Bagong Normal
#covid19SpokenPoetry
Ang piyesang ito ay iniaalay ko
Sa buong mundo at sa lahat ng Pilipino
Na nakararanas ngayon ng isang hagupit. Isang hagupit ng isang delubyo.
Tanda mo pa ba aking kaibigan...
Ang mga panahon.. Mga panahon na tayo ay malaya?
Malayang tumakbo at maglakad sa kalsada.
Malaya.. Malaya na walang kinatatakutan at masaya?
Hindi ka ba nangungulila?
Sa paaralan at sa mga kaibigan mong malakas ang bunganga?
Mga libreng pagkain mula sa jowa?
Ngunit sa sarili mo'y natanong mo na ba?
Handa ka na ba?
Handa ka na bang suungin ang BAGONG NORMAL na tinatawag ng madla?
Isang sakit na hindi inaasahan
Biglang tumama sa ating bayan
Wuhan China ang pinagmulan
Isang sakit na labis na kinatatakutan
Ang tanong kailan nga ba ito malulunasan?
Kailan kaya darating bakunang inaasahan
Aabutin pa kaya ng ilang taon bago matuklasan?
Ngunit kung ating iisipin ng masinsinan
Hindi lamang ang COVID-19 ang ating matinding kalaban.
Nariyan ang kagutuman at kahiraoan
Isali mo pa ang online class at dayaan.
Mga problema.... Mga problema na halos araw-araw nating nararanasan.
Na kahit anong gawin ay hindi mapigilan...
Kapwa ko kabataan...
Kaya pa ba ng ating isipan?
O puno na ba ng katangunan?
Parang isang ibon na sabik at uhaw sa kalayaan..
Mental health pa ba ay napapangalagaan?
Heto na ba ang bagong Normal..
Isang bagong normal na binabaon ang nakasanayan..
Oo... Kailangan ng ating mundo ang pagbabago
Ngunit hindi sa paraang ganito
Telang nakatakip sa bibig na tila ba kadenang di puwedeng maaalis
Bawal magyakapan.. Bawal magkamayan..
Dalawang metro ang pagitan
Distinasyong gustong puntahan
Kailangan ng travel pass upang ika'y payagan
Isa pa.... Dahil sa online class pag-aaral ng estudyante ay nalilimitahan..
Sa bagong sistema ilang guro ang nahihirapan
Sa mga mag-aaral dalawa lamang ang pagpipilian
Online class ba o modular
Walang nakakaalam...
Walang nakakaalam sa maaaring kahihinatnan...
De kalidad na edukasyin ba'y makakakamtan...?
Bagong normal.. Bagong normal
Heto ang buong katotohanan..
No mask no entry nakapaskil sa paaaralan, tindahan, palaruan.
Mahirap... Oo mahirap
Walang may gusto aa ganitong kalagayan..
Pero alam ko.. Sisikat din... Lilipas din ang dilim
Darating ang isang araw.
Bagong normal ating pasasalamatan..
Bagong normal na magliligtas sa sangkatauhan..
Bagong normal... Laban sa Pandemiyang kinasasangkutan....