#خيوط ام حبال
البارت الرابع والثلاثون
ل ورد العامري
خالد: مصيرها يكون مثل مصير اختها
حلا: شنو يعني
هااا شنو يعني
باوع عليه وضحك ضحكه صفح
واندار ايباوع ع شارع
الله يخليك احجي شنو اختها
باوع عليه
وسوه صوت بحلكه مثل الطك طك بلسانه
وحط اصبعه ع ركبته وجرها
شنو يعني
حسيت عيوني تقدمن ليكدام ع حركته
خالد: انذبحت من لوريد للوريد
حلا; حسيت بصعوبه اني ابلع ريكي من لخوف وحركت ايده ع ركبته من الوريد للوريد
ل ليش انذبحت
خالد: وانتي ليش اتمتمتين كمتي ووجهج صفر
حلا: لا بس بس مادري حطيت ايدي ع كلبي احس كلبي يرجف موسهل ان واحد يسمع احد مذبوح
خالد: شبيج
حلا: مادري والله بس يعني انصدمت ماعرف يعني يعني ليش انذبحت ومنو منهن
خالد; هاا ههههه صح مو بعده كلبج رجيج مو قوي
حلا: الله يخليك احجي لاتضل تباوع وتضحك عليه
خالد: ههههه مو وجهج يله المهم ايه الي نذبحت
حلا: شهكت النفس ل ليش انذبحت خطيه عدها جهال شمر باكيت الجكاير وطلع الثاني يفتح بسيلفون بكل راحه
ويباوع عليه
خالد: هذا احسن مصير الها وان شاءالله هذا وازود يصير
حلا: جر حسره وحط الجكاره بحلكه
ليش خطيه بعدها صغيره ومنو ذبحها ميخافون الله
ايباوع عليه دار وجهه ع شارع
خالد: الي مثلهن مينكال عليهن خطيه والي ذبحها رجلها شبيج
حلا: ماعرف شصارلي حسيت اني كتمت النفس ولزمت الحايط
لزمني من ايدي ليش ليش
خالد: تعاالي هسه كعدي صدك هيج كلبج رجيج ومايتحمل كعدي كعدي
حلا: لزمني كعدت بالكاع ضهري ع حايط وهوه كعد بصفي
ماد رجل وثاني الثانيه حط باكيته وجداحته يمه
تصرفه ببرود وراحه كأن الي ده يحجيه عادي وطبيعي
اني شفتها كم مره كلبي وجعني عليها شلون هوه هيج عادي
ليش ذبحها عفيه جاوبني
خالد: ذبحهاا لان شاطر ورجال بمعنى الكلمه
حلا: ذبح ام جهاله شنو شاطر ورجال
خالد: اي لج هذا حته ارجل مني
حلا: شنوو ليش هيج تحجي ببرود وكان ماكو شي ولموضوع عادي
خالد: حلا سكتي لان اني احجي يمين انتي تكولين يسار
حلا: زين فهمني واني مااحجي بس فهمني
خالد: اوووووف ماشي شوفي هذا جان شاك ان اكو بين مرته واخوه شي
حلا: اخوووه
خالد: اييي اخوه جان شاك بس ممتأكد رايح لدوامه كدامهم عادي مخليهم ايأمنون وطاب عليهم
حلا: ظربت ع حلكي تخيلت مثل موضوع اسماعيل
خالد: شايفهم بفراش واحد
حلا: من غير قصد عطت وايدي ع حلكي توقعت الشغله مثل الي صارت مو لهل درجه
باوع عليه ونفخ بوجهي دخان جكارته
خالد: اخوه راكض مهزوم وهيه ملتهيه بروحها تريد تلبس لان ربي كما خلقني
حلا: هوه يحجي واني اضرب ع وجهي
خالد: ملحك عليها السبع ناحرها بعد ايدي ايده
حلا: يمه يمه ربي دخيلك ربي دخيلك
خالد: اااششش اششش شبيج اهدي
حلا: لزمت كلبي احس جسمي كله يرجف توقعتها لدرجه اسماعيل وايات مو ان بفراش واحد وهيه بلاثياب
كام من يمي هوه مصعد بطل مي راح جابه
خالد; شربي اهدي شبيج
حلا: شربت مي ايباوع عليه لزم وجهي باايده
خالد: اهدي اهدي
حلا: شلون اخوه يارربي اخوه حط اصبعه ع حلكي
خالد: اشششش لاتتفاجئين مو اخويه
حلا: لالالا لا اسماعيل
خالد: راح تكولين ماسوه الي سواه اخو زوج ايه
حلا: اي اس…
خالد: الخيانه وحده ماتجزء ان كان بحضن او بنومه بفراش واحد خيانه اخ نفسها
حلا: مخلاني اكمل كلامي حجي ورجع ضهره سنده ع حايط ومد رجله ثنينهن وحط وحده فوك الثانيه
زين وو وجهالهم شلون
خالد: عند اهل الولد
حلا: وهوه انسجن
خالد: لا كدر ينهزم بس يكولك ايدور ع اخوه بروح
حلا: ليش باوع عليه لاتكول هم
هز راسه بمعنى اي ضربت ع خدي
خالد: اووووووف هيه هاي الزلم مو هههه ينصدم ويوكع كبوووررر
حلا: ضرب راسه بالحايط حيل من وره
خالد باوع عليه وساند راسه ع حايط
اذا اذا يعني اذا لكيت يعني ايات
خالد: اوووف وين الله وصدك الكاها
هيه حاصله
حلا: شسوي هااا شسوي لاتباوع عليه وادير وجهك
صرت كباله كاعده ع ركبي
هوه ساند ضهره وماد رجله وعيونه عليه
خالد: احني ايدي بدمها وعد لخلي يصير حنه ع ايدي
حلا: كال يصير حنه ع ايدي وصفك ايد باايد
حسيت الدنيا افترت بيه
كلبي يدك بسرعه
مسحت وجهي باايدي
حاسه جسمي كله يرجف
لا متسويها موو
خالد: ليش مو رجال مو صح مورجال جان لازم من ساعتها انحرهم
حلا: كام بعصبيه رجع وكف يم لمحجر كمت وراه اركض
تنحرهم
خالد: اي اي الي يخون الوعد لعشره التربيه حليب امي الي رضعناه سوه سنين بينه ايام وليالي بضحكه وسالفه بتربيه وصبر
حلا: بس هوه ماسوه شي
لزمني من زنودي من الايدين باايديه ثنينهن
خالد: شنو الي ماسواه هاااا شنوو جان لازم اشوفهم ثنيهم بفراش واحد
حلا: لا
خالد: الي نفسه اطاوعه ع حضن شيطانه ايوزه ع فراش .
حلا: هزني وهوه يحجي ضاغط ع زندي هدني واندار لزمت زندي يوجعني
راح لزم لمحجر ومدنج راسه احس المحجر راح ينشلع باايده
اني مااكول ماغلط بس بس
خالد; هيه السبب اعرف ادري بس هيه منو وحده غريبه. عني صارت قسمه سوده وصارت قسمتي
اسمها مره بس هوه لا هوه
عشرت سنيني اخويه ابن امي وابويه ربينه سوه كبرنه سوه شوفي شوفي هذاا
حلا: رفع ايده ايأشرر ع الشريان مال ايده
خالد: هوه هذا شريان جسمي دمي لحمي الدم الي بجسمي وبجسمه واحد
لج اذا اعثر اكول اخ
اخووويه تعرفين يعني شنو اخويه حته لوكانت هيه نجسه بس هوه لا
ضهري من ينغدر اريد اخويه يحميه مو يفتحه ويخليه مرمه لسهام الغدر
حلا: ماعرف ابجيه عليه وهوه يحجي ويضرب بقبضه ايده ع صدره وعيونه تنملي دموع لو ابجي ع حضي لو عله الي ده اسمعه
ايباوع ع شارع ايده صارت ترجف حط جكاره بحلكه
خالد: اعرف اعرف هيه السبب غبي عرفت متأخر جنت نايم مغفل ينضحك عليه ينضحك بوجهه باامان بيته وينضحك بضهره بخيانته
عرفت عرفت كلشي بس بعديش بعد شنوووو كدرت اصحه
بعد مافات هواي على ضهري
عرفت بنكاستها
عرفت بخيانتها
عرفت بعمليات الاجهاض
عرفت بمعرفه هذا وذاك
تدرررين تددررررين يعني شنوووو واحد ايفكر ان ابنه موابنه
هاا تعرفين يعني شنوو كل ليله ايمر عله بالي يمكن زين العابدين مو ابني
تعرفين شنو النار الي بداخلي
اااااااااه حته دمها مايشفيني ولايريحني لوواشرب من دمها ماشبع ولااشفه
حلا: من ذكر عمليات ل اجهاض كتمت نفسي باايدي اذكرت من سمعتهم يحجون بفاتحت زين العابدين
شلون شلون. عرفت
خالد: شنو شلون عرفت
حلا: يعني ع اجهاض الاطفال
جاوب بعصبيه شنو شلون عرفت
من كتله ع اجهاض الاطفال اتقرب عليه صار كبالي ايباوع بعيوني
خالد: تعرفين شي انتي صح
حلا: خزر بحواجبه كال تعرفين شي
لالا مااعرف انداريت اريد انهزم انزل
لزمني من ايدي
خالد: عيونج تفسر انج تعرفين شي احجي شنو تعرفين هاا احجي
حلا: ايدي اااااه
خالد: احجي شنو الي تعرفي
حلا: بس هد ايدي الله ايخليك
خالد: اااااحححجججيييي شششنووو الي تعررفيه
حلا: اااه ااااا اعرف عن شغله الاجهاض بس
خالد: شنو شلون تعررفين هااا ااااحجي
حلا: الله يخليك اايدي
خالد: لللج احجي ليش اكسرها باايدي
حلا: سمعت سمعت والله ماعرف شي بس سمعتهم سمعتهم يحجون
خالد: منوو الي يحجي
حلا: ايات ايات وامها وايه اختها سمعتهم
اااخ
حسيت ايدي راح تنخلع ضاغط عليها وبده يفرها صارت وره ضهري فتح لويه ايدي ولزمها جرني صرت كباله مباشرتا
خالد: شنو الي سمعتيه احجي
حلا: سمعتهم يحجون بينهم اا ااا جانو يحجون ان الله يعوضها وتخلف غيره
وهيه كالتلهم وين يعني ومده يصير
بس ايه ايه كالتلها اني حذرتكم من شغله الاجهاض
ومحد سمعني كتلكم ميصير واحد وره الاخ
وامها تكولها عادي يصير هذا الي سمعته والله ماعرف اي شي غيره والله ماعرف
ايباوع بعيوني بتركيز كأنه يريد يتأكد اذا كنت اكذب اولا
هدني ومسح كصته
خالد: ليش محجيتي الي سمعتيه
حلا: خفت احجي
خالد: من شنو خفتي
حلا: كلت معليه ماادخل ماريد مشاكل ويمكن عبالهم اتسنط عليهم ويجوز همه اصلا يدرون ومن احجي ياخذون عليه نضره اني اتجسس اني مكان قصدي اسمعهم بس صعدت الغده وسمعت حجيهم
خالد: الاثنين مومني الاثنين مو مني ويمكن زين مومني
حلا: لايعني منو يكول هل حجي ايجوز جانو صحتهم تعبانه مثل زين
خالد: الاثنين ممعروف ابوهم يمكن واحد جربوع مايسوه شي هيه جانت تصرف عليه
تاخذ مني اريد مصرف واريد اشتري وتنطيه
شفت بعيني رسائلهم وهوه يطلب منها يكولها جيبي فارغ ماعندي مصرف وهي تتفق وياه وتوديله من فلوسي من تعبي وجهدي واني زمال جنت انطي بس تكول اريد اكول هاج مسوي روحي فهيم حته لاتحتاج احد بس هيه شاطره الصراحه جانت كادره تكذب وتضحك عليه
وعله غيري ويجوز اطفال الثاني الي يصرف ويتسوك
شوفي همه واحد منهم لان الاثنين اكو رسائل بينهم واكو رسائل تذكر حجي انها حامل منه وتريد فلوس تجهض
او متكدر تطي اخذت فلوس من المغفل حته تجهض
يعني واحد تصرف عليه وواحد يصرف عليها اما اني ف المغفل الوحيد بينهم
المشكله الرقمين انغلقن وماكدرت اوصل ولو لواحد منهم
حلا: كعد بالكاع ساند ضهره ع حايط ورافع راسه ايباوع ع سمه ويحجي
بمره مره سمعت اسماعيل وايات يحجون
اندار عليه من كلت سمعتهم
اسماعيل جان يسئلها منو الي وياها شايفه بسوك بمنطقه…………….
خالد: ايي
حلا: بوقتها كالتله رحت ازور خالتي وطلعنه للسوك وهذا ابن خالتي وحتى بوقتها خابرت امها حجه وياها اسماعيل واكدت كلام ايات
خالد: امها ههه الرأس لمدبر شوكت هل حجي قبل موته
حلا: لالا وين صار سنين يمكن الله لايكذبني لو قبل موتت زين العابدين لو بعد موته
خالد: عفييه عفيييييههه ابووو السمع عفيه بسمعوووو
عددد خالد عددد هاثالث سجين غدر
عدددد خالد عد
حلا: لا هوه ماغدرك هوه ماراد يسوي مشاكل هوه
خالد: هوه دستر الها ع حسابي اني اخوه مثل مادز الها رساله يكولها ننكر
لو اخويه خايف عليه جان لزمني وكلي وحده ثنين ثلاثه
مثل ما اني لمجرد نضره غلط طلعت منج كتله مرتك نضرتها الك صلافه
مارحت حجيت وراه ولا لزمتج حاجيتج حاجيته اله
اصعب شي انك تنذبح مرتين ومايكفي هل ذبح لا يمر ع ذبحك سجاجين عميه تكمل ذبحك مره بعد مره
صرت مثل الي كل يوم يكتشف مصيبه جديده تفره حوالين نفسه
سنين عدها جهاز ثاني واني مادري بي من سنين تخوني واني ماحاس
شتسمين هذا غباء لو اني مو رجال
هااا شتسميه احجي واله اكولج. اني مو رجال
حلا: ماعرف شكولك بس لاتحجي هيج
خالد: اشوفيني انتي شنو بعد كل الي سمعتيه رجال مايدري بقذاره مرته شيسموه
اكثر ثنين بحياتي جنت مغمض وامشي وراهم
وحده سلمتها نفسي
وواحد بيده روحي وحمايتي
وبيوم وليله كتمو نفسي خنكوه
وطلعو روحي بغدرهم
حلا: من سولفتله ان شايفها كام وكف ويصفك عفيه سمعو
وبعدها يحجي وكف كبالي يسئلني ششوفه ويرجع يندار ويلزم راسه باايديه ثنينهن
خالد: بس شكد طعنات اكتشفت منها وجعن صح بس طعنته هيه الي خلصت عليه
حته اذا هيه السبب مااعتب عليها اعتب عليه
اعتب ع اخويه الي تشاركنه اللكمه اني وياه
شلون كدر يضل واكف شلون روحي نفسه طاوعتهر
واعترف انه اندمج ومحس ع نفسه ويمكن لو اااااوووف
وفوك هذا يوصل مسج طلع متعلم يخدعني ويضحك بوجهي ويستر ع عمايلها شعد وشعد هوه هوه
حته انتي غدرتيني
حلا: اني
خالد: اي سمعتي وماحجيتي
حلا: ماجنت اكدر احجي مو من حقي ادخل
خالد: لتخافين صرت متعود ع غدر مااهتم بعد
حلا: والله ماغدرت خفت احجي وينحسب عليه غير شي
خالد اني ماغدرت وماجنت مفتهمه الحجي راح ايوصلنه لهنا لوجنت اعرف جان حجيت
صدكني باوع عليه هز راسه واندار
فاتت دقايق ثنينه ساكتين
خالد اذا لكيتها صدك يعني تسويها
خالد: بحيل الله الكاها ونحرها مايكفيني يمكن بوقتها اقطعها وصل صغار صغار تسهل لهضم الحيوانات واوزع لحمها واتفرج بمتعه شلون ياكلون بلحمها
حلا: يحجي وكاز سنونه كلامه رعبني
انت شتحجي شلون تفكر هيج تسوي
هاااا مافكرت مافكرت ب امك من ضام كل هذا عليها شلون تريد
خالد: يختلف الوضع اني سويت كل هذا حته استره اله كدام امي واستر بناته ومحد يذمهن
بس بهل شغله تختلف روحي ماتهمني عود خلي يحجون لاورايه ولد ولاتلد
حلا: وامك ها امك تموت وراك
خالد: امي من تعرف غسلت عاري باايدي راح تفرح انها خلفت رجال لتخافين مااكول شفتها وياه اكو غيره وعليهم ادله
حلا: اني هسه موببالي تحجي عن شغله اسماعيل اولا
اني تفكري انت امك تموت وراك خالد انت تعيش بسجون
خالد: هاي اذا عشت
حلا: لاتكولي انت هم تفكر بنفس تفكير اسماعيل
خالد: لا اني موضعيف لهل درجه بس اتوقع بعد كل الي شفته واكتشفته الله ناطيني هل نفس لحد مااكمل الي ابالي وبعدها ينتهي حته عمري وحته اذا ماانتهه ينحكم عليه وانتهينه
حلا: هذا خوفك ع امك هااا خايف عليها تريد تسوي كل هذا
مافكرت بيها تريد تستر اسماعيل بس عندك عادي الي يصير عليك
خالد: لان صعبه ينسمع اخويه خاني ويه مرتي بس مرتي خانتني ويه غريب رغم صعوبتها تهون
حلا: خالد خالد لاتسوي هيج شوف احنه كلنه هسه ب بركبت منو هاا
امك بعدك منو الها
خالد: انتي ماتعوفيها وهيه ماتعوفج انتي اخوتج انذال امي تفرغ مايبقه عدها غيركم
حلا: من تعرف كل هذا عندك عادي تمشي بالي براسك وتعوفنه
خالد: تعوفنه
حلا: باوع عليه بااستغراب
اي امك الي بحاجتك واني ولبنات منو حماني من اخوتي غيرك
تريد تروح بسجون بتهمه قتلها اكولك شي حرامات تروح بذنب دمها
خالد: بس اخذ ثاري وثار شرفي موحرامات
حلا: هيه هسه موبذمتك
خالد: بس خانتني من جانت بذمتي
اني انتهيت ع ايدهم ثنينهم بقه سجن موت حياة مايهمني
حلا: مييصيررر هيج تحجي الي تفكر بي غللط غلللط
خالد: لاتصيحين بوجهي
حلا: لاا اصيح هددتني اني انطق بكلمه وهسه تكول عندي عادي
خالد: كتلج الوضع يختلف
حلا: ماكوشي يختلف مبقه احد عند امك غيرك بالحالتين تموت
خالد: واني اذا ماشفت دمها باايدي اموت
حلا: انساها انساها عوفها هيه وربها
خالد: ههههه لج شنسه سنين ايام ليالي اني انخان بيها انسه شوفتهم بعيني
حلا: الي شفته مااات
خالد: الحمدللله انه مات حته ماصيرر قاتل اخويه
حلا: شنوو
خالد: اي لو ضال عايش جان نحرته باايدي
حلا: احس راسي ينزل فوكاه صخر يضربني ويخليني ادور حوالين نفسي مو كلام صخر
خالد: من مات عرف نفسه تحركت الها وهوه عاقب نفسه بنفسه بس لو عايش
حلا: اسكت الله يخليك
خالد: متحسين بالي بداخلي شنو الي كدامج واحد كاره نفسه مساعد عزرائيل عايش حته اكمل وبس
حلا: كلتلي كلمه احنه نبقه نتحمل علمود الي نحبهم
لاتسكت وادير ضهرك حاجيني
خالد: ماعندي حجي
حلا: لااا عندك عندك مثل ما كل الايام الي راحت كان. عندك تنبيه وتحذير الي هسه لازم يكون لنفسك هل تنبيه
مثل ماكتلي خلي بناتج بين عيونج انت تحط امك بين عيونك
لاتعوفني وتروح وكفت وسمعتك هسه انت تسمع
خالد: ماضل شي ينسمع
حلا: اندار ايريد يطب وينزل ركضت وكفت بوجهه
لاضل عوفها ربها ايحاسبها
خالد: سبحانه كال في كتابه(والزانيه والزاني فااجلدو كل واحد منهما مائه جلده ولاتأخذكم بهما
رأفه في دين الله ان كنتم تؤمنون. بالله واليوم الاخر
وليشهد عذابهما. طائفه من المؤمنين) سبحانه كال لاتأخذكم بهما رأفه
حلا: الله سبحانه قال اجلدوهم مو انحروهم
خالد; حلاا وخري
حلا: مااوخر مثل ماسمعتك تسمعني
خالد: انتي محاسه بالي جوايه
حلا: والله حاسه بس
خالد: لا متحسين ماضكتي طعم لخيانه مثلي
حلا: الي تحجي عليه ابو بناتي زوجي وخاني
خالد: نقطه ببحر اني الي خاني اخويه ابن امي وابويه ومرتي يعني اكثر ثنين بحياتي جان لازم ايصونوني غدروني
حلا: واكفه بوجهه كل مايتقدم خطوه الحكه واصير بوجهه
خالد خالد الله يخليك
خالد: تدرين جنت ابيض من البياض وياهم جانو يمشون بدمي اتنفسهم مثل الهوه اخاف عليهم اكثر مااخااف ع روحي واحد ربيته بيدي من تمرض شلته وركضت بي وكفت ع راسه وصحت ادرس سهرت وياه وشاركته مراهقته وطفولته
ووحد دخلتها لبيتي وسلمت شرفي وعرضي باايدها ماطلبت منها شي غير انها تصون بيتي ماقصرت بشي وياها يمكن عصبي مااتحمل طبعي صعب بس مومعناها تغدرني
حلا: عيونه بيهن الم وحزن وكره وغضب مشاعر متخربطه تنشاف
رجع وكف يم لمحجر ويباوع ع شارع
خالد: من صغري من اختنك اضوج انقهر اختار اعله مكان بالبيت بيتونه سطح اي شي عالي اتأكد ان الكل نام واصعد اباوع عله الشارع من مكان عالي وارتاح بصوت الهدوء مال الليل الليل اضلم بس ستر يستر علينه ننفضح كدامه وهوه ساترنه
بس اله هسه الهدوء الي حواليه بداخلي ضجيج
الراحه الي جنت احسها تحولت عذاب
ماضل شي ايريحني ويبرد ناري
كمت اضطر اشوف وجهي بالمرايا
حاس بروحي مواني نفسي
ماضل مكان ارتاح بيه
العذاب والالم انزرع بروحي
ماكو شي يشفيني غير دمها
من انحرها راح انولد من جديد
راح اخذ ثاري شرفي غيرتي عرضي
راح اغسل العار الي عليه باايدي
راح اخذ ثار اخويه الي شفته معلك
لا لالا
مووواخويه موووواخويه كلت ماااكول هل كلمه ماااكولها ابد
موواخويه للللك غدرتني ومو كادر انساك ذبحتني. وبعدني اطالب بثارك
لكككككككككككككك لييييششششش
ياريتك جنت ويايه سند هديتني هديتني
شفتي بعدني حاطه بحسابي رغم شفت وقريت وسمعت بعده مزروع هنا شلون اطلعه هااا
كوليلي ابوس ايدج اطيني شي اي حل افتح داخلي بسجين واطلعه من داخلي
اشلع كلبي بيدي وانتزعه منه
هااا كوليلي شسوي
منين اشيله من ياذكرى
من ياحلم
من ياطفوله
من ياحزن يافرح
من وين وين من دمي من روحي
منين مننييين
حلا: حسيته بالفعل انهار صار يحجي بصوت بجي وصراخ ايده ترجف مندار هل مره حته مااشوفه يبجي
لا انهار وهوه واكف كبالي دموعه غطت وجهه لزم ايدي
ويصيح اطيني حل
حاله لو الحجر اله لسان جان صرخ الم عليه
حضني ويبجي بصوت دهك كل جسمه يهتز
خالد: ابجي عليه لو عليه
ابجي على امي لو ع روحي
شسوي وانساه اريد انسااااه
دخيلللللكككك ياااللللللللللله
حلا: ايدي صارت ع ضهره للحضه نسيت قهري ع روحي وصرت ابجي ع حاله
ع وضعه وهوه يبجي مثل طفل
للحضه تحول من وحش كاسر الى طفل مجروح
صوته وبجيه تحول لعتب
خالد: بس كولي ليش شحسيت ماشفتني بيها ماشميت ريحتي عليها شلون طاوعتك نفسك شلون كدرت
حلا: وخر ابتعد عني مسح دموعه ووكف صالب طوله
خالد: مثل ماحلفت اني ماانطق اسمك
وحق ديني ومعبودي
وداعت حليب امي
وداعت كل نار تحرك بروحي
اتوب حته عن ذكر طفولتي الي وياك عن مراهقتي
ولو وصل بيه الحال اتوب عن جرت النفس حته اموتك بروحي راح اتوب عنه
حلا: واكفه اباوع عليه حرت شفسره بس جنت حاسه بوجع بكلبي عليه
اندار ايباوع عليه
خالد: لاادورين ورد بكاع بور
خلص موسم زخ المطر بروحي
بعد ماضل عندي ثمر وانطيه
جفت كاعي وانقطع ميها
ضلت ارض صخر بور
لاتنفلح ولاتنزرع
لاتحاولين بيها
……… .يتبع