته شنووو خفاش ؟؟ ماتنام ماتهجع ؟ هسه الساعة بالخمسة..

كال هم يله ...

ماكو خبر عن ابن خالك الكَ***د.

رد لاااع من يجيني خبر منه اكلك عود لاتظل تسأل كل شوويه

ممرتاحلك ولك خايف من الي ابالي ؟

رد بعصبية شنوو الي ابالك ولك شرار نورني بالله ؟

خايف لا تعرف مكانه ومتقبل تحجي لان لازم عليك لزمة من ايام سوالفك الوصخة بتجارة السلاح والمخدرات ...

عاط بعصبية انجب واكل طن تبن شرار ولا تظل تنعثل لو مااني كايلك الجاسوس الي جنت مخلي بينهم كشفوا وضربوا ست طلقات وذاك هو يسمع حسك بالمستشفى مايدري عن الدنيا شي واحتمال هالايام يتوكل

كمل بثقة واني والله بس اطيح بي اله اخلي شاربه دوسة لنعالي

كتله باستهزاء مو هو المشكلة ماعنده شوارب
ماعلينه المهم كايم اغسل واتزقنب واجيك ..

اتزقنب بالطريق عود ويله لا تأخرنا
كال هيج ونهى المكالمة ..

كمت شمرت الفراش غمضت عيوني حيييل
صار طولها مقابيلي بهيئتها الرياضية المعتادة بنطلونها الجينز والسويتر ...

جسمها المفصل والمتناسق بشكل حييل مغري ومرتب بسبب الاهتمام والتمارين الرياضية الي ناحته جسمها بشكل طبيعي......

بشرتها السمرة الجذابة وشعرها الطويل نسبياً بلونه الطبيعي
المفتوح دائماً .....

هاي تفاصيلها متفارك خيالي ابدا ..

زوجتي طبيبة تجميل روسية ، تعرفت عليها خلال سنوات دراستي القليلة بروسيا ...

ماكدر اجزم انو تزوجتها بدافع الحب لا بس عمود الجنسية الروسية وجان لازم اخلف منها طفل حتى احصل ع جنسية ...

بيني وبين نفسي كلت هذا هو خلي استقر بروسيا واربي ابني بعد مافشلت بدراستي وانفصلت من الجامعة بسبب كثرة الغيابات وسوء التصرف والسلوك هه ..

جنت مغرور اعترف ومو هامني مستقبلي عدنا فلوس تعيشني مية سنة ليكدام ..

ورثي من ابويه حولته اجارات لمحلات وعقارات توصلني لحد عندي بروسيا ومو مهتم بشي ..

بعد خلافاتي ويه زوجتي نيفرا جنت اهرب من المشاكل وارجع للعراق والتقيت بالغزالة السمره موج
بقت تقترن بمخيلتي ...

شايف الاحلى منها وما أثرت بيه ..
ماكدرت اطردها من اعماقي ، رغم كل المحاولات المستميتة ..

ضربت بقبضة ايدي ع جرباية اخخخخ يا موت والله بس احصل عليج اله اغتصبج عقاب على الي سوويتي اني تنهزمين مني وانتي على ذمتي بسيطة ...

كمت غسلت ولازم اطلع لكركوك ويه حسان ...

لان الجماعة الي بعثهم هو ماحصلوا احمد وأخواته ورجعوا بسرعة واحد متحجج بمرته تريد تجيب والثاني تحجج بأُمه مريضة.

لذلك الشيخ تخبل من سمع هالشي صارت نظراته تحركنا حرك من العصبية وامرنا احنه نروح ندور كركوك شبر شبر ونطلعهم ..

حتى الكعدة مالة العشيرة ويه اهل اوس اجلها وباله مشغول بس ويه فرح ويريد يرجعها بأي طريقة ..

نزلت جوه بلقيس كاعدة وبنات عمي موجودات
بس بعدها وجهه ثكيل عليه لان تعاركت وياها عركة قوية لمن سمعت بيها طاردة موج من البيت ..

مهما يكون موج بعصمتي وعلى ذمتي مامسموح الها تطردها هالشي مو حلو بحقي اني ولا حلوو بكل الاحوال مرتي تنطرد من بيتي مذلولة بغيابي ..

والي ضوجني اكثر حجايتها بعدك ماتزوجت وصرت أخو مريتك!!!

تحسسني انو اني الي مقصر واني الي غلطان مو هيه ..

رغم هذا ماردت ابين احنه زعلانيين من بعض كدام اقاربنا الي سكنوا القصر من فترة يواسون الحجية . امي ..
وهم هيج بكل مناسبة اهل فزعة ..

كتلها تسوي الي كهوة متعود عليها الصبح
وهيه هم مكالت شي هزت راسها موافقة وسوتها الي ودزتها بيد رحاب جانت كاعدة ..

شربتها بالصالة ورحت فرشت اسناني وبدلت
رحت للشيخ شفته كاعد بالديوان ويمه حسان
سلمت عليه وترخصت منه ودا نطلع ..

لزمني من ايدي وكال اسمعني زين انته وياه كتله لحسان هذا الحجي وانته هم اسمعه مني اي تصرف تتصرفونه بدون ماتبلغوني بي ممنوع افتهمت لوو اعيد؟؟

صار شيخي اي شي نعرفه راح نبلغك بي اطمئن من هالناحية ..

هز راسه واشرلي اطلع ..
سلمت و طلعت ويه حسان وتوجهنا لكركوك .

هدى ...

بعد ماطلع عمي الشيخ من المستشفى رزلني رزالة ناشفة خلاني ابجي وطردنا من البيت اني ولهيب وطلعنا اثنينا ...

ظل طول الطريق يدردم عليه كله منج وانتي السبب
كتله انته ترة ممجبور تتستر عليه كوللهم الحقيقة ..

باوعلي وكال ترة مو علمودج لا تفرحين علمود بنتي بس ماريد تكبر ويكولون عن امها

وسكت ودار وجهه باوعتله بقهر وغصة
كمل ؟؟ ليش سكتت ؟

نتر بيه وهو خازرني كااافي سدي الموووضوع لاتفتحين حلكج بكلمة زيادة خليني اشووف مكانه يلفينه ..

سكتت ودموعي ظلت تجري على خدي بصمت متحجر يكطع قلبي من القهر ، شسوي اذا هو يظن بيه هيج شسوي!!

ركن السيارة بالشارع وطلع من السيارة وهو معصب الجو بارد ومطر وهو لابس بس تيشيرت نص ردن والمطر يوكع عليه وهو ولا مهتم احسه محتر من العصبية والغضب ..

بقى كلبي يمه وخايفة عليه حيل هو حتى ما انطاني فرصة احبه اتقرب منه رأسا سافر وتركني

وخايفة هم يتركني مرة ثانية ويسافر خايفة من المجهول هواي ..

رجع للسيارة مبلل ، ومن شعره يقطر ماي المطر واني اتأمله بقهر ودموع تارسة عيوني ، اخذ موبايله دك رقم وشمره وهو يتصل وفاتح سماعة حرك السيارة ..

واجاه صوت ماكدرت اميزه عمو شرار او مهيب هم تقريبا اصواتهم تتشابه ..

بس بعدين اتضح انو هذا عمو حسان .. لمن سلم عليه لهيب وكاله ها حسان شوونك .؟

رد عليه بضحكة هااااا خوووش طردة موو ؟

لهيب جاوبه بضحكة قهر اي كلنا بالهوى سوى المهم اريد ابقى ببيتك هالفترة بين ما الكالي مكان

_ اي كدامك بيت الچناين الزعلانة على كولة شرار واني هالايام هم ساكن القصر بهاي الفترة صح مطرود من قبل وكرامتي انداست بالنعل بس ميخالف ...

اني طالع لكركوك ادور على حرم ابوك المصون

كاله لهيب بضحك هههه والله زمن تدور على عدوتك اللدودة ان شاءالله تلكاهه ...

_ اي والله اشتاقيت لأيام العداوة والفر والكر هههه
ها صدك اخذ المفتاح من اخوك الساقط مهيب ادري بي مسوي منه نسخ ويروح لهناك باوقات سفري

وبعد شغلة ثانية ديري بالك من بنتك مو تكسر الفازات والتحف الثمينة مالتي ترة كلهن تخسرهن ..

هدى .. ضحكت اني رغم الدموع التارسة عيني ولهيب جاوبه مشكور والله انته خوش عم تستاهل الهوسة ..

يعني افهم من كلامك راح تخليني ابقى ببيتك الى ان تكبر بنتي وتمشي وتصير تكسر الاغراض يله اطلع موو ؟ لان هسه هيه صغيرة حتى كعدة ماتكدر تكعد ..

كال انجب واعتمد على نفسك واشتغل لاتصيرررر مطي ..

_ الله وايدك دبرلي شغل من يمك انته تعرف اني مطرود ومسكين وغريب ..

_ بعد ابجي ذبلك دمعتين ولك صير زلمة وبعدين شنو رأيك تشتغل يمي بالصيدلية ؟

_ حسان أني مهندس مو صيدلاني شمفهمني بالادوية اشتغل بيها ؟؟

_ اكلك انته هم بطران وهاي فوكاهه بعد وبعدين هو منو بالعراق الي يشتغل باختصاصه ؟ وخاصة الصيدلة اقتحموها هواي وصاروا يشتغلون ع خبرة بسيطة بيها واكو بيهم مطايه كل شي ميفتهمون

_ يعني تريدني اصير مطي اني همين

_ اي صير مطي شكوووو بيها لا انته احسن من المطي ولا المطي احسن منك ...

ضحك لهيب واني هم ضحكت باوعلي ضاحك
شكد حلوة عيونه من يضحك ، خجلت بسرعة دنكت وسويت نفسي اجر البطانية وادفي ديما

كاله لالا اشكرك اني اريد اشتغل باختصاصي ..
_ اي اشوفلك شغل عود
_ سؤال انته مو عندك بيت ثاني ؟
_ يابيت ولك تقصد بيت دانيال ابن حمدان ؟
_ بيت دانيال ؟
_ اي هذاك مخلي لدانيال من يكبر انطي اله من حصة ابوه الله يرحمه من يكبر انطي اله ..

_ شنو بس للولد حصة وفرح
_ ختولي فرح بيش الكيلو؟ عود من يكبر ابنها اذا عجبه خلي يتصدق عليها وينطيها هاي اذا ماوزيته عليها اذا الله خلانا عايشين ..

_ لا يمعود بس هيج ظلم والله مايرضى بالظلم ..

_ اي واني ظالم منو كلك اني موو ظالم ؟ وبعدين بسببها انفصلت عن حبيبتي جان هسه اني متزوج وعندي جهال اكبر من بنتك ..

_ مامقسوومة الك شسوي مثلا هذا الي الله كاتبه الك ..

_ اي بس فرح صارت سبب ومرتين تدخلت وراح ابقى اكرهها

_ يالله هيه هم ممحتاجة واكيد ابوي مراح يخليها محتاجة شي ..

_ اذا مطلكها بعد عملتها السودة هاي ..

_ شون يطلكها ماتكولي؟؟ وبعدين هو كالب الدنيا وجاي يدور عليها

_ انته هم مطي من اكلك صير مطي ماتقبل ولك لعد يخليها هيج دايحة وهيه بعصمته وابنه وياها خو مايسكتلها والناس شتكول عنه ؟

_ اي هم صحيح ، يله هسه اني وصلت لبيتك وراح اخابر مهيب يجيب المفتاح ..
ختم المكالمة ويه عمه وخابر على مهيب وبقينا بالسيارة والمطر ينزل على الجامة وهو كلساع يباوع لبنته وهيه نايمه بأمان بحضني ..

بعد تقريب لنص ساعة احنه بالسيارة وصل مهيب جايب المفتاح وويا مطريه هو لهيب وصاه عليها ..

علما نزلت من السيارة خبلني ورزلني
غطيها زين ولج ليوكع عليها مطر اله جايه هيجي ليش مالبستي من هاي الي يلبسوها ع الراس حتى تخليها جوه العباية ...

وووو خبلني كدام مهيب واستحيت دخلنه وهو مخلي المطرية فوكانه لو يشيلها هو احسن بس خفت اكله
لان ثولني ثول واحس نفسي راح اوكع اني وديما ..

فتح مهيب الباب ودخلنا جوه ، اخذها مني لهيب وانطاهه لاخو وظل يضحكها ويلاعبها
بعدها كاله ولك هاي تشبه امي الله يرحمها كلش ..

لهيب باوعلي كأنو بنظراته اكدلي انو ميحتاج حتى يسويلها تحليل ويثبت انها بنته الشبه كلش كافي ..

هز راسه وجاوب اخوه اي واني هم قصرت ماسميتها على اسمها ..

بوسها مهيب وديطلع كال لاتضوجون من ابوي فترة ويهدأ وبنفسه يرجعكم بس هسه لان اعصابه تعبانة مجاي يتحمل ..

لهيب جاوبه اني جنت ناوي اعزل بس مو هيج يا اخي بعدني ممرتب وضعي ..

خله ايده على كتفه ميخالف احنه هم مراح نتركك
يله ممحتاجين شي وانتي هداوي ممحتاجة شي ..
جاوبته بامتنان لا سلامتك ..

طلع مهيب وبقينا احنه ، باوعت ع ارجاء البيت راقي حيل بس كله اسود الاثاث البردات اسود وابيض البوفيه والقنفات اسود ، الارضية شطرنج اسود وابيض ..

راح لهيب بدل ملابسه واجه واني كاعدة بالصالة
كال حدج مطبخ صالة الحمامات وبس لا تفوتين على غرفة النوم تمام ؟

مجاوبته ضوجني عبالك ماافتهم همجية لو مو ثقة
رضعت بنتي وهو جاب اكل واجه ..

بالليل جاب فراشات من جوه وفرش بالصالة
باوع كال هاي حتنام ع الكاع هيجي ادري شبيج انت غبية فاهية ليش مكتيلي اكول لمهيب يجيب كاروكهه .

غمضت عيوني بعصبية وجاوبته اذا انته هيج خايف عليها وتفكر بيها ليش ماكتله انته ؟؟

والج عين تردين بعد ؟؟ انتي شنوو بس كليلي كل الي ديصير بينا بسببج ..

اي ممحبور تتحمل طلكني وفض الموضوع

عاط بعصبية : اطلكج اطلكج ترة ماكو اسهل منها بس بنتي تبقى ويايه ..

كمت على حيلي لازمتها لا ماتبقى وياك انته لو تدري بالظروف الي مريت بيها مجان تحجي هالحجي ..

الظروووف هاي كلها من ايدج كلللها من ايدج انت غبية ..

كالعادة تعاركنه وبعدها اني تمددت وبنتي نامت خليتها يمي ، اجه خله مخدة بيناتنا حتى خاف اكلب عليها واخنكها اسم الله ..

هو مدد بعيد عني ظليت اباوعله غمض عيونه وثقلت انفاسه معناهه نام ..

انتبهت على شكله وظليت ارسم جانب وجهه ع المخدة بأصبعي وحد لحيته ، شكد محتاجة لشحنة حب تزلزل قلبي وتعيد اله الحياة ..

تحسرت واستسلمت للنوم ..

وعيت عليه فوكي يبوس بوجهي وشفايفي ويشم برقببتي ...

جان جسمه حار حيل مبين مصخن كلش ...

خفت لا سكران انوب مدري هو لمن ينام مدري لمن يصخن يسوي اشياءات لا تحمد عقباها ..

خليت ايديه على صدره ادفع بي كتله لهيب كوم كوووم شبيك انته سكررران لوو شبيك

همس بثمالة ابوي يريد حفيد ..

عزاا نبهني لا تتطور الامور حفيديش بهالزلك !! لا انوب احمل مرة ثانية وبنتي صغيرة وضعنه كل ممستقر

كوة وخرته عني كتله ابوك عنده حفيدة وطردنا وووخر عني ووووخر ..

همزين وخر ورجع نام على بطنه ...

يوم ثاني كعد يعطس ويكح ..

مبدل ملابسه بوس بنته جانت كاعدة مخليتها بالكاع
ويحجي وياهه حبيبتي بابا راح يجيبلج كاروك ويجي
بوسها وكام باوعلي وطلع .

احاجيج يا بنتي واسمعج يا جنتي هيج فهمت منه ديسمعني انو هو طالع ..

رحت للحمام غسلت وجهي واسمع صوت رمي وجام تكسر ..

سمعت بنتي نشغت متتتت من الخوف وكعت ع الكاع وظليت الطم على خدوودي وارجف واتنفس بصعووبة احس اختنكت من الخوووف ..
خاف انضربت وخايفة اطب عليها وانصدم بقيت منهارة بمكاني ..

يتبع ..

صباح السعادة وجمعة مباركة اسفة ع تأخير نت ماعندي وهذا بارت طويل ومليان احداث❤