#خيوط ام حبال
البارت الثاني والثلاثون
ل ورد العامري
خالد: شفتهم شفتهم بعيني
حلا: شنو شفت احجي
دنج وايده ثنيهن ع راسه وانحنه
رفع ناس باوع عليه عيونه جنهن بقعه دم
غمض عيونه واندار رجع يم لمحجر حط جكاره بحلكه وورثها
ليش مااجاوب شنو الي شفته
خالد: سدي الموضوع
حلا: لا اريد اعرف
خالد: مايحتاج تعرفين
حلا: اريد اعرف هل سؤال ❔ الوحيد الي افكر بيه وماكو غيرك يكدر ايرد عليه
شنو شفت كولي
باوع عليه
خالد: شفت ضهري مكشوف وسجينتي يمناي
حلا: شنو يعني
خالد: اترجاج سدي الموضوع
حلا: مااريد اسده مااريد صعدت حته اسمع كتلي صعدي صعدت اسمع
خالد: ردت افرغ الي حرك كلبي كلمه ذكره جنت اريد انتقم منه بس انتقمت من روحي انتي بااسمي مو بااسمه هسه
حلا: واني اريد اعرف الي شفته كولي الله ايخليك احجي شنو الي شفته
جان لازم محجر السطح شمر الجكاره وهده صار كبالي
خالد; راح تنوجعين ان عرفتي
حلا: راضيه بس كول
خالد; يمكن صدك محتاج احجي محتاج احد يشيل ويايه الي شايله بوسط صدري
حلا: واني اسمع كولي شنو شفت
تقرب عليه ايده حطهن بجيبوبه
خالد; شفت اسمي بحضن اخويه شفت شرفي شبه مهتوك غيرتي معروضه وضهري مفضوح بحضن الي جان لازم يستري ضهري ويعيني
حلا: لاتحجي بالالغاز يعني شفتهم شفتهم مسح عيونه بكف ايده وحط جكاره بحكله
خالد: شفتهم بحضن بعض شفتهم ياخذون من نفس بعض شفتها بحضنه واكفه وهوه كبالها كان رافع ايده لازم زندها وهيه ايدها ع صدره ووو
شفافهم ملزوكه ابعض
هذا الي شفته بضبط موردتي تعرفين هذا الي شفته
حلا:شهكت النفس هوه غمض عيونه وحجه. وبعدها كال هذا الي شفته واندار ع محجر السطح
شفت كتفه ينهز يبجي بكتم
عيوني احس بيهن حراره اشتعلت ضربت باايدي ع وجهي وغمضت عيوني للحضه تخايلت
ايات واكفه وحاضنه اسماعيل ووهوه حاضنها ويبوسون بعض
لا لا لاااااا
خالد: صوتج
حلا: لا الي تحجيه انت مستحيل انت اكيد غلطان جاااوبني انت غلطان صح لالا هوه كال برساله بس ماسوه شي السبب هيه
لاتندار حاجيني
خالد: كتلج لاتسمعين افضل
حلا: اريد اسمع ده تحجي لان زعلان من اسماعيل مو
فتحت عيوني بفزع كمت اصرخ لا
اندار عليه كال صوتج من حاجيته
رجع اندار ع ايباوع ع شارع
وبعدها رفع راسه للسمه وغمض عيونه مايرد عليه
حاجيني جاوبني اندار ايباوع عليه
خالد: شتردين حلا شتررردين كتلج الي احجي لاتعرفيه احسن
حلا: مصار الي كلت عليه مو
خالد: شفتهم بعيني بعيني وعندي دليل ع كل حجايه
حلا: لالا لا اسماعيل مايسويها
خالد: لاتذكرين اسمه كبالي
حلا: لزم لمحجر ومثل الهزه ورفع اصبعه بوجهي بغضب
خالد: الي تكولين مايسويها سواها وشفته بعيوني
شفتهم حاضنين بعض شفتهم ايبوسون بعض
حلا: لا انت تحجي هيج عليه لان لان
خالد: لان شنو كوليها صعد برجله الها وجان يعرف هيه صاحبه صاحبه لمسجات مااختار ايبلغني اختار ام يصعد
حلا: صعد حته يتأكد هوه هيج كال برسائله
خالد: ليش وكف ليش ماكالي ليش بعد ماعرفها ضل واكف كبالها يتنفس نفسها للييييششش
حلا: اسماعيل كتب ان ماسوه شي
خالد: ههه صح ماسوه شي
حلا: يعني شنو يعني انت ده. اتهمه مو
خالد: اني مااتهمه وعندي دليل ع كل كلمه كلتها
حلا: لالا خلص اسكت ماريد اسمع شي ماريد اسمع شي انت تكذب تكذب
باوع عليه يحجي بحديه من بين اسنونه بس ماجان كاز عينيه بسببي لاجان اكو بعيونه غضب يلمع وي لمعه الدمع الصار بعينه
حاسه كلبي انفطر مستحيل اسماعيل ايسويها هوه كال ان ماسوه شي
سديت اذني ونزلت اهرول وطلعت لغرفتي صعدت سديت الباب احس جسمي كله يرجف
لا مايسويها مايسويها
رحت ادور ع تلفوني رجعت قريت الرسائل الي مامر يوم وماذكرتهن وقريتهن
جنت اقره واركز بكل كلمه كاتبها ذكر انه ماسوه شي
اسماعيل مايكذب مستحيل يكون الي حجاه خالد صح مستحيل
خالد يكذب اي يكذب حته ايبرر الي صار
كمت بيدي التلفون افتح الباب اريد اصعد
خفت خفت اصعد ماريد اسمع غير صوت الي بداخلي
الدليل شنو الدليل الي كال عليه
لاحلا لا لا لتصدكين
حاسه بنار اشتعلت بوسط كلبي
احس دكاته زادت وكأني اركض
الم الم يحفر بكلبي بيوم موته ماحسيت بهل الام حاسه كلبي اتفطر
لاانكسر واطشر
افتر الليل كله لازمه كلبي يوجعني
عيوني دموعي تجري كل ما
اذكر كلام خالد
احط ايدي ع اذني واكول لا لاكذب
صار الصبح واني افتر حوالين نفسي
وما اريد اروح واسئل خالد بعد
حته لوكان حجيه صح اريد اصدك بس كلام الي بداخلي
حسيت ع شفتي ترجف ايدي تهتز
كأن اعصار دخل بكل جسمي وخلاني اهتز بمهب الريح
اعتصر داخلي وكان هاي ساعاتي الاخيره بهذي الدنيا
كعدن البنات واني احس الدنيا تفتر حواليه
نزلتهن ركضن ع ام اسماعيل
ام اسماعيل: صباح الخير يمه يمه حلا شبيج
حلا: لا مابيه صباح الخير
ام اسماعيل: شبيج يمه مخطوف لونج
حلا: مابيه شي يمه
غسلت وجهي ع سنك دماغي كأن يتوقف ويشتغل
ضليت الكلمه تنعاد يله اسمعها الشغله بيدي اصفن بيها
ام اسماعيل: شبيج اليوم حبيبه
حلا: مابيه شي يمه شويه دايخه يمكن افلاونزه
ام اسماعيل: سلامتج حبيبه هسه اكوم اجيبلج دوه هاج يمه شربي
حلا: جابتلي دوه شربت بس مخنوكه
مكادره اتنفس
ام اسماعيل: حلايمه بعد من منو حاطه هل حجاب ع ركبتج
حلا: خلي يمه اني هيج مرتاحه
ماعرف شلون عده الوقت وسمعت صوت خالد
كال السلام عليكم وردت ام اسماعيل ودخل للغرفه
ده اكوم يله ماما فوك
ام اسماعيل: وين رايحه ده نتغده
حلا: لامااكدر يمه
ام اسماعيل: كعدي موبكيفج ازعل عليج
بله شي اني وضعج كله معاجبني وصار هواي ماملتمين ع غده
حلا: يمه والله
ام. اسماعيل: ولاحجايه مااسمع يله اريد اتغده وياج
حلا: ام اسماعيل تغدي البنات قبلنه كاعدات ايلعبن كعدت اليوم ع سفره خالد كاعد ياكل
تحط كدامي ام اسماعيل اني صافنه ع اكل باوعت
ع خالد جان ايمثل انه ياكل الخاشوكه تفتر بالماعون
وترفع شبه فارغه
رفه راسه باوع عليه شافني صافنه عليه
مثل الي ضحك بداخله بااستهزاء ورجع دنج ياكل
حسيت صدري وكف بيه الهوه كمت من الاكل
ام اسماعيل: وين ولج مااكلتي شي
حلا: ماكدر يمه مااكدر
صعدت اركض والبنات ويايه سديت الباب ونيمتهن
حاولت انام كل الي اريده اني انام اريد دماغي يوكف
ماريد افكر ولو لدقائق تسكت هل اصوات الي براسي
تمدتت اسد بااذني واغمض عيوني
كمت كعدت افرك براسي مااريد اصدك
اي ماريد اصدك اريد اتضل الفكره بس الي ابالي
رغم. كلمه ليش الي دائما ارددها
من وصلت للحقيقه شفت نفسي
ماريد اسمع شي
رجعت اتمددت حطيت لمخده فوك راسي اريد انام ماضلت محاوله ماسويتها
ايست من روحي نزلت اريد اعرف شنو دليله
سيارته ماكو والبيت هدوء
اي الحمدلله انه ماموجود اي ماريد اعرف
كذاب هوه كذاب
اي اسماعيل كال انه ماسوه شي
ماريد اعرف غير هذا بعد
صعدت مثل الي حاطيه ع نار ويكلبون بي
لاكادره اريح داخلي واسكت
ولاكادره اثبت اني. مااريد اسمع
عده اليوم اني اسمع شبيج من ام اسماعيل صار وقت العشه وخالد مموجود اتصلت بي ام اسماعيل
كايللها كاعد يم محمود ابن عمته
صعدت نيمت البنات واحس نار تشتعل بيه سمعت صوت الباب مال الشارع انفتحت وخرت البرده
شفته دخل السياره
رجعت تمددت بفراشي اباوع ع سكف
اني مااحتاج اسمع اني اعرف كل القصه
اني مصدكه بالي كاله
اسماعيل مايكذب
ماعرف شلون شفت روحي مو بفراشي اني ده انزل الدرج
رجعت صعدت سديت الباب ماكدرت اتحمل جريت لحجاب حطيته ع راسي ونزلت اركض من غير مااروح لغرفته صعدت للسطح
عرفت الليل كله يكضي بسطح
بالفعل باب السطح جان مفتوح وصوت طكت الجداحه
بعدني بباب السطح ضهره عليه صاير ووجه ع محجر ايباوع ع شارع واكو مسافه بين الباب والمحجر
خالد: جنت اعرف راح تصعدين اعرف الشك الي بداخلج راح يجبرج تسئلين مره ثانيه
حلا: طلعت للسطح ومتفاجئه شلون حس اني بعدني مادخلت السطح وهوه ضهره عليه اندار عليه
خالد: ماعندي اجوبه الج
حلا: يعني شنو ماعندك اجوبه
خالد: كتلج البارحه حمل وهم ماتكدرين عليه لاتسمعيه
حلا: اريد اسمعه مومن حقك اضم عليه هل شي
خالد: الافضل انه هل سر ماينعرف حته لاينفضح ومااخسر اعز مااملك
حلا: اني مستحيل احجي بس اريد اعرف
خالد: خليج ماتعرفين اني البارحه ماعرف شلون حجيت
حلا: لالا الله يخليك لاتعوفني بهل عذاب اريد اعرف الي صار
خالد: انتي شتتوقعين تتوقعين اني ماريد احجي مامتمني اشوف احد واحجي احد ولو بس يسمعني يمكن تبرد هل نار الي بداخلي بس متحمل حته ايضل الوجع بيه والسر مدفون
حلا: احجي واني اسمع وماراح احجي ل اي احد وعد وعد وروح امي راح اسكت اسمع وبس وبعد مااسمع راح ادفن كلشي سمعته ببير ومااطلعه ل احد
اندار ايباوع ع شارع وباوع عليه
سحب دخان جكارته ورفع راسه دفع الدخان يرجع الدخان يصير ع وجهه
الله يخليك باوع عليه
خالد: شتردين تعرفين
حلا: كلشي كل الي صار عيد الي حجيته البارحه
خالد: كلتي عني كذاب ليش تردين تسمعيه
حلا: اترجاك والله راح اسكت ومااحجي بس احجي من جديد
خالد: واذا ماجنتي كد الوعد وماتحملتي تسمعين وتسكتين
حلا: لا راح اتحمل وروح امي راح اتحمل واسكت بس احجي
خالد: راح احجي لان اريد احد يسمعني بس اترجاج سمعيني وبس وبعدها انسي كلشي احجيه
راح احجي لان ماكو احد دفن هل سر غيرج انتي واني وماكدر احجي يمكن عد احد بعد
حلا: سند ضهره ع محجر ويحجي وهوه مدنج
اي احجي اسمع اسمع رفع راسه باوع عليه
خالد: نزلت من المشتمل كالت راح ارجع انام لونص ساعه عيوني مااكدر افتحها
نزلت شفته سئلته كال ماكو شي طلعت لنص الدرب
فكدت محفظتي شلون ادخل لكراج لمطار من غير سنويه
رجعت صعدت فتحت الباب ع كيفي بتفكيري انها نايمه
طبيت وشفتهم كبالي كبال عيوني
اااااااااااااااااااه
حلا: اندار ع محجر ايهز بيه شنو الي شفته هااا شنو
اندار ايباوع عليه وايده لازم لمحجر
خالد: شفتهم ناس تبوس ناس شفتها حضانته وهوه ايده لازمه زندها حسيت لساني اربط ورجلي خيوط صارت وكعت وع حس الهبده مال جسمي اندارو صارت تغطي بدلعه صدرها الي ضاهره من وربها وهوه اندار انطاني ضهره
جامت بيه نار متمني اقتلهم بس احس احد ربط كل جسمي ربط رجلي وثبتني بالكاع
صحت بااسمه زحفت واتسندت ع باب اريد اكوم بس رفعت نفسي طلعت تركض ضربتني بجتفي رجعت كعدت كعود بالكاع حته اسمه جنت انطقه احرف
تدرين تدرين الي مأذيني شنو موهيه
هيه لوشايفها بحضن غريب اهون من اني اشوفها بحضن ااااااااااااااااخ يابه
حلا: غمض عيونه ولازم المحجر ويحجي حطيت ايدي ع حلكي اكتم صوت شهكت البجي بيها عيوني مفتوحه عليه كال تدرين واندار عليه
ضرب ع صدره ماكدر يكول اخويه
حلا: مايسويها اسماعيل هيه هيه الي سوت كل هذا
خالد: اعرف بس هوه طاوع وانتضر
حلا: لالا اسماعيل مايسوي هل شي صدكني حته رسائله اكد بيها انها هيه السبب هوه مايسويها كال اني ممسوي شي
شمر الجكاره الي باايده احرك باايدي واحجي وياه
خالد: الرسائل منه تأكد الي شفته
حلا: شلون شلون يعني مستحيل اسماعيل ايسويها
خالد: سوه لمستحيل الي تكولين عليه
حلا: لا مااصدك
خالد: كتلج عندي دليل
حلا: شنو الدليل هاا شنو الدليل انت تريد تتهمه وبس صح هاا حاجيني صح
حط ايده بجيبه وطلع التلفون وفتح رساله
خالد: مستحيل اتهمه حته لو طاعني بضهري اقري
حلا: حط التلفون بوجهي اكو رسائل
ذني نفسهن عندي
خالد: اقري هذي معقوله هم عندي
حلا: عيوني تغوش مسحت دموعي وفتحت عيوني ع وسعها جريت التلفون منه ع اشاره بااصبعه كال هاي قريت &اعترف الك اني غلطت الشيطان غرني وهيه شيطان تقربت الي خالد حسيت باانفاسها بعدتها بس حركاتها جبرتني اضل واكف بين ايدها
اعترف اني شاركتها تقبيلها الي لمستها لمستها خالد غصب عني شيطاني اتغلب عليه بس ماسويت اكثر من الي انت شفته والله ماسويت شي ماسويت شي هيه السبب
واني انغريت شيطاني وزني بس والله ضربتها وبعدتها بس هيه هيه
اعرف الي احجي كله مايبرر اني مااخليك بيوم تشوفني مالي عين تشوفك ندمان سامحني &
تكمله الرساله ان جيب حلا وتعال وكع التلفون من ايدي
بس هوه هوه لا هوه هم كال هنا اني ماسويت شي يعني ماخانك ماغدرك
اجه عليه بسرعه صار كبالي
خالد: شنو مفهومج عن الغدر هااا شنو تعرفين عن الخيانه
ماسويت شي يعني مانام وياها (عذرا)
خلص مادام مانام وياها اذا ماخاني
ماغدرني
حط عيونه بعيونه غدر الي
لمسه الها طعن بضهري
تنفس انفاسها خيانه الي
حلا: يحجي ويايه يتقرب واني ارجع ليوره ايدك ع صدره باايده بقوه
خالد: ماسويت شي يعني مانام وياها ويمكن لو متأخر
اااااه
حلا: صار ضهري ع حايط هوه كبالي كال لو متأخر. وضرب الحايط واطاني ضهره وابتعد ايديه ثنينهن ع راسه اندار عليه
خالد: الغدر والخيانه تكفي بنضره لشي الي
مااعتب عليها هيه هيه حيوانه شهوانيه حقيره جنت حاط بحضني ارذل واحقر ماخلق الله
بس شكد انوجعت انوجعت ع نفسي ع ثقتي الي جانت بيها مانوجعت عليها
بس هوه لا هوه غيررر
هوه نضره وسالفه فرحه وحزن ضحكه وكعده جنه جنه اني وياه
انام طول بطول
حلا: كثر الوجع الي بكلبي كوم وطريقته وانفعاله شي ثاني يروح ويجي كدامي وكف كبالي يطبك ايد باايد يكول انام طول بطول غطه وجهه بااثنين اديه
خالد: تعرفين شنو اتموت روحج هاا
المات مو هوه الماتت روحي
سندي عضيدي حزامي اخ اخ وو اخووويه
ياااناس يااابشررر اخويه
هد السند فك حزامي وغدرني
لا هوه ماغدرني مره غدرني مرتين
اي اي مرتين مره من شفته بعيوني
ومره من فكر يكذبني امام نفسي
من من كدر يدز مسج يكول بيه
مسحي ونكري
هههههه لك انعل ابو الخوه
انعل حليب لاااااا حليب امي طاهر
والله طاهرر لك لليش للييييشش
حلا: يحجي عيونه مفتوحه ع وسعهن تنزل منهن دموع ع لحيته يضرب ع صدره ويرجع يلزم راسه ويروح ويجي وينحني
لزم لحايط يدك براسه بي دكات خفيفه
شش شنو يعني مسحي ونكري
اندار عليه عيونه ماتتفسر دموع وغضب حيره وكسر
خالد: صعدت للمشتمل سديت الباب بيه نار اريد اطفيها ومااكدر اتنفس امي جوه اريدها بس تغفل حته اكدر اطلع
طلعت حركتي باالكنتور شمرت هدوم وشكك
وكع جهاز من بينهن شلته
قريت اخر مكاله اسماعيل مكتوب وبعدها
رساله مكتوب بيها
حلا: شمكتوب لاتغمض عيونك. وتندار شمكتوب كول احجي مسح عيونه وكعد بالكاع انتجه ع حايط
خالد: مسحي كلشي بجهازج والي صار انكول لخالد فاهم غلط اسكت وماافضحج بشرط تلكين حل
جان مستعد يسكت اي جان مستعد يعوف اخوه ويكذبه ويخدعه
يضم سر وحده زانيه كل يوم الها.
حلا: ليش سكتت
خالد: نزلي حلا عوفيني بحالي
حلا: كام وكف ورجع يم لمحجر ايباوع ع شارع وحط جكاره بحلكه
ماريد انزل اريد اسمع كمل الله يخليك
خالد: ماشي تدرين بعد ماقريت هاي الرساله شسويت
اتصلت بي من الجهاز
جاوبني ايصيح انتي السبب كله بسببج هسه تلكين حل اني ماريد اخسر اخويه
من سمعت صوته حسيت بقرف حست اني لعبانه نفسي من صوته
جان يصيح الو وينج
كتله اني مواخوك ودمك مهدور
انسد التلفون بوجهي مااتحملت ابقه بعد نزلت وصار امي بوجهي حاولت الهيهاوطلعت
طلعت مثل المجنون جنت اعيط بسياره وصلت لبيتهم
كالو محد اجه ولا احد وصل
حلا: بيت ايات خزرني حطيت ايدي ع حلكي وهزيت راسي مااحجي بعد مااحجي
خالد: من غير ماحس بسياره لكيت روحي بنص طرمتهم الباب مضروبه واني دايس بانزين ادخل لبيتهم
جنت اريد اشرب من دمها
بس نكرو وجودها دخلت مثل المجنون دورت غرفه غرفه غرفه
كل الموجودين جانو ميعرفون الي صار او مثلو الصدمه
ابوها الي وكع واخوها الي يتعارك ويايه وتتهم بنتنه
طلعت طلعت افتر بشوارع ادور احد منهم
ومن. جتني الرسايل خانتني روحي وشفت روحي
اباب المحل اريد اكسر قفاله
تدرين بوقتها كلت لنفسي اسد عيوني وافتحها واكول الشفته
كابوس اتهيء الي
حسيت بطعم خسارته نهت روحي
بس بعدها صفنت وشفت كلبي انغسل منه
حلفت اني ماجيب طاريه اذا مات
ولكيت روحي كد الحلف زعلان اي زعلانه
زعلان منه وعليه
تدرين. القاهرني شنو
القاهرني بعدني اشتاكله واتمنه شوفته
بعدني اذكر ايامنه
بعدني اتخايله
الي قاهرني حيره قلبي
ووجع روحي
الوجع منه الالم ماينوصف
ياريت كل الدنيه خاينتني منتهكه عرضي
وهوه لا
تكوليلي ماسوه لا سوه
موبس غدرني
قتلني ومالكيت مشيع يمشي بجنازتي
ذبحني وشلت دمي باايدي وضميته حته لايكولون اخويه ذباحي
تجي ساعات اريد اصيح بصوت
يااااااللله يمكن لو طلع هل صوت مني
يهز الدنيا هز بس ايوكفني ان الطاعن اني والمطعون اني
ان حجيت وان سكتت ثنينهن الروح توجع
تدرين ليش اختار ينتحر
لان احساسه شهوته الي خلته يوكف
حس بيها انها غدر الي
عرف هوه شنو
حلا: مده اصدك
خالد: لاتصدكين تمر ساعات اريد اصيح اسمه اذا اني بحزن روحي وشوفه عيوني اكول يجوز غلطان وارجع اقره وتهيج. اوجاع روحي عليه
انتي تردين هسه تصدكين هوه انا ممصدك
حلا: واكف يم لمحجر ايباوع ع شارع صار هدوء مثل مرور عاصفه هزت كلشي بيه وهدت ومالي حيل احجي بعد بس دموعي تنزل وواكفه بمكاني
وهوه واكف بس. الدخان يطلع منه
وهيه
باوع عليه
وهيه بعد. كل. الي صار
كلشي صار بسببها
خالد: منتظر موعد يومها
حلا: شنو يعني
خالد: حلا. اترجاج تعبت عوفيني مخنووك
حلا: كال مخنوك. وصار يدهك ويبجي
خالد: نزلي حلاا نزلي عوفيني بحالي
حلا: حسيته كاتم ع روحه حته لايبجي يريدني بس. اروح حته يبجي
خانته قوته وبجه انطاني ضهره وغطه وجهه
خالد
خالد: حلااا عوووفيني انزلي انزلي
حلا: باوعت عليه نزلت بعدني ع درج سمعت صوته يصيح
ليييششش ياااللللللله يااااارررررررررب تعبت اخذذني تعبببت
وصوته يبجي بصوت يمكن يفتت الصخر
كعدت ع درج ابجي بس ماابجي اليوم بس بالالم وحسره لاابجي بقهر
ابجي بصدمه وندم
صرت الوم نفسي اني ماضليت عايشه بس ع سؤال ليش ماواجه وليش اختار ايموت
ياريتني مامتمنيه اني اعرفه طلعت معرفته صعبه
وجعها ماينحمل ونارها ماتبرد
لااول مره من مات لليوم
اول مره احس اني ممسامحه
حاسه بنفور. لنفسي
ثوره غضب لروحي الي جانت مصدكته
جنت اكول كل الذنب عليها
بس اليوم انصدمت بوجود ولو مقدار شعرايه ذنب عنده
بس الي بدر منه حته وان كان هيه السبب الي بدر منه يوجع اكثر
نزلت اسحب بروحي سحب حاسه اليوم بوجع ماحسيته ابد
اكو حسره بداخلي
كتلت كلمه ليش وشلون
وصارت ياريت ومعقوله
يمكن وصلت لحافه الجنون
اي وصلت وصلت لمرحله
اكول ماصار هل شي
وارجع يمر صوت خالد بااذني والرساله
واكول ياريت ضاله مااعرف
ياريتك مصاعد
ياريتك ماسويت هل شي
شفت روحي كاعده بالكاع وفارشه الصور واحجي
شلون وكفت وياها شحسيت
هم بجيت بندم
هم فكرت بيه
شكلت لنفسك من صارت كبالك شلون تحملت
بس اكيد مو انت انت منو نفسك الي بصور
اسماعيل مايسوي هل شي
اسماعيل مايغدر
عيشتني بكذب بعد موتك
اختاريت انك تختار الرسايل الي ادزها
ليش خفت ازعل خفت ابجي خفت انقهر
زين. شلون ماخفت اني اموت بداخل نفسي
اثور لنفسي واكول خان وغدر
لو اكول مات وانتهه
اسامح لو احقد
ادعي الك لو انعل
ماعشت بحيره وياك ليش عفتني بالف حيره بعدك
الي حجه عنه خالد مااعرفه اكيد مو انت
اشيل صوره صوره واحجي
ذبيتهن بالكاع ونمت فوكاهن ابجي
مواسماعيل مواسماعيل
الي يطلع منه هذا
وهيه وهيه شنو امنت عقابها وهيه وين
ناخذ ثار منها لو نكول مايستحق الثار
لاناخذ بس ناخذ الثار لروحنه اي اخذ الثار منه لروحي العزيزه الي احتركت بنارهم
بس اله لا حته وان كانت هيه السبب شلون طاوعته نفسه وكدر
كل مااغمض عيوني اتخيلهم كبالي واكفين ويبوسون بعض
واحس بروحي تطلع من جسمي واغرغر بغرغره موت
نزلت الفجر وابالي سؤال لازم اسئله
بعدني اريد اصعد صار خالد بوجهي نازل
هيه وين خالد شلون كل هذا صار وهيه عايشه ووين هيه
خالد: اشششششش صوتج الي سمعتيه تسديه تضميه بكلبج وتدفنيه
حلا: حط ايده ع حلكي سكتني واكف. كبالي عيونه منفوخه وحمرر
كوه يحجي ايشهنك الحجي يطلع وياه حسره
عافني ده ينزل لزمته من ايده
كولي وينها رجع رجوع جرني للمطبخ
خالد: لاتندميني اني حجيت الج
حلا: بس فهمني وينها
خالد: يجي يوم والكاها
حلا: ليش هيه وين
خالد: حلا حلا لموضوع ينسد اذا ماتهمج امي لخاطر بناتج سكتي هاا لخاطر بناتج
منو ياخذهن اذا نفضحت هل سالفه مجبورين نسكت ونتحمل حته الي انحبهم اكثر من ارواحنه يضلون بخير
حلا: والله اسكت بس كولي هيه وين
خالد: مادري لاتضغطين عليه اكثر كل ليله انصب تعاليك لروحي واجلد نفسي جلد. واول مايطلع لصبح اكوم واشد حيلي حته اكدر اتحمل
اكتفيت اليوم من جلد نفسي صار وقت اصلب طولي واشوف امي
عوفيني صالب روحي اترجاج يكفيني جلد الليله
حلا: خالد
لزم. ايدي اثنينهن بين ايده
خالد: ابوس ايدج خليني. واكف. ع طولي لاتطلع امي وانهار بينكم
………… .يتبع